Skip to Content

Portal Educación Xunta

Distribuir contido
Actualizado: hace 17 horas 51 min

Habilitacións profesionais e carnés profesionais. Listaxe definitiva de persoas admitidas e excluídas, datas das probas e material permitido. Convocatoria extraordinaria 2018

Lun, 15/10/2018 - 15:38
Idioma Gallego

Publicada a listaxe definitiva de persoas admitidas e excluídas da convocatoria extraordinaria 2018 de probas de carnés e habilitacións profesionais, así como as datas de celebración das probas e o material de consulta permitido para a realización da segunda parte da proba.

Tema: Información xeralEnsinanza: Formación Profesional inicialDepartamento: Dirección Xeral de Educación, Formación Profesional e Innovación EducativaSubdirección Xeral de Formación ProfesionalServizo de Xestión da Formación ProfesionalColectivo: ProfesoradoAlumnadoFamiliasCentros
Categorías: Novas Xunta

Listaxes coas puntuacións definitivas de todos as persoas solicitantes admitidas e relación provisional de persoas excluídas correspondentes ao período extraordinario das prazas de residencia nos CRDs da Coruña, Ourense e Vigo para o curso 2018/2019

Lun, 15/10/2018 - 15:30
Idioma Gallego

Resolución do 15 de outubro de 2018 da Dirección Xeral de Centros e Recursos Humanos, pola que se publican as listaxes coas puntuacións definitivas das persoas admitidas, indicando a puntuación desagregada (rendemento académico e criterios socioeconómicos) e a puntuación total por ode descendente; a relación definitiva de persoas excluídas, indicando a causa de exclusión; e a relación de persoas adxudicatarias con indicación do centro docente no que están matriculadas, e de ser o caso, a relación de suplentes, correspondentes ao período extraordinario, de acordo co previsto no artigo 33 da Orde do 24 de maio de 2017 pola que se convocan prazas de residencia nos Centros Residenciais Docentes da Coruña, Ourense e Vigo para o curso 2018/19 (DOG 109, do 8 de xuño de 2018).

  • Prazo para interpoñer recurso de alzada: 1 mes (remata o 15 de novembro de 2018) e deberá dirixirse ao respectivo Centro Residencial Docente.
Anuncio principal: Convocadas prazas de residencia nos centros residenciais docentes da Coruña, Ourense e Vigo para realizar estudos postobrigatorios non universitarios no curso 2018/2019Tema: BolsasEnsinanza: Ensinanzas de réxime xeralDepartamento: Subdirección Xeral de CentrosServizo de Xestión de Programas EducativosColectivo: AlumnadoFamiliasCentros
Categorías: Novas Xunta

Carmen Pomar aposta pola formación en valores dos docentes a prol da calidade do sistema educativo

Lun, 15/10/2018 - 13:39
Summary: A conselleira de Educación participou hoxe na Xornada de Coordinación da Rede de Formación Permanente do ProfesoradoA Consellería ultima a formación para a acreditación da función directiva, que será obrigatoria a partir do próximo cursoUn total de 21.000 mestres participaron o pasado curso nas 3.100 actividades desenvolvidas ao abeiro do Plan de formación anual Idioma Gallego

A conselleira de Educación, Universidade e Formación Profesional, Carmen Pomar, participou hoxe na Xornada de Coordinación da Rede de Formación Permanente do Profesorado, onde salientou que para avanzar nunha educación de excelencia, ademais dos coñecementos e habilidades, hai que traballar nas emocións e nos valores.

“O verdadeiro valor diferencial co que temos que contar é o talento”, subliñou a conselleira ante os membros da Rede, conformada polos especialistas en formación do profesorado dos servizos centrais da Consellería, os do Centro Autonómico de Formación e Innovación (CAFI) e os dos Centros de Formación e Recursos (CFR) da Coruña, Ferrol, Lugo, Ourense, Pontevedra e Vigo, que hoxe participan no encontro celebrado na Escola Galega de Administración Pública.

Carmen Pomar agradeceu o desempeño profesional e o compromiso dos asesores docentes por formarse co fin de adaptarse ás novas demandas dunha sociedade tecnolóxica e globalizada. “Todo o que se faga por mellorar a formación dos docentes repercute de xeito directo no alumnado e, en consecuencia, convértese nun beneficio para o conxunto da sociedade”, explicou a titular de Educación.

Novidades formativas

Así mesmo explicou que unha das novidades formativas para este ano é a posta en marcha, de xeito inminente, da formación necesaria para obter a acreditación para a función directiva, que será obrigatoria a partir do próximo curso 2019/20 para quen opten a asumir a dirección dun centro.

O obxectivo da xornada é poñer en común os pormenores dos programas educativos desenvolvidos desde a Xunta de Galicia (as estratexias Edulingüe e Edudixital, os Contratos-programa, as Escolas de Nais e Pais...) e da formación específica dos docentes que vai asociada aos mesmos.

Ademais, abordarase o novo plan específico en Formación en Igualdade (ata o de agora concibido como un módulo), que supón a oferta de máis de 3.000 prazas en accións formativas que suman máis de 1.000 horas. Este plan, xa en marcha, alíñase coas novas materias de libre configuración autonómica que se ofertan para o vindeiro curso como Coeducación para o século XXI e Sociedade Inclusiva, así como o reforzo das Escolas de Nais e Pais (Enapas).

Así mesmo ao longo do día debaterase sobre as formas para mellorar a formación dos docentes e, en xeral, os servizos prestados. Non en balde a Rede de Formación Permanente do Profesorado conta coa certificación de calidade en base á Norma UNE-EN ISO 9001:2008, o que supón que a eficacia do sistema de xestión da formación dos docentes da Consellería de Educación está recoñecida por un organismo externo con criterios de valoración obxectivos como é AENOR.

Plan anual de formación do profesorado

A Rede de Formación Permanente do Profesorado é a responsable de implantar as accións que conforman o Plan Anual de Formación do Profesorado. No curso 2017/18 realizáronse ao abeiro do mesmo un total de 3.100 actividades formativas (un 11% máis que no anterior curso) e alcanzáronse os 21.000 profesores formados, con 75.800 horas de formación (un 17% máis).

Ao igual ca nos anos anteriores, en torno ao 60% desta formación levouse a cabo nos propios centros escolares e, por temática, a liña máis demandada é a formación en Igualdade, convivencia e inclusión (multiplicouse por catro o número de docentes formados, acadando os11.500), seguida da formación en Educación dixital, TIC, Stem e E-Dixgal (coa participación de case 6.400 docentes), a Formación Profesional e a Formación en Idiomas.

FormaciónXornadasEnsinanzas de réxime xeralEnsinanzas de réxime especialConsellería de Educación, Universidade e Formación ProfesionalSubdirección Xeral de Ordenación e Innovación Educativa e Formación do ProfesoradoProfesorado
Categorías: Novas Xunta

Apertura das listas de interinidades e substitucións para impartir docencia no corpo de profesores de escolas oficiais de idiomas, especialidade de chinés (592004)

Mér, 10/10/2018 - 13:14
Idioma Gallego

Resolución do 10 de outubro de 2018, da Dirección Xeral de Centros e Recursos Humanos, pola que se convoca un procedemento para a elaboración das listas de interinidades e substitucións para impartir docencia no corpo de profesores de escolas oficiais de idiomas, especialidade de chinés (592004).

  •  O prazo para formular solicitudes é o comprendido entre o 11/10/2018 e o 18/10/2018 
File:  Resolución do 10 de outubro de 2018 Modelo de solicitude Modelo de alegación de méritosTema: Programas e plansInterinidades e substituciónsEnsinanza: Ensinanzas de idiomas de réxime especialDepartamento: Servizo de Profesorado de Ensinanzas Secundaria, de Formación Profesional e de Réxime EspecialColectivo: ProfesoradoSección: BoletínPortada de boletín
Categorías: Novas Xunta

Resolución provisional da convocatoria de premio de innovación educativa “Desafíos STEM: programación, robótica e impresión 3D” para centros públicos

Mér, 10/10/2018 - 10:21
Idioma GallegoAnuncio principal: Convocatoria de premio de innovación educativa “Desafíos STEM: programación, robótica e impresión 3D” para centros públicos

Resolución provisional do 3 de outubro de 2018, da Dirección Xeral de Educacción, Formación Profesional e Innovación Educativa, pola que se resolve o premio de innovación educativa "Desafíos STEM: programación, robótica e impresión 3D" para centros docentes públicos de ensino non universitario da Consellería de Cultura, Educación e Ordenación Universitaria.

  • Ábrese un prazo de 5 hábiles para realizar reclamacións ou renuncias
Tema: Premios autonómicosEnsinanza: Educación secundaria obrigatoriaBacharelatoDepartamento: Servizo de Ordenación, Innovación e Orientación EducativaColectivo: AlumnadoCentrosSección: BoletínPortada de boletínInnovación
Categorías: Novas Xunta

Carmen Pomar salienta o talento e o liderado como valores diferenciais

Lun, 08/10/2018 - 16:55
Idioma GallegoSummary: A conselleira participou hoxe en Vigo no encontro Educación e empresa, organizado polo Círculo de Empresarios de GaliciaInsistiu na relevancia do sistema educativo na preparación de nenas e nenos para vivir en sociedade

A conselleira de Educación, Universidade e Formación Profesional, Carmen Pomar, participou hoxe en Vigo no encontro Educación e empresa organizado polo Círculo de Empresarios de Galicia. Na súa intervención, Pomar salientou o talento e o liderado como valores diferenciais e insistiu na relevancia do sistema educativo para a súa consecución. "A educación é clave" e nela "a excelencia debe ser sempre o obxectivo", coa atención á diferenza como requisito básico, afirmou.

Carmen Pomar definiuse como unha "firme defensora" de que son "as persoas as que marcan a diferenza" e sinalou a educación como "a mellor ferramenta" para descubrir as fortalezas a prol da sociedade. Para a conselleira, "non é posible educar sen educar nas emocións e en valores" e insistiu en que cómpre preparar os nenos e nenas para convivir, nun contorno no que as economías competitivas se basean na ciencia e na tecnoloxía.

Sistema xusto e integrador

Así, destacou o carácter "xusto e integrador" do sistema educativo galego, ademais da súa vinculación ás necesidades da poboación e dos sectores produtivos". Nesta liña, Carmen Pomar referiuse aos constantes avances na adaptación á demanda empresarial tanto na Formación Profesional coma no ensino universitario.

"Hoxe a FP galega é un referente en todo o Estado", afirmou, ao tratarse dunha "ensinanza moderna, dinámica, innovadora, adaptada á realidade socio-económica, fonte de emprendemento e porta aberta ao emprego".

Formación en sectores estratéxicos

A conselleira sinalou a FP Dual como exemplo do esforzo que se está a facer nesta modalidade de ensino orientada á empregabilidade. Desenvolvida co apoio de máis de 200 empresas, a FP Dual consegue a inserción laboral estable de nove de cada dez alumnos en sectores estratéxicos para a economía galega, como a automoción, as novas tecnoloxías, o turismo ou a pesca, entre outros.

Para a conselleira, en Vigo a Formación Profesional "xoga un papel fundamental como catalizadora das demandas do tecido socioprodutivo local, líder na economía galega". Ante esta realidade, a Xunta expresou o seu compromiso a través do proxecto pioneiro Campus FP de Vigo. O que será o primeiro campus especializado en Formación Profesional do Estado permitirá formar capital humano altamente cualificado á vez que fortalecerá o emprendemento.

Ademais, cómpre sinalar que a Consellería ten en marcha diversos programas orientados a estimular o espírito emprendedor entre o alumnado non universitario no marco do programa Eduemprende, no que colaboran diferentes asociacións empresariais, como o Círculo de Empresarios de Galicia.

Adiantándose ao futuro

A titular de Educación abordou tamén a importancia do ensino universitario na consecución dunha economía de alto valor engadido. "Xa se está a traballar no futuro", afirmou, ao referirse ao Proxecto de elaboración de Galicia 2030: perfís profesionais de futuro e novas titulacións e especialidades universitarias.

Trátase dun documento impulsado pola Consellería que permitirá dispoñer dun Catálogo de profesións de futuro e unha proposta de novas titulacións e especialidades adaptadas a el antes de 2020. A Fundación Empresa-Universidade Galega elaborará o proxecto por encarga da Consellería.

Información xeralConsellería de Educación, Universidade e Formación ProfesionalEntidades autonómicas
Categorías: Novas Xunta

Convocatoria para participar no programa Lanzadeiras 2018/2019

Lun, 08/10/2018 - 16:50
Idioma Gallego

O programa Lanzadeiras desenvolvese dentro do plan de Emprendemento no Sistema Educativo de Galicia, eduemprende que supón unha aposta clara e firme pola implantación na comunidade educativa nos niveis non universitarios da cultura emprendedora. O plan eduemprende constitúese como o marco onde coordinar as sinerxías en materia emprendedora que actúen sobre o sistema educativo, ordenando e planificando a súa aplicación. O obxectivo global deste plan é lograr un avance sensible na cultura do emprendemento no noso alumnado e propor instrumentos que permitan coñecer os logros alcanzados.

Ten coma finalidade promover a innovación e o emprendemento en todas as etapas do sistema educativo co obxectivo de potenciar as competencias profesionais, sociais e persoais do alumnado.
 

Tema: Programas e planseduemprendeEnsinanza: Ensinanzas de réxime xeralDepartamento: Dirección Xeral de Educación, Formación Profesional e Innovación EducativaSubdirección Xeral de Formación ProfesionalServizo de Orientación Profesional e Relación con EmpresasColectivo: ProfesoradoAlumnadoFamiliasCentrosSección: BoletínPortada de boletín
Categorías: Novas Xunta

Calendario para a celebración de eleccións de membros dos consellos escolares de centros docentes sostidos con fondos públicos

Lun, 08/10/2018 - 08:52
Idioma Gallego

Xúntase a Resolución do 25 de setembro de 2018, conxunta da Dirección Xeral de Centros e Recursos Humanos e da Dirección Xeral de Educación, Formación Profesional e Innovación Educativa, pola que se establece o calendario para a celebración de eleccións de membros dos consellos escolares de centros docentes sostidos con fondos públicos.

File:  Resolución do 25 de setembro de 2018 (DOG)Tema: Consellos escolaresEnsinanza: Ensinanzas de réxime xeralEnsinanzas de réxime especialDepartamento: Dirección Xeral de Educación, Formación Profesional e Innovación EducativaDirección Xeral de Centros e Recursos HumanosColectivo: ProfesoradoAlumnadoFamiliasCentros
Categorías: Novas Xunta

A Consellería de Educación recoñece o traballo de dez centros co Premio Proxecta de Innovación Educativa 2018

Dom, 07/10/2018 - 12:00
Summary: O obxectivo é visibilizar e recoñecer o labor realizado no marco do Plan Proxecta Idioma Gallego

A Consellería de Educación, Universidade e Formación Profesional acaba de resolver a convocatoria do Premio Proxecta de Innovación Educativa 2018, co que se recoñece e visibiliza a calidade dos traballos que desenvolveron 10 centros educativos de Galicia ao abeiro do Plan Proxecta.

Na categoría A, na que están incluídas as escolas de educación infantil (EEI), colexios rurais agrupados (CRA), centros de educación especial (CEE), colexios de educación infantil e primaria (CEIP), e colexios de educación primaria (CEP); o primeiro premio foi para o CEIP Barrié de la Maza (Santa Comba), o segundo para o CEIP de Piñeiros (Narón) e os terceiros para o CEIP Plurilingüe Os Casais (Fene) e o CRA Raíña Aragonta (Salceda de Caselas). Ademais, concedeuse un accésit ao CEIP Xosé Manuel Folla Respino (Vilamartín de Valdeorras).

No referido á categoría B, dirixida aos centros públicos integrados (CPI), institutos de educación secundaria (IES), centros integrados de formación profesional (CIFP) e centros públicos de educación e promoción de adultos, o primeiro premio foi para o IES de Cacheiras (Teo), o segundo para o CPI Uxío Novoneira (Pedrafita do Cebreiro) e os terceiros para o CPI Plurilingüe de Vedra (Vedra) e o IES Sánchez Cantón (Pontevedra). A maiores, concedeuse un accésit ao IES Celanova Celso Emilio Ferreiro (Celanova). A dotación total dos galardóns ascende a 28.000 euros; os primeiros obteñen 6.000 euros cada un, os segundos 4.000 e os terceiros 2.000 euros.

Colaboración co resto das Consellerías

O Plan Proxecta -que o curso pasado chegou a 515 centros sostidos con fondos públicos e preto de 123.000 alumnas e alumnos– crea un marco xeral de cooperación grazas ao esforzo doutras consellerías. Así intégranse nun mesmo espazo de referencia as iniciativas dos diferentes departamentos da Xunta para o fomento da innovación educativa, establecendo ademais uns criterios metodolóxicos e organizativos comúns para a creación de proxectos innovadores que desenvolvan competencias clave e educación en valores.

Trátase de propiciar dinámicas que favorezan a innovación nos propios centros a través de 43 programas externos que aglutinan a maioría de entidades do Goberno galego e unha entidade do Goberno do Estado, con programas dirixidos ao ámbito educativo que buscan potenciar a motivación e o traballo activo e cooperativo do alumnado e do profesorado implicado nos proxectos.

Os diferentes programas poden consultarse no espazo do Plan Proxecta no portal educativo http://www.edu.xunta.gal/portal/planproxecta/programas .

Premios autonómicosPlan ProxectaPlans e actuacións en innovación educativa Ensinanzas de réxime xeralConsellería de Educación, Universidade e Formación ProfesionalServizo de Ordenación, Innovación e Orientación EducativaProfesoradoCentros
Categorías: Novas Xunta

A conselleira de Educación participa na xornada de educación infantil que organiza a Fundación Barrié

Sáb, 06/10/2018 - 13:30
Idioma Gallego

A conselleira de Educación, Universidade e Formación Profesional, Carmen Pomar, participou esta mañá na quinta xornada de Educación Infantil que, baixo o título “creando e criando espazos de creatividade nas aulas” organiza a Fundación Barrié.

A conselleira e mailo presidente da Fundación Barrié, José María Arias Mosquera, foron os encargados de inaugurar este encontro que ten como obxectivo analizar e afondar sobre a creatividade no eido da educación infantil a través de distintos escenarios educativos.

Durante toda a xornada, un grupo de profesionais do ámbito da docencia e da psicoloxía, entre outros, afondaron en aspectos como a creatividade participativa, as artes na infancia, a filosofía ou a cultura audiovisual.

XornadasEducación infantilConsellería de Educación, Universidade e Formación ProfesionalEntidades autonómicasProfesorado
Categorías: Novas Xunta

Educación pon en marcha a segunda Semana STEM coa participación de 450 alumnos de 23 centros de toda Galicia

Sáb, 06/10/2018 - 12:00
Summary: Mozos e mozas de quinto e sexto de primaria e de 1º e 2º de ESO ampliarán os seus coñecementos científico-tecnolóxicos a través de estadías en réxime de internado durante este outubro, novembro e decembro Esta acción enmárcase na Estratexia galega para a educación dixital 2020, que busca incrementar as vocacións científicas e tecnolóxicas Idioma Gallego

Un total de 450 alumnos de 23 centros públicos de toda Galicia participarán durante este outono na segunda Semana STEM, un campamento de innovación educativa na que os rapaces de 5º e 6º de Primaria e de 1º e 2º de ESO ampliarán os seus coñecementos científico-tecnolóxicos a través de estadías en réxime de internado.

Esta iniciativa, enmarcada dentro da Estratexia galega para a educación dixital (Edudixital 2020), arrancou de xeito pioneiro por primeira vez o curso pasado (daquela con 300 alumnos e 15 centros) co obxectivo de fomentar o espírito científico e tecnolóxico entre o alumnado galego.

As estadías realízanse en períodos semanais dende domingo pola tarde ata o sábado seguinte; e a primeira delas arranca o próximo domingo día 14 con 50 rapaces de tres colexios.

Do total de centros seleccionados (que poden consultarse no portal educativo http://www.edu.xunta.gal/portal/node/25235), 11 corresponden á provincia da Coruña, 3 á de Lugo, 2 á de Ourense e 7 á de Pontevedra. No caso da Coruña trátase dos CEIP Plurilingüe San Marcos (Abegondo), CEIP de Prácticas López Ferreiro (Santiago), CPI Plurilingüe Virxe da Cela (Monfero), CPI San Sadurniño (San Sadurniño), CPI As Revoltas (Cabana de Bergantiños), IES Eduardo Pondal (Ponteceso), CPI de Atios (Valdoviño), IES Urbano Lugrís (Malpica), IES Campo de San Alberto (Noia), IES de Brión (Brión) e IES Plurilingüe A Cachada (Boiro).

Na provincia de Lugo foron seleccionados o CEIP Plurilingüe Santa Rita (Viveiro), o CEIP de Cervo (Cervo) e o CPI de Castroverde. En Ourense participará nestas estadías o alumnado do CEIP Ramón Otero Pedrayo (O Barco de Valdeorras) e o CEIP Plurilingüe Ben-Cho-Shey (Pereiro de Aguiar).

En Pontevedra resultaron seleccionados o CEIP A Carballeira (Pontevedra), CEIP Plurilingüe número 1 de Tui (Tui), CEP Carlos Casares (Salvaterra do Miño), CEIP Plurilingüe de Carballedo (Cerdedo-Cotobade), CEIP de Rubiáns (Vilagarcía de Arousa), CEIP da Sobrada (Tomiño) e o IES Laxeiro (Lalín).

Actividades con enfoque lúdico, colaborativo e motivador

A Semana STEM axudará a reforzar os coñecementos científico-tecnolóxicos no eido educativo, necesarios para dar resposta aos desafíos profesionais do futuro. Deste xeito, as estadías proporcionarán ao alumnado galego un escenario propicio para desenvolver capacidades, coñecementos e técnicas, a través dunha invitación ao descubrimento, que aumenten o seu interese por saber, cada vez máis, sobre diversos campos da ciencia e as súas posibilidades de aplicación na tecnoloxía. 

As actividades non só serán académicas, senón tamén de carácter lúdico-recreativo, que servirán de reforzo ao programa ordinario do currículo do alumnado nas aulas. Os contidos dos cursos inclúen un programa de actividades académicas, de obradoiros, de tempo libre e deportivas. En calquera caso, a finalidade do programa é promover a convivencia entre o alumnado, o traballo en equipo, o aprender facendo mediante un enfoque “maker”, a creatividade e a motivación para mellorar a súas competencias STEM.

Plans e actuacións en innovación educativa Educación primariaEducación secundaria obrigatoriaConsellería de Educación, Universidade e Formación ProfesionalServizo de Ordenación, Innovación e Orientación EducativaProfesoradoAlumnadoCentros
Categorías: Novas Xunta

A conselleira de Educación salienta a importancia da implicación do conxunto da cidadanía para acadar unha inclusión real na xornada ‘Educación e Autismo’

Ven, 05/10/2018 - 17:49
Summary: Carmen Pomar participou no peche da xornada ‘Educación e autismo’, convocada por Fundación Menela e Autismo GaliciaGalicia conta cun protocolo específico para a atención do alumnado con TEA Idioma Gallego

A conselleira de Educación, Universidade e Formación Profesional, Carmen Pomar, participou hoxe no peche da xornada Educación e autismo, onde salientou a importancia da implicación do conxunto da cidadanía para acadar unha inclusión real. A este respecto, lembrou, que a maiores do Decreto polo que se regula a atención á diversidade, a Consellería aposta por atender as necesidades específicas de atención educativa a través de protocolos específicos, da colaboración con entidades tanto na formación do profesorado como na sensibilización social e da formación permanente do profesorado.

O encontro, convocado por Fundación Menela e Autismo Galicia, tivo como obxectivo afondar na resposta educativa ás persoas con Trastorno do Espectro Autista (TEA). No evento presentouse tamén o número 22 da revista Maremagnum, no que se aborda o debate de cal é a mellor opción de escolarización de nenos e nenas con TEA, desde a visión de que a decisión deber ser tomada desde a análise individualizada de cada caso.

Protocolo específico

A Consellería de Educación conta cun amplo abano de recursos, normativos, orientativos e humanos, para atender a diversidade do alumnado galego, todos eles sustentados sobre a base que constitúe o Decreto 229/2011, de 7 de decembro, polo que se regula a atención á diversidade do alumnado dos centros docentes. Neste sentido, Galicia é a comunidade co sistema máis inclusivo, co 92,4% dos alumnos con necesidades específicas de atención educativa escolarizado en centros ordinarios e con máis de 3500 persoas dedicadas en exclusiva á atención destes escolares.

No caso concreto do TEA, a Consellería publicou en 2016 o primeiro Protocolo para o Alumnado con Trastorno do Espectro do Autismo do sistema educativo galego, un documento elaborado en colaboración coas asociacións e colectivos implicados nesta diversidade. O documento ten como obxectivo servir como guía para profesionais do ensino e familias, facilitando desde a detección do TEA ata a adaptación metodolóxica e individualización do ensino para dar resposta ás necesidades do alumno como persoa.

Convenios de colaboración

Para conseguir este fin, o protocolo articúlase en epígrafes, centrados no concepto do TEA (conforme co manual de trastornos mentais DSM-5), a  diagnose do mesmo, o tratamento educativo do alumnado con este trastorno, e o proceso de seguimento e avaliación. Finalmente achégase un pequeno glosario de termos ou conceptos utilizados ao longo do documento, referencias bibliográficas e tres anexos con documentos que poden servir de axuda como indicadores do trastorno, con probas específicas de screening e cun esquema que sintetiza ou orienta o percorrido que cómpre seguir ante a sospeita dun caso de TEA.

Ademais, a Consellería ten neste momento convenios de colaboración coa Asociación B.A.T.A., a Fundación Menela, a Asociación ASPANAES, a Asociación Raiolas, a Federación Autismo Galicia, a Asociación de Trastornos do Espectro Autista de Vigo (TEAVI) e coa Asociación galega de familias de persoas afectadas pola síndrome de Asperger (ASPERGA) para facilitar o tratamento educativo do TEA.

Sociedade inclusiva

En complemento ás accións antes mencionadas e coa finalidade de seguir avanzando cara á plena inclusión no sistema educativo, a Consellería vén de introducir como nova materia de libre configuración autonómica a de Sociedade inclusiva, dirixida ao alumando de 1º e 2º de ESO. A materia afonda na inclusión como concepto, como dereito e como obriga cidadá desde os principios do deseño e a accesibilidade universal, co obxectivo da concienciación e educación social para lograr unha sociedade que cumpra cos principios recollidos na declaración dos dereitos humanos, das persoas con discapacidade e no proxecto común europeo.

No currículo, a sociedade inclusiva é entendida como aquela que se apoia na convicción de que todas as persoas poden desenvolverse plenamente cando se lles outorgan as oportunidades de aprendizaxe axeitadas, se estimulan as capacidades e responsabilidades sociais na escola, pero tamén nos contornos de convivencia e ao longo de toda a vida, traballando en colaboración coas familias e outros membros da comunidade. Deste xeito, a materia favorece a formación dos alumnos como cidadáns activos participativos e comprometidos coa inclusión plena e real.

Atención á diversidadeXornadasConsellería de Educación, Universidade e Formación ProfesionalEntidades autonómicasProfesorado
Categorías: Novas Xunta

Listaxe provisional de admitidos e excluídos das axudas dirixidas a escolas de música públicas e escolas de música privadas dependentes de institucións sen ánimo de lucro

Ven, 05/10/2018 - 16:52
Idioma Gallego

Xúntase a Listaxe provisional de admitidos e excluídos das axudas dirixidas a escolas de música públicas e escolas de música privadas dependentes de institucións sen ánimo de lucro.

  • O prazo de presentación de alegacións será de 10 días hábiles contados desde o seguinte ao da publicación desta listaxe
File:  Orde do 7 de xuño de 2018 (DOG) Extracto da Orde do 7 de xuño de 2018 (DOG) Listaxe provisional de admitidos e excluídosTema: BolsasEnsinanza: Ensinanzas de músicaDepartamento: Servizo de Ensinanzas de Réxime EspecialColectivo: Centros
Categorías: Novas Xunta

Listaxes coas puntuacións provisionais de todos as persoas solicitantes admitidas e relación provisional de persoas excluídas correspondentes ao período extraordinario das prazas de residencia nos CRDs da Coruña, Ourense e Vigo para o curso 2018/2019

Ven, 05/10/2018 - 11:54
Idioma Gallego

Resolución do 5 de outubro de 2018 da Dirección Xeral de Centros e Recursos Humanos, pola que se publican a listaxes coas puntuacións provisionais de todos as persoas solicitantes admitidas, indicando a puntuación desagregada (rendemento académico e criterios  socioeconómicos) e a puntuación  total por orde descendente; a relación provisional de persoas excluídas, indicando a causa de exclusión, correspondentes ao período extraordinario de acordo co previsto no artigo 33 da Orde do 24 de maio de 2018 pola que se convocan prazas de residencia nos Centros Residenciais Docentes da Coruña, Ourense e Vigo para o curso 2018/2019 (DOG núm. 109, do 8 de xuño).

As persoas solicitantes poderán formular reclamación ante a comisión de valoración no prazo de dous (2) días hábiles contados a partir do día seguinte ao da publicación da presente resolución na páxina web da consellería competente en materia de educación e nos taboleiros de anuncios e/ou páxinas web dos centros residenciais.

  • Prazo para presentar reclamación: 2 días hábiles (8 e 9 de outubro de 2018), que deberán dirixirse ao respectivo Centro Residencial Docente.
Anuncio principal: Convocadas prazas de residencia nos centros residenciais docentes da Coruña, Ourense e Vigo para realizar estudos postobrigatorios non universitarios no curso 2018/2019Tema: BolsasEnsinanza: Ensinanzas de réxime xeralDepartamento: Subdirección Xeral de CentrosServizo de Xestión de Programas EducativosColectivo: AlumnadoFamiliasCentrosSección: BoletínPortada de boletín
Categorías: Novas Xunta

Resolución das axudas de apoio á etapa de formación posdoutoral, modalidade A, nas universidades do SUG, nos organismos públicos de investigación de Galicia e noutras entidades do Sistema de I+D+i galego para o ano 2018

Ven, 05/10/2018 - 09:15
Idioma Gallego

Xúntase a Resolución do 26 de setembro de 2018, conxunta da Consellería de Cultura, Educación e Ordenación Universitaria e da Consellería de Economía, Emprego e Industria, pola que se adxudican as axudas do anexo I, modalidade A, da Orde do 30 de abril de 2018, pola que se establecen as bases para a concesión, en réxime de concorrencia competitiva, das axudas de apoio á etapa de formación posdoutoral nas universidades do SUG, nos organismos públicos de investigación de Galicia e noutras entidades do Sistema de I+D+i galego, e se procede á súa convocatoria para o ano 2018.

Anuncio principal: Axudas de apoio á etapa de formación posdoutoral nas universidades do SUG, nos organismos públicos de investigación de Galicia e noutras entidades do Sistema de I+D+i galego para o ano 2018Tema: BolsasEnsinanza: UniversidadeDepartamento: Secretaría Xeral de UniversidadesSubdirección Xeral de Promoción Científica e Tecnolóxica UniversitariaColectivo: Alumnado
Categorías: Novas Xunta

Resolución da convocatoria do programa "Biblioteca Creativa" para o curso 2018/2019

Xov, 04/10/2018 - 13:08
Idioma Gallego

Xúntase arquivo coa Resolución de 3 de outubro de 2018, da Dirección Xeral de Centros e Recursos Humanos, pola que se da a coñecer a relación de centros que se incorporan ao programa "Biblioteca Creativa" para o curso 2018/2019. Así mesmo, a resolución inclúe a relación de centros integrados en convocatorias do anteriormente denominado "Escornabots na biblioteca escolar", que continúan formando parte desta iniciativa, con detalle das asignacións orzamentarias correspondentes.

Un representante de cada un dos 55 centros integrados neste programa participará na actividade formativa de carácter presencial que terá lugar o vindeiro 19 de outubro en Santiago de Compostela (EGAP).

Anuncio principal: Convocatoria do proxecto Biblioteca Creativa (anteriormente, Escornabots na biblioteca escolar) para o curso 2018/2019Tema: Plan LÍABibliotecas escolaresEnsinanza: Ensinanzas de réxime xeralDepartamento: Subdirección Xeral de CentrosColectivo: Centros
Categorías: Novas Xunta


by Dr. Radut