O luns 23 de xaneiro fomos o alumnado de 3º C os protagonistas dunha gran actividade realizada co Centro de Día do Burgo en colaboración co departamento de E.F e Raquel Parada. A nosa proposta foi levar aos residentes a práctica da actividade física, realizando unha sesión con beneficios saudables. Demos comezo con movementos corporais e rematamos con diferentes xogos, destacando a gran acollida dun voleibol adaptado con globos.

Finalizamos cunha entrevista que consistía na recollida de datos dos seus antepasados: xogos practicados, horas de tempo libre ... na cal trouxemos grandes anécdotas, moita aprendizaxe da diferenza entre a vida actual e a que viviron os nosos maiores “debemos reflexionar sobre estas vivenzas”. Pero tamén destacamos os sorrisos conxuntos, os cales gardamos nas nosas retinas... grazas unha vez máis por esta experiencia!!!

O luns 16 de xaneiro o alumnado de 3º B e D, dende a materia de Proxecto Competencial fomos os asistentes á visita do Centro de Día do Burgo, onde continuamos con actividades/xogos de mesa dende a visita anterior. Neste caso a nosa proposta foi “O BINGO” onde puidemos gozar dunha gran xornada. Os nosos maiores estiveron moi activos e concentrados durante a sesión.

Ademais, destacamos que os beneficios obtidos coa práctica do bingo son:

- Nivel social: axuda a aumentar a autoestima, prevén o illamento social, promove as relacións co resto de participantes/grupo e relaxarse nun momento de diversión.

- Nivel cognitivo e físico: Promove a coordinación das mans e a vista, mellora a atención, a concentración e o tempo de reacción.

Unha vez máis agradecemos a colaboración do centro co noso IES !!!

O xoves 15 de decembro 2022 o alumnado de 1º Bacharelato do grupo B, organizamos unha actividade para o “Centro de maiores do Portazgo” agradecendo ás docentes Montse e Silvia que fixeron posible a actividade. Neste caso mostramos as capacidades adquiridas dende a materia de Educación Física, o noso rol como monitores realizando práctica de actividade física, fixemos xogos con diferente material (churros de piscina, globos, pelotas...) e non podía faltar o baile coa música dos anos 50, 60 e 70 volvendo á época dos nosos maiores.

Mostrando a importancia da actividade física nas diferentes idades para a mellora da saúde tanto a nivel físico, social e psíquico.

Moitas grazas pola gran acollida e participación activa no centro!!

O luns 9 de xaneiro o alumnado de 3º ESO do grupo B, a través dunha saída coa materia de Proxecto Competencial, acercámonos ao Centro de maiores do Burgo. No cal,  realizamos un recordatorio do que era/foi o tempo de lecer dos nosos maiores “os grandes expertos da sociedade”,  relación cos  OS XOGOS DE MESA, mostrando unha dura lección de vida; un gran exemplo foi o xogo cara a cara e non mediante unha pantalla/videoxogos. Pero o mellor foron  as anécdotas que nos estiveron contando con tanta emoción.

Grazas a colaboración do centro de maiores co noso IES, así como ao profesorado implicado que fai posible estas actividades.

Último día do ano 2022 no IES, polo que o alumnado de 1º de bacharelato realizamos unha animación final para que participara toda a comunidade educativa, grazas a colaboración do Departamento de Educación Física coa dirección da nosa profesora Montse. 

En primeiro lugar mostramos unhas coreografías/bailes ao son da música, e finalmente o obxectivo foi que todos e todas nos moveramos ao son da música navideña.

E finalizamos co mítico partido de brilé entre profesorado e alumnado, onde se demostra unha vez máis que o DEPORTE une a nosa comunidade.

Pasade un bo NADAL!

 Traballo en titoría sobre a exposición de traballos sobre as sustancias nocivas de cara ao día a día.

Ao longo do primeiro trimestre o alumnado de 1º ESO realizamos unhas xornadas no CENTRO de DÍA DO BURGO (Plan de Centro Aprendizaxe - Servizo), e aproveitando a actividade na que fixemos de reporteiros,  tamén tivemos a oportunidades de promover a vida saudable ... cómo? camiñando ata o centro, promovendo os desprazamentos  activos, os cales proporcionan beneficios a nivel físico e social, ademais de económicos e ambientáis.