try another color:
try another fontsize: 60% 70% 80% 90%

Música

Aula Virtual Música

Lamentablemente temos que pechar as aulas do noso centro debido á crise creada polo COVID-19. Con todo, non deixes de consultar esta páxina para seguir practicando coas actividades que te propoñemos.

Podes poñerte en contacto co profesor David Barros a través da aplicación "Classroom" ou escribiendo un correo a:  dbarros@iesribeiralouro.com.es

 Preme nos seguintes títulos para acceder aos recursos musicais:

 

 

 

 

 

 

Os nosos proxectos

Preme sobre a imaxen para acceder

 

 

Medidas extraordinarias de avaliación do terceiro trimestre

Durante o terceiro trimestre, as actividades de ensino non presencial do departamento de música colgadas na aula virtual, serán as únicas que serán obxecto de avaliación, substituíndo así, na súa totalidade, ás actividades presenciais que viñemos desenvolvendo nas avaliacións anteriores. En concreto seguiranse os criterios seguintes:

-    A cualificación parcial de cada proba será visible na aula Virtual “Classroom

-    O terceiro trimestre dedicarase (ademais de ensinar novos contidos na medida do posible), tamén a repasar os contidos do curso,   así como a propiciar que os alumnos que presenten máis dificultades no seguimento do ensino online, poidan adquirir as competencias mínimas.

-     Os alumnos con dificultades de acceso a internet non se verán prexudicados en ningún caso pola súa falta de rendemento académico no terceiro trimestre

-    A nota final do curso non se verá afectada negativamente pola aplicación destes novos criterios, senón que se seguirá calculando polo procedemento descrito na programación, é dicir, a media ponderada das tres avaliacións, tendo en conta que o peso específico da terceira avaliación será significativamente menor, a cal non será causa por si soa para suspender o curso. É dicir, que se propiciará que os alumnos que aprobasen as dúas primeiras avaliacións promocionen positivamente.

-    As medidas descritas na programación seguiranse aplicando na avaliación extraordinaria, así como na recuperación das avaliacións pendentes e dos cursos pendentes de anos anteriores, aínda que con criterios máis flexibles para ofrecer alternativas de avaliación que propicien a promoción dos alumnos na medida do posible. 

 

Adaptación da programación para o 3º trimestre:

 

Atentamente,

David Barros Alfaro

 

"Rumba das árbores"

O pasado venres 6 de marzo, dentro da campaña de concienciación ecolóxica "Friday's for future", interpretamos a "Rumba das árbores" do grupo folclórico "Os Escaravellos".

Parabéns ao alumnado de 2º ESO que cantou e bailou esta música tan festeira! E que o lume non queime maís os nosos bosques! 

 

Aquí tes a letra da "Rumba das árbores"

 Agora podes tocar esta fermosa peza coa frauta doce seguindo a partitura

 

 

 

 

"Bring me little water, Silvy"

Estamos a practicar na clase de 1º Bacharelato un spiritual a 3 voces polifónicas acompañadas por percusión corporal: "Bring me little water, Silvy

A primeira interpretación coñecida desta canción remóntase a 1936, e fai referencia a un sedento traballador negro que, mentres faena a plena luz do sol, pídelle a Sylvie que lle achegue un pouco de auga. O seu autor, de orixe estadounidense e coñecido como Leadbelly.

Na nosa versión, acompañámonos dun ritmo composto pola compositora Moira Smiley.. Neste vídeo titorial explica cómo facer a percusión corporal:

 

   Para practicar a túa voz podes descargar un audio mp3:  soprano, alto e barítono

   Podemos seguir a melodía na partitura: soprano, alto e barítono

Viaxe cultural a Madrid

Alumnado de 1º de Bacharelato viaxou a pasada semana a Madrid dentro dunha actividade cultural organizada conxuntamente polos departamentos de Lingua Española, Ciencias Sociais e Música. Os nosos compañeiros realizaron diversas visitas: á exposición sobre os 100 anos da Biblioteca Musical do Centro Cultural Conde Duque; asistencia ao musical de "Billy Elliot" e ao teatro "Fortunata y Benito"; e desfrutaron da arte nos museos do Prado e Reina Sofía. Por último, á volta da viaxe, visitaron tamén a monumental cidade de Segovia. 

 

Día da Paz

Unha vez máis celebramos o pasado 30 de xaneiro o Día escolar pola Paz. Dende o noso instituto queremos fomentar unha cultura da non violencia apostando por unha educación en e para a tolerancia, a solidariedade, a concordia e o respecto aos Dereitos Humanos. 

O alumnado mostrou a súa creatividade a través de poemas e cancións inspirados por este sentimento universal. 

 

Pincha aquí para acceder ao albúm de imaxes

 

Presentouse de forma inédita a canción "Autodestrucción" composta e interpretada por Daniel Rodriguez de 1º Bacharelato.

 

 

 

Podes ler os poemas recitados neste día polo noso alumnado pinchando aquí.

 

VIII Encontro de Música de Secundaria

O pasado 30 de abril, 52 alumnos e alumnas do noso centro participaron no VIII Encontro de Alumnos de Música de Secundaria de Galicia. O evento, organizado por Asomúsica, desenvolveuse no auditorio de ABANCA de Santiago de Compostela e nel particiaron uns 550 estudantes de 15 centros de toda Galicia. Esta xornada contou con actuacións musicais dos diferentes institutos e con catro obradoiros: percusión tradicional, batucada, técnica vocal e hip hop.

Pincha aquí para acceder ao album de fotos 

Podes consultar tamén a reportaxe do evento polo programa A Revista da CRTVG.

 Escoita as nosas actuacións nos seguintes enlaces:  "Señales de tránsito"  e  "Bohemian rhapsody"

Viaxe cultural a Madrid

Os pasados días 29, 30 e 31 de abril, alumnado de Música e Historia da Arte de Bacharelato visitaron a cidade de Madrid. No seu programa tiñan a asistencia ao musical de "Billy Elliot" e admirar as principais obras de arte exhibidas nos museos Reina Sofía, Prado e Thyssen. 

Deixámovos cunha pequena presentación de fotos tomadas nesta actividade.

"Muiñeira dos Nenos"

O pasado 24 de maio, dentro das celebracións das Letras Galegas 2018, tivemos unha actuación de baile coordinada polos departamentos de Educación Física e Música. 

Alumnado de 1º e 3º ESO ensaiaron a "Muiñeira dos nenos" durante as clases de Ed.Física coa inestimable axuda do xefe de estudos, Victor García, experimentado bailador do noso folclore. 

Aquí tedes o video da nosa actuación agardando que a disfrutedes.

 

Agrupación musical: Adrián Rodriguez, Alexia Paz e Victorino García (pandeiretas), Miguel Santiago (guitarra ), Antón Silva e David Barros (gaitas)

Bailadores: Shakira Costas, Jennifer García, Gisela Roris, Érika Álvarez, Alejandro Alves, Jessica Cardozo, Alba González, Uxía Otero, Laura Puime, Paula Campos, Andrea Fernández, Iria Coto, Uxía González, Sheila Lorenzo, Miriam Vila, Rubén Novo, Antonio García, Selena Fernández, Lucía Collazo, Ana Muñiz, Sara Castro, Verónica González e Raquel Giráldez

Día Internacional do Pobo Xitano

22/05/2018 19:16
Europe/Madrid

O pasado día 9 de abril celebramos no noso centro o Día Internacional do Pobo Xitano. Para conmemorar este evento o alumnado xitano do instituto representaron diferentes propostas artísticas: poemas dramatizados, recitados e actuacións musicais. 

Aquí tedes unha mostra das fotos tomadas nesta celebración. 

 

Preme aquí para acceder ao álbum. 

Este é o video que gravamos os días previos para mostrar durante a celebración. Parabéns a todos os protagonistas polo seu esforzo e pola súa arte!

 

Distribuir contido