O Departamento de Orientación pon a disposición da comunidade educativa a información relativa ó acceso a:

• Ensinanzas artísticas profesionais.
• Ensinanzas artísticas superiores.

No documento adxunto pode consultarse:

• Distintas opcións de ensinanzas artísticas profesionais e superiores. Algunhas son:
• Escola de Arte e Superior de Deseño Pablo Picasso. 
• Escola de Arte e Superior de Deseño Mestre Mateo. Consulta tamén información específica deste centro neste adxunto.
• Escola de Arte e Superior de Deseño Ramón Falcón. 
• Escola de Arte e Superior de Deseño Antonio Failde.
• As condicións para o acceso directo e o período de inscripción.
• Para as probas de acceso ás citadas ensinanzas:
• Datas de inscripción ás probas.
• Datas de realización das probas.
• Instrucións e detalles do procedemento.

Abriuse o prazo para a presentación de solicitudes para o fondo solidario de libros de texto e axudas para material escolar “Fondolibros”, que poderán realizarse ata o día 22 de xuño. 

Dado que o vindeiro curso o centro ampliará a participación no programa E-DIXGAL a todos os cursos da ESO, e que o alumnado recibirá un ordenador portátil, o noso centro está excluído da participación no fondo solidario de libros de texto. Non obstante, o alumnado terá dereito á axuda para adquirir material escolar. 

A realización de solicitudes pode realizarse de forma electrónica, a través do seguinte enlace:
https://www.edu.xunta.es/fondolibros/

No caso de realizala de forma presencial, rogamos entreguen a documentación cuberta a ordenador.
Pregamos ás familias que, se é posible, se axusten ás seguintes datas para a entrega da documentación do fondo de libros, segundo o curso para o cal realicen a solicitude da axuda, co fin de evitar aglomeracións:

• 1º ESO: 25 de maio. 1, 7 , 11 e 17 de xuño
• 2º ESO: 26 de maio. 2, 8, 16 de xuño.
• 3º ESO: 27 de maio. 3, 9, 15 de xuño.
• 4º ESO: 28 de maio. 4, 10, 14 de xuño.

O pasado venres 7 de maio celebrouse a final do Young Business Talents no IES Monte da Vila. Tradicionalmente a final deste torneo celébrase en Madrid pero debido á COVID, este ano celebrouse de forma telemática.

De todos os equipos que comezaron en toda España no mes de novembro, dous equipos do IES Monte da Vila conseguiron clasificarse para esta final.

O equipo AFOJANECORAS, integrado polos alumnos de 1º de bacharelato Breixo Iglesias, Anxo Pérez e Carlos Rodríguez, quedaron no posto 77 dos máis de 3.000 equipos de toda España.

O equipo EMPRESAURIOX, integrado polo alumnado de 2º de bacharelato Zaira Besada, Anxo Cambados, Yael Cambados e Jennifer Meis, gañou a súa simulación na final e quedou clasificado no posto 26 do ranking estatal.

Noraboa aos dous equipos polos seus resultados e aos outros quince equipos do instituto participantes.

Por fin puidemos facer unha actividade fóra do Instituto! Estábamolo desexando e presentóusenos unha increíble, diferente e sobre todo, de traballo en equipo: DRAGÓN BOATS.

O xoves, 5 de maio, viaxamos ao Pontillón do Castro, en Verducido e nas instalacións do Centro Deportivo David Cal, experimentamos co Dragón. O tempo non acompañaba pero a actividade superou as nosas expectativas en canto a diversión e actividade física.

Respectáronse tódalas medidas covid e traballamos en grupos-aulas de maneira moi coordinada e en equipo. Tamén coñecemos o centro de alto rendemento e a modalidade de competición do Dragón.

Foi unha xornada especial e calmou as nosas ansias de facer algo diferente.

Aquí vos deixamos unha reportaxe da xornada. Esperamos que a desfrutedes...

Se non podes ver o vídeo clica aquí

O pasado venres, 30 de abril, tivemos un encontro entre o alumnado de Historia de España, de 2º de Bacharelato, e Antón Mascato, autor de “Atila no Grove. Crónica política e Memoria da masacre (1923-1948)”. O autor falounos do proceso de investigación e elaboración da obra, que xa vai pola súa sexta edición, e que supón un fondo e documentado análise do pasado da vila. Tras a introdución, procedemos a una ronda de preguntas e debate, que permitiu un maior coñecemento dun período convulso e complexo por parte do noso alumnado.

RECLAMACIÓNS CURSO 2020/21

As datas e o procedemento para a reclamación de cualificacións para o curso 2020/21 son as seguintes:

RECLAMACIÓN DE 2º BACH – CONVOCATORIA ORDINARIA

Publicación das cualificacións a través da plataforma abalar: 18 de maio de 2021.

Reclamación no centro: 19 e 20 de maio de 2021 (ata as 14h).

Entrega de resolución dos departamentos a xefatura de estudos: 21 de maio ás 14h. Entrega ao alumnado ás 14h do 21 de maio.

Prazo para a reclamación do alumnado ante á Inspección educativa: 24 e 25 de maio ata as 14h.

RECLAMACIÓN DE 2º BACH – CONVOCATORIA EXTRAORDINARIA

Publicación das cualificacións a través da plataforma abalar: 23 de xuño de 2021.

Reclamación no centro: 24 e 25 de xuño de 2021 (ata as 14h).

Entrega de resolución dos departamentos a xefatura de estudos: 28 de xuño ata as 14h. Entrega ao alumnado ás 14h do 28 de xuño.

Prazo para a reclamación do alumnado ante á Inspección educativa: 29 e 30 de xuño ata as 14h.

RECLAMACIÓN ESO, 1º BACH e FP – CONVOCATORIA ORDINARIA

Publicación das cualificacións a través da plataforma abalar: 23 de xuño de 2021.

Reclamación no centro: 24 e 25 de xuño de 2021 (ata as 14h)

Entrega de resolución dos departamentos a xefatura de estudos: 28 de xuño ata as 14h. Entrega ao alumnado ás 14h do 28 de xuño.

Prazo para a reclamación do alumnado ante á Inspección educativa: 29 e 30 de xuño ata as 14h.

NORMATIVA APLICABLE

ORDE de 2 de marzo de 2021

Circular 2/2021 da Secretaría de Educación e Formación Profesional

ITINERARIOS

O próximo curso 2024/25 entra a LOMLOE en todos os cursos.

PREMATRÍCULA

Podedes consultar a seguinte información por curso:

a) Impreso de prematrícula: todas as materias a escoller. Enlace en PDF. Enlace en Word.

b) Información facilitada polos departamentos sobre determinadas materias. Enlace a cada unha delas. O alumnado debe consultar co profesorado para ampliar a información.

Máis información en DEPARTAMENTOS

O 16 de Marzo, Magdalena Domínguez e Luís Muñoz da Universidade de Vigo expuxeron a oferta educativa da súa universidade e contaron os detalles da convocatoria da ABAU. O Luns 22 da Marzo, Luis Quintela da Universidade de Santiago achegouse ó instituto para falarnos da oferta educativa da mesma e da ABAU. 

O venres 5 de marzo volvemos a ter unha visita do conferenciante Alberto José Coelho Cotón, docente e investigador do Departamento de Química Orgánica da USC esta vez cunha charla sobre o descubrimento dos fármacos a que asistiu o alumnado de Ciencias aplicadas de 4º C.
A charla comezou ca definición de droga, principio activo e medicamento sinalando a diferencia entre os tres. De seguido, o relator fixo fincapé na importancia (sobre todo no momento en que vivimos) da hixiene e como o longo dos séculos esta importancia foi destacada por científicos e médicos ca experimentación e constatación de diminución de mortalidade nos distintos escenarios.

A charla desenvolveuse a continuación destacando descubrimentos importantes na industria farmacéutica sinalando descubridor e principio activo así como que en descubrimentos como a penicilina ( Alexander Fleming en 1928), a warfarina (Karl Link en 1940) …. tivo moita importancia un concepto como é a “serendipia” (Achado valioso que se produce de maneira accidental ou casual).

A semana do 8 ao 12 de febreiro desfrutamos dun entroido pouco corrente no Monte da Vila. A pesar de non poder organizar comparsas como en anos anteriores, fixemos desafíos de disfraces diarios e cada clase escolleu unha temática para disfrazarse o venres. Atopamos moita participación e ganas de rachar coa rutina! 
 
2º ESO C gañou por partida dobre. Non soamente recibiron a puntuación máis alta nos retos diarios, senón que coa súa temática de fútbol americano para o venres aquilo pareceu a Super Bowl