De leria co escritor Manrique Fernández

Moi didáctica conferencia de Manrique Fernández no IES Ribeira do Louro (29 de marzo do 2016) na que nos falou da súa recente obra publicada, Tres feridas (editorial Belagua, 2015). O autor explica con gran claridade aspectos como a trama, a estrutura, os personaxes e a xénese creativa da novela. Ademais, dado que o grupo de teatro do noso instituto representou durante o curso pasado a súa peza dramática Floralba (Editorial Egasur S.L, 1999), o escritor achegounos algunha información sobre ela. A obra está baseada nunha fermosa lenda que ten como escenario o castelo do Sobroso e foi escrita como libreto dunha ópera do compositor Rogelio Groba.