O alumnado de TIC II está a facer unha enquisa ao alumnado do centro sobre o tema da Seguridade Informática. Pincha nos seguintes enlaces según corresponda:

• Alumnado de 1ºESO

• Alumnado 2º de ESO

• Alumnado 3º ESO

Gracias pola vosa colaboración.

A continuación tedes unha guia de PRIVACIDAD Y SEGURIDAD EN INTERNET

O 27 de novembro o alumnado de 1º de Bac das materias de Tecnoloxía, Robótica e TIC I 2 participaron no “X Obradoiro e Concurso Galego de Robótica. A Maxia da Robótica” Celebrado no IES Ramón Menéndez Pidal na Coruña.

O IES. Moncho Valcarce súmase á conmemoración do “DÍA MUNDIAL DA SIDA”, celebrado o día 1 de decembro. Preténdese deste xeito informar ao noso alumnado sobre os problemas que conlevan as enfermidades de transmisión sexual e as maneiras de protexerse fronte a elas.

Os centros educativos constitúen un espazo de socialización esencial no desenvolvemento de mozos e mozas. Un espazo no que ademais de recibir formación académica, representan un lugar de encontro para a relación co grupo de iguais no que se forxan valores, actitudes e modelos de conduta. É fundamental elaborar estratexias socio-educativas que aborden diferentes temáticas, entre elas, a Educación Sexual. A sexualidade é unha condición indisociable do ser humano que nos fai persoas únicas e particulares. Nunha etapa de cambios como é a puberdade, é importante que mozos e mozos conten coas ferramentas e instrumentos precisos que os acompañen e axuden no seu propio proceso de sexualidade. O obxectivo fundamental é que mozos e mozos aprendan a coñecerse, a aceptarse e a vivir a súa sexualidade dunha maneira positiva e satisfactoria.

O día 25 de novembro, o I.E.S. Moncho Valcarce sumouse á campaña de apoio e solidariedade coas vítimas da violencia de xénero. Pretendemos con este acto poñer o noso gran de area para tentar erradicar esta lacra social que afecta a moitas mulleres. Non podemos permitir que este problema siga acontecendo na nosa sociedade. Nin unha máis, nin unha menos.

 Voltamos un curso máis a este castro celta, xa que os cursos 2016/17, 2017/18 e 2018/19 xa realizamos esta interesante visita, e, dada a relevancia para coñecer a nosa historia e cultura, decidimos repetir.

A visita a esta cidade da cultura castrexa, situada en San Amaro.- Punxín (a 18 KM. de Ourense) iniciámola arredor das 11.45 a,m. despois dun percorrido de máis de dúas horas de media de traxecto dende o noso IES.

Despois do xantar, fixemos un percorrido polo casco histórico de Ourense: as Burgas, as rúas máis emblemáticas onde o alumnado tomou nota dos nomes de persoeiros ilustres galegos que se lles adican, a Catedral, Praza Maior….

Con motivo do Samaín, desde a biblioteca, o club de lectura e dinamización convocouse un concurso de microcontos e ilustracións baixo o título “Microrrelatos de medo a partir dun whatsapp”. Os alumnos elaboraron unha historia dunha extensión máxima de cen palabras a partir de fragmentos a escoller (en galego e en castelán). O xurado, formado por alumnado de 2º de bacharelato, escolleu os gañadores. Todos os participantes recibirán un pequeno agasallo.

Ao longo dos meses de outubro, novembro e decembro estanse a desenvolver o ciclo de charlas do “Plan Director para a convivencia nos centros educativos”. Ditas charlas teñen como tema os riscos de internet entre os adolescentes e a prevención de drogodependencias. Están dirixidas a todo o alumnado do centro e impártense nas horas de titoría.

O dia 11 de novembro o alumnado de 3º e 4º da ESO asistiu a representación da obra de teatro “Elisa e Marcela” no cine Alovi, representada pola compañía “A panadería”. Na devandita obra cóntase a historia das coruñesas Elisa e Marcela, protagonistas do primeiro matrimonio entre mulleres que tivo lugar no pais en 1901 e a súa repercusión a nivel internacional.

O mércores, 6 de novembro, o Departamento de Dinamización Lingüística en colaboración co Departamento de Xeografía e Historia organizou unha viaxe cultural ás vilas de Ribadeo e Mondoñedo co alumnado de dinamización lingüística e o de 1º de ESO. Visitaron a catedral de Mondoñedo, o Museo Álvaro Cunqueiro e o recentemente inaugurado Museo da Imprenta. Despois dun breve descanso para xantar continuaron a viaxe ata Ribadeo. Aquí puideron contemplar a fermosa paisaxe da costa lucense dende Illa Pancha e o Forte de San Damián para máis tarde pasear polas rúas do centro da vila.