Luns 18 de Marzo 2019

Celebración do día da poesía cunha actividade organizada por Xan Munín Neira, xefe do Departamento de Normalización Lingüística e profesor de Lingua Galega e Literatura en colaboración co Concello de Betanzos.

De 10:25 a 11:15 no salón de actos para todos os 1ºBAC

A actividade correrá a cargo do grupo Aldaolado  do que vos animamos a ver moitas das súas actuacións que se atopan grabadas en vídeo na plataforma youtube.

O equipo da Biblioteca comprácese de anunciar os gañadores do certame interclases Busca Ciencia:

1º Ciclo da ESO:    2ºA

2º Ciclo da ESO:    4ºA

Lembrar que hai un premio para toda a clase na cafetería do instituto. Os gañadores deben contactar co titor para concretar a sesión de titoría na que se disfrutará deste premio. Que aproveite!

O alumnado de 3º da ESO asistirá a unha actividade de dinamización lingüística, proposta polo Concello de Betanzos,co título "Música e lingua, repaso da nosa música contemporánea e o papel da muller nel". O evento terá lugar ás 12:00 da mañá no aula de Cultura Xulio Cuns do Edificio Liceo e estará ofrecida polo grupo galego Zenzar.

O alumnado desfrutará, en primeiro lugar, dunha vídeo-charla con membros do grupo, falando da historia do rock en galego como elemento dinamizador da lingua na nosa cultura. Dentro desta parte faráse unha pequena introspectiva do que é o papel da muller na música galega, coas ilustracións de Laura Romero, creadora do proxecto "Músicas galegas ilustradas".

A segunda parte será un concerto a cago de Zenzar.

Porque algunhas veces un máis un non é necesariamente dous. 

Propoñemos cada ano escoller un verso ou sentencia escrito pola persoa á que cada ano se lle adica a conmemoración da Letras Galegas. E vencellar dita cita a unha imaxe propia tomada polos nosos alumnos e alumnas. Isto ven sendo o Safari fotopoético das Letras Galegas que ten grande tradición xa no noso Instituto.

O resultado, non é unha simple suma. A miúdo palabra e imaxe multiplícanse para acadar que un máis un sexa infinito. 

'O galego, a miña lingua propia'

Temos unha lingua que é moi rica e é nosa. Nela pódese facer ciencia, arte, cantar, debuxar e amar. O galego é a nosa lingua propia, un idioma en que se pode facer banda deseñada, rapear, ligar ou viaxar polo mundo enteiro. O galego é a nosa lingua propia e queremos gabarnos dela, porque si, porque nos peta. E temos exemplos abondo nos que nos reflectir!!!!

Potenciar o uso asiduo do galego en todos os ámbitos da vida e afortalar a identidade lingüística da poboación moza, estes son dous dos obxectivos trabe da nova campaña de dinamización lingüística lanzada pola Deputación da Coruña, e que o 24 de maio chega ao IES Francisco Aguiar da man do divertido grupo Monoulious Dop

A presente campaña diríxese á xente nova á que quere ofrecerlle referentes atraentes para ela, por mor da súa actividade pública e que, ademais, sexan ou poidan constituírse tamén en referentes en canto ao uso da lingua e ás actitudes de compromiso cara a ela. Un proxecto ambicioso e ilusionante e que lle trasladará á mocidade o positivo de empregar o galego, en todos os ámbitos da vida como o fan nos seus respectivos as xentes que forman parte do proxecto en primeira persoa, mais abre a participación a todo o persoal técnico, profesorado, e alumnado que participará de xeito activo, aprendendo e gozando con profesionais de ámbitos tan variados como a música, a literatura, as artes plásticas, o audiovisual, a comunicación, o mundo da moda ou a sanidade, todas elas co galego como lingua propia

'O galego, a miña lingua propia' pon en valor que temos un idioma propio, para convencer á mocidade de que o incorpore á súa vida cotiá; tamén busca reafirmar o uso da lingua en mozos e mozas que a usan só nalgúns contextos, crear demanda de falantes de galego, promover a sensibilización idiomática e en definitiva fomentar unha actitude positiva dos e das adolescentes fronte á lingua, gozando con ela de todas as actividades propostas.

Coordina e promove no noso Instituto,  O Equipo de Normalización e Dinamización Lingüística e o Departamento de Lingua e Literatura Galega

O Mércores 23 de maio ás 10,40 o alumnado de 1º da ESO participará no noso Salón de actos nun obradoiro sobre Mª Victoria Moreno.

A actividade está organizada polo Equipo de Normalización e Dinamización Lingüística que coordina o compañeiro Xan Munín. 

O xoves 26 un nutrido grupo de case 100 alumnos e alumnas de 1º BAC desprazaranse ata o Teatro Colón de A Coruña. O obxecto é  asistir á reprentación teatral da obra "Bicos con Lingua", que pon en escea Talía Teatro. Comparecerán na cidade herculina acompañados polos seus profesores Carmen Suárez, Uxía Cagiao, Xosé Manuel Montero e Xan Munín .

Bicos con Lingua é un espectáculo que nace dun forte sentimento de amor cara algo tan propio como é a nosa lingua. Non se trata en ningún momento dun exercizo de vitimismo, nada máis lonxe da nosa intención, senon de afondar  nun problema real e, certamente preocupante. Así, pretendemos que esta montaxe supoña para o espetador unha experiencia de redescubremento dunha lingua que existe e que crece na súa inmensa riqueza, a pesar dos usos e abusos aos que está sometida a cotío.

http://www.teatrocolon.es/es/evento/bicos-con-lingua-talia-teatro/

Grazas á colaboración entre o Equipo de Normalización e Dinamización Linf¡güística que coordina Xan Munín no noso instituto, e o  Servicio de Normalización Lingüïstica do Concello de Betanzos, o mércores 25 e o xoves 26 dous grupos de 3º de ESO ( 3º D e 3º C respectivamente) poderán participar nun obradoiro de poesía escrita.

A actividade estará dirixida por unha das compoñentes do colectivo Apiario, Antía Otero que deste xeito explica a súa proposta para o noso alumnado:

Ante a grande barreira que soe provocar tratar a poesía co alumnado, este obradoiro busca desmitificar multitude de tópicos que xorden neste xénero.

Afrontando a sesión dende o sensorial e o interdisciplinar, a través do debate colectivo ao redor das nosas experiencias, do emprego da propia voz para escoitar as palabras no eco, da relación que se crean entre elas na sinestesia e noutros recursos estilísticos... achegarémonos ao misterioso xogo e á revelación que proporciona a poesía, para chegar á escrita colectiva na segunda parte do encontro.