try another color:
try another fontsize: 60% 70% 80% 90%

Blogues

SHAKESPEARE PARA IGNORANTES, de Quico Cadaval (Teatro filmado-2019)

Aquí podes ver as películas que gravamos a partir das seguintes representacións teatrais do noso alumnado: Shakespeare para ignorantes, de Quico Cadaval (na páxina); Estes zocos non son para min, de Raquel Castro, e mais Un cruceiro de pracer, de Alfred Hitchcock:

Concerto de Uxía Senlle

  O pasado 3 de maio contamos no noso centro coa extraordinaria voz da cantante galega Uxia Senlle, unha das grandes embaixadoras musicais da cultura galega no mundo da lusofonía. Xunto co guitarrista brasileiro Sergio Tannus, Uxia fixo un percorrido polo seu máis recente repertorio, incluído no album "A palabra cantada". Uxía falounos sobre as cantigas de amigo, a importancia das mulleres na tradición oral, algúns dos nosos poetas máis relevantes (Rosalía, Curros Enríquez, Manuel María, Uxío Novoneyra...) e a conexión da cultura galega co eido lusófono. No remate do concertocantamos todos con Uxía algunhas cancións galegas e portuguesas. 

 

 

 

 

O PRESIDENTE DA REAL ACADEMIA GALEGA FALA DE "LINGUA GALEGA E ECONOMÍA"

Por segundo ano consecutivo, Víctor F. Freixanes visita o noso instituto para falarnos neste caso de "lingua galega e economía". Hai un ano pronunciou outra extraordinaria conferencia sobre o seu libro de entrevistas "Unha ducia de galegos", que deixou unha fonda impresión no noso alumnado.

CADERNOS DE TEATRO - 2019

Un novo número dos nosos Cadernos ateigado de información teatral. Nel ofrecemos as reportaxes fotográficas das últimas obras representadas polo noso alumnado, así coma opinións, entrevistas, propostas didácticas..., e dúas novas fenomenais: a publicación da obra gañadora no Iº Certame de Textos Teatrais Roberto Vidal Bolaño, que convocamos a Editorial Galaxia e o noso instituto, e mais a concesión ao noso grupo de teatro dun galardón que nos fai moi felices, o Primeiro Premio na modalidade “Educación en valores”, por parte da Deputación de Pontevedra.

 

 

 

CORRELINGUA 2018

O alumnado de 1º ESO do IES Ribeira do Louro recibe o "Premio á animación" no Correlingua 2018 celebrado en Vigo

 

CADERNOS DE TEATRO 2018

Un novo número da revista teatral do noso instituto na que ofrecemos información sobre as últimas pezas teatrais representadas polo noso alumnado e na que incluímos reportaxes, entrevistas e opinións sobre as artes escénicas na sociedade e na educación.

 

 

REVISTA ÓRBITA 2017

Velaquí un novo número da nosa revista Órbita, editada polo Equipo de Dinamización Lingüística do IES Ribeira do Louro:

 

 

CADERNOS DE TEATRO 2017

Un novo número dos Cadernos de Teatro do noso instituto, no que damos conta das últimas obras representadas polo noso alumnado, e ao que incorporamos reportaxes, opinións e entrevistas.

 

 

O BUFÓN DE EL-REI, de Vicente Risco (Teatro filmado)

O noso grupo de teatro do Equipo de Dinamización Lingüística presenta a película O Bufón de El-Rei, de Vicente Risco:

FLORALBA, de Manrique Fernández (Teatro filmado)

O grupo de teatro do Equipo de Dinamización Lingüística presenta a película FLORALBA, de Manrique Fernández.

Distribuir contido