Novas destacadas

INFORMACIÓN COMEZO DE CURSO 2021-2022

NOTA: O alumnado de SMR tamén empeza o mércores 15

Admisión a ciclos formativos. Ciclos e módulos formativos con prazas dispoñibles (ciclos liberados)

Ábrese o prazo de matrícula en ciclos e módulos de formación profesional con prazas dispoñibles desde o día 21 de xullo ás 9:00 horas ata o día 26 de xullo ás 13:00 horas. Abrírase un novo período de matriculación tras a publicación da 2ª adxudicación ordinaria.

Para matricularse nun ciclo con prazas libres a única condición é cumprir os requisitos de acceso para as ensinanzas correspondentes.

As persoas interesadas deberán formalizar a matrícula no centro educativo no que o ciclo formativo teña prazas dispoñibles. A matrícula realizarase por orde de chegada.

No ciclo medio que se imparte no noso centro - Sistemas Microinformáticos e Redes - quedan dispoñibles 3 prazas.

Toda a información en: www.edu.xunta.es/fp

Recollida de vales de material escolar

Xa están dispoñibles na secretaría do centro os vales de material escolar para o vindeiro curso 2021/2022.

A listaxe das axudas concedidas e denegadas está dispoñible no taboleiro da secretaría.

Calendario avaliación extraordinaria curso 20-21

Informacións sobre avaliación extraordinaria:

  • A avaliación extraordinaria terá lugar entre os días 1 e 2 de setembro. Consulta a data, lugar e hora das probas.
  • A entrega de cualificacións (tamén por abalar) será o 3 de setembro as 13:30 h na aula de referencia.
  • A devolución de libros será o 3 de setembro á mesma hora que a entrega de cualificacións.
  • O período de reclamacións remata o martes 7 de setembro ás 14:00 h.
  • A matrícula realizarase na secretaría do centro os días 6 e 7 de setembro de 9:00 a 14:00 h.
  • Non haberá transporte escolar ata o comenzo das clases.

Calendario fin de curso

As clases rematan o martes 22 de xuño no seu horario habitual.

ENTREGA DE CUALIFICACIÓNS

As calificacións serán enviadas por abalar o día 23 de xuño.

A entrega de boletíns realizarase seguindo o seguinte horario:

  • 2º bacharelato - 23 de xuño ás 12:00 h. na aula de referencia.
  • Resto dos niveis - 24 de xuño ás 10:00 h. na aula de referencia.

Importante: Non haberá servizo de transporte.

O alumnado debe estar pendente os días previos ao remate das clases das instrucións que dea o profesorado titor e outros profesores e profesoras sobre a devolución de libros de texto e outros materiais, xa que algúns libros son do fondo, outros dos departamentos e outros da ANPA.

CALENDARIO DE MATRÍCULA

O día de recollida de notas entregarase ao alumnado que titule ou promocione (aprobe todas as materias) en xuño o sobre de matrícula e matricularase por niveis nas datas que figuran a continuación, para evitar aglomeracións no centro:

1 de xullo 1º ESO
2 de xullo 2º ESO
5 de xullo 3º ESO
6 de xullo 4º ESO
7 de xullo 1º BACHARELATO
8 de xullo 2º BACHARELATO

No caso de ter algún impedimento para acudir os días asignados, contacten co centro para ver cando poden facelo

Fondolibros e axudas para material escolar 2021/22

Abriuse o prazo para a presentación de solicitudes para o fondo solidario de libros de texto e axudas para material escolar “Fondolibros”, que poderán realizarse ata o día 22 de xuño

Dado que o vindeiro curso o centro ampliará a participación no programa E-DIXGAL a todos os cursos da ESO, e que o alumnado recibirá un ordenador portátil, o noso centro está excluído da participación no fondo solidario de libros de texto. Non obstante, o alumnado terá dereito á axuda para adquirir material escolar. 

A realización de solicitudes pode realizarse de forma electrónica, a través do seguinte enlace:
https://www.edu.xunta.es/fondolibros/

No caso de realizala de forma presencial, rogamos entreguen a documentación cuberta a ordenador.
Pregamos ás familias que, se é posible, se axusten ás seguintes datas para a entrega da documentación do fondo de libros, segundo o curso para o cal realicen a solicitude da axuda, co fin de evitar aglomeracións:

  • 1º ESO: 25 de maio. 1, 7 , 11 e 17 de xuño
  • 2º ESO: 26 de maio. 2, 8, 16 de xuño.
  • 3º ESO: 27 de maio. 3, 9, 15 de xuño.
  • 4º ESO: 28 de maio. 4, 10, 14 de xuño.

Reclamación de cualificacións

RECLAMACIÓNS CURSO 2020/21

As datas e o procedemento para a reclamación de cualificacións para o curso 2020/21 son as seguintes:

RECLAMACIÓN DE 2º BACH – CONVOCATORIA ORDINARIA

Publicación das cualificacións a través da plataforma abalar: 18 de maio de 2021.

Reclamación no centro: 19 e 20 de maio de 2021 (ata as 14h).

Entrega de resolución dos departamentos a xefatura de estudos: 21 de maio ás 14h. Entrega ao alumnado ás 14h do 21 de maio.

Prazo para a reclamación do alumnado ante á Inspección educativa: 24 e 25 de maio ata as 14h.

RECLAMACIÓN DE 2º BACH – CONVOCATORIA EXTRAORDINARIA

Publicación das cualificacións a través da plataforma abalar: 23 de xuño de 2021.

Reclamación no centro: 24 e 25 de xuño de 2021 (ata as 14h).

Entrega de resolución dos departamentos a xefatura de estudos: 28 de xuño ata as 14h. Entrega ao alumnado ás 14h do 28 de xuño.

Prazo para a reclamación do alumnado ante á Inspección educativa: 29 e 30 de xuño ata as 14h.

RECLAMACIÓN ESO, 1º BACH e FP – CONVOCATORIA ORDINARIA

Publicación das cualificacións a través da plataforma abalar: 23 de xuño de 2021.

Reclamación no centro: 24 e 25 de xuño de 2021 (ata as 14h)

Entrega de resolución dos departamentos a xefatura de estudos: 28 de xuño ata as 14h. Entrega ao alumnado ás 14h do 28 de xuño.

Prazo para a reclamación do alumnado ante á Inspección educativa: 29 e 30 de xuño ata as 14h.

 

NORMATIVA APLICABLE

ORDE de 2 de marzo de 2021

Circular 2/2021 da Secretaría de Educación e Formación Profesional

 

Distribuir contido