Novas

Como cada ano, o centro celebrou o fin das actividades lectivas do ano con diversos concursos que intentaron fomentar a convivencia. Os resultados foron os seguintes:

DECORACIÓN DE AULAS NADAL ‘14

PRIMEIRO CICLO: 2º A e 2º B

SEGUNDO CICLO: 4º A e FPB

CONCURSO DE DOCES:

·       PRIMEIRO PREMIO: Antón Galiñanes (1º C)

·       SEGUNDO PREMIO: Aitana Arnoso (2º B)

CONCURSO DE KARAOKE:

·       PRIMEIRO PREMIO: Abel Arnoso, Daniel Otero e Pablo Garrido (1º Bacharelato B)

SEGUNDO PREMIO: Olga Espino (1º C)

Aquí está un dos grupos gañadores en plena actuación:

Asimesmo, o alumnado de 4º da ESO que participou na campaña de recollida fixo entrega dos alimentos a Cáritas na mesma mañán do día 19 de decembro.

A comunidade educativa do IES Monte da Vila realizou un acto en conmemoración do Día Internacional da Eliminación da Violencia contra a Muller. Acudiron tamén representantes do concello, que está a desenvolver varias actividades e proxectos en colaboración co centro. A máis importante delas é a promoción do blog Estamos contigo, que trata aspectos relacionados coa violencia de xénero e pretende ser unha axuda para as persoas afectadas por ela. O blog é un proxecto levado a cabo por alumnas e alumnos de bacharelato aberto á participación de todos.

Foron os responsables do blog aqueles que redactaron o manifesto. Asistimos á súa lectura pública todo o profesorado, todo o alumnado e os representantes do concello: a concelleira de igualdade, a de educación e o de xuventude.

O acto tivo a súa repercusión na prensa.

Pódese ler o manifesto aquí.

Grazas pola vosa colaboración!

O pasado 14 de novembro tivo lugar a celebración do magosto. Repartíronse castañas asadas e cantáronse algunhas cancións tradicionais. Despois, desenvolveuse un torneo de baloncesto e, como novidade, unha competición de billarda.

Desde o mes de outubro está en marcha un concurso que pretende mellorar o ambiente de estudo e a orde nas aulas do primeiro ciclo da ESO. Chámase "A nosa aula". Os diferentes grupos de 1º e 2º da ESO son puntuados polo profesorado e coordinados polos seus titores.

Os gañadores de outubro foron 1º A2 e 2º A, que desfrutaron na cafetería dun almorzo especial.

PARABÉNS!

Actividade levada a cabo polo Departamento de Lingua Galega e Literatura coa colaboración do Departamento de Debuxo.

Ao longo de todo este curso todos os grupos de 1º e de 3º do IES Monte da Vila mantiveron un contacto por carta co IES de Tomiño. Esta correspondencia fíxose de xeito individual (alumno a alumno) o que propiciou un posterior encontro entre os dous centros o luns 5 de maio no lago Castiñeiras e o casco antigo de Pontevedra.

A maior parte do tempo transcorreu no lago e alí desenvolveron varias actividades, sendo a principal o coñecemento en persoa do alumnado dos dous centros.

Para facilitar esta socialización, o Departamento de Debuxo ideou unha actividade moi interesante: tanto o alumnado do Grove como o de Tomiño tiña que facer un retrato do compañeiro co que se carteou durante todo o ano. Isto axudou a que os rapaces dos institutos contactasen de xeito máis espontáneo e divertido.

Unha vez rematados os retratos, iniciamos unha andaina cara un miradoiro e posteriormente xantamos todos xuntos na beira do lago. Pola tarde baixamos ao casco antigo de Pontevedra e, finalmente, chegamos ao Grove sobre as 19:00 horas.

O pasado venres 4 de abril, tres equipos do IES Monte da Vila partiron para a III Final Nacional do Young Business Talents.

Tras tres meses de competición online no instituto, chegaba a hora da final presencial.

Despois dun día de traballo e toma de decisións sobre produción, prezos, publicidade e outras variables que definen a estrategia de calquera empresa real, os resultados foron os seguintes:

De entre 1.535 equipos de toda España …

En 3º lugar: COMPLEX

20º: MECOCREME

38º: LAUDATE

PARABÉNS!

Máis información: O Monte da Vila na III Final do YBT

Durante este trimestre parte do alumnado e do profesorado comezou a traballar nun proxecto moi interesante: unha radio que informe das actividades e noticias locais e do centro e que sirva como medio de expresión dos intereses da comunidade escolar.

O seu nome é ONDAVILA. E a súa web:

ONDAVILA

Tamén temos este logotipo, deseñado por Rubén Piñeiro Fernández, de 4º C.

O primeiro programa foi un informativo, Infovila, e podedes escoitalo aquí:

O PRIMEIRO PROGRAMA

Proximamente engadiranse novas seccións: de humor, música, dedicatorias... É importante que calquera persoa interesada en axudar neste proxecto participe e chegue a formar parte do equipo. Por iso queremos animarvos. Para iso podedes falar con Ángeles ou Salvador.

 A radio é vosa e precisa xente con ilusión e ideas orixinais. 

O día 28 de febreiro celebráronse no centro as actividades correspondentes á chegada do entroido. Foi, coma sempre, unha mañán diferente e divertida. Moitos alumnos e profesores disfrazáranse e actuaran nas comparsas e nos diferentes concursos, demostrando teren enxeño e sentido do humor.

RESULTADOS DOS CONCURSOS

CONCURSO DE COMPARSAS:

1º PREMIO (ex aequo): 2º Bacharelato e 4º de ESO.

2º PREMIO: 1º ESO A.

3º PREMIO: 3º ESO A.

CONCURSO DE DISFRACES:

1º PREMIO: Silvia Filgueira (1º Bach. B)

2º PREMIO: Olga Espino (1º ESO A2)

3º PREMIO: Elián Castro (2º ESO C)

Mención especial: Pedro Rodríguez (3º ESO A1); Andrea Padín (1º ESO A2); Adriana Montes (3º ESO A1)

CONCURSO DE DOCES TÍPICOS:

1º PREMIO: Aitana Arnoso (1º ESO B)

2º PREMIO: Yolanda Pérez (1º ESO C)

3º PREMIO: Andrea Padín (1º ESO A2)

Podedes ver máis fotos na seguinte ligazón:

Máis imaxes

O departamento de economía organizou unha visita a Inditex o pasado luns 10 de febreiro.

Comezamos coa visita ás novas instalacións da fundación de Inditex (en Arteixo), ampliadas en 75.000 m2. Pasamos polos departamentos de xestión internacional, deseño, patronaxe, fotografía, escaparatismo, tendas piloto, fábricas e loxística.

Despois, tempo libre para comer no centro comercial Marineda City e regreso.

O día 20 de decembro, último lectivo do ano, tivo lugar no centro a tradicional festa de nadal, que se desenvolveu nas dúas últimas horas da mañán. Convocáronse distintos concursos, co seguinte resultado:

DECORACIÓN DE AULAS: Gañadores > 3º ESO A1; 2º premio ex aequo > 4º ESO A y 3º ESO C; 3º premio > 2º ESO A; mención especial > 1º ESO B

POSTAIS: Aida Iglesias Gondar (4º A).

DOCES NAVIDEÑOS: Adrián Rivademar (1º premio); Alba Meis (2º premio); Salma e Ari (1º C) e Andrea Padín (3º premio ex aequo).

KARAOKE: Olga Espino (1º premio); Ariadna Méndez e Catarina Castro (2º premio).

Tamén fíxose una mención especial ao alumnado participante na campaña de recollida de alimentos.