Skip to Content

Portal Educación Xunta

Distribuir contido
Actualizado: hace 5 horas 34 min

O Simposio Carlos Casares repasa a figura, a vida e a obra do ourensán homenaxeado polas Letras

Mar, 21/11/2017 - 19:57
Idioma Gallego Resumo:  O secretario xeral de Política Lingüística inaugurou hoxe á tarde na sede da Real Academia Galega este encontro que organiza a institución co apoio da Consellería de Cultura

O Simposio Carlos Casares -organizado pola Real Academia Galega (RAG) co apoio da Consellería de Cultura e Educación- repasará durante tres días, ata o xoves 23 de novembro, na sede da RAG e da man de 16 especialistas, a figura, a vida e a obra do autor ourensán homenaxeado polas Letras Galegas 2017.

“Rematamos un ano dedicado a Casares, que serviu para que os galegos e as galegas descubrísemos outras facetas non menos importantes do escritor, autor de narrativa para adultos, de literatura infantil e poeta; xornalista; político; cargo institucional; editor e conversador; apaixonado pola ciencia e polas tecnoloxías da información”, recordou o secretario xeral de Política Lingüística, Valentín García, na inauguración do encontro.

“Doce meses nos que lembramos o home curioso, culto, ao que nada do universo humano contemporáneo lle foi alleo; un auténtico intelectual que viviu con interese os cambios que se produciron ao seu redor, que opinou sobre eles, e que, por ter o don da palabra, o fixo cunha amenidade e cunha graza memorables”, ameceu o responsable de Política Lingüística, quen cualificou o encontro como un magnífico colofón a un ano de discursos, traballos e reflexións sobre unha das figuras máis ricas e complexas que deron as nosas letras.

Canda el, participaron na inauguración o presidente da RAG, Víctor F Freixanes; o administrador da Fundación Carlos Casares e fillo do autor, Håkan Casares; e Arcadio López-Casanova, encargado da conferencia de apertura.

O programa do simposio, que abriu a conferencia “Carlos Casares en Compostela: formación, compromiso e manifestación”, ofrece na primeira xornada a redonda “Na procura de novos lectores”, que conta coa participación de Fina Casalderrey, Manuel Forcadela, Montse Pena e Gonzalo Navaza. A cita casariana proseguirá mañá pola tarde coa conferencia “Polos buracos da memoria”, a cargo de Xavier Carro Grande, e coa mesa redonda “Casares de onte a hoxe”, na que tomarán parte Henrique Monteagudo, Marilar Aleixandre, Antón Riveiro Coello, Francisco Castro e María López Sandez. Xa o xoves, o simposio pechará a súa derradeira xornada coa mesa redonda “Articulista, ensaísta, lector”, da man de Xosé Manuel Pereiro, Álex Alonso, Ramón Loureiro e Inma López Silva, e mais a conferencia de clausura “Carlos Casares, a sedución da palabra”, a cargo de Víctor F. Freixanes.

Lingua galega Secretaría Xeral de Política Lingüística
Categorías: Novas Xunta

Alerta laranxa por refachos de vento de ata 100/km durante o 22 de novembro na provincia da Coruña e mariña de Lugo

Mar, 21/11/2017 - 16:14
Idioma Gallego

A Axencia Estatal de Meteoroloxía e Meteogalicia alertan dun fenómeno meteorolóxico adverso de nivel laranxa, dende as 9 horas en adiante (aproximadamente) do mércores 22 de novembro de 2017, por refachos de vento de ata 100km/h que afectarán as zonas de predición meteorolóxica da provincia da Coruña e da Mariña de Lugo.

Ante a devandita situación de risco, a Comisión Escolar de Alertas acordou a suspensión das actividades no exterior a partir das 9.00h das instalacións do centro escolar destas zonas afectadas, con seguimento das condicións climáticas.

Para o caso de que as circunstancias da localidade onde se atopa un centro supuxesen un risco maior, os/as directores/as poderán adoptar as decisións oportunas respecto das actividades no exterior do centro educativo ou sobre as actividades extraescolares.

A información meteorolóxica poderá ser consultada a través da páxina web do CAE 112 (www.axega112.org) .

Tema:  Alertas e avisos Ensinanza:  Ensinanzas de réxime xeral Ensinanzas de réxime especial Educación das persoas adultas Departamento:  Consellería de Cultura, Educación e Ordenación Universitaria Colectivo:  Profesorado Alumnado Familias Centros Empresas
Categorías: Novas Xunta

Educación, CIUG e universidades acordan adiantar a convocatoria extraordinaria da proba de acceso á universidade ao mes de xullo

Mar, 21/11/2017 - 15:15
Resumo:  As tres partes deciden a aplicación desta medida, de tal forma que o alumnado que no vindeiro curso 2018/19 estea matriculado en 2º bacharelato xa se verá beneficiado pola mesma Dáse así resposta a unha reivindicación das universidades nos últimos anos Para os que realicen a proba no curso 2017/18, os exames celebraranse o 12, 13 e 14 de xuño e o 12, 13 e 14 de setembro Idioma Gallego

A Consellería de Cultura, Educación e Ordenación Universitaria, a Comisión Interuniversitaria de Galicia (CIUG) e as tres universidades do Sistema Universitario de Galicia (SUG) –a través dos seus delegados reitorais na CIUG- acordaron hoxe adiantar ao mes de xullo a realización da proba extraordinaria de acceso á universidade, que ata o momento se vén realizando en setembro. Cómpre sinalar que esta posibilidade xa fora proposta pola Consellería ao Consello Galego de Universidades o pasado mes de xuño.

O cambio responde a unha reivindicación que viñan facendo as universidades nos últimos anos, non en balde estas institucións xa adiantaron as súas probas extraordinarias de setembro ao mes de xullo no marco do Plan Boloña, de tal forma que as clases se inician no mes de setembro. Neste contexto, o alumnado que superaba a proba extraordinaria de acceso á universidade no mes de setembro chegaba á facultade coas clases xa comezadas. Deste xeito, racionalízase o sistema e danse máis oportunidades aos alumnos e alumnas.

Deste xeito, para o curso 2017/18 as convocatorias manteranse en xuño e setembro, concretamente os días 12, 13 e 14 de xuño e o 12,13 e 14 de setembro. O cambio aplicarase por primeira vez ao alumnado matriculado no curso 2018/19 en 2º de bacharelato,  que está previsto que conte con unha convocatoria ordinaria de proba de acceso á universidade no mes de xuño e con outra extraordinaria no mes de xullo de 2019.

En todo caso, cómpre sinalar que esta medida afecta a arredor dun 10% do alumnado, que é o que se presenta á convocatoria. En concreto, do total dos presentados á ABAU neste ano 2017 só o 12,2% fíxoo en setembro, o que representa aproximadamente o 9% dos estudantes que superaron a proba. Se se analiza o número de estudantes que ingresaron no SUG no curso 2016/17, o 7,1% fíxoo a través da proba de setembro.

Como é lóxico, a Consellería traballará para adaptar o calendario da proba extraordinaria para o alumnado de 2º de Bacharelato ás datas previstas para a realización da proba de acceso; de tal forma que se acomoden perfectamente os calendarios do ensino non universitario e universitario. Deste xeito, o adianto a xullo da convocatoria extraordinaria das probas de acceso permitirá ao alumnado ter continuidade no estudo no último curso de bacharelato.

Así mesmo, as universidades pasarán de ter oito prazos de matrícula para o ingreso de alumnos a seis. Ademais, traballarase para que as tres universidades do SUG – xa no curso 2018/19- comecen as clases na mesma data, que se fixará na segunda semana do mes de setembro.

Outras CCAA

Con este adianto da proba extraordinaria Galicia sitúase á par de outras Comunidades Autónomas como Castela e León e Madrid, que teñen previsto mudar as datas deste exame este mesmo curso. Así mesmo, as de Asturias, Comunidade Valenciana, Extremadura, Illas Canarias, A Rioxa, Navarra e País Vasco xa tomaron esta decisión en anos académicos anteriores.

Acceso á universidade Bacharelato Universidade Consellería de Cultura, Educación e Ordenación Universitaria Secretaría Xeral de Universidades Profesorado Alumnado Familias Centros
Categorías: Novas Xunta

Centros seleccionados para o proxecto "Radio na biblio" para o curso 2017/2018

Lun, 20/11/2017 - 10:31
Idioma Gallego

Resolución da Dirección Xeral de Centros e Recursos Humanos, de 17 de novembro de 2017, pola que se dá a coñecer a relación dos 20 centros que se integran no proxecto piloto "Radio na biblio", para a introdución da radio nas bibliotecas de centros públicos integrados no Plan de mellora de bibliotecas escolares que matriculan alumnado de infantil, primaria e secundaria, para o curso 2017/2018.

Anuncio principal:  Proxecto piloto "Radio na biblio", para a introdución da radio nas bibliotecas escolares dos centros Plambe Tema:  Plan LÍA Bibliotecas escolares Ensinanza:  Ensinanzas de réxime xeral Departamento:  Dirección Xeral de Centros e Recursos Humanos Subdirección Xeral de Centros Colectivo:  Centros
Categorías: Novas Xunta

Entrada en vigor dun novo contrato centralizado de enerxía eléctrica para a Rede de Enerxía da Xunta de Galicia (REDEXGA)

Lun, 20/11/2017 - 09:52
Idioma Gallego

Xúntase a información actualizada correspondente á entrada en vigor do novo contrato centralizado de enerxía eléctrica da Rede de Enerxía da Xunta de Galicia (REDEXGA), para o coñecemento dos centros educativos adheridos a ela.

Ficheiro:  Táboa con prezos finais Actualización do contrato Tema:  Información xeral Ensinanza:  Ensinanzas de réxime xeral Ensinanzas de réxime especial Departamento:  Secretaría Xeral Técnica Colectivo:  Centros
Categorías: Novas Xunta

Currículo dos ciclos inicial e final de grao medio correspondentes aos títulos de técnico deportivo en Piragüismo de Augas Bravas, técnico deportivo en Piragüismo de Augas Tranquilas e técnico deportivo en Piragüismo Recreativo Guía en Augas Bravas

Lun, 20/11/2017 - 08:45
Idioma Gallego

Xúntase o Decreto 109/2017, do 28 de setembro, polo que se establece o currículo dos ciclos inicial e final de grao medio correspondentes aos títulos de técnico deportivo en Piragüismo de Augas Bravas, técnico deportivo en Piragüismo de Augas Tranquilas e técnico deportivo en Piragüismo Recreativo Guía en Augas Bravas.

Ficheiro:  Decreto 109/2017, do 28 de setembro (DOG) Tema:  Normativa Escolarización Ensinanza:  Ensinanzas deportivas Departamento:  Servizo de Ensinanzas de Réxime Especial Colectivo:  Profesorado Alumnado Centros
Categorías: Novas Xunta

A oralidade centra as X Xornadas de actualización docente de portugués lingua estranxeira

Ven, 17/11/2017 - 17:40
Idioma Gallego Resumo:  O secretario xeral de Política Lingüística participou esta tarde na inauguración deste encontro formativo para profesorado que se celebrará hoxe e mañá no Centro Camões de Vigo

O secretario xeral de Política Lingüística, Valentín García, participou esta tarde, no Centro Camões de Vigo, na inauguración das X Jornadas de Atualização Docente de PLE (português língua estrangeira) organizadas pola Coordenação do Ensino Português em Espanha e Andorra do Instituto Camões co apoio da Consellería de Cultura e Educación e mais da Associação de Docentes de Português na Galiza (DPG).

O secretario xeral felicitou a organización pola elección do tema, “porque as linguas son, antes ca nada, oralidade” e porque, “sendo como é o portugués un idioma doado para o estudantado que accede a el desde o galego, as diferenzas fonéticas poden constituír o maior obstáculo que teña que salvar para entender totalmente e falar con propiedade”.

Na mesa inaugural participaron, a canda o secretario xeral, Manuel Correia da Silva, vicecónsul de Portugal en Galicia; Filipa Soares, coordinadora do Ensino Portugués en España e Andorra da Embaixada de Portugal en Madrid; Carla Sofia Amado, responsable do Centro Cultural Português do Instituto Camões en Vigo, e Antía Cortizas Leira, presidenta da DPG.

Ensino da fonética e promoción da oraliade

Co título “A (pre)ocupação com o ensino da(s) fonética(s) e a promoção da oralidade em PLE/PL2 na Galiza”, hoxe e mañá estase celebrando no Centro Camões de Vigo a X edición das Jornadas de Atualização Docente de PLE.

Nesta ocasión, as xornadas perseguen, entre outros obxectivos, afondar no coñecemento da fonética do portugués europeo e do Brasil, compartir materiais didácticos e prácticas de ensino e aprendizaxe da fonética e intercambiar experiencias didácticas no ámbito do ensino da fonética do portugués. Para iso, contan coa presenza de João Veloso, profesor e coordinador do Centro de Lingüística da Universidade do Porto; Eduardo Maragoto, docente da Escola Oficial de Idiomas de Santiago de Compostela; Carla Sofia Amado, lectora de portugués na Universidade de Santiago, ademais de responsable do  Centro Cultural Português do Instituto Camões en Vigo, e Paula Isidoro, profesora de inglés e francés lingua estranxeira en diferentes países africanos e europeos.

As xornadas diríxense a profesorado de portugués como lingua estranxeira de ensino secundario e universitario, de escolas oficiais de idiomas ou de centros de linguas de Galicia e do resto de España.

Lei Paz-Andrade

O apoio da Consellería de Cultura e Educación a esta xornada formativa para profesorado de portugués lingua estranxeira inscríbese no marco das accións con que desenvolve a Lei 1/2014, do 24 de marzo, para o aproveitamento da lingua portuguesa e vínculos coa lusofonía, máis coñecida como Lei Paz-Andrade. Estas accións inclúen o Memorando de Entendemento entre a Xunta e o Instituto Camões para a adopción do portugués como lingua estranxeira de opción e avaliación curricular no sistema educativo non universitario da Comunidade Autónoma de Galicia e a conseguinte implantación e consolidación desta materia en ESO e bacharelato.

A Lei Paz-Andrade foi aprobada por unanimidade no Parlamento de Galicia a raíz dunha proposición de iniciativa lexislativa popular avalada por 17.000 sinaturas. O seu obxectivo é aproveitar a vantaxe lingüística do galego na Comunidade dos Paises de Língua Portuguesa.

Lingua galega Secretaría Xeral de Política Lingüística
Categorías: Novas Xunta

O conselleiro de Educación anuncia un investimento de 900.000 euros nunha nova ampliación do IES Laxeiro (Lalín)

Ven, 17/11/2017 - 14:35
Resumo:  Román Rodríguez visitou hoxe o centro para comprobar o resultado da primeira fase da ampliación, que supuxo un investimento de máis de 300.000 euros Na segunda fase ampliaranse outras 5 aulas e reordenarase a planta baixa Idioma Gallego

O conselleiro de Cultura, Educación e Ordenación Universitaria, Román Rodríguez, anunciou hoxe que o seu departamento xa ten redactado o proxecto básico para acometer a segunda fase da ampliación do IES Laxeiro (Lalín), unha obra á que se destinarán arredor de 900.000 euros. Deste xeito, dáse continuidade á primeira fase de ampliación do centro, unha actuación xa rematada cuxo resultado comprobou hoxe o titular do departamento educativo da Xunta de Galicia.

A Consellería investiu nesta primeira fase da ampliación máis de 300.000 euros, unha actuación a través do que se dotou a este instituto do que é  primeiro viveiro de empresa nun centro educativo da comarca do Deza; e que permitiu tamén ampliar a biblioteca e dar resposta ás necesidades dos ciclos de FP. En concreto, a obra consistiu na creación dun volume sobre a zona administrativa existente para unificar alturas e poder albergar novos espazos. Deste xeito, na planta baixa instalouse o viveiro de empresas e ampliouse a biblioteca no espazo antes asignado á sala de profesores e á sala de informática, co fin de dotala de salas independentes e maior versatilidade. En planta alta habilitouse unha sala de profesores, dúas aulas de nova creación, un aseo de profesores e dous despachos (un de dirección e outro de secretaría).

No referido á segunda fase, o previsto é crear 5 novas aulas destinadas ás ensinanzas de FP mediante a construción dun novo volume en planta alta, ademais de levar a cabo unha reordenación da planta baixa, entre outras actuacións. O obxectivo é acometer a estrutura exterior no verán do 2018 e compatibilizar a adecuación interior co curso escolar 2018/19, sempre garantindo a máxima seguridade para o alumnado.

Cómpre lembrar que o IES Laxeiro ofertou este curso o ciclo de FP Básica de Electricidade e electrónica, os ciclos de grao medio en Electromecánica de vehículos automóbiles, en Instalacións eléctricas e automáticas e en Xestión administrativa; e os ciclos de grao superior en Administración e finanzas e en Mecatrónica industrial.

Oportunidade para o emprendemento

Román Rodríguez salientou a oportunidade que este novo viveiro supón para achegar a cultura do emprendemento, fundamental nos nosos días, aos rapaces. Así mesmo, explicou que estes espazos constitúen unha ocasión única para que os estudantes e titulados en ciclos de FP poñan en marcha ideas de negocio cun asesoramento axeitado e gratuíto e nun viveiro que poden empregar como despacho de balde.

De feito, por un período de dous anos os alumnos do centro poderán desenvolver o seu proxecto de empresa, contando en todo momento co asesoramento de profesorado e doutros emprendedores. O viveiro pode ser utilizado polo alumnado do propio centro como por titulados en outros centros educativos que remataran os seus estudos en ensinanzas postobrigatorias nos últimos 4 anos.

Rede de viveiros

Con este novo espazo, a Consellería amplía a cobertura territorial da Rede de Viveiros en Centros Educativos, que agrupa un total de 26 –contando o lalinense- . Por tanto, e ademais de ser o primeiro centro educativo da comarca de Deza que contará cun viveiro de empresa, o IES Laxeiro de Lalín tamén senta as bases da nova senda de implantación destes espazos de emprendemento, máis alá das cidades e dos Centros Integrados de Formación Profesional.

En concreto, a Rede de Viveiros de Empresa en Centros Educativos compóñena, ademais do IES Laxeiro, os CIFP A Carballeira - Marcos Valcárcel (Ourense), A Farixa (Ourense), A Granxa (Ponteareas), A Xunqueira (Pontevedra), Ánxel Casal - Monte Alto (A Coruña), As Mercedes (Lugo), Compostela (Santiago), Coroso (Ribeira), Ferrolterra (Ferrol), Manuel Antonio (Vigo), Paseo das Pontes (A Coruña),  Politécnico de Lugo, Politécnico de Santiago, Porta da Auga (Ribadeo), Portovello (Ourense), Rodolfo Ucha Piñeiro (Ferrol), Someso (A Coruña), Valentín Paz Andrade (Vigo); e os IES Armando Cotarelo Valledor (Vilagarcía de Arousa), de Fene, García Barbón (Verín), Luís Seoane (Pontevedra), Montecelo (Pontevedra), Ricardo Mella (Vigo), e Universidade Laboral (Culleredo).

Construcións e melloras Ensinanzas de réxime xeral Consellería de Cultura, Educación e Ordenación Universitaria Centros
Categorías: Novas Xunta

Actualización dos anexos da Orde do 18 de outubro de 2010 pola que se establecen os centros e postos cualificados de especial dificultade

Ven, 17/11/2017 - 08:25
Idioma Gallego

Xúntase a Orde do 6 de novembro do 2017 pola que se actualizan os anexos da Orde do 18 de outubro de 2010 pola que se establecen os centros e postos cualificados de especial dificultade na Comunidade Autónoma de Galicia.

Ficheiro:  Orde do 6 de novembro do 2017 (DOG) Tema:  Xestión de centros educativos Ensinanza:  Educación infantil Educación primaria Educación das persoas adultas Departamento:  Servizo de Profesorado de Educación Infantil e Primaria Colectivo:  Profesorado Centros
Categorías: Novas Xunta

Educación destinará máis de 2,4 millóns a accións de i+D+i na Universidade de Santiago de Compostela

Xov, 16/11/2017 - 13:07
Resumo:  O conselleiro e o reitor asinaron hoxe un convenio de colaboración a través do que se despregarán diferentes actuacións para preparar a Universidade para os retos do século XXI Idioma Gallego

O conselleiro de Cultura, Educación e Ordenación Universitaria, Román Rodríguez; e o reitor da Universidade de Santiago de Compostela, Juan Viaño; asinaron hoxe un convenio de colaboración a través do que o departamento educativo do Goberno galego destinará un total de 2.455.002 euros ao desenvolvemento de accións de I+D+i na USC. Deste xeito a Xunta de Galicia reforza o seu apoio á investigación universitaria, de acordo coa aposta polo crecemento intelixente que fai o Plan estratéxico de Galicia 2015-2020.

Neste sentido o conselleiro explicou que, no contexto do novo mapa de titulacións, este convenio significa non só estimular a actividade investigadora na universidade máis antiga de Galicia, senón facelo coa vista posta xa na folla de ruta que xa esta sobre a mesa para o Sistema Universitario de Galicia no século XXI, que deberá estar definida por un “triplo e”: Eficiencia, Especialización e Excelencia. Especialización a través do apoio ao Campus da Cidadanía e do avance nos obxectivos estratéxicos do Campus Terra; e excelencia, contribuíndo a mellorar o equipamento científico da USC, a dar visibilidade ao labor dos centros de investigación que xa traballan baixo o apoio da Xunta de Galicia; así como a reforzar a área de Matemáticas.

Equipamento e divulgación

O investimento centrarase en cinco áreas. Deste xeito, a achega da Consellería servirá para cofinanciar os investimentos en infraestruturas e equipamento científico-técnico concedidos nominalmente pola Resolución do 7 de decembro de 2016, da Presidencia da Axencia Estatal de Investigación, de tal forma que o orzamento complementario que tería que achegar a USC vai ser asumido integramente pola Xunta de Galicia. Entre outros instrumentos, poderase instalar un acelerador lineal de electróns, unha plataforma bioanalítica no CIMUS, un equipo de microscopía confocal spinning disk no CIQUS, infraestruturas para grandes e medianos animais no CEBIOVET... A este fin destinaranse 1.075.002 euros.

Así mesmo, e para difundir a excelencia dos centros de investigación galegos, 30.000 euros do orzamento destinarase a programar unhas xornadas de portas abertas nos Centros Singulares de Investigación da USC, financiados de xeito competitivo polo Programa de axudas para a acreditación, estruturación e mellora de centros de investigación singulares e agrupacións estratéxicas consolidadas do Sistema universitario de Galicia

Nelas desenvolveranse experiencias e demostracións que, baixo criterios de divulgación científica, poñan en valor as actividades de I+D e os procesos de xeración de coñecemento que desenvolven en Galicia estes centros. As actuacións programaranse de xeito específico para centros educativos de primaria e secundaria e para o público en xeral, co fin de dar a coñecer á sociedade a actividade científica que se realiza na USC e aumentar a súa visibilidade e proxección social.

Reforzo da área matemática

Outra das accións que vai subvencionar o convenio será o Plan de lanzamento da Área de Matemáticas, no marco do Protocolo de colaboración entre a Consellería e a USC para o posicionamento estratéxico da área de Matemáticas asinado o 23 de setembro de 2016, ao que se destinarán 500.000 euros.

Dentro del, colaborarase na contratación durante dous anos de catro investigadores posdoutorais e durante un ano de 14 xoves investigadores, ademais de ofrecer un programa de 15 bolsas para estudantes de grao e máster; entre outras accións.

Campus da Cidadanía

Por outra banda, e no marco da estratexia de especialización de campus no Sistema Universitario de Galicia, a Consellería apoiará con 30.000 euros a través deste convenio o deseño e redacción do Plan Estratéxico para a conformación do Campus da Cidadanía.

Cómpre lembrar que, a través deste campus, a USC quere converterse en referente de excelencia no ámbito da investigación e a docencia en Ciencias Sociais e Humanidades, cun campus transdisciplinar que conxugaría disciplinas como a pedagoxía, a psicoloxía, a ciencia política, a filosofía, as ciencias da cultura, a economía, a comunicación, a historia ou a xeografía, entre outras.

Campus Terra

Así mesmo o convenio ao que hoxe deu luz verde o Consello da Xunta ten como obxectivo axudar á consolidación do Campus Terra, completando o desenvolvemento do seu plan estratéxico cunha achega de 820.000 euros. Neste marco contémplanse tres obxectivos principais, nomeadamente o mantemento das estruturas de gobernanza do Campus Terra, o desenvolvemento dos plans operativos elaborados no primeiro plan de acción e a materialización das accións estratéxicas indicadas nese mesmo plan.

Cómpre lembrar que a Consellería xa asinou un convenio en 2015 coa USC para dar soporte á primeira fase do desenvolvemento do plan estratéxico do Campus Terra, concretamente para o período 2015-2016; mentres que este novo acordo se refire ao ano 2017.

Convenio universidade Universidade Consellería de Cultura, Educación e Ordenación Universitaria Secretaría Xeral de Universidades Profesorado Alumnado
Categorías: Novas Xunta

Román Rodríguez sitúa o plurilingüismo como vía para preparar aos alumnos para os retos da sociedade global

Mér, 15/11/2017 - 12:18
Resumo:  O conselleiro anima aos centros galegos a seguir construíndo o “universo do plurilingüismo”, que na actualidade conta con tres estrelas nacidas ao abeiro da nova Estratexia galega de linguas estranxeiras: Plurinfantil, PluriFP e Pluribach Lembra que EDUlingüe 2020 permitiu por primeira vez este curso estender o modelo plurilingüe a todas as etapas, logrando acadar 83 centros en infantil, 4 en bacharelato e 12 ciclos formativos O titular do departamento educativo recoñece o esforzo do profesorado á hora de mellorar a súa formación co obxectivo de ofrecer máis oportunidades ao alumnado Idioma Gallego

O conselleiro de Cultura, Educación e Ordenación Universitaria, Román Rodríguez, definiu o modelo plurilingüe no ensino (combinar as dúas linguas cooficiais cunha estranxeira) como “moito máis que un proxecto educativo”. Significa, nas súas palabras, “dar máis oportunidades para o alumnado con independencia da súa situación social ou económica, significa preparar aos mozos e ás mozas para os retos da actual sociedade globalizada, e significa mellorar as perspectivas laborais dos, mañá, futuros profesionais”, salientou con motivo da entrega de distincións aos centros educativos que este curso ampliaron o plurilingüismo a infantil, Formación Profesional e bacharelato.

Estas distincións, con forma de estrela de diferentes cores para cada etapa, recibíronas os 83 centros que estenderon este curso 2017/18 o plurilingüismo a educación infantil (Plurinfantil), os 4 que fixeron o propio en bacharelato (Pluribach) e outros 7 que, por primeira vez, ofertan un total de 12 ciclos formativos plurilingües (PluriFP).

Tal e como lembrou o titular do departamento educativo da Xunta de Galicia, a extensión do modelo plurilingüe a todas as etapas (ata agora só estaba presente en primaria e secundaria) é unha das novidades que introduce a Estratexia galega de linguas estranxeiras, EDUlingüe 2020, presentada o pasado mes de xuño.

Empregando o símil das estrelas acreditativas, Román Rodríguez explicou que o seu departamento “hai tempo que decidiu descubrir e explotar as potencialidades do universo do plurilingüismo”. Deste xeito, cómpre resaltar que no curso 2008/09 non había ningún centro plurilingüe, mentres que hoxe xa son 322.

Así mesmo, o número de auxiliares de conversa multiplicouse por 8: pasando de 67 aos 550 actuais. Tendo en conta esta evolución en positivo, así como as novas accións enmarcadas dentro de EDUlingüe, o conselleiro animou a todos os centros a seguir construíndo este “universo do plurilingüismo”.

Compromiso e esforzo do profesorado

Neste contexto, quixo agradecer a implicación dos centros que desenvolven algunha das accións da estratexia, e sobre todo o “sobre esforzo do profesorado”, destacou, posto que se implica e que compromete no proxecto ampliando a súa propia formación, co obxectivo último de ofrecerlle máis oportunidades ao seu alumnado.

EDUlingüe 2020, en cifras

Galicia conta na actualidade cun total de 322 centros plurilingües, 40 máis con respecto ao curso 2016/17. Isto significa multiplicar por máis de 5,5 o número de centros plurilingües que había no curso 2010/11 (un total de 58).

En canto ás seccións bilingües, aumentaron en 231 ata chegar ás 4145, un 6% máis con respecto ao curso pasado. En concreto, son 110 os centros que incorporan seccións bilingües, dos que 34 o fan por primeira vez. En canto ás linguas estranxeiras das novas seccións, 223 son de inglés, 6 de francés e 2 de portugués. Se se teñen en conta os datos do curso 2008/09, no que había 720 seccións, a actual cifra supón multiplicar por case 6 este número.

No caso do profesorado, unha das medidas incluídas no Plan anual de formación do profesorado para o curso 2017/18 é o plan específico en linguas, dotado este ano de 2.500 prazas, que busca promover a certificación de nivel dos docentes.

Entre os obxectivos da estratexia EDUlingüe no horizonte 2020 está alcanzar os 500 centros plurilingües, 600 novas seccións bilingües e duplicar o número de auxiliares de conversa ata chegar aos 1000. Ademais, tamén se favorecerá a certificación de nivel do alumnado ao remate da etapa, co fin de que o 30% dos mozos e mozas que finalicen a ESO en centros plurilingües certifiquen un nivel B1, e o 30% dos de bacharelato faga o mesmo en B2. 

Plurilingüismo Ensinanzas de réxime xeral Consellería de Cultura, Educación e Ordenación Universitaria Profesorado Alumnado Familias Centros
Categorías: Novas Xunta

Tres proxectos liderados por mulleres álzanse cos V Premios Emprende Gaiás – Sixto Seco

Mar, 14/11/2017 - 19:42
Idioma Gallego Resumo:  Os proxectos gañadores nas tres categorías do certame —‘Wcube, ‘Kandoro’ e ‘Soundslikemarket’— son de autoría feminina A Cidade da Cultura acolleu o acto de entrega desta quinta edición á que asistiu o conselleiro de Cultura, Román Rodríguez; o presidente de Afundación, Miguel Ángel Escotet; e o xerente de IGAPE Nova, Guillermo Viña A entrega contou coa conferencia de Emilio Duró, coñecido asesor empresarial, e cun ‘showcase’ de tortas de Daniel Diéguez, un dos galardoados na edición pasada

O conselleiro de Cultura, Educación e Ordenación Universitaria, Román Rodríguez, presidiu hoxe a entrega dos Premios Emprende Gaiás - Sixto Seco, unha quinta edición destes galardóns na que cabe salientar que os proxectos gañadores das tres categorías están liderados por mulleres. Deste xeito, certames como o que hoxe celebrou na Cidade da Cultura a súa entrega de premios serven para dar visibilidade e o recoñecemento que merecen ás mulleres que rompen a diario teitos de cristal en cada vez máis eido e, entre eles, no emprendemento nas industrias culturais.

Esta nova edición tamén foi especial porque, por primeira vez,  os gañadores coñecéronse na mesma gala de entrega —presentada pola xornalista Belén Xestal—  e contou coa presenza do secretario xeral de Cultura, Anxo Lorenzo; da directora-xerente da Cidade da Cultura de Galicia, Ana Isabel Vázquez Reboredo; do presidente de Afundación, Miguel Ángel Escotet Álvarez; e do xerente de IGAPE Nova,  Guillermo Viña.  Para estas dúas institucións o conselleiro tivo palabras de agradecemento xa que son patrocinadora e colaboradora do certame, respectivamente.

WCube, Kandora e Soundslikemarket

Román Rodríguez foi o encargado de entregar os premios en cada unha das tres categorías. Deste xeito, o premio a Aplicacións informáticas ou proxectos culturais en Internet foi a WCube, unha plataforma on-line dedicada á intermediación en operacións de compra-venda de arte entre particulares e artistas (noveis e expertos). Ideado por Gabriela Lusquiños Santos,  este proxecto permite darlles visibilidade aos artistas locais e dispoñer de mostras artísticas organizadas respectando un mínimo de calidade artística e ofrecendo seguridade ao comprador final.  Non se trata só dunha galería senón que artista e visitantes interactúan nunha comunidade buscando desta forma un enriquecemento común.

Kandoro, un recurso didáctico para docentes e familias para lles facilitar contidos curriculares de educación infantil,  foi a proposta galardoada no apartado de Deseño, creación artística e plástica.  Esta cidade de cartón de Inés Rodríguez Sacristán promove a imaxinación dos máis pequenos, favorece o xogo compartido en familia, resulta educativa e cada un dos seus escenarios —a casa, a tenda, o centro de saúde e a oficina de correos- é  unha creación artística e plástica de carácter innovador con previsións de converterse nun proxecto viable e de futuro.

Na categoría de Xestión cultural o premio recaeu en Soundslikemarket. Tamara Rodríguez Silva presentou a concurso esta plataforma de xestión cultural que permite a posta en contacto por parte dos profesionais dos distintos ámbitos do sector musical para a produción e difusión de eventos musicais. O proxecto pretende resolver o problema das barreiras de entrada na industria da música co obxecto de facilitar a creación de proxectos culturais ao poñer ao servizo de usuarios e clientes: perfís profesionais que cubran todas as áreas implicadas na xestión destes proxectos.

A quinta edición dos premios Emprende Gaiás-Sixto Seco recibiu preto de 30 proxectos relacionados co deseño, internet e xestión cultural. A hora de avaliar as iniciativas, o xurado tivo en conta o carácter innovador e a creatividade da idea presentada; as posibilidades de se converter nun proxecto viable; a adecuación da iniciativa á modalidade presenta; a integración de perfís profesionais dos participantes; e a súa capacidade dinamizadora e o impacto na súa área de influencia.

2.000 euros e incorporación ao CEM do Gaiás

Os proxectos gañadores recibiron un premio en metálico de 2.000 euros e incorporaranse de balde durante doce meses ao espazo de coworking do Centro de Emprendemento da Cidade da Cultura, onde recibirán apoio ao longo deste ano a través dun programa de titorización personalizado con formación e asesoramento para levar a cabo o seu proxecto.

Na entrega destes premios, o conselleiro estivo acompañado por Xandra e Teresa,  familiares de Agustín Sixto Seco, o insigne galeguista que dá nome aos galardóns. Román Rodríguez celebrou que as novas xeracións de emprendedores sigan atopando inspiración na biografía “dun intelectual inquedo e activo, que impulsou proxectos tan relevantes para a cultura galega como a editorial Galaxia, a Fundación Penzol, a Casa Museo Rosalía de Castro, a Fundación Otero Pedrayo ou o Museo do Pobo Galego”.

Conferencia de Emilio Duró

Tras coñecerse os premiados, o acto estivo precedido pola conferencia de Emilio Duró que, baixo o título Non vale renderse, procurou mellorar a motivación e a mentalidade positiva dos asistentes fronte aos novos retos, facilitando novas ideas para xestionar os cambios e mellorar a vida persoal e profesional.

Emilio Duró é licenciado en Ciencias Económicas pola Universidade Autónoma de Barcelona e pola Escola Superior de Administración e Dirección de Empresas (ESADE). Máster en Administración de Empresas por ESADE e ex directivo de empresas nacionais e internacionais, desde hai máis de 30 anos, traballa como asesor, consultor e formador nas primeiras empresas do país.

Showcase de tortas

O acto rematou cun showcase de tortas, elaborada por un dos gañadores da pasada edición, Daniel Diéguez, quen se fixo co Sixto Seco con Cake Artis , que traslada ao mundo da repostería as técnicas de impresión 3D.

Con ampla experiencia profesional en ensino, deseño, ilustración, dirección artística e pastelería, Daniel Diéguez continúa, na actualidade, a dar pasos adiante na conexión da repostería creativa e a arte, tal e como demostrou coas súas creacións comestibles.

O emprendemento na Cidade da Cultura

Con esta nova edición, os Premios Gaiás Sixto Secto consolídanse como unha das liñas de programación da Cidade da Cultura destinadas a favorecer o emprendemento no eido das industrias culturais.

Neste senso, o empredemento figura, xunto coa tecnoloxía e a cultura, como un dos tres eidos nos que opera o Gaiás, cun Centro de Emprendemento no que actualmente máis de 300 persoas están impulsando proxectos innovadores. Este centro ofrece un espazo de coworking e un viveiro de empresas, ademais dunha área tecnolóxica na que compañías punteiras, como Telefónica, HP ou Vodafone, en colaboración coa Amtega, están desenvolvendo proxectos de apoio a start-up galegas.

Máis aló dos recursos dirixidos aos emprendedores con sede na Cidade da Cultura, o Gaiás desenvolve unha programación que ten por obxecto estimular o talento e crear cultura emprendedora en Galicia, con eventos como as charlas TEDxGalicia ou o Spin, o maior evento de emprendemento universitario de América Latina, que chegou a congregar na Cidade da Cultura a 3.500 persoas procedentes dun cento de universidades de España, Portugal e América Latina.

Información xeral Consellería de Cultura, Educación e Ordenación Universitaria
Categorías: Novas Xunta

Resolución definitiva da convocatoria de premio de innovación educativa “Desafíos STEM: programación, robótica e impresión 3D” para centros públicos

Mar, 14/11/2017 - 15:40
Idioma Gallego Anuncio principal:  Convocatoria de premio de innovación educativa “Desafíos STEM: programación, robótica e impresión 3D” para centros públicos

Achégase a Resolución definitiva do 14 de novembro de 2017, da Dirección Xeral de Educación, Formación Profesional e Innovación Educativa, pola que  se resolve o premio de innovación educativa “Desafíos STEM: programación, robótica e impresión 3D” para centros docentes públicos de ensino non universitario da Consellería de Cultura, Educación e Ordenación Universitaria.

Tema:  Axudas e premios
Categorías: Novas Xunta

Concurso de traslados específico entre persoal funcionario docente do corpo de mestres para cubrir prazas de xefatura do Departamento de Orientación nos colexios públicos de educación infantil e primaria e de educación primaria para o ano 2018

Mar, 14/11/2017 - 08:40
Idioma Gallego

Xúntase a Orde do 3 de novembro de 2017 pola que se convoca concurso de traslados específico entre persoal funcionario docente do corpo de mestres para cubrir prazas de xefatura do Departamento de Orientación nos colexios públicos de educación infantil e primaria, de educación primaria e de educación especial dependentes desta consellería.

  • O prazo de presentación de solicitudes e documentos será de 15 días hábiles computados a partir do día seguinte ao da publicación desta orde no Diario Oficial de Galicia.
Ficheiro:  Orde do 3 de novembro de 2017 (DOG) Servizo relacionado:  CXT Tema:  Programas e plans Concurso de traslados Ensinanza:  Educación infantil Educación primaria Departamento:  Servizo de Profesorado de Educación Infantil e Primaria Colectivo:  Profesorado Sección:  Boletín Portada de boletín
Categorías: Novas Xunta

Román Rodríguez destaca que a profesionalización e o liderado dos equipos directivos son chave na mellora do sistema educativo

Lun, 13/11/2017 - 13:23
Resumo:  O conselleiro de Educación participou nunha xornada de formación específica que congregou en Santiago a uns 300 docentes con responsabilidades de dirección en centros escolares de toda Galicia Esta sesión enmárcase dentro da estratexia da Consellería de Educación para construír un itinerario formativo axeitado, que atenta tanto á formación inicial como á formación dos equipos directivos consolidados Idioma Gallego

A formación dos equipos directivos dos centros de ensino é un dos elementos estratéxicos dentro do Plan de Formación do Profesorado deseñado pola Consellería de Cultura, Educación e Ordenación Universitaria . Precisamente para afondar en temáticas clave na función directiva, baixo o titulo “Formación Avanzada de equipos directivos”, hoxe desenvolvéronse unhas xornadas no CIFP Politécnico de Santiago que congregaron a uns 300 docentes con responsabilidades directivas de toda Galicia.

O liderado e fomento do traballo en equipo, a motivación, a xestión da información e toma de decisións, a convivencia positiva, a dirección estratéxica ou a xestión do cambio e da innovación, foron algunhas das cuestións obxecto de debate nunha xornada que contou coa presenza do conselleiro de Cultura, Educación e Ordenación Universitaria, Román Rodríguez.

Durante un encontro cos asistentes, Román Rodríguez subliñou a importancia de contar con equipos directivos ben formados, comprometidos e profesionalizados como garantía dun sistema educativo de calidade. Máis aló das tarefas de organización e xestión dun centro, o conselleiro destacou que a responsabilidade da dirección “é a dun liderado comprometido coa excelencia e coa innovación”. “Os equipos directivos sodes chave nas transformacións das estruturas educativas”, engadiu o conselleiro, que aproveitou para agradecer o esforzo e o interese amosado na súa formación permanente.

50 horas de traballo

A sesión de hoxe, de oito horas de duración, enmárcase dentro dun curso máis amplo de 50 horas de duración (31 horas de formación que se suman a outras 19 de traballo centrado no manexo de documentación e preparación das distintas sesións) que se completarán con outras tres sesións provinciais e unha sesión plenaria final.

Precisamente unha das novidades do Plan de Formación Permanente do Profesorado é a inclusión, por primeira vez neste curso, dun marco formativo específico vinculado á función directiva. Entre as actividades que se levarán a cabo ao longo deste curso ao abeiro da formación de equipos directivos, tamén está a formación continua sectorial (en función da tipoloxía de centros), a formación inicial para a función directiva e o programa de mentorado para equipos directivos.

Este programa forma parte, por tanto, da estratexia da Consellería de Educación para construír un itinerario formativo axeitado, que atenta tanto á formación inicial como á formación dos equipos directivos consolidados. O ano pasado leváronse a cabo sete actividades específicas para equipos directivos, que alcanzaron a 280 directores, incluída a formación inicial dos novos directores que este curso se estrean no cargo (168).

Xornadas Directores/as Ensinanzas de réxime xeral Consellería de Cultura, Educación e Ordenación Universitaria Profesorado Centros
Categorías: Novas Xunta


by Dr. Radut