Novas

RETOS

RETOS FÍSICOS E DIVERTIDOS

Desde o Departamento de Educación Física animámosvos a facer unha serie de retos físicos, sinxelos e divertidos que iremos colgando na web.

Van dirixidos, non só ao alumnado, tamén ás familias, profesores e profesoras e PAS.

Ademais de facelos, se vos animades a gravalos, podedes envialos ao correo de Nuria: nurisr@edu.xunta.es

Irémolos recopilando para sacar unhas risas e bos momentos e sentirnos máis pretos.

Retámosvos!

RETO 6

Se non podes ver o vídeo clica aquí

RETO 5

Se non podes ver o vídeo clica aquí

RETO 4

Se non podes ver o vídeo clica aquí

RETO 3

Se non podes ver o vídeo clica aquí

RETO 2

Se non podes ver o vídeo clica aquí

RETO 1

Se non podes ver o vídeo clica aquí

Ligamats

O pasado 4 de marzo, Vionta, Tarso, Abigail y Hugo participaron en Ligamats, competición por equipos organizada pola Escola Rosalía de Castro dentro da XVI Edición de IMATXINA.

Tiveron que resolver problemas, xogos e actividades relacionadas cos talleres da exposición (Pentaminós, Tangrams…) durante hora e media. Como podedes ver nas imaxes, pasárono moi ben. Ao rematar, comentaban que son actividades diferentes ás que se fan na clase habitualmente.

A utopía do bo vivir

Continuando co programa A Ponte entre o Ensino Medio e a USC do que xa falamos neste post, o pasado 28 de febreiro recibimos a visita de Germán Vargas Callejas da Universidade de Santiago de Compostela que nos deu unha charla sobre o bó vivir, a cultura da sostibilidade e as relacións entre tódolos seres vivos que habitamos o planeta.

Plan Xogade

O pasado día 18 de febreiro seguimos coas actividades do XOGADE. Esta vez tocoulle ao alumnado de 4º ESO participar nunha proba de Orientación Deportiva, modalidade SCORE.

A carreira de orientación é unha carreira individual sobre terreo variado con un percorrido concreto por unha serie de controis que o deportista debe descubrir por itinerarios elixidos por el mesmo, servíndose unicamente dun mapa e dun compás.

Para a maioría das alumnas e alumnos de 4º era un contido descoñecido, polo tanto, traballamos varias sesións previas no Instituto.

O día da xornada en Pontevedra foi escollido, xa que despois de moita choiva, estaba un día despexado e soleado e o entorno no que se celebrou a proba era incrible, ao lado do río Lérez, que nos marcaba o norte, dato importante para comezar a carreira.

Saíron por grupos e tiñan unha hora para facer o percorrido.

A proba foi organizada polo Servizo de Deportes da Consellería e o Clube Aromon de Pontevedra e todo saíu perfectamente.

Foi unha xornada moi didáctica desde o punto de vista educativo

Charla para familias: prevención de drogodependencias

O luns 10 de febreiro tivemos a oportunidade de escoitar a  Manuel Isorna Folgar, doutor en Psicoloxía, cunha ampla experiencia na prevención das drogodependencias, que lle levou a realizar diversas investigacións e publicacións neste ámbito.

A idea inicial era que Manuel nos axudase a afrontar o tema das drogas cos nosos fillos e fillas. Pero foi moito máis alá, falounos do difícil que é hoxe en día educar, de como funciona o cerebro dun adolescente, da importancia de amosarnos empáticos á hora de falar con eles/elas. Alertounos tamén de como as novas tecnoloxías están creando persoas cun baixo nivel de frustración, dependentes dos “likes” ou do número de seguidores nas redes sociais. E como non, falounos das páxinas de apostas ou dos videoxogos, que contratan aos mellores profesionais para deseñar estratexias que axuden a atraer a un gran número de usuarios.

Por todo isto, insistiu na importancia de compartir moito tempo cos nosos fillos e fillas, non só calidade senón tamén cantidade. E por suposto, que debemos potenciar neles o xogo na rúa ou no parque, a música ou a actividade física como unha parte fundamental das súas vidas.

A verdade é que foi unha charla moi interesante, que nos axudou a reflexionar sobre o que podemos estar facendo mal á hora de educar e deunos pautas de como mellorar.

Queremos recordar tamén que a ANPA, coa súa escola de nais/pais, ten previstas varias charlas-coloquio durante estas vindeiras semanas. Animámosvos a asistir!

Moitas grazas a todas as persoas que asistiron.

A verdade é que cada vez somos máis!

Videoconferencia coa Antártida

Aquí tedes un anaco da entrada deste acontecemento no blog do clube de ciencia da Biblioteca onde podedes ver fotos da charla e da fauna da illa, vídeos e moito máis.

O pasado venres 31 de xaneiro, o noso instituto tivo a sorte de poder realizar una videochamada directamente coa Antártida. Alí encóntrase a base Gabriel de Castilla, situada na illa Decepción. Na videochamada un comandante e un xefe de investigación contáronnos que a pesar dese nome, a illa era todo o contrario.

Ao final da charla tivemos a sorte de que o comandante e o investigador saíron fora para ensinarnos as vistas coas que se levantan tódolos días e o que máis nos chamou a atención foi un esqueleto completo de balea que se ubicaba na praia. Ao parecer, explicáronnos que alí era moi típica a caza de baleas antes de que se prohibira.

Charla para nais e pais: consumo de drogas

O pasaso martes 4 de febreiro, de 17:30 a 19:00 h. tivo lugar na aula de usos múltiples do noso Centro unha charla coloquio con Iria Veiga, divulgadora científica, que exerce como médico psiquiatra.

O tema da charla foi consumo de substancias que atentan contra a saúde, alteracións psicosomáticas, como afecta o consumo ao noso corpo e mente.

Animamos ás familias a asistir ás charlas que se organizarán proximamente.

Visita á fábrica de Nestlé en Pontecesures

O departamento de economía organizou unha visita á fabrica que Nestlé ten en Pontecesures onde producen leite condensado La Lechera. Alí puidemos coñecer a multinacional Nestlé e o funcionamento da propia sede que ten en Galicia.

Nestlé ubica a súa produción para toda Europa, Oriente Medio e África no norte da provincia de Pontevedra, segundo nos explican debido a o custe do leite que é máis baixo que noutras zonas. O leite é a principal materia prima do leite condensado, para producir un kilo de leite condensado son precisos 2,5 litros de leite fresco e 0,5 kilos de azucre, isto supón que o 50% do custo ven do leite fresco que recollen nunha área de proximidade de 62 quilómetros.

Distribuir contido