Saídas

Xa temos as primeiras imaxes da excursión de fin de curso de 6º de primaria no Grove. E, polo que podemos comprobar, estano a pasar de marabilla!

- Galería de fotos.

O alumnado de 4º de primaria participou onte, 20 de abril, no pavillón Coto Ferreiro, nunha xornada de bádminton organizada pola Agrupación Deportiva Escola da Estrada, dentro do Proxecto de Vida Activa e Deportiva (PVDA).

O alumnado de 5º de primaria colaborou na organización e arbitraxe do evento.

En total participaron uns 180 nenos e nenas de diferentes colexios do municipio, que utilizaron sete pistas de xogo. 

Ademais, agasalláronos con cadansúa camiseta de recordo deste animada mañá, na que o pasaron fenomenal.

- Galerías de fotos.

Onte, 12 de abril, o alumnado de infantil e de 1º, 2º e 3º de primaria viaxou a Santiago de Compostela para asistir no auditorio Abanca ao espectáculo de Caramuxo Teatro Feo!, inspirado en O patiño feo de Hans Christian Andersen.

Unha pequena fábrica de parrulos de goma  produce todos os días centos e centos de parrulos do mesmo tamaño e cor, pero un día sae un diferente... Ao final, démonos conta de que todos os patiños de todas as cores son bonitos e válidos.

Feo! é un canto á diversidade e á esencia de un mesmo, unha comedia para toda a familia. Tamén obtivo o Premio María Casares 2017 ao mellor espectáculo infantil.

Despois do teatro, tocou merendar na praza de Mazarelos e xogar na alameda de Santiago.

Mirase as fotos nas Galerías.

- FARO DE VIGO.

- VOZ DE GALICIA.

O mércores 15 de febreiro o noso alumnado trasladouse ao CPI San Vicente da Baña para amosar os Atranques dos Xenerais da Ulla, personaxes típicos do entroido da nosa zona. 

A cambio nós degustamos e axudamos na elaboración das súas famosísimas filloas da pedra. 

A intención era intercambiar cultura e tradicións das diferentes comarcas.

Foi un día xenial!

Ollade nas Galerías que ben o pasaron.