Actividades do centro

La casa de Bernarda Alba

Mér, 17/04/2024 - 14:36

O pasado xoves 11 de abril o alumnado de 4º de ESO asistiu á representación teatral de La casa de Bernarda Alba no Auditorio de Vilagarcía de Arousa. Foi una sesión matinal moi didáctica para os nosos rapaces e rapazas, pois tiveron a sorte de poder ver sobre o escenario a obra de Federico García Lorca que xa leran na aula. Foi, ademais, unha actividade entretida xa que despois da representación tiveron a oportunidade de charlar coas actrices sobre varios temas relacionados con esta peza teatral fundamental do século XX. A actividade estivo organizada polo departamento de Lingua castelá e Literatura e as profesoras que acompañaron ao noso alumnado foron Loló, Ana G. e Tere. Sen dúbida, unha saída que ben merece ser repetida en vindeiros cursos.

Visita ao ecosistema dunar da Lanzada

Mér, 10/04/2024 - 17:12

Os alumnos e alumnas de bioloxía e xeoloxía de 4ºESO e 1ºBacharelato asistiron a unha xornada didáctica no medio natural protexido da Lanzada, onde puideron aprender da man da asociación ADEGA de que trata un ecosistema dunar e que especies viven nel. Observamos a incubación dun niño de píllara e fixemos unha recolecta de lixo de 70Kg. 

PUBLICACIÓN DEFINITIVA DE ALUMNADO ADMITIDO PARA O VINDEIRO CURSO 2024-2025

Mér, 03/04/2024 - 11:49

Todas as solicitudes de Admisión presentadas en prazo neste centro para o vindeiro curso 2024-2025, están admitidas.
As listaxes atópanse publicadas no taboleiro do centro e poden ser consultadas en horario de clase.

II Semana da saúde 2024

Mar, 02/04/2024 - 11:42

Por segundo ano, o Departamento de Educación Física organizou a Semana da saúde, financiado polos programas de Innovación Educativa. Nesta edición, centrouse nas adiccións, sobre todo, nas que está máis relacionadas coa adolescencia e as etapas educativas do centro. Abarcamos todos os cursos, agás o Ciclo Medio de Sistema e 2º de Bacharelato. Ademais, houbo dúas charlas para a comunidade educativa pola tarde, aspecto imprescindible do centro que é traballar coas familias.

VISITA A MEIRANDE E AS SALINAS DO ULLÓ

Ven, 22/03/2024 - 10:43

Na visita a MEIRANDE (Centro de Interprestación da Batalla e do Patrimonio Cultural de Rande) o noso alumnado aprendeu moitísimo sobre a famosa batalla de Rande dende un punto de vista histórico e dende un punto de vista tecnolóxico, onde de primeira mán observaron (e explicóuselles como funcionaban) ferramentas da época para calcular a posición dos barcos (astrolabio esférico, cuadrante, ballestilla, compás, etc.) e diversas armas, destacando sobretodo os canóns dos barcos.

Por outra banda, tamén souberon da historia da “Fábrica do alemán” (lugar onde está ubicado na actualidade o museo), e puideron analizar polo miudo as distintas maquinarias que quedaron abandonadas cando a fábrica pechou no 1955, sobresaindo pola sua importancia as autoclaves, unha prensa manual, unha enlatadora e dúas enormes máquinas xeradoras de electricidade.

 

Na visita as Salinas do Ulló, o alumnado puido pasear pola contorna, disfrutar da diversidade de fauna e flora da enseada de San Simón, perderse polas ruinas da antiga fábrica de salazón é aprender do funcionamento do antigo muiño de mareas alí ubicado. 

 

 

 

 

BOLSAS DE ESTUDO

Xov, 21/03/2024 - 00:31

Aberto o prazo para solicitar bolsas de estudo para estudos universitarios e non universitarios no curso 2024/2025.

Acceso á convocatoria

Calendario de prazos

    • O prazo para solicitar a bolsa da convocatoria xeral para o curso 2024/25 é do 19 de marzo de 2024 ás 9 h., ata o 10 de maio de 2024 ás 15 h. (horas peninsulares). Non o deixes para o final. Pide a túa bolsa aínda que non saibas o que vas estudar ou mesmo se vas ou non a estudar.

    • O prazo para pedir a axuda de necesidade específica de apoio educativo para o curso 2024/25 espérase que comece en maio de 2024.

 

Tipos de bolsas

Para que estudos podes solicitar unha bolsa

Curso 2024 / 2025 

    • Bacharelato

    • Cursos de acceso e de preparación para probas de acceso á Formación Profesional e cursos de formación específicos para acceso a ciclos formativos de grao medio e superior, impartidos en centros públicos e privados concertados

    • Formación Profesional de grao medio e de grao superior

    • Ensinos artísticos: profesionais e superiores

    • Ensinos de idiomas en Escolas Oficiais, incluída a modalidade a distancia

    • Ensinos deportivos

    • Estudos relixiosos superiores

    • Formación Profesional de Grao Básico

Estudos universitarios comprendidos na convocatoria:

    • Curso de acceso á universidade para maiores de 25 anos (impartido por universidades públicas)

    • Ensinos universitarios para títulos de grao e de máster. Están incluídos:

        ◦ Os estudos de grao e máster en centros universitarios da Defensa e da Garda Civil,

        ◦ Créditos complementarios ou complementos de formación para acceder ou obter o título de máster ou grao.

Non se inclúen nesta convocatoria de bolsas:

    • Estudos de terceiro ciclo ou doutoramento,

    • Estudos de especialización,

    • Títulos propios das universidades.

CONVOCATORIA BECAS ALUMNI 2024

Mér, 13/03/2024 - 16:12

Visita ao Instituto de Investigación Sanitaria de Galicia Sur (IISGS)

Mér, 13/03/2024 - 12:08

O venres 8 de marzo os alumnos e alumnas de bioloxía de 2º de bacharelato visitaron as instalacións do Instituto de Investigación Sanitaria de Galicia Sur (IISGS) do hospital Álvaro Cunqueiro en Vigo. Neste centro puideron ver diferentes técnicas e instrumentos de laboratorio cos que se traballa para investigar sobre enfermidades nos hospitais, polo que foron guiados polos departamentos de cultivo celular, de tecidos, xenómica e viron un dos poucos bancos de cerebros que existen a nivel nacional.

 

Investigando un crime

Mér, 13/03/2024 - 12:02

O venres 1 de marzo o alumnado de Bioloxía de 1ºBacharelato viaxou ata A Coruña, concretamente á Domus, para asistir a un taller sobre a investigación dun crime. Resolveron o caso no laboratorio do museo, realizando procedementos básicos e unha serie de técnicas non dispoñibles nos centros educativos como PCR, electroforese ou lámparas ultravioleta. Ao rematar puideron desfrutar das actividades interactivas do museo.

 

 

ENTROIDO 2024

Mér, 06/03/2024 - 13:58

Procedemento admisión para o curso 24/25

Xov, 29/02/2024 - 12:32

 

Solicitude de Admisión

Prazo: do 1 ao 20 de marzo

Normativa relacionada
  • Decreto 13/2022, do 3 de febreiro, polo que se regula a admisión de alumnado en centros docentes sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación.
  • Orde do 21 de outubro de 2022 pola que se desenvolve o Decreto 13/2022, do 3 de febreiro, e se regula o procedemento de admisión do alumnado nos centros docentes sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación (códigos de procedemento ED550A, ED550B e ED550C).
  • Orde do 26 de maio de 2023 pola que se desenvolve o Decreto 157/2022, do 15 de setembro, polo que se establecen a ordenación e o currículo do bacharelato na Comunidade Autónoma de Galicia e se regula a avaliación nesa etapa educativa e derroga o artigo 44 da Orde do 21 de outubro de 2022 pola que se desenvolve o Decreto 13/2022, do 3 de febreiro, e se regula o procedemento de admisión do alumnado nos centros docentes sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación (códigos de procedemento ED550A, ED550B e ED550C).

 

Ligazóns:

Procedemento admisión para o curso 2024_25.pdf   Anexo II_Admisión Ordinaria en centros docentes sostidos con Fondos Públicos.pdf  

Intelixencia artificial de peto

Lun, 26/02/2024 - 13:39

O alumnado de ciclo medio de sistemas microinformáticos e redes (SMR) asistiu o día 20 de febreiro pola tarde a unha charla de divulgación científica titulada “Intelixencia artificial de peto”, impartida por Manuel Vilares Ferro, Catedrático de Universidade na Escola Superior de Enxeñaría Informática.

Nela puideron analizar diferentes perspectivas do concepto de intelixencia artificial fronte a intelixencia natural, e a súa íntima relación coa linguaxe e a comunicación dos seres humanos.

Por último viron a demostración dunha contorna de IA capaz de resolver problemas comunmente asociados ao concepto de «intelixencia».

 

Publicado o baremo das solicitudes de Erasmus+ 2023-24

Xov, 22/02/2024 - 14:50

Achégase o resultado da avaliación das solicitudes de movilidade Erasmus+ para o curso 2023-24.

A listaxe de seleccionados é:

  • Eva María Otero Názara SMR2
  • Juan Antonio Rodiño Valladares SMR2
  • Ethan Vidal Redondo SMR2
  • Brais Triñanes Lois SMR2
  • Hugo Dopico Rebollo SMR2
  • Iago Prack Agraso FPB2
  • Osansi Julián Miniño Zamora FPB2
  • Sergio Viñas Rios FPB2

Achégase tamén o pdf do baremo.

ANUNCIO CONVOCATORIA AXUDASLE 2024

Ven, 16/02/2024 - 11:09

Desde o servizo de Innovación e Programas Educativos comunican a todos os centros docentes sostidos con fondos públicos con ensinanzas en Bacharelato, que o día 12 de febreiro foi publicada a convocatoria AXUDASLE 2024

AXUDAS PARA A REALIZACIÓN DE ACTIVIDADES DE FORMACIÓN EN LINGUAS ESTRANXEIRAS NO ANO 2024:

Prazo de solicitudes aberto dende o 13 de FEBREIRO ata o 12 de MARZO (incluído)

http://www.edu.xunta.gal/axudasle

 

PORTAS ABERTAS

Ven, 16/02/2024 - 11:01

Os vindeiros días luns 19 e martes 20 o centro estará aberto á comunidade educativa polas tardes, de 16:30h a 19:00h, para que as familias poidan ver os traballos e proxectos dos seus fillos e fillas que están expostos polos corredores do centro, tanto na planta baixa como no primeiro andar. 

 

 

 

Cambio Climático? Si, pero non porque o diga eu!

Ven, 16/02/2024 - 10:41

O xoves 8 de febreiro o Departamento de Bioloxía e Xeoloxía organizou unha charla sobre a realidade climática actual para o alumnado de Bioloxía de 4º da ESO e 1ºBacharelato. Armand Hernández Hérnández, investigador da UDC en Paleoclimatoloxía e Cambio Global, estivo, durante dúas sesións, charlando co alumnado e explicándolle como a ciencia demostra que o cambio climático é unha realidade. Para isto fixo unha análise detallada de multitude de datos recollidos polo momento, incluíndo na explicación causas, futuros impactos e metodoloxías científicas que se empregan no mundo científico para realizar este tipo de estudos. 

 

EXPOSICIÓN DE PROXECTOS DE TECNOLOXÍA NO CENTRO

Ven, 02/02/2024 - 10:01

O Departamento de Tecnoloxía expón polos corredores do centro os proxectos que os alumnos e as alumnas de diferentes cursos fixeron neste trimestre:

 

 

 

Charla sobre Doazón e Transplante de Órganos

Mér, 31/01/2024 - 10:18

O luns 29 de xaneiro o Departamento de Bioloxía e Xeoloxía organizou unha charla sobre trasplantes e doazón de órganos para o alumnado de Bioloxía de 3º da ESO. Lucas Lage Cendón, Coordinador de Transplantes do Complexo Hospitalario Universitario de Vigo, acudiu ao centro con Carlos Sánchez Montes, un paciente trasplantado que relatou a súa experiencia persoal. Durante unha sesión e media explicaron o funcionamento do proceso e a súa importancia, co obxectivo de lograr unha reflexión por parte do alumnado.

 

    

 

   

Charlas sobre o acoso escolar (segunda parte)

Lun, 29/01/2024 - 12:03

Continúan as charlas para as familias sobre o acoso escolar, nesta ocasión será o martes 30 de xaneiro, ás 17:30 na aula de convivencia do IES Monte da Vila.

Charla “Drons, imaxe aérea e imaxe satélite”

Lun, 29/01/2024 - 11:57

O pasado martes 23 de xaneiro D. Fernando Martín Rodríguez, Doutor en Enxeñería de Telecomunicacións da Universidade de Vigo, impartiu unha charla didáctica para o alumnado de 4º ESO e 1º de bacharelato, titulada “Drones, imagen aérea e imagen satélite”.

Nesta charla o relator explicou os fundamentos do funcionamento dos drons (giroavións/multirrotores e de ala fixa) e as tecnoloxías implicadas (eléctricas, mecánicas, electrónicas, comunicacións, piloto automático, estabilización de cámara...). Tamén se explicou cómo facer capturas de imaxes cartográficas (voo fotogramétrico, ortomosaicos) e o procesado das imaxes aéreas. E por último, describironse as plataformas de observación terrestre dende satélites, os tipos de sensores, o portal de Copernicus (ESA) e o procesado de imaxe satélite.