O mércores 15 de febreiro o noso alumnado trasladouse ao CPI San Vicente da Baña para amosar os Atranques dos Xenerais da Ulla, personaxes típicos do entroido da nosa zona.
A cambio nós degustamos e axudamos na elaboración das súas famosísimas filloas da pedra.
A intención era intercambiar cultura e tradicións das diferentes comarcas.
Este venres, 10 de febreiro, todo o alumnado de primaria viaxou á Estrada para participar na gravación dun vídeo do Día de Rosalía organizado polo Departamento de Cultura do Concello da Estrada.
Este mércores, 8 de febreiro, o alumnado de infantil e de 1º e 2º de primaria viaxou a Soutomaior (Pontevedra) para visitar o seu castelo, dentro do proxecto do centro Os castelos.
Truquiño: Premede en YouTube para ver o vídeo en pantalla completa.
Un total de 1127 mozos/as dos centros escolares da zona, desde educación primaria ata 2º da ESO, déronse cita na mañá deste xoves 12 de xaneiro na zona deportiva da Estrada para disputar o Campionato Zonal de Campo a Través, unha iniciativa incluída dentro do programa Xogade do servizo provincial de Deportes da Xunta de Galicia.
Este evento estaba previsto inicialmente para o pasado mes de novembro, pero houbo de ser aprazado polas malas condicións climatolóxicas. Un mes despois, os centros escolares volveron ser citados, de novo para un obrigado aprazamento. Finalmente, a chuvia deu un respiro e os colexios chegados da Estrada, Cuntis, Moraña e Valga puideron disputar unha competición clasificatoria para o próximo Campionato Provincial de Campo a Través.
As carreiras resultaron exitosas para nós, xa que todos os participantes conseguiron rematar a proba sen incidencias e, ademais, acadamos dúas medallas e un diploma. Consultade aquí os resultados.
En hora boa a todo o alumnado participante.
Pasámolo moi ben!
Boa proba disto son as fotos que tedes nas Galerías. Que as gocedes!
O Teatro Principal da Estrada acolleu onte a VIII Festa das Palabras, na que se fixo entrega dos premios do Concurso de Micropoemas e Microrrelatos, no que resultaron gañadores 62 alumnos/as, entre os que se atopaban seis do noso centro.
Para conmemorar o 8 de marzo, Día da Muller Traballadora, realizamos múltiples actividades centradas en coñecer mulleres que,ao longo da historia, abriron camiño e foron exemplo en diferentes profesións e ámbitos da vida.
Con elas, realizamos unha actividade de sendeirismo, unha ruta marcada polas mulleres que ían atopando polo camiño.
Queda suspendida ata novo aviso a xornada de atletismo do proxecto XOGADE na que ía participar o alumnado de 4º e 5º de primaria o mércores 18 de marzo.
O día 1 de febreiro, no parque de Castrelos de Vigo, Sara Neira López participou representando ao noso centro na categoría benxamín feminino no campionato provincial de campo a través do programa XOGADE.
Sara Neira López e Celia Castaño Pazos clasificáronse na categoría benxamín feminino para o campionato provincial de campo a través do programa XOGADE que se celebrará o día 1 de febreiro no parque de Castrelos en Vigo.
