ARCO SUEIRO

Non somos a Feira Internacional de Arte Contemporánea de Madrid, pero os/as peques de E.Infantil xa amosan a súa inquedanza polo mundo da arte.

Na edición do ano 2022, un dos artistas convidados foi  David Maljković e a obra que máis nos gustou foi “In the corner of the eye”.

Fixémola ao noso xeito, aprendemos as cores e coas nosas mans e dedos, demos forma á nosa sculpture, e ben chula que quedou. A big e a small, long e short. E puxémola nun corner.

A arte para aprender ENGLISH!

Estades convidados/as a visitar a nosa obra de arte no cole.

A entrada é de balde!!!

Os nenos e nenas de 1º E.P. aprenderon que ENGLISH STARTS IN THE HEART.

Non hai mellor xeito de aprender que pondo agarimo en todas aquelas tarefas que nos propomos.

E na semana da alimentación, puxemos imaxinación e moito amor:

• O noso HEART foi un cachiño de watermelon.
• A NOSE outro heart máis pequeño, pero doce.
• Os EYES e a MOUTH fixémolos con chocolate.

O noso HEART estaba DELICIOUS e para lambóns!!!

FROM THE PAST TO  THE PRESENT THROUGH OURENSE

No Día Internacional das Mulleres quixemos pór en valor o traballo desenvolvido, e non sempre coñecido, de MARÍA MARTINÓN TORRES.

Unha muller nova, de éxito profesional internacional e ourensá, sérvenos para homenaxear a todas as mulleres que, coma ela, e día a día, traballan con paixón, sexa cal sexa o campo no que se moven.

Dos máis peques de E.I. ata os compañeiros/as de 6º E.P., todos puxemos o noso gran de area para renderlle esta sinxela, pero sentida homenaxe, a María Martinón Torres.

Un mural no que, tal e como indica o título,  partindo do pasado chegamos ao presente pasando por Ourense.

Foi tamén a aportación da área de inglés ao calendario do cole, sendo a folla do mes de febreiro.

Coñecimos un pouco do lugar onde traballa no CENIEH, visitando a súa web https://www.cenieh.es/en , tamén explicándolle ao Ministro de Ciencia e Investigación o traballo que desenvolven no mesmo, https://www.youtube.com/watch?v=-LGBHZID9zY&t=47s , así como o programa Arqueomanía de RTVE,  adicado a Atapuerca, titulado “Atapuerca en la trinchera”,  https://www.rtve.es/alacarta/videos/arqueomania/atapuerca-trinchera/5761227/

GRAZAS POLO TEU TRABALLO E A PAIXÓN QUE POS NEL!

Nunca foi tan divertido aprender as partes do corpo como coa actividade desenvolvida pola mestra en prácticas, Ania Rial, na clase de 1º E.P., co fin de repasar e afianzar o vocabulario da unidade sobre o BODY.

Non hai mellor xeito de traballo que a práctica, e step by step debuxamos e pintamos cadanseu “body”.

Aquí podedes ver as fotos do traballo e o vídeo coa nosa mellor actuación.

THANK YOU SO MUCH, teacher Ania!

Así xogamos ao coñecido xogo da televisión PASAPALABRA, aínda que en English, o seu nome é ALPHABETICAL.

A mestra en prácticas, Raquel Mosquera desenvolveu esta actividade na clase de 3º de E.P. co fin de repasar e afianzar o “alphabet” e o vocabulario das unidades previas.

Creou o rosco e as fichas coas que cumprimentar o “Alphabetical”

THANK YOU SO MUCH, teacher Raquel!

IT DEPENDS ON THE WEATHER

Todo depende do tempo? Parece ser que si. Na área de inglés aprendemos que o tempo varía dependendo da estación do ano. E que a roupa que levamos ten moito que ver se chove, vai sol, neva ou hai treboada.

Por eso preparamos un libro no que amosamos as prendas que levamos segundo a estación do ano e o tempo. “A weather fashion show”.

Pero non todo vai ser moda no mundo da meteoroloxía. Se queremos levar unha vida ben saudable, nada mellor que comer froita de tempada, fruit in season, que dirían os ingleses. E así loce o noso mural das estacións e as froitas de tempada.

Agradecémoslle á Melissa, a nosa auxiliar de conversa a súa colaboración neste proxecto no que o tempo manda.

A auxiliar de conversa do noso cole, Miranda Melissa, transformouse, por arte de maxia, nunha magnífica contacontos en inglés para embaucar, coa historia "Room on the broom" de Julia Donaldson, ao alumnado do centro no recanto de lectura informal da nosa biblioteca.

A protagonista do conto era unha amable bruxa que ía invitando a subir a súa fantástica escoba a todos os animais cos que se atopaba, feito que irritaba moito ao seu gato...

Todo o alumnado que participou nesta lúdica actividade quedou encantado coas aventuras desta bruxa e sobre todo coa reliquia de zapato da bruxa que Melissa nos trouxo, en primicia, ata a biblioteca.

 Preme para ver a galería de imaxes

Este curso contamos cunha nova auxiliar de conversa en inglés chamada Miranda Melissa.

Participou activamente na presentación do PDI deste curso"Mergúllate nun mar de números" ao alumnado dándolle as explicacións precisas sobre o significado da decoración da entrada da biblioteca.