Complementarias

Este ano celebramos a Semana das Letras Galegas, con diversos actos que non todos se desenvolveron na mesma semana:

• Saída a Vilar de Donas: alí, en Vilar de Donas, tivemos unha xornada de convivencia. A eso das 10 da mañá todo o colexio, profesorado e alumnado, marchamos para Vilar de Donas.

Os maiores, 3º,4º,5º e 6º, foron camiñando dende o Ferradal ata Vilar de Donas, pero os mais pequenos fomos en autobús.
A parte dos xogos, da comida ao aire libre... tivemos dúas visitas moi interesantes, e dende logo encantáronnos:

• Raúl e outro compañeiro trouxeron dous cabalos preciosos, eles pertencen a unha asociación de cabaleiros, e, grazas á súa amabilidade tivemos ocasión de aprender moitas cousas dos cabalos. Algúns nenos incluso montaron a cabalo, outros non quixemos, dábanos un pouco de medo porque os cabalos estaban un pouco nerviosos pola algarabía de todos nós.

• Tamén nos visitaron os mozos e mozas da Asociación Palacio do Rei, tocaron varias pezas e nós bailamos.

•  Teatro: O grupo Metátese representou para nos unha obra na biblioteca, pasámolo mui ben, rimos moito, moitísimo.

• Os monicreques: os nenos de 6º como ven sucedendo nos últimos anos, moveron as marionetas cunha habilidade sen par, sempre baixo a vixianza do organizador, o noso mestre Suso, representaron As aventuras de Peneque o Valente

O día 23, Día do Libro, tivemos dúas actividades superinteresantes:

• A primeira hora visitounos o escritor Toño Núñez, pasámolo tope ben con él e cos seus libros. Preguntámoslle moitas cousas sobre a súa vida e os seus contos, e a verdade é que sempre nos aclarou, con moito cariño, todo o que nos lle preguntamos. Aos de 6º xa lles dixo que os esperaba o vindeiro ano, que sorte! daralles clase de Lingua Galega e co divertido que é.... supoño que as clases tamén serán moi agradables.

               Grazas Toño polo bo anaco que pasamos contigo, e sobre todo polas túas historias!! 

               Clicade na imaxe para ver outras fotos.

• E, coma todos os anos, os nosos compañeiros e compañeiras da Escola de Teatro, dirixidos por Afonso, estiveron actuando para nós, coma sempre rímonos moito, creo que o ano que ven tamén me vou apuntar a teatro de tanto que me gustou.

        Grazas Afonso!! grazas compañeiros e compañeiras!!

        Si clicades na foto veredes algo mais da preciosa actuación.

O día 3 de marzo, tivemos a visita no cole do Barco Muralla de Deputación. Foi un día verdadeiramente chuviosa e con moita néboa, de feito ás veces pola cantidade de auga parecía que estabamos no mar.

Fai xa mais de dous meses que a TVG estivo no cole gravando os nenos de INFANTIL e 1º de PRIMARIA, porque catro dos seus compañeiros e compañeiras foron protagonistas do programa E AGORA QUE?:

• Marcos Arias Arias
• David Ogando Bruzos
• Uxía Pampín Expósito
• Xoan Quintás Vázquez

E se queredes ver outra vez o programa, aquí vos deixo o enlace.

Na clínica veterinaria.

Este ano para celebrar a chegada do Nadal, os nenos e nenas de Primaria, sempre coa axuda do noso profe Suso, fixemos un mural enorme, tivemos que recortar, pegar, debuxar... pero quedounos precioso. Os de Infantil tamén fixeron o seu coas súas profes, e... que coincidencia, como o noso, tamén tiñan as árbores de Nadal como protagonistas, mirade:

Pero o día grande foi o 19. Todos os nenos e nenas do cole fomos á Casa da Cultura para celebrar O Nadal, e todos os cursos participamos no festival: bailamos, cantamos panxoliñas, fixemos representacións... estabamos un pouco nerviosos, porque todos tiñamos que actuar para o resto do cole e, claro, tamén para os papás e mamás que nos quixeron ver actuar. Pero de todas maneiras saiunos todo ben, eu diría que moi ben, porque ensaiamos moito coa nosa profe de música, Eva.

Os nenos de Infantil tamén estiveron mui ben, fixeron unha árbore preciosa con regalos, e cada vez que colocaban unha caixa pedían un desexo, estivo moi divertido. e conseguiron facer a árbore, no escenario, ata con estrela!

María de 6º interpretou ao piano Para Elisa, unha peza preciosa, e logo con Manuel, Leticia, David e Sandra (coa flauta) tocaron Jingle Bells.

Presentaron o festival Uxía e Luis de 6º e, realmente, de ben que o fixeron parecían verdadeiros profesionais.

Este ano ata os profes nos adicaron unha panxoliña!

E tamén houbo regalos:

• O concurso de postais do Concello gañarono:
• Adrián de Infantil
• Gael de 1º
• Paula de 4º
• Sandra de 6º
• O concurso de postais do cole:
• Gael de 1º
• Laurra de 2º
• Laia de 3º
• Marcos de 4º
• Rita de 5º
• Leticia de 6º

Clicade na cámara para ver un resumo do noso festival.