Actividades do centro

CONVOCATORIA BECAS ALUMNI 2024

Mér, 13/03/2024 - 15:12

Visita ao Instituto de Investigación Sanitaria de Galicia Sur (IISGS)

Mér, 13/03/2024 - 11:08

O venres 8 de marzo os alumnos e alumnas de bioloxía de 2º de bacharelato visitaron as instalacións do Instituto de Investigación Sanitaria de Galicia Sur (IISGS) do hospital Álvaro Cunqueiro en Vigo. Neste centro puideron ver diferentes técnicas e instrumentos de laboratorio cos que se traballa para investigar sobre enfermidades nos hospitais, polo que foron guiados polos departamentos de cultivo celular, de tecidos, xenómica e viron un dos poucos bancos de cerebros que existen a nivel nacional.

 

Investigando un crime

Mér, 13/03/2024 - 11:02

O venres 1 de marzo o alumnado de Bioloxía de 1ºBacharelato viaxou ata A Coruña, concretamente á Domus, para asistir a un taller sobre a investigación dun crime. Resolveron o caso no laboratorio do museo, realizando procedementos básicos e unha serie de técnicas non dispoñibles nos centros educativos como PCR, electroforese ou lámparas ultravioleta. Ao rematar puideron desfrutar das actividades interactivas do museo.

 

 

ENTROIDO 2024

Mér, 06/03/2024 - 12:58

Procedemento admisión para o curso 24/25

Xov, 29/02/2024 - 11:32

 

Solicitude de Admisión

Prazo: do 1 ao 20 de marzo

Normativa relacionada
  • Decreto 13/2022, do 3 de febreiro, polo que se regula a admisión de alumnado en centros docentes sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación.
  • Orde do 21 de outubro de 2022 pola que se desenvolve o Decreto 13/2022, do 3 de febreiro, e se regula o procedemento de admisión do alumnado nos centros docentes sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación (códigos de procedemento ED550A, ED550B e ED550C).
  • Orde do 26 de maio de 2023 pola que se desenvolve o Decreto 157/2022, do 15 de setembro, polo que se establecen a ordenación e o currículo do bacharelato na Comunidade Autónoma de Galicia e se regula a avaliación nesa etapa educativa e derroga o artigo 44 da Orde do 21 de outubro de 2022 pola que se desenvolve o Decreto 13/2022, do 3 de febreiro, e se regula o procedemento de admisión do alumnado nos centros docentes sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación (códigos de procedemento ED550A, ED550B e ED550C).

 

Ligazóns:

Procedemento admisión para o curso 2024_25.pdf   Anexo II_Admisión Ordinaria en centros docentes sostidos con Fondos Públicos.pdf  

Intelixencia artificial de peto

Lun, 26/02/2024 - 12:39

O alumnado de ciclo medio de sistemas microinformáticos e redes (SMR) asistiu o día 20 de febreiro pola tarde a unha charla de divulgación científica titulada “Intelixencia artificial de peto”, impartida por Manuel Vilares Ferro, Catedrático de Universidade na Escola Superior de Enxeñaría Informática.

Nela puideron analizar diferentes perspectivas do concepto de intelixencia artificial fronte a intelixencia natural, e a súa íntima relación coa linguaxe e a comunicación dos seres humanos.

Por último viron a demostración dunha contorna de IA capaz de resolver problemas comunmente asociados ao concepto de «intelixencia».

 

Publicado o baremo das solicitudes de Erasmus+ 2023-24

Xov, 22/02/2024 - 13:50

Achégase o resultado da avaliación das solicitudes de movilidade Erasmus+ para o curso 2023-24.

A listaxe de seleccionados é:

  • Eva María Otero Názara SMR2
  • Juan Antonio Rodiño Valladares SMR2
  • Ethan Vidal Redondo SMR2
  • Brais Triñanes Lois SMR2
  • Hugo Dopico Rebollo SMR2
  • Iago Prack Agraso FPB2
  • Osansi Julián Miniño Zamora FPB2
  • Sergio Viñas Rios FPB2

Achégase tamén o pdf do baremo.

ANUNCIO CONVOCATORIA AXUDASLE 2024

Ven, 16/02/2024 - 10:09

Desde o servizo de Innovación e Programas Educativos comunican a todos os centros docentes sostidos con fondos públicos con ensinanzas en Bacharelato, que o día 12 de febreiro foi publicada a convocatoria AXUDASLE 2024

AXUDAS PARA A REALIZACIÓN DE ACTIVIDADES DE FORMACIÓN EN LINGUAS ESTRANXEIRAS NO ANO 2024:

Prazo de solicitudes aberto dende o 13 de FEBREIRO ata o 12 de MARZO (incluído)

http://www.edu.xunta.gal/axudasle

 

PORTAS ABERTAS

Ven, 16/02/2024 - 10:01

Os vindeiros días luns 19 e martes 20 o centro estará aberto á comunidade educativa polas tardes, de 16:30h a 19:00h, para que as familias poidan ver os traballos e proxectos dos seus fillos e fillas que están expostos polos corredores do centro, tanto na planta baixa como no primeiro andar. 

 

 

 

Cambio Climático? Si, pero non porque o diga eu!

Ven, 16/02/2024 - 09:41

O xoves 8 de febreiro o Departamento de Bioloxía e Xeoloxía organizou unha charla sobre a realidade climática actual para o alumnado de Bioloxía de 4º da ESO e 1ºBacharelato. Armand Hernández Hérnández, investigador da UDC en Paleoclimatoloxía e Cambio Global, estivo, durante dúas sesións, charlando co alumnado e explicándolle como a ciencia demostra que o cambio climático é unha realidade. Para isto fixo unha análise detallada de multitude de datos recollidos polo momento, incluíndo na explicación causas, futuros impactos e metodoloxías científicas que se empregan no mundo científico para realizar este tipo de estudos. 

 

EXPOSICIÓN DE PROXECTOS DE TECNOLOXÍA NO CENTRO

Ven, 02/02/2024 - 09:01

O Departamento de Tecnoloxía expón polos corredores do centro os proxectos que os alumnos e as alumnas de diferentes cursos fixeron neste trimestre:

 

 

 

Charla sobre Doazón e Transplante de Órganos

Mér, 31/01/2024 - 09:18

O luns 29 de xaneiro o Departamento de Bioloxía e Xeoloxía organizou unha charla sobre trasplantes e doazón de órganos para o alumnado de Bioloxía de 3º da ESO. Lucas Lage Cendón, Coordinador de Transplantes do Complexo Hospitalario Universitario de Vigo, acudiu ao centro con Carlos Sánchez Montes, un paciente trasplantado que relatou a súa experiencia persoal. Durante unha sesión e media explicaron o funcionamento do proceso e a súa importancia, co obxectivo de lograr unha reflexión por parte do alumnado.

 

    

 

   

Charlas sobre o acoso escolar (segunda parte)

Lun, 29/01/2024 - 11:03

Continúan as charlas para as familias sobre o acoso escolar, nesta ocasión será o martes 30 de xaneiro, ás 17:30 na aula de convivencia do IES Monte da Vila.

Charla “Drons, imaxe aérea e imaxe satélite”

Lun, 29/01/2024 - 10:57

O pasado martes 23 de xaneiro D. Fernando Martín Rodríguez, Doutor en Enxeñería de Telecomunicacións da Universidade de Vigo, impartiu unha charla didáctica para o alumnado de 4º ESO e 1º de bacharelato, titulada “Drones, imagen aérea e imagen satélite”.

Nesta charla o relator explicou os fundamentos do funcionamento dos drons (giroavións/multirrotores e de ala fixa) e as tecnoloxías implicadas (eléctricas, mecánicas, electrónicas, comunicacións, piloto automático, estabilización de cámara...). Tamén se explicou cómo facer capturas de imaxes cartográficas (voo fotogramétrico, ortomosaicos) e o procesado das imaxes aéreas. E por último, describironse as plataformas de observación terrestre dende satélites, os tipos de sensores, o portal de Copernicus (ESA) e o procesado de imaxe satélite.

 

      

 

Semana Branca en Andorra - 2024

Mér, 24/01/2024 - 09:08

Outro ano máis, o Departamento de Educación Física organizou a Semana Branca a Andorra. Repetimos na estación do curso pasado, Ordino-Arcalís. Acompañamos ao alumnado de 3º ESO e 1º Bacharelato. O tempo foi máis amable que o curso pasado e favoreceu a aprendizaxe e o desfrute no tempo libre. Exprimimos as xornadas ao máximo saíndo a explorar as pistas, os remontes e desfrutando das vistas dende os telesillas. Tamén nos relaxamos (toleamos, mellor dito) no balneario Caldea e visitamos en varias ocasións Andorra La Vella. Esta saída é dura, intensa e esixente e o alumnado estivo á altura. Voltaremos.

Probas de acceso a ciclos formativos de grao medio e superior. Orde da convocatoria 2024.

Xov, 18/01/2024 - 14:02

Publicada a Orde do 21 de decembro de 2023 pola que se regulan as probas de acceso aos ciclos formativos de grao medio e de grao superior de formación profesional do sistema educativo, e se convocan para o ano 2024 (códigos de procedemento ED312C e ED312D).

Prazo de presentación de solicitudes:

  • Probas de acceso a ciclos formativos de grao medio: O prazo de presentación de solicitudes estará abranguido entre os días 26 de febreiro e 8 de marzo de 2024, ambos os dous incluídos.
  • Probas de acceso a ciclos formativos de grao superior: O prazo de presentación de solicitudes estará abranguido entre os días 29 de xaneiro e 9 de febreiro de 2024.

Convocatoria Erasmus+ curso 2023-2024

Xov, 18/01/2024 - 13:58

Ábrese o proceso de inscrición para a participación no programa Erasmus +  do curso 2023-2024 do IES Monte da Vila. As prazas dispoñibles son as seguintes:

  • 5 prazas para alumnado do ciclo medio de Sistemas Microinformáticos e Redes, para realizar unha estadía de 100 días en un dos seguintes destinos:
    • Italia (Pescara/Palermo)
    • Irlanda (Dublín)
    • Grecia (Atenas)
    • Malta
    • Polonia (Cracovia)
    • Croacia (Osijek)
    • República Checa (Praga)
    • Alemania (Berlín)
    • Francia (Niza)
    • Holanda (Róterdam)
    • Portugal (Lisboa, Oporto)
  • 2 prazas para o alumnado do ciclo de FPB de Informática de Oficina, para realizar unha estadía nos mesmos destinos.

Deberán entregarse as solicitudes no prazo de 10 días laborais, a contar a partir do día 22 de xaneiro de 2024, luns. A partir da finalización deste prazo, comezará o proceso de selección. Publicarase nesta páxina en vindeiras datas a listaxe de persoas seleccionadas e a orde correspondente na listaxe de espera das persoas non seleccionadas.

Os criterios de selección indícanse a continuación:

  • Expediente académico (30 %)
  • Coñecemento de idiomas (30 %)
  • Méritos (10 %)
  • Entrevista persoal (20 %)
  • Interese polo programa Erasmus (10%)

En caso de empate, os criterios de desempate serán, por esta orde:

  • A maior puntuación no expediente
  • A maior puntuación en formación de idiomas

En caso de continuar empatados, o desempate determinarase por sorteo.

Baremo

1) EXPEDIENTE ACADÉMICO (30 %)
 
Valorarase ata un máximo de 3 puntos, calculando a media aritmética das cualificacións obtidas nas materias do ciclo formativo de grado medio.

  • De 6 a 6,99. Aprobado. 1 punto.
  • De 7 a 8,99. Notable. 2 puntos.
  • De 9 a 10 Sobresaliente. 3 puntos.

Non se terán en conta as cualificacións convalidadas.
 
2. COÑECEMENTOS DE IDIOMAS (30 %)
 
2.1. Certificados de nivel do idioma do país de destino (ou inglés no seu defecto, por exemplo no caso de Grecia). Por certificado oficial da Escola Oficial de Idiomas ou un equivalente legalmente homologado. Sumarán ata un máximo de 3 puntos.

  • A1: 1 punto.
  • A2: 1,5 puntos.
  • B1: 2 puntos.
  • B2: 2,5 puntos.
  • C1 o C2: 3 puntos.

Sen certificado oficial: realización dunha proba de nivel (escrito + oral), ata un máximo de 1 punto.
 
2.2. Baremo dun segundo idioma
 
Valorarase o coñecemento de outro idioma cun nivel mínimo de A2 e coa acreditación dun certificado oficial, da mesma forma que para un idioma vehicular do país de destino (ou inglés no seu defecto), ata un máximo de 1 punto:

  • A2: 0,5 puntos
  • B1, B2, C1, C2.: 1 punto

A puntuación máxima que pode obterse neste apartado é de 3 puntos.
 
3. MÉRITOS (10 %)
 
Valorarase con 0,5 puntos cada título de formación profesional de grado medio diferente ao que da acceso á mobilidade, ata un máximo de 1 punto, en caso de FP Básica este punto non é aplicable.
 
4. ENTREVISTA PERSOAL (20 %)
 
Habilidades persoais e sociais suficientes para desenvolverse en contornas distintas das habituais. Valorarase a participación en programas de voluntariado.
 
5) INTERESE POLO PROGRAMA ERASMUS (10%)
 
Proba de coñecemento do programa Erasmus e de toda a información que recibiu na fase previa a este proceso selectivo.

 

Obra “Frida” no Teatro Principal en Santiago de Compostela

Lun, 15/01/2024 - 12:11

O pasado xoves os estudantes de 3ºESO foron ao Teatro Principal a ver e escoitar a obra "Frida" por parte da Banda Municipal de Música de Santiago de Compostela:

Un día Frida, unha adolescente “aburrida da vida”, descobre unha marabillosa carta que a súa avoa Henriqueta lle escribira a FRIDA KALHO. Nela dáballe as grazas por mostrarlle que a arte é un talismán que o cura todo. A partires de entón, comeza un proceso de transformación que revolucionará a vida da cativa e todo o que está ao seu arredor. A maxia da arte fará que a creatividade de Frida se dispare, fará que pinte cadros, que cante, que baile, que vista o espazo de cores da vida e que á fin, coñeza a FRIDA KAHLO

 

 

No escenario a Banda Municipal de Música de Santiago de Compostela e a actriz Cristina Collazo. 

PROTOCOLO PARA O USO DE TELÉFONOS MÓBILES E DISPOSITIVOS ELECTRÓNICOS NOS CENTROS EDUCATIVOS

Mar, 09/01/2024 - 08:48

De acordo co protocolo adxunto da Orde de 4 de xaneiro de 2024 da Consellería de Cultura, Educación, Formación Profesional e Universidades sobre o uso dos teléfonos móbiles e dispositivos electrónicos nos centros educativos, determínanse as seguintes pautas a implantar nos centros educativos, que se identifican como boas prácticas educativas en materia de convivencia escolar:

1. Nos centros docentes de niveis non universitarios sostidos con fondos públicos da Comunidade Autónoma de Galicia que ofrezan algunha das ensinanzas reguladas na lei orgánica educativa en vigor, a prohibición de uso de teléfonos móbiles e outros dispositivos electrónicos como mecanismo de comunicación establecida durante os períodos lectivos debe estenderse tamén, con carácter xeral, á totalidade da xornada escolar, incorporando os períodos non lectivos. En consecuencia, non se permitirá durante a xornada escolar o emprego libre destes dispositivos.

2. Considéranse aos efectos deste protocolo como períodos non lectivos os seguintes: as entradas e saídas, o tempo de recreo, de comedor escolar e os períodos dedicados ao desenvolvemento de actividades complementarias e extraescolares.

3. Os centros poderán establecer excepcionalmente normas para a correcta utilización dos dispositivos indicados como ferramenta pedagóxica, supervisada polo profesorado.

4. Exceptuarase desta restrición o emprego proporcionado e razoable dos dispositivos por cuestións de oportunidade ou necesidade, médicas ou de outra índole, sempre e cando o motivo estea xustificado da maneira que se considere en cada caso atendidas as circunstancias, e así sexa autorizado pola dirección do centro, ou, de non ser isto posible, polo profesorado.

5. Este protocolo ten un carácter básico e deberá ser contextualizado á realidade do centro e incluído nas súas normas de convivencia. Os centros educativos que impartan ensinanzas de formación profesional de grao superior, de réxime especial ou de adultos, en base á súa autonomía organizativa e ás súas características, poderán adaptar este protocolo respecto destas ensinanzas no relativo ás limitacións establecidas para os períodos non lectivos.

Programa Aditus

Mér, 20/12/2023 - 00:18

Lanzado en 2017, el objetivo del Programa Aditus es orientar, formar y facilitar el acceso de estudiantes de 1º de Bachillerato, con expediente académico brillante y recursos limitados, a universidades internacionales de primer nivel. Además de Estados Unidos, los estudiantes seleccionados podrán recibir asesoramiento sobre procesos de admisión a otras universidades europeas; en concreto y para para esta convocatoria, a Países Bajos.

El Programa Aditus proporciona a sus estudiantes tutores individuales para asesoramiento durante todo el proceso de admisión, preparación para exámenes obligatorios, y asignación de beca según renta para sufragar gastos de pruebas académicas de acceso, que se realizan en España. 

Los estudiantes que sean seleccionados no tienen que realizar ninguna aportación económica por participar en el Programa Aditus.

Aditus ha preparado a siete promociones de estudiantes admitidos en universidades como Harvard, Yale, Columbia, Pennsylvania, Duke, Georgia Tech, Northwestern, Cornell, Harvey Mudd, Rochester, Imperial College, Bath, UCL, Manchester o Warwick.​

Para la convocatoria 2023/2024, queremos ampliar la difusión del Programa Aditus al mayor número de estudiantes que quieran intentar este ilusionante proceso.

Para ello, les facilitamos:

1.- Enlace para acceder a las bases, requisitos y formulario de la convocatoria, que estará abierta desde el 15 de diciembre de 2023 al 31 de enero de 2024, para que puedan trasladarlo a los alumnos y alumnas de 1º Bachillerato (de cualquier modalidad), que puedan estar interesados: https://programaaditus.org/solicitud/

2.- Folleto informativo que pueden imprimir o remitir a los estudiantes y sus familias.