Probas de acceso a ciclos de grao medio e superior 2016
Enviado por admin o Mar, 09/02/2016 - 23:09
Información xeral das probas de acceso a ciclos formativos de grao medio e de grao superior
Información xeral sobre as probas acceso ao grao medio
As probas de acceso aos ciclos formativos de grao medio van dirixidas ás persoas que non cumpran os requisitos académicos de acceso a ciclos formativos de grao medio. Para poder concorrer á proba é necesario ter cumpridos dezasete anos ou cumprilos no ano natural de celebración da proba.
As probas de acceso aos ciclos formativos de grao superior van dirixidas ás persoas que teñan polo menos dezanove anos ou os fagan no ano de realización da proba e non cumpran os requisitos académicos de acceso a ciclos formativos de grao superior.
Novidades da covocatoria de acceso 2016
As persoas que posúan un título técnico de Formación Profesional ou o título de Bacharelato Unificado e Polivalente (BUP) cumpren os requisitos académicos de acceso a ciclos formativos de grao superior e, xa que logo, non terán que presentarse ás probas para acceder a estes ciclos formativos.
