Inicio

Dinamarca: o país máis feliz do mundo.

Dom, 19/05/2019 - 20:33 — admin

O curso escolar 2018/2019, a aula de 6º de Educación Primaria decidiu centrar o seu traballo anual, dentro do PDI xeral do CEIP Manuel Sueiro “Dinamarca”, na temática centrada na seguinte afirmación “Dinamarca: o pais máis feliz do mundo”.

O porqué deste traballo integrado resúmese nas seguintes liñas centradas nas súas vantaxes, tales como:

  • Máis motivación. O alumnado alcanza unhas necesidades de rango superior.
  • Os membros dun equipo de traballo teñen a oportunidade de aplicar os seus coñecementos e competencias, e ser recoñecidos por iso, mesturando fortalezas complementarias.
  • Maior compromiso mellorando o desempeño.
  • Máis ideas.
  • Máis creatividade e a aprendizaxe.
  • Mellora a comunicación e reduce a tensión.
  • Mellores resultados, aumentando a eficiencia e a produtividade.

Traballamos os seguintes obxectivos:

  • Construír confianza co alumando e coas actividades propostas por eles.
  • Establecer obxectivos comúns
  • Crear sentido de pertenza
  • Involucrar ao alumnado na toma de decisións
  • Buscar o entendemento entre partes
  • Impulsar a comunicación
  • Aproveitar a diversidade
  • Celebrar os éxitos do grupo
  • Favorecer o compromiso mutuo e a responsabilidade compartida

Ademais dos obxectivos, citados anteriormente, os cales se caracterizan polas características da metodoloxía centrada nos PDI (proxectos documentais integrados) os obxectivos que se perseguiron con este proxecto documental integrado centrados na afirmación “Dinamarca: o pais máis feliz do mundo” son os seguintes: 
Obxectivos:

  • Achegar ao alumnado a existencia de diferentes culturas e os seus trazos característicos.
  • Fomentar a interculturalidade,
  • Desenvolver a imaxinación mediante a literatura infantil.
  • Fomentar o gusto pola lectura.
  • A implementación dos contidos relacionados co Patrimonio Cultural na cultura danesa.
  • A mellora do material didáctico relacionado coa capacitación do alumnado en materia da cultura danesa.
  • O fomento da formación no valor social, cultural, económico e identitario dos bens culturais de Dinamarca.
  • Contidos.
  • Cultura, socialización, fogar e familia, hospitalidade, democracia, igualdade e liberdade de expresión, estilo de vida, logros culturais e política cultural. 
  • Análise crítica dun texto, conto, libros,... uso das tics, uso de técnicas de recompilación de datos en socioloxía (entrevistas), elaboración de resumos, selección de información relevante...
  • Sentido crítico ante valores sociais dados, relativización dos patróns culturais, apertura ante novas formas de entender a relación entre as persoas de culturas diferentes,...

Competencias clave:

  • Competencia en comunicación lingüística: a través da análise de textos e elaboración dunha disertación.
  • Competencia dixital: procura de información na internet, elaboración dunha presentación a partir da “historia de vida en Dinamarca” que é a tarefa final. Elaboración de mapas conceptuais sobre o tema usando programas informáticos axeitados
  • Competencias sociais e cívicas: na análise da orixe social das diferenzas de xénero e a valoración persoal e crítica dos valores sociais que subxacen.
  • Competencia para aprender a aprender: Aplicación do estudado na aula a situacións cotiás e á súa experiencia persoal na relación entre homes e mulleres.
  • Sentido da iniciativa e o espírito emprendedor: organización persoal do traballo, autonomía na realización das actividades e a tarefa final proposta
  • Conciencia e expresións culturais, fai referencia a capacidade do alumando para apreciar a importancia da expresión a través da expresión cultural (música, artes plásticas, escénicas e a literatura).

As actividades realizadas ao longo do curso foron as seguintes:
 
1º trimestre:

  • Día 5 de outubro: actividade grupal para celebrar o encontro coa autora Leanne Rivera.
  • Día 24 de outubro: presentación do PDI da aula de 6º de Educación Primaria que leva por título “Dinamarca: pais máis feliz do mundo”.

2º trimestre:

  • Dende o  día 16 de xaneiro ata o día 12 de marzo realizáronse os obradoiros pola igualdade, sendo este un dos principios sociais indiscutibles na sociedade danesa.
  • Día 9 de febreiro: Entroido. A garda Real Danesa.

3º trimestre:

  • Caza do tesouro sobre Dinamarca.
  • Avaliación final a través do programa didáctico “Kahoot”

Como conclusión, destacar que cando as persoas traballan en equipo, é indiscutible que se melloran os resultados. A valoración do traballo en equipo foi en aumento ata o punto de pasar, dunha estratexia de motivación e de resolución de problemas, a darlles capacidade para tomar decisións, planificar e conducir os mesmos procesos dos que son protagonistas.

Hora de ler de 2º de Ed. Primaria

Dom, 19/05/2019 - 20:20 — admin

Moitas das aprendizaxes que os nenos realizan na súa etapa escolar e que máis adiante lles axudarán a desenvolverse na sociedade como adultos conséguense a través da lecto-escritura. Este é un feito difícil de discutir, as habilidades lectoras son importantes para a consecución dunha formación integral da persoa. O valor da lectura é insubstituíble, pois a lectura estimula a imaxinación e axuda ao desenvolvemento do pensamento abstracto.

Durante este curso os alumnos de segundo curso de primaria traballaron os mitos nórdicos e festas internacionales de relevada importancia.

A hora de ler adicada a este fin foi os luns e os xoves de 12.00h. a 12.20h.

Dividimos o proceso en diferentes partes:

  • Coñecemento de si mesmo: neste primeiro momento os alumnos, en cada sesión, reflexionaron sobre o coñecemento de si mesmos e sobre o coñecemento dos demáis, para finalmente realizar unha ficha de autocoñecemento.

  • Motivámonos: neste momento, e despois de coñecerse ven debuxáronse nun momento motivador.

  • Ler: cada día, os alumnos lían unha historia referida aos deuses nórdicos e a súa forma de vida. Os alumnos ao remataren, facían un debuxo resumo.

  • Cultura e tradicións populares: ao longo do curso traballamos sobre diferentes datas de relevada importancia (o entroido, o día da muller na ciencia, o día do libro, o día da paz, o día de Rosalía, día das letras galegas, ...)

Asemade, traballamos tanto a lectura individual como a lectura colectiva, en voz alta e de xeito encadeado, de libros como relacionados co P.D.I. “Contos de Andersen”.

Fíxose un seguimento  individualizado da comprensión  lectora  e da velocidade lectora de cada un dos alumnos.

 

 






Hans Christian Andersen

Dom, 19/05/2019 - 19:47 — admin

Introdución.

O alumnado de 4º centrouse no estudo da CDU correspondente a biografías. Para o que  pescudamos na vida  e obra de Hans Christian Andersen.

O traballo comenzou cunha fotografía e descubrimos quen era a personaxe, o seu oficio, lugar de nacemento, etc. Utilizaremos libros de contos, enciclopedias, internet…

Os obxectivos previstos: coñecer a CDU de biografías, coñecer a CDU de xeografía, localizar Dinamarca en Europa, así como outros países deste continente, coñecer a vida e obra de Hans Christian Andersen foron alcanzados.

Fixemos unha entrevista ao autor. Despois de ler, comentar e afondar na biografía de Andersen o alumnado escolleu unhas preguntas e a súa resposta para facerlle.

Na aula de plástica  fixemos un gran mural con Hans Christian Andersen e as fotografías do alumnado de 4º ao seu redor, onde quedou reflectido o seu traballo.

Falamos de varios dos seus contos, xa coñecidos polo alumnado, e no Entroido o noso disfrace foi de Libro. Como non podía ser doutra maneira cada alumno levaba a portada dun conto del.

Como ampliación do estudo das biografías,  fixeron un traballo, por parellas. Biografías de mulleres cientificas que sendo descoñecidas ou casi, aportaron ou seguen aportando coñecementos e inventos, as vidas de todos nós. Utilizamos o libro Las Chicas son de Ciencias da editorial Montena:  Mileva Maric, Patricia Bath, Stefanie Kwolek, Inge Lehmam, Beulah Louise Henry.

Estos traballos foron expostos na aula e a cada alumno/a  chamoulle a atención unha personaxe  distinta.

Hora de ler de 4º de Ed. Primaria

Dom, 19/05/2019 - 19:40 — admin

Neste curso traballamos  en galego a  alimentación saudable e a obesidade infantil con "Gordiño recheo" (Fina Casalderrey) da editorial  SM.

  • Fixemos lectura en voz alta coidando o ritmo e a entoación adecuada.
  • Realizamos  unha lectura comprensiva, sendo capaces de deducir a mensaxe do texto.
  • O alumnado realizou debuxos dos distintos capitulos que estiveron na aula no espazo adicado a HORA DE LER.

En castelán, traballamos o libro de Anna Manso "El último violín" da editorial Anaya.

  • Ampliamos o vocabulario (lutier; alzheimer, demencia senil, parkinson) con
  • Enfermidades estas que parte do alumnado descoñecía e tomaron conciencia da axuda que necesitan as persoas que as padecen.
  • Como complemento, ao oficio do pai do protagonista, comentáronse os oficios e traballos realizados polos seus pais e nais e o que lles gustaría ser a eles/as de maiores.
  • Na area de plástica construiron uns violíns e tivemos a sorte de que unha alumna do noso centro nos interpretara un tema de Beethoven para rematar o traballo.

A poesía chogounos da man de  Paco Velázquez con "Rebelión en la escuela" libro de poemas adicado a obxectos e  material de aula, onde foron quen de engadir algúns versos.

O emprego das Tic ven da man de Chocolata (Marisa Núñez) ed. OQO que estamos desenvolvendo neste momento.
Tamén temos pendente de ler "El Lazarillo contado a los niños" (Rosa Navarro) ed. Edebé.

A HORA DE LER é un tempo que gusta a todo o alumnado independientemente da velocidade lectora, a maior ou menor capacidade de comprension lectora, e polo xeral as actividades que se propoñen teñen moi boa aceptación na aula.

La Sirenita

Dom, 19/05/2019 - 19:08 — admin

O alumnado de 4º, 5º e 6º de Ed. Infantil traballou sobre o conto de "La Sirenita" no seu PDI.

Partiron do conto Hans Christian Andersen, para motivalos no traballo a realizar.

Resumimos a continuación as actividades realizadas ao longo do curso:

  • Lemos o conto na clase adaptándoo os distintas idades pois na mesma aula están escolarizados nenos e nenas de cuarto, quinto e sexto de Educación  Infantil.
  • Coñeceron as súas personaxes , describíronas e os maiores axudaron os  mais pequenos tanto para contar o conto como para describir as distintas personaxes.
  • Debuxaron as personaxes principais os de cuarto de educación infantil pintáronnos e a medida que avanzou o curso tamén as debuxaron .
  • Utilizamos tamén o libro “Fauna e flora Mariña” para coñecer onde vivía a Sereiña, os distintos peixes , aprenderon os seus nomes en galego e debuxáronnos. Os máis pequenos pintaron os máis coñecidos e sinxelos.
  • Proxectamos na  aula imaxes do autor e do país onde naceu “Dinamarca” coñecendo algúns aspectos de ambos. Os nenos e nenas de sexto de educación infantil tamén situaron e pintaron Dinamarca nun mapa de Europa.
  • Os maiores da clase leron e escribiron os nomes das personaxes do conto e dos peixes que coñecemos a través do conto “Fauna e flora mariña” .
  • Presentaron o seu proxecto a principio de curso, o dia das bibliotecas, cos demais nenos e nenas do Colexio cun baile que ensaiamos na aula da película “La sirenita” de Disney.
  • Recortaron unha careta da personaxe” Sebastián” e unha diadema de flores para a  presentación do proxecto.
  • Axudaron a recortar  algunhas pezas para o disfrace do Entroido do colexio as nenas de
  • “Sirenita” e os nenos de rei “Tritón”.

 

Hora de ler Ed. Infantil

Dom, 19/05/2019 - 18:54 — admin

A Hora de ler funcionou ao longo de todo o curso 2018/19, na aula de Ed. Infantil, coma no resto dos cursos do cole.

Con esta actividade alcanzamos, entre outros, os seguintes obxectivos:

  • Estimular o interés pola lectura.
  • Favorecer o desenrolo da creatividades, atención e linguaxe.

As principais actividades realizadas foron as seguintes:

  • Comezamos lendo o conto deixando cos nenos e nenas vexan as ilustracións e
  • comenten aspectos relacionados co conto.
  • Imaxinamos como é o protagonista e outras personaxes do conto e o expresen cas
  • súas palabras.
  • Os mais pequenos axúdanlle as veces os maiores pois este ano están os tres niveis
  • de infantil na mesma aula.
  • Inventan títulos e finais distintos para o mesmo conto.
  • Todo isto facémolo na alfombra da clase e despois cada un vai o seu sitio e aquí debuxan ou pintan ( os mais pequenos ) algo relacionado co conto.
  • Traballamos especialmente o conto  “O casamento do piollo e a pulga” para representalo no colexio o día das letras galegas.
  • Pintaron e recortaron cada un a súa careta da personaxe que lle tocou representar do conto. Ensaiámolo na aula e tamén na biblioteca do Colexio para representalo como xa mencionei anteriormente o día das letras Galegas.
  • Memorizaron poesías para conmemorar o día da poesía , o día do libro, o comezo
  • do outono a primavera.

O máis complicado deste curso foi as veces escoller os contos para que  lles gustasen a nenos e nenas de tres idades diferentes.

Hora de ler. Curso 2018/2019

Dom, 19/05/2019 - 18:44 — admin

Este curso, continuamos realizando a Hora de ler todo o alumnado do centro ao mesmo tempo, nunha sesión estipulada no horario escolar lectivo, entre as 12:00 horas e as 12:20 horas, tocando o trimbre do colexio ao inicio e ao final da mesma.

Parte das actividades realizadas ao longo do curso 2018/2019, na Hora de Ler, pódense ver na seguinte ligazón:

Premendo nas seguintes imaxes podemos ver un resumo das actividades realizadas por cada curso:

4º, 5º e 6º de Ed. Infantil. 1º de Ed. Primaria.
2º de Ed. Primaria. 3º de Ed. Primaria.
4º de Ed. Primaria. 5º de Ed. Primaria.
6º de Ed. Primaria.  
 


 

Hora de ler de 1º de Ed. Primaria

Dom, 19/05/2019 - 18:29 — admin

Na Hora de ler traballamos cunha metodoloxía participativa. Realizamos as seguintes actividades:

  • Realizamos todos os días de 12:00 a 12:20 a Hora de ler dedicando este tempo á lectura como lecer
  • Traballamos as normas da biblioteca e do uso do servizo de préstamo de libros.
  • Cada semana, o alumnado ía a biblioteca escolar para a realización dos empréstitos. Una vez remata a lectura cumprimentan a súa ficha bibliográfica.
  • Utilizáronse as mochilas viaxeiras ao longo do curso, elixindo dous libros ,un en castelán, outro en galego , una  revista e un caderno.
  • Fixemos lecturas colectivas e individuais de varios contos entre os que destacamos o “Parruliño feo”.
  • Realizamos comprensións lectoras sobre estas lecturas.

Consideramos que o tempo destinado á Hora de ler é imprescindible para fomentar e favorecer boas prácticas lectoras no noso alumando.

Pasaxeiros con destino Dinamarca... última chamada!!

Dom, 19/05/2019 - 18:00 — admin

Durante este curso, 2018-2019, o Sueiriño VIII impregnou con tintes nórdicos todos os recantos e actividades do noso cole, co proxecto documenal integrado titulado:"Pasaxeiros con destino Dinamarca...última chamada!!".

Seguindo as directrices marcadas pola Asesoría de bibliotecas para este curso, e continuando coa mesma metodoloxía que en anos anteriores, decidimos dedicar o noso PDI a Dinamarca.

A nosa proposta presentou un proxecto cooperativo de todo o centro, que partindo da biblioteca, implicou ao alumnado por área, curso, etapa, a todos os membros do claustro, e involucrou a membros da comunidade educativa.

O traballo realizado por cada curso foi o seguinte:

4º, 5º e 6º de Ed. Infantil. 1º de Ed. Primaria.
2º de Ed. Primaria. 3º de Ed. Primaria.
4º de Ed. Primaria. 5º de Ed. Primaria.
6º de Ed. Primaria. Área de Relixión.
Língua inglesa. Seccións bilingües.
Aula de apoio. Aula de Ed. Física.


 

"Papá bolecha doa sangue"

Ven, 17/05/2019 - 17:13 — admin

A axencia ADOS de doazón de órganos e sangue realizou no noso centro unha campaña de difusión da súa labor coa entrega ao alumnado do libro dos bolechas “Papá bolecha doa sangue” para que o alumnado traballase a súa lectura na casa coa súa familia.