Skip to Content

Educación plástica

MUSEO ENCAIXADO

Xov, 2023-03-23 14:40 — cris

O alumnado de 1º de Primaria coa axuda da súa mestra Carmela creou a súa propia galería de arte coa versión de obras moi coñecidas. Todo elo elaborado con material funxible e de refugallo. 

EMPRENDER E APRENDER A TRAVÉS DA IMPRESIÓN EN 3D

Mér, 2023-03-08 17:49 — salial

Día Internacional da Muller

O alumnado de 6º de EP deseña e imprime pezas en 3D con temática do 8M. De entre todas as pezas eliximos o deseño de Benjamín e imprimímolo para agasallar á todo o alumnado e ao persoal do centro.

peza de Benja

En plástica deron forma aos seus deseños usando o programa Tinkercad, coa impresora 3D o alumnado Crea, Deseña e Imprime.

peza en 3D

 

Cartel do Entroido

Sáb, 2023-02-18 21:37 — salial

Carnaval en posters

O alumnado de 6º realizou a pancarta coa que abrían o desfile da súa comparsa, un deseño con moita cor dedicado aos m&m's con referencias á súa cor e a diversidade, ao seu sabor ao seu valor enerxético. cartel de entroido

Arco da vella de caramelo:

Os emanems son un material perfecto para facer un vistoso experimento de solubilidade e difusión e experimentar coa cor.

experimento 

TALLER DE DISFRACES

Sáb, 2023-02-18 16:02 — salial

Taller Creativo de Entroido con temática de Cociña

Esta actividade está encadrada no Proxecto sobre Cociña que desenvolvemos durante o curso. O alumnado recortou plantillas, seguíu patróns, pegou pezas, pintou e coseu para elaborar os seus disfraces e complementos de Carnaval.

entroido vistahermosa

Os disfraces estaban todos relacionados co  PDI "A Cociñar" Os disfraces escollidos en cada clase foron:
-En Educación Infantil e 1º de EP: Cociñeiras/os e Chefs
 Elaboraron os gorros, nun taller de recortado.
- Os de 2º de EP ían de Ovos fritidos con patacas e Ketchup
Entregouselle unha plantilla a cada nena/o para o ovo, patacas e ketchup e eles recortaron cada elemento. Os mestres pegaron con silicona todos os alimentos nun chaleco tamén feito de goma eva.
pegado silicona    disfrace montado  
-En 3º EP desfilaron os polbos coa "Pulpeira de Arcos" 
Con diferentes formas de globos para a cabeza, ollos e tentáculos. Os rapaces e rapazas pintaron nos globos os ollos e as ventosas. Non faltaban as pulpeiras do Carballiño e o pote móbil.
pulpos
- Os de 4º  ían de camareiras e camareiros.
Levaban nas súas bandexas diferentes consumicións: copas, bebidas, pratos...
- Os de 5º ían de menú do Restaurante McDonald's.
Con material de reciclaxe elaboraron disfraces de caixa de Happy Meals e distintos menús: pizzas, hamburguesas, patacas...
- Os de 6º eran m&m's, as chuches máis diversas
Debuxaron e recortaron en goma eva: o logo dos emanems, os ollos, a boca e as cellas con diferentes expresións. Coseron estas pezas nas camisetas, dándolles unha segunda vida á prenda (upcycling. Tamén elaboraron vistosas pancartas para abrir o desfile.
cosido disfrace cosendo disfrace
 
   disfrace
 

PLANTANDO ÁRBORES CON PINCEIS

Xov, 2023-02-09 17:07 — cris

Onte as nenas e nenos de Primaria participaron na actividade "Plantando árbores con pinceis". Trátase dun proxecto escolar pola sostenbilidade que une cultura e coidado do medioambiente a través da realización de un Mural Artístico, colaborativo e ecolóxico con pinturas fotocatalíticas anticontaminación, que absorben o CO2 do ambiente. Unha iniciativa que ten como obxectivo transmittir a mensaxe positiva sobre o coidado do entorno.

Previamente o alumnado de 4º, 5º e 6º elaborou as súas propostas para pintar o muro seguindo a temática. A partir desas ideas o artista fixo o seu boceto que plasmou na parede do patio ca axuda das nenas e nenos.

Por outra banda o alumnado de 1º,2º e 3º tamén reflectiu a súa idea en bolsas de tea reutilizables que levaron para casa.

 Actividade de Afundación

 

Contaxiando a Paz

Se puideras describir a PAZ nunha palabra, cal sería?

A PAZ É:

Alegría, Amizade, Axudar, Compartir, Coidar a Natureza, Perdoar, Quererse, Regalar, Respectar, Saudar, Ser un mesmo, Sorrir, Traballar, Xogar moito, ... Facer un Mundo Mellor.

Que é a paz

Mural realizado polo alumnado de 3º de EP.

cartel paz

DÍA DA PAZ 2023

Lun, 2023-01-30 19:54 — cris

Hoxe foi unha xornada chea de mensaxes de paz, pero as nosas nenas e nenos xa levan días preparando todo o necesario para esta conmemoración.

Unha morea de actividades coordinadas dende as diferentes áreas, etapas e a Biblioteca:

- Educación Infantil traballou e disfrutou co conto e canción de "A mellor sopa do mundo".

- As nenas e nenos de 1º fixeron as súas rimas con "A paz sábenos...", seguindo o conto "Ring Ring, ¿quién rima?"

http://asombradoerbedo.blogspot.com/2023/01/receitas-de-paz.html?m=1

- Contacontos de Anxo Moure para Educación Infantil, 1º,2º,3º e 4º.

- Elaboración e decoración de paraugas con cintas cheas de mensaxes de paz.

- Preparación de diferentes bailes: "Terra", "Que sorte de terte", "Madre Tierra", "Eu teño alguén"...

Novembro, mes da ciencia

Sáb, 2022-12-03 21:36 — salial
O  "Recuncho científico" creado na biblioteca ofrece unha selección de libros con experimentos, contos sobre ciencia, xogos de enxeño, preguntas e respostas curiosas. Algúns dos experimentos realizados transpasaron a porta das aulas e compartíronse con outras clases.
Estas son unha mostra dalgunhas actividades científicas realizadas neste mes:
 
- Actividades científicas coa luz, a cor, o son, os sensores de ultrasóns e no laboratorio.
nov mes da ciencia
 
- Que pasa cando metemos uvas pasas en gaseosa?
- Que pasa cando metemos un ovo ou un óso de polo en vinagre?
- Globo explosivo (Con ácido de laranxa).
- Lámpada de lava (Con auga, aceite e pastillas efervescentes).
- Microscopio para buscar números (Recipiente transparente, plantilla de números e un vaso de cristal). 
- Area cinética - Area da lúa (Fariña, aceite de bebé e purpurina).

Taller de costura, patronaxe e moda

Dom, 2022-11-27 13:01 — salial

camisetas conmemorativas 25N

#25N Deseña a túa camiseta

O alumnado de 6º, por equipos de 2/ 3 alumnas/os, deseñaron unha camiseta conmemorativa do 25N,  Día Internacional para a Eliminación da Violencia contra a Muller.

Acordaron un modelo de prenda, tendo en conta se é simétrica ou asimétrica, con mangas sen mangas. Respectando as medidas, escote, sisa, longo, mangas...

As camisetas debían lucir unha palabra significativa en relación a este día, debuxada e recortada con  papel de periódico. 

E crear un  ACRÓSTICO coas letras da palabra escollida.

 

MENÚ DE SAMAÍN

Xov, 2022-10-27 18:20 — salial

Invitación para degustar o noso menú especial do samaín

O alumnado de 6º fixo cadanseu cartel de Samaín relacionado co Proxecto Documental Integrado do centro  A Cociñar! 

Con todos os debuxos montamos un gran collage (fai clic na imaxe)

menú de samaín

"ESCRIBIR A BIBLIOTECA ESCOLAR" A biblioteca escolar ofrece oportunidades de recursos para escribir e escribirnos: Arte que comunica, "alimenta" e arrepía :-#

Distribuir contido


by Dr. Radut