Skip to Content

Portal Educación Xunta

Distribuir contido
Actualizado: hace 19 horas 11 min

Oferta formativa de Formación Profesional para o curso 2018/2019 en centros públicos

Ven, 22/06/2018 - 08:45
Idioma Gallego

Orde do 15 de xuño de 2018 pola que se actualiza a oferta de formación profesional do sistema educativo, polo réxime ordinario, en centros públicos da Comunidade Autónoma de Galicia para o curso académico 2018/19.

Orde do 15 de xuño de 2018 pola que se actualiza a oferta modular polo réxime de persoas adultas, nas modalidades presencial, semipresencial e a distancia, de ciclos formativos de grao medio e de grao superior de formación profesional en centros públicos da Comunidade Autónoma de Galicia para o curso académico 2018/19.

Orde do 14 de xuño de 2018 pola que se autorizan proxectos experimentais de formación profesional dual de ciclos formativos de formación profesional en centros educativos, en colaboración con diversas entidades.

Nas seguintes ligazóns pode consultar os mapas da oferta de formación profesional para o curso académico 2018/2019:

Tema:  Información xeral Programas e plans Escolarización Ensinanza:  Formación Profesional inicial Departamento:  Dirección Xeral de Educación, Formación Profesional e Innovación Educativa Subdirección Xeral de Formación Profesional Servizo de Xestión da Formación Profesional Colectivo:  Profesorado Alumnado Familias Centros Sección:  Boletín Portada de boletín
Categorías: Novas Xunta

Valentín García entrega os premios AX1 de Banda deseñada e Guillermo Domínguez de Ensaio Subversivo

Xov, 21/06/2018 - 22:03
Idioma Gallego Resumo:  O acto celebrouse este serán no compostelán IES Arcebispo Xelmírez I A Secretaría Xeral de Política Lingüística colabora co IES e coa Asociación Cultural Colectivo Xelmírez na convocatoria destes certames

O secretario xeral de Política Lingüística, Valentín García, participou este serán no acto de entrega dos premios do Certame de Banda deseñada AX1 e do Premio de Ensaio Subversivo Guillerme Domínguez, que tivo lugar na biblioteca do IES Arcebispo Xelmírez I. Ambos os certames chegan con esta á súa sexta edición, convocados por este instituto compostelán en colaboración coa Secretaría Xeral de Política Lingüística e coa Asociación Cultural Colectivo Xelmírez.

Valentín García valorou a variedade temática e a calidade dos traballos gañadores, así como a diversa procedencia xeográfica dos seus autores, “mostras da vitalidade da creatividade en lingua galega entre os mozos e mozas das nosas vilas e cidades, así como da súa capacidade crítica”.

No acto, Valentín García estivo acompañado por Manuel Portas, director do IES Arcebispo Xelmírez I e presidente do Colectivo Xelmírez; Armando Requeixo, secretario do Centro Ramón Piñeiro para a Investigación en Humanidades e presidente do xurado do Certame de Banda Deseñada AX1; Ana Alonso, directora do IES Arcebispo Xelmírez II e presidenta do xurado do Premio de Ensaio Subversivo Guillermo Domínguez, e Elia Vivero, viúva de Guillermo Domínguez. As actas dos premios foron lidas por Sagrario Torrado, secretaria de ambos os xurados e coordinadora do equipo de dinamización da lingua galega do instituto.

Banda deseñada e ensaio

A gañadora do VI Certame de Banda Deseñada AX1 na categoría de 12 a 16 anos foi Delia Vázquez González, do IES Francisco Aguiar de Betanzos, pola obra O que ve. O segundo premio recaeu en Prexuízos virtuais, cuxa autora é Raquel Cambeiro Fernández, do IES As Insuas de Muros. Na categoría de 16 anos ou máis, fíxose co primeiro premio Isela Rodríguez Mascato por Triste inocencia e obtivo o segundo premio Anaïs Cerezal por Mosquitap. Ambas as estudantes proceden do IES Xunqueira I de Pontevedra.

No VI Premio de Ensaio Subversivo impúxose Guillermo Domínguez, do IES Rafael Dieste da Coruña, co traballo Poder, decadencia e acción na sociedade contemporánea. Sofía Fariña, do IES Universidade Laboral da Coruña, obtivo o segundo premio por Alguén nos pode sacar a liberdade? O xurado outorgoulle tamén unha mención especial a Sara Millán, do IES de Ames, polo ensaio Espellos, voces e fame.

Compromiso coa lingua galega

Os dous certames cuxos premios se entregaron hoxe convócanse anualmente dende o ano 2012 mercé á colaboración entre a Consellería de Cultura e Educación a través da Secretaría Xeral de Política Lingüística, o IES Arcebispo Xelmírez I e a Asociación Cultural Colectivo Xelmírez, integrada por profesorado e alumnado do dito centro educativo. Os seus obxectivos son incentivar o espírito crítico entre a mocidade e dinamizar o seu compromiso coa nosa época e coa nosa lingua, así como fomentar o mundo da creación plástica como vía de expresión e manifestación da xente nova.

Lingua galega Secretaría Xeral de Política Lingüística
Categorías: Novas Xunta

Román Rodríguez recibe ao alumnado do CPI As Revoltas (Cabana de Bergantiños)

Xov, 21/06/2018 - 14:53
Resumo:  O conselleiro coñeceu de primeira man o proxecto de innovación sobre un proceso electoral elaborado polo estudantes de ESO deste centro Idioma Gallego

O conselleiro de Cultura, Educación e Ordenación Universitaria, Román Rodríguez, recibiu hoxe ao alumnado do CPI As Revoltas (Cabana de Bergantiños), co fin de coñecer de primeira man o proxecto de innovación sobre un proceso electoral no que participaron os estudantes de ESO deste centro e a maioría dos departamentos didácticos deste centro escolar.

Román Rodríguez felicitou aos rapaces e rapazas do CPI polo amplo e exhaustivo traballo realizado, e subliñou a importancia de iniciativas na medida en que permiten aos máis novos entrar en contacto e coñecer máis de preto as estruturas e procedementos electorais nos sistemas democráticos.

A iniciativa, que se enmarca dentro dos contratos-programa impulsados pola Xunta, ten como obxectivo achegar o alumnado aos procesos electorais, recoñecer o labor dos políticos, concienciar o alumnado da importancia de formar parte dos órganos de goberno, respectar as distintas formas de pensar e ser capaz de falar en público e defender as súas propostas, entre outros.

O proxecto levouse a práctica a través da convocatoria de eleccións estudantís no centro, cuxo proceso foi publicado no Xornal Oficial do Centro (XOC), que emula o DOG. A partires de aí configuráronse os seguintes pasos a modo dun proceso electoral real. É dicir, composición dos partidos políticos que se presentarían ás eleccións, logos das formacións, deseño dos programas electorais, preparación de debates, xornadas de formación que incluíron visitas ao Parlamento de Galicia e ao Instituto Galego de Estatística, deseño e distribución de propaganda electoral, mitins no centro e debates entre candidatos.

O proceso completouse coa celebración das eleccións, o cómputo de votos, e a análise estatística de todo o proceso. Unha vez concluído o proxecto, os alumnos iniciaron unha campaña de difusión do mesmo a través das redes sociais, dos medios de comunicación e das propias institucións, entre as que se atopa a visita de hoxe á Xunta de Galicia.

Información xeral Ensinanzas de réxime xeral Consellería de Cultura, Educación e Ordenación Universitaria Profesorado Alumnado Centros
Categorías: Novas Xunta

A app Bus do IES Eduardo Blanco Amor de Culleredo recibe o IV premio Inventa en galego

Xov, 21/06/2018 - 13:08
Idioma Gallego Resumo:  Os IES Menéndez Pidal e Moncho Valcarce compartiron o segundo premio O secretario xeral de Política Lingüística entregou os galardóns nun acto celebrado esta mañá na Coruña

Valentín García Gómez entregou esta mañá no IES Menéndez Pidal da Coruña os premios da IV edición do concurso ‘Inventa en galego’, convocado por Igaciencia co apoio da Secretaría Xeral de Política Lingüística. No mesmo acto tamén se celebrou a entrega dos premios ‘Sensores para todos’, que perseguen facer unha utilización tecnoloxicamente interesante dos sensores de Arduino ou Lego.

O secretario xeral de Política Lingüística valorou “a capacidade e a vontade de tantos mozos e mozas de Galicia que son quen de empregar o galego para cousas hai poucos anos impensables”. Así mesmo, expresou a súa satisfacción polo feito de que as app gañadoras sexan tan prácticas e útiles, que respondan “a necesidades reais que teñen diferentes colectivos”, porque “moita xente as vai empregar, así que o galego gañará uso grazas a vós”.

Valentín García estivo acompañado neste acto por Silvia Cameán Calvete, concelleira de Xustiza Social e Coidados da Coruña; Manuel Díaz Regueiro, presidente de Igaciencia e Mª Estrella Pérez Freire, directora do IES Menéndez Pidal da Coruña.

Apps para o autobús, o surf e o turismo

Nesta cuarta edición do certame ‘Inventa en galego’, o primeiro premio correspondeulles aos alumnos Andrés Pérez e Samuel Uxío Rodríguez coordinados polo profesor Ángel Acción, do IES Eduardo Blanco Amor de Culleredo, pola súa app Bus. A aplicación permite ver as rutas dos autobuses urbanos da Coruña, canto tempo tardarán en chegar e onde están en cada momento. Ademais, ten unha función que permite localizar as paradas polo seu nome ou pola proximidade á situación do usuario e, se este o desexa, envía notificacións cando o autobús chega a unha determinada parada.

O segundo premio de ‘Inventa en galego’ compárteno o IES Menéndez Pidal da Coruña coa aplicación Surfistas e o IES Moncho Valcarce das Pontes de García Rodríguez coa aplicación Descubrindo GZ. A primeira -elaborada polos estudantes Alejandro Tojo, Diego Carracedo e Paula Pérez, dirixidos pola profesora Paz Freire- permítelles aos surfistas ter información actualizada das condicións das praias próximas á cidade da Coruña. A aplicación creada polo alumnado do IES Moncho Valcarce -Andrés Rivera, Xoel Pena, Sergio Cal, Paula Sabín, Uxía Calvo, Noelia González, Camila dos Santos e Felipe Martínez, coordinados polo docente José Manuel Martínez- convida os usuarios e usuarias a visitar distintos lugares da xeografía galega e prémiaos cada vez que chegan ao destino proposto.

Inventa en galego

‘Inventa en galego’ é unha proposta que Igaciencia -Institución Galega de Ciencia- lles fai aos centros educativos de Galicia para que elaboren unha app Android na linguaxe de programación App Inventor que sexa útil no contorno próximo dos centros educativos onde se crea.

No concurso, apoiado pola Secretaría Xeral de Política Lingüística, poden participar equipos de escolares de primaria ou secundaria presentados por un docente. Os traballos deben ser inéditos e en galego, sen prexuízo de que se poidan usar de máis a máis outros idiomas.

Lingua galega Secretaría Xeral de Política Lingüística
Categorías: Novas Xunta

Os Bolechas e o amigo Monte chegan o sábado a Teo da man do FalaRedes

Xov, 21/06/2018 - 11:23
Idioma Gallego Resumo:  Poderá gozarse do novo espectáculo de sensibilización lingüística e ambiental ás 12,00 horas no Auditorio Constante Liste da Ramallosa Coma sempre, a entrada e libre e de balde ata completar a capacidade dos espazos programados FalaRedes é un programa de dinamización da lingua galega da Secretaría Xeral de Política Lingüística para os concellos da Rede

Os Bolechas e o amigo Monte, a nova proposta da familia animada máis famosa de Galicia para este verán, chegará o sábado da man do Falaredes á localidade coruñesa de Teo, en cuxo Auditorio Constante Lista da Ramallosa se poderá gozar a partir das 12,00 horas. Coma sempre no programa de dinamización lingüística da Secretaría Xeral de Política Lingüística para a Rede de Dinamización Lingüística (RDL) da Xunta, a entrada é libre e de balde ata completar a capacidade dos espazos programados.

Os Bolechas daranse cita coa cativada de 3 a 9 anos e coas súas familias durante o verán e chegarán nas vindeiras semanas a Lousame, A Coruña, Ramirás, Baiona, Vilaboa, Barreiros, Mondoñedo, Cangas, Chantada, Portas, Ferrol, Frades, Bande, Oímbra e Arzúa, todas elas adscritas á RDL.

Sensibilización ambiental en 21 concellos da RDL

Un ano máis, a divertida familia Bolechas, todo un referente galegofalante para os nenos e nenas, percorre Galicia da man do programa de dinamización lingüística FalaRedes cun espectáculo que promove a participación dos nenos e nenas na nosa lingua cunha nova e divertida aventura que servirá, ademais de para pasalo ben, para mostrarlles aos máis pequenos a importancia de coidarmos o monte e a maneira de facelo, iniciándoos na prevención dos incendios forestais. Para iso, Os Bolechas solicitarán a intervención do público en probas de habilidade axeitadas para rapaces de 3 a 9 anos e establecerán un diálogo cos nenos e nenas acerca do monte, da súa fauna e da súa flora.

Para que a actividade de dinamización lingüística teña continuidade máis alá do día do espectáculo, os asistentes a el obterán unha palabra clave que lles permitirá acceder ao web www.osbolechas.gal/amigomonte/, onde atoparán diversos contidos (xogos, diplomas, unidades didácticas...) e poderán participar en sorteos de lotes de libros. Toda a información e calendario de funcións no enlace www.lingua.gal/bolechas-amigo-monte e na Axenda de Cultura de Galicia.

Dinamizando en rede

FalaRedes é un programa de dinamización lingüística da Secretaría Xeral de Política Lingüística para a RDL, que conta xa con preto de 190 entidades locais adheridas. Neste ano 2018, FalaRedes chega á súa sétima edición cos obxectivos de ampliar a oferta de ocio na nosa lingua e dotar os concellos de actividade en galego, de promover o seu uso e valoración social e de apoiar os artistas que desenvolven a súa creatividade na lingua propia de Galicia.

Catro edicións anteriores do programa FalaRedes acolleron os espectáculos Os Bolechas na máquina do tempo, Os Bolechas e o sabichón, Os Bolechas van ás olimpíadas e De Chispa a Tatá, imos de Moraña a Zas. Toda a información sobre as actividades de FalaRedes deste ano poden verse no Portal da Lingua Galega www.lingua.gal.

Lingua galega Secretaría Xeral de Política Lingüística
Categorías: Novas Xunta

Ciclos formativos plurilingües (Estrela PluriFP), para o curso 2018/2019

Xov, 21/06/2018 - 10:21
Idioma Gallego

Xúntase a Resolución do 13 de xuño de 2018, da Dirección Xeral de Educación, Formación Profesional e Innovación Educativa, pola que se publica o anuncio da resolución pola que se regulan os ciclos formativos plurilingües (Estrela PluriFP), para o curso 2018/19.

  • A partir do día seguinte ao da publicación deste anuncio no Diario Oficial de Galicia e ata o 6 de xullo de 2018, os centros educativos poderán solicitar a súa participación.
Ficheiro:  Resolución do 13 de xuño de 2018 (DOG) Resolución do 13 de xuño de 2018 Solicitude (anexo) Tema:  Plurilingüismo Escolarización Ensinanza:  Formación Profesional inicial Departamento:  Dirección Xeral de Educación, Formación Profesional e Innovación Educativa Subdirección Xeral de Formación Profesional Servizo de Ordenación e Formación Profesional Colectivo:  Profesorado Alumnado Familias Centros Empresas
Categorías: Novas Xunta

Información importante para as persoas oposi​toras: restricións ao tráfico en Pontevedra o 23/06/2018

Mér, 20/06/2018 - 15:34
Idioma Gallego

Segundo informa a Policía Local do Concello de Pontevedra, o 23/06/2018 terá lugar na cidade do Lérez unha proba deportiva que ten como circuíto o recinto universitario (na Facultade de Ciencias Sociais e da Comunicación actuarán os tribunais da especialidade de Organización e Xestión Comercial). Coa finalidade de minimizar o impacto sobre as persoas opositoras que poidan verse afectadas, por parte da Policía Local púxose en marcha un recinto alternativo de estacionamento para ese día no Recinto Feiral, e un sistema de sinalización informativo de guiado para acceder a el.

Produciranse as seguintes restricións: Restricións á circulación de vehículos:
- Pechará o venres 22 de xuño a partir das 17:00 horas a Ponte dos Tirantes.
- Pechará as 14:15 horas o resto do circuíto: Avenida de Compostela (parcial), Alexandre Bóveda, Celso Emilio Ferreiro (Campus Universitario).

A apertura do circuíto agás a Ponte dos Tirantes as 21:00 horas. A ponte dos Tirantes sobre as 23:59 horas.
Restricións de estacionamento:
Nas rúas Alexandre Bóveda, Celso Emilio Ferreiro (Campus Universitario), e Avenida de Compostela (parcial);
prohíbese o estacionamento partir do venres 22 de xuño as 22:00 horas.
No ficheiro que se xunta poden consultarse as alternativas

Anuncio principal:  Concurso-oposición ao corpo de profesores de ensino secundario, técnicos de formación profesional, profesores de escolas oficiais de idiomas, mestres e procedemento de adquisición de novas especialidades para o ano 2018 Tema:  Oposicións Ensinanza:  Ensinanzas de réxime xeral Ensinanzas de réxime especial Departamento:  Servizo de Profesorado de Educación Infantil e Primaria Servizo de Profesorado de Ensinanzas Secundaria, de Formación Profesional e de Réxime Especial Colectivo:  Profesorado
Categorías: Novas Xunta

Listaxes definitivas de admitidos e excluídos correspondentes aos premios extraordinarios de bacharelato 2017/2018

Mér, 20/06/2018 - 13:50
Idioma Gallego Anuncio principal:  Convocados os premios extraordinarios de bacharelato correspondentes ao curso 2017/2018

Listaxes definitivas de admitidos e excluídos correspondentes aos premios extraordinarios de bacharelato 2017/2018

Servizo relacionado:  Premios Bacharelato Tema:  Premios autonómicos Ensinanza:  Bacharelato Departamento:  Servizo de Avaliación e Calidade do Sistema Educativo Colectivo:  Alumnado Centros
Categorías: Novas Xunta

Listaxe definitiva de cualificacións das probas das ensinanzas artísticas superiores reguladas pola Lei orgánica 2/2006, do 3 de maio, de educación, para os aspirantes que non cumpran o requisito de titulación (2018)

Mér, 20/06/2018 - 13:12
Idioma Gallego

Listaxe definitiva de cualificacións das probas convocadas pola Resolución do 24 de abril de 2018, da Dirección Xeral de Educación, Formación Profesional e Innovación Educativa, pola que se ditan instrucións para o acceso ás ensinanzas artísticas superiores reguladas pola Lei orgánica 2/2006, do 3 de maio, de educación, para os aspirantes que non cumpran o requisito de titulación. (DOG 04/05/2018).

Anuncio principal:  Instrucións para o acceso ás ensinanzas artísticas superiores reguladas pola Lei orgánica 2/2006, do 3 de maio, de educación, para os aspirantes que non cumpran o requisito de titulación (2018) Tema:  Escolarización Ensinanza:  Ensinanzas de conservación e restauración de bens culturais Ensinanzas superiores de arte dramática Ensinanzas superiores de deseño Ensinanzas superiores de música Departamento:  Servizo de Ensinanzas de Réxime Especial Colectivo:  Alumnado Centros
Categorías: Novas Xunta

Resolución pola que se regula o bacharelato de excelencia en Ciencias e Tecnoloxía (STEMbach), de xeito experimental para o curso 2018/2019

Mér, 20/06/2018 - 09:00
Idioma Gallego

Achégase a Resolución do 12 de xuño de 2018, da Dirección Xeral de Educación, Formación Profesional e Innovación Educativa, pola que se regula o bacharelato de excelencia en Ciencias e Tecnoloxía (STEMbach), de xeito experimental para o curso 2018/19.

 

  • O prazo de presentación de solicitudes será dun mes a partir do día seguinte ao da publicación deste anuncio no Diario Oficial de Galicia.
Ficheiro:  Resolución do 12 de xuño de 2018 (DOG) Resolución do 12 de xuño de 2018 Anexo I Tema:  Programas e plans Escolarización Departamento:  Consellería de Cultura, Educación e Ordenación Universitaria Dirección Xeral de Educación, Formación Profesional e Innovación Educativa Colectivo:  Profesorado Alumnado Familias Centros Sección:  Boletín Portada de boletín
Categorías: Novas Xunta

Axudas a centros privados concertados da Comunidade Autónoma de Galicia para a atención ao alumnado con necesidades específicas de apoio educativo para o curso 2018/2019

Mér, 20/06/2018 - 08:57
Idioma Gallego

Xúntase a Orde do 6 de xuño de 2018 pola que se aproban as bases reguladoras das axudas a centros privados concertados da Comunidade Autónoma de Galicia para a atención ao alumnado con necesidades específicas de apoio educativo para o curso 2018/19.

  • O prazo de presentación de solicitudes será dun mes computado a partir do día seguinte ao da publicación desta orde no DOG.
Ficheiro:  Orde do 6 de xuño de 2018 (DOG) Extracto da Orde do 6 de xuño de 2018 (DOG) Tema:  Atención á diversidade Alumnado con necesidade específica de apoio educativo Bolsas Centros concertados Ensinanza:  Ensinanzas de réxime xeral Departamento:  Dirección Xeral de Centros e Recursos Humanos Subdirección Xeral de Centros Colectivo:  Centros
Categorías: Novas Xunta

Román Rodríguez anuncia a extensión do plurilingüismo a 58 centros en infantil e a 4 en bacharelato para o próximo curso

Mar, 19/06/2018 - 17:32
Resumo:  O conselleiro de Educación comparece no Parlamento para realizar un balance das principais accións do curso actual 2017/18, definido por unha aposta polas linguas estranxeiras e a educación dixital, así como pola blindaxe da equidade e inclusión Ademais de incrementar o número de centros plurilingües ata alcanzar os 375, no 2018/19 tamén se poñerá en marcha o Bacharelato de excelencia en Ciencias e Tecnoloxía co fin de fomentar as competencias STEM e o vínculo coa Universidade Amplíase a formación en respecto e igualdade, posto que os centros poderán ofertar dúas novas materias de libre configuración autonómica: “Coeducación para o século XXI” e “Sociedade inclusiva” Tamén se reforzará a FP Dual con catro ciclos do sector da madeira e moble en colaboración con empresas líderes no sector e dous ciclos en Marítimo-pesqueira Idioma Gallego

O conselleiro de Cultura, Educación e Ordenación Universitaria, Román Rodríguez compareceu hoxe no Parlamento de Galicia a petición propia para realizar un balance das principais accións e programas desenvolvidos neste curso 2017/18, que remata este xoves. Así mesmo, avanzou algunhas das medidas que se poñerán en marcha o próximo curso 2018/19. De feito, anunciou que, dentro do desenvolvemento da estratexia Edulingüe, o vindeiro setembro o ensino plurilingüe continuará coa súa extensión en Infantil e Bacharelato, iniciada no curso actual. Deste xeito, e segundo os datos provisionais, haberá 58 novos centros con Plurinfantil, chegando así a 141; e 4 máis con Pluribach, o que duplica os existentes. En total, o número de centros plurilingües (pendente da resolución dos ciclos plurilingües) ascenderá a 375, é dicir 53 máis con respecto aos 322 actuais.

Ademais de seguir avanzando, tanto cuantitativa como cualitativamente, na implantación do ensino plurilingüe a través de centros, seccións bilingües e auxiliares de conversa, o titular do departamento educativo da Xunta de Galicia lembrou o desenvolvemento da estratexia Edudixital 2020, sobre todo no ámbito STEM (Ciencias, Tecnoloxía, Enxeñaría e Matemáticas). Para o vindeiro curso poñerase en marcha por primeira vez o Bacharelato de excelencia en Ciencias e Tecnoloxía, o STEMbach, especialmente vinculado coa Universidade porque o alumnado deberá realizar un proxecto de investigación co-dirixido por persoal dos departamentos universitarios e centros de investigación de prestixio. Outras das novidades neste ámbito é a creación de espazos maker en 10 centros educativos, que levarán consigo dotación de equipamento específico e unha achega económica.

Co fin de favorecer a autonomía dos centros galegos, a Consellería continuará ampliando o paquete de materias de libre configuración autonómica. En concreto, o vindeiro curso poñerase a disposición dos centros a materia Coeducación para o século XXI para alumnado de 1º de Bacharelato, presentada este mesmo luns. Ten como obxectivo impulsar un cambio de valores, actitudes, roles e estereotipos que sustentan a desigualdade de xénero a través dun modelo educativo que promova a equidade entre mulleres e homes en todas as súas dimensións.

A outra materia novidosa para o vindeiro curso será Sociedade inclusiva, prevista para 1º ou 2º de ESO. O obxectivo da mesma é a concienciación e a educación social para lograr unha sociedade plenamente inclusiva que cumpra cos principios recollidos na Declaración dos dereitos humanos e das persoas con discapacidade.

Máis de 1.200 ciclos formativos

Outra das novidades do curso 2018/19 vén dada pola Formación Profesional, posto que se incrementará un 1,4% a oferta ata chegar aos 1.261 ciclos formativos. Este crecemento busca responder ás demandas dos sectores estratéxicos para a economía galega, como é a madeira e o moble (un 9,68% máis de oferta), a automoción (un 5,56% máis) ou a hostalaría e turismo (5,6% máis).

A importancia deste aumento da oferta é maior tendo en conta que se produce principalmente, tal e como salientou o conselleiro, na FP Dual. En concreto, nesta modalidade formativa ofértanse por primeira vez catro ciclos no sector da madeira e moble, en colaboración con empresas líderes no sector, e dous ciclos en Marítimo-pesqueira. Tamén se producen outros aumentos significativos, como é o caso da fabricación mecánica (un 600% máis de proxectos) e en informática e comunicacións (un 200% máis), entre outros.

Segundo destacou o conselleiro, “falar hoxe de FP galega significa falar dunha ensinanza moderna, dinámica, innovadora, adaptada á realidade socio-económica e fonte de empregabilidade”. Neste sentido, e co obxectivo de seguir avanzando nunha vinculación directa entre formación e sectores produtivos, a Xunta, en conxunto coa Zona Franca de Vigo, presentou o futuro Campus FP de Vigo, o primeiro campus FP de España. Nestes momentos estase ultimando o convenio de colaboración coa Zona Franca.

Galicia: modelo de calidade e de equidade

Na parte de balance do curso actual, Román Rodríguez remarcou que Galicia foi quen de “consolidar un modelo educativo diferenciado”, definido pola calidade e pola blindaxe da equidade e da igualdade de oportunidades. Deste xeito, recordou o avance do ensino plurilingüe a todas as etapas, así como o incremento do libro dixital (máis de 11.600 alumnos e 154 centros); e a dotación de kits de Robótica, impresión 3D e Programación a centros de Secundaria e Primaria que xa chegaron a 22.000 alumnos.

Pero ademais, “un sistema educativo de calidade ten que ser inclusivo e equitativo”, explicou. En Galicia, 1 de cada 10 profesionais do ensino son especialistas na atención á diversidade, e o 91,9% do alumnado con necesidades educativas especiais está integrado nos centros ordinarios, o que favorece a igualdade de oportunidades na ensinanza. Neste reto, así como para reducir o abandono educativo temperán, xorden os contratos-programa, que este curso beneficiaron a preto de 140.000 alumnos de 473 centros.

Compromiso coa formación dos docentes

O conselleiro recoñeceu tamén o traballo dos docentes galegos, piar fundamental do sistema educativo. Neste contexto, lembrou que a Consellería leva tempo impulsando medidas para que o profesorado poida ter unha formación axeitada e actualizada co fin de responder ás necesidades, demandas e retos que ten ante si o alumnado galego.

A formación continua é unha das tres efes –xunto á formación inicial nas facultades de Ciencias da Educación e á formación para o acceso á docencia–, encamiñadas a incrementar o prestixio da función docente. Neste sentido, mencionou unha das peticións de Galicia realizada no marco do Pacto educativo, orientada a vincular o número de prazas de acceso ás facultades de Ciencias da Educación de todo o Estado coa capacidade de absorción do sistema educativo a nivel de emprego.

“Agardamos con interese coñecer as liñas de actuación que quere impulsar o novo Ministerio de Educación e FP, convencidos de que Galicia está no bo camiño e pode defender que o futuro da nosa sociedade se xoga na educación de hoxe”, concluíu.

Lingua estranxeira Ensinanzas de réxime xeral Consellería de Cultura, Educación e Ordenación Universitaria Alumnado Centros Linguas estranxeiras
Categorías: Novas Xunta

Listaxe definitiva de persoas admitidaspara o acceso e admisión do alumnado aos conservatorios superiores de Música para o curso 2018/19

Mar, 19/06/2018 - 17:20
Idioma Gallego

Listaxe definitiva de persoas admitidas para o acceso e admisión do alumnado aos conservatorios superiores de Música para o curso 2018/19.

Anuncio principal:  Instrucións para o acceso e admisión do alumnado aos conservatorios superiores de Música para o curso 2018/2019 Tema:  Escolarización Ensinanza:  Ensinanzas superiores de música Departamento:  Servizo de Ensinanzas de Réxime Especial Colectivo:  Alumnado
Categorías: Novas Xunta

Distribución de opositores por tribunais no concurso-oposición ao corpo de PES, técnicos de formación profesional, profesores de escolas oficiais de idiomas, mestres e procedemento de adquisición de novas especialidades para o ano 2018

Lun, 18/06/2018 - 17:34
Idioma Gallego

RESOLUCIÓN da Dirección Xeral de Centros e Recursos Humanos, pola que se fai pública a distribución entre os distintos tribunais das persoas aspirantes definitivamente admitidas nos procedementos selectivos de ingreso e acceso ao corpo de profesores de ensino secundario, de acceso ao corpo de profesores de escolas oficiais de idiomas e de ingreso ao corpo de profesores técnicos de formación profesional, ao corpo de mestres, e procedemento de adquisición de novas especialidades polo persoal funcionario de carreira dos corpos de profesores de ensino secundario, profesores técnicos de formación profesional e mestres da Comunidade Autónoma de Galicia, convocados pola Orde do 14 de marzo de 2018 (Diario Oficial de Galicia do 21 de marzo).

Anuncio principal:  Concurso-oposición ao corpo de profesores de ensino secundario, técnicos de formación profesional, profesores de escolas oficiais de idiomas, mestres e procedemento de adquisición de novas especialidades para o ano 2018 Tema:  Oposicións Ensinanza:  Ensinanzas de réxime xeral Ensinanzas de réxime especial Departamento:  Servizo de Profesorado de Educación Infantil e Primaria Servizo de Profesorado de Ensinanzas Secundaria, de Formación Profesional e de Réxime Especial Colectivo:  Profesorado
Categorías: Novas Xunta

Ampliación da relación de materias de libre configuración autonómica para ESO e bacharelato: borrador das materias "Sociedade Inclusiva" e "Coeducación para o Século XXI"

Lun, 18/06/2018 - 14:00
Idioma Gallego

Xúntase o Borrador da Orde do ____ de ______ de 2018 pola que se amplía a relación de materias de libre configuración autonómica de elección para os centros docentes nas etapas de educación secundaria obrigatoria e bacharelato, e se regula o seu currículo e a súa oferta das materias "Sociedade Inclusiva" e "Coeducación para o Século XXI".

  • Próxima publicación no DOG
Anuncio principal:  Decreto polo que se establece o currículo da educación secundaria obrigatoria e do bacharelato na Comunidade Autónoma de Galicia Tema:  Información xeral Normativa Normativa en tramitación Ensinanza:  Educación secundaria obrigatoria Bacharelato Departamento:  Consellería de Cultura, Educación e Ordenación Universitaria Colectivo:  Profesorado Alumnado Familias Centros Sección:  Boletín Portada de boletín
Categorías: Novas Xunta

Listaxe provisional de cualificacións das probas das ensinanzas artísticas superiores reguladas pola Lei orgánica 2/2006, do 3 de maio, de educación, para os aspirantes que non cumpran o requisito de titulación (2018)

Lun, 18/06/2018 - 11:41
Idioma Gallego

Xúntase a Listaxe provisional de cualificacións ás probas convocadas pola Resolución do 24 de abril de 2018, da Dirección Xeral de Educación, Formación Profesional e Innovación Educativa, pola que se ditan instrucións para o acceso ás ensinanzas artísticas superiores reguladas pola Lei orgánica 2/2006, do 3 de maio, de educación, para os aspirantes que non cumpran o requisito de titulación. (DOG 04/05/2018)

  • Poderanse presentar reclamacións contra as cualificacións provisionais o día 19 de xuño ante o presidente do tribunal avaliador, no centro onde se realizase a inscrición. Neste mesmo período, os centros remitirán á Dirección Xeral de Educación, Formación Profesional e Innovación Educativa, a través do correo electrónico sxapere@edu.xunta.es
Anuncio principal:  Instrucións para o acceso ás ensinanzas artísticas superiores reguladas pola Lei orgánica 2/2006, do 3 de maio, de educación, para os aspirantes que non cumpran o requisito de titulación (2018) Tema:  Escolarización Ensinanza:  Ensinanzas de conservación e restauración de bens culturais Ensinanzas superiores de arte dramática Ensinanzas superiores de deseño Ensinanzas superiores de música Departamento:  Servizo de Ensinanzas de Réxime Especial Colectivo:  Alumnado Centros
Categorías: Novas Xunta

Listaxe definitiva de solicitudes admitidas e excluídas das axudas de mobilidade complementarias ás achegadas pola UE, no marco do programa Erasmus+, destinadas ao alumnado que cursa ensinanzas artísticas superiores en centros públicos no curso 2017/2018

Lun, 18/06/2018 - 10:06
Idioma Gallego

Xúntase a Listaxe definitiva de solicitudes admitidas e excluídas, e motivos de exclusión das axudas convocadas pola Orde do 8 de marzo de 2018 pola que se establecen as bases reguladoras e se convocan axudas de mobilidade complementarias ás achegadas pola Unión Europea no marco do programa comunitario Erasmus+, destinadas ao alumnado que cursa ensinanzas artísticas superiores en centros públicos de Galicia no curso 2017/2018.

Anuncio principal:  Axudas de mobilidade complementarias ás achegadas pola Unión Europea, no marco do programa comunitario Erasmus+, destinadas ao alumnado que cursa ensinanzas artísticas superiores en centros públicos de Galicia no curso 2017/2018 Tema:  Bolsas Erasmus Ensinanza:  Ensinanzas de réxime especial Ensinanzas superiores de arte dramática Ensinanzas superiores de deseño Ensinanzas de música Departamento:  Servizo de Ensinanzas de Réxime Especial Colectivo:  Alumnado
Categorías: Novas Xunta

Informe favorable da fase de estadía, segundo o disposto na Orde do 18 de febreiro de 2016 relativa ás axudas de apoio á etapa de formación posdoutoral do SUG, nos organismos de investigación de Galicia e noutras entidades do Sistema galego de I+D+i

Lun, 18/06/2018 - 09:23
Idioma Gallego

Xúntase a Resolución da Secretaría Xeral de Universidades do 15 de xuño de 2018 pola que se informa favorablemente a fase de estadía, segundo o disposto na Orde conxunta da Consellería de Cultura, Educación e ordenación Universitaria e da Consellería de Economía, Emprego e Industria, do 18 de febreiro de 2016 pola que se establecen as bases para a concesión, en réxime de concorrencia competitiva, das axudas de apoio á etapa de formación posdoutoral nas universidades do SUG, nos organismos públicos de investigación de Galicia e noutras entidades do Sistema galego de I+D+i, e se procede á súa convocatoria.

Anuncio principal:  Axudas de apoio á etapa de formación posdoutoral nas universidades do SUG, nos organismos públicos de investigación de Galicia e noutras entidades do Sistema galego de I+D+i Tema:  Bolsas Ensinanza:  Universidade Departamento:  Secretaría Xeral de Universidades Subdirección Xeral de Promoción Científica e Tecnolóxica Universitaria Colectivo:  Alumnado
Categorías: Novas Xunta

Convocadas as probas de acceso ás ensinanzas deportivas para o curso 2018/2019

Lun, 18/06/2018 - 09:01
Idioma Gallego

Xúntase a Resolución do 6 de xuño de 2018, da Dirección Xeral de Educación, Formación Profesional e Innovación Educativa, pola que se convocan probas de acceso ás ensinanzas deportivas para o curso 2018/19.

  • O prazo de inscrición será o comprendido entre o día seguinte ao da publicación da convocatoria no Diario Oficial de Galicia e o día 10 de xullo.
Ficheiro:  Resolución do 6 de xuño de 2018 (DOG) Tema:  Escolarización Ensinanza:  Ensinanzas deportivas Departamento:  Servizo de Ensinanzas de Réxime Especial Colectivo:  Alumnado Centros
Categorías: Novas Xunta


by Dr. Radut