Eventos
O próximo venres 14 de xaneiro ás 19 horas volverá ao noso instituto Xesús Fraga para falar sobre Virtudes (e misterios) cos integrantes do Club de Lectura Biblos Aguiar (e calquera outra persoa interesada).
Nesta ocasión cambiamos a calidez da sala de reunións e exposicións da Libraría Biblos polos metros cadrados do salón de actos do IES.
A pretensión é evidente: poder garantir as condicións de saúde que esixen estes momentos de pandemia.
Venres 14 de xaneiro de 2022
19 horas
Salón de Actos do IES Francisco Aguiar
15ª Semana
[3ª Sesión]
«Un libro es un pájaro con más de cien alas para volar» deixou dito Ramán Gómez de la Serna. Comezamos esta segunda semana de xaneiro ao abrigo da literatura de Agustín Fernández Paz, tan ben rodeado de liberdade na icónica ilustración de Miguelanxo Prado.
Dous son os motivos polos que o noso [ex] alumno, o historiador Ángel Arcay, leva varios días ocupando titulares de prensa:
- ) ven de presentar o libro Las 1001 recetas del Palacete de las Mendoza e
- ) acaba de obter o Premio Hume de ensaio por un estudo que, tras analizar a alta porcentaxe de embarazos fóra do matrimonio nos séculos XVIII e XIX, demostra que algunhas mulleres, desde o seu comportamento heterodoxo, souberon vivir unha sexualidade consciente, o que as convirte nunhas pioneiras do feminismo en Galicia.
O lector pode escoller (ou non) entre a compra deste receitario histórico e a lectura deste traballo de investigación sobre as mulleres “espontaneadas”, un fenómeno exclusivo da lexislación galega ao que podían acollerse mulleres solteiras ou viúvas, no caso de engravidaren, para que o alcalde aceptase a autoinculpación e expedise un salvoconducto que lles permitise non seren incomodadas por ningunha autoridade.
Parabéns, Ángel!
16ª Semana
[4ª Sesión]
Na ilustración de Marc Tolices, Julio Cortázar, autor moi ben querido por Fernández Naval, innegable lector de Julio Cortázar, de quen levou ao galego o relato La autopista del sur.
Os grupos de 1º C e D sairán o venres 28 de excursión aos Caneiros.
A Asociación Socioeducativa ASEDUC impartirá o día 28/1 unhas charlas de prevención do virus VIH ao alumnado de 1º de Bacharelato.
17ª Semana
[5ª Sesión]
Difícilmente a lectora que pintou Carl Vilhelm Holsøe terá nas súas mans historias como as escritas por Vicente Gallego e César Mallorquí.
Outras épocas, outras sensibilidades ante a crueldade do mundo.
O Día da Ilustración celébrase cada ano o 30 de xaneiro, coincidindo co día do nacemento de Castelao. Ademais de lembrar e reivindicar o papel dos profesionais da ilustración na industria cultural, cada ano é homenaxeado un ilustrador histórico galego. O protagonista deste ano é Reimundo Patiño [1936-1980].
Xaquín Marín e Reimundo Patiño son os indiscutibles pioneiros do cómic galego. Foron amigos e compañeiros de viaxe creativa. Xuntos lanzaron en 1975 Dúas viaxes, o primeiro álbum de BD galego no ético e no estético .
" O home que falaba vigliota" . Exposición do cómic de R. Patiño.
O Departamento de Tecnoloxía organiza unha actividade sobre programación "Programación con microbi", este luns día 31 de xaneiro, de 16 a 18 horas.
O vindeiro martes día 1, entre 9 e as 10:30, o alumnado da materia de Educación Plástica visitará a zona vella de Betanzos no marco do Plan Proxecta.
A charla de Juan Carlos Prados versará sobre Drogas legais: alcohol e tabaco, aos grupos de E1A, B e C.
O Departamento de Tecnoloxía organiza unha actividade sobre programación "Programación con microbi", este mércores día 2 de febreiro de 16 a 18 horas.
O 3 de febreiro remos no Salón de Actos unha charla de ADICAE (Asociación para a Defensa de Usuarios e COnsumidores) sobre a protección dos dereitos das persoas consumidoras.
En marcada nun módulo profesional do Ciclo de Xestión de vendas, asistirá tamén o alumnado de Economía de 1º de Bacharelato.
A charla ten tres obxectivos:
- Ofrecer información, axuda e orientación ao alumnado, como persoas consumidoras que son.
- Fomentar e divulgar formación sobre educación financeira e de consumo.
- Informar as persoas consumidoras sobre as redes sociais e a innovación dixital.
O alumnado de E2C e E2D recibe hoxe un obradoiro sobre cannabis e sobre drogas sintéticas (no caso de E3A/E), a cargo do psicólogo do Concello, Juan Carlos Prados.
18ª Semana
[6ª Sesión]
Non hai mostachos nin bigotes nas historias que conta Clarice Lispector nas propostas de lectura desta semana.
A charla de Juan Carlos Prados versará sobre Drogas legais: alcohol e tabaco e sobre cannabis para 2º de ESO, aos grupos de E1D, E2D, E2B.
A charla de Juan Carlos Prados versará sobre o cannabis, aos grupos de E2C, E2A e E3A.
19ª Semana
[1ª Sesión]
Mirando por enriba do ombreiro para saber cal é a escolla: Ernest Hemingway ou Roal Dahl?
