Skip to Content

Blogues

Síguenos no noso Blog de Intercambios europeos

O Blog de Proxectos Europeos, pretende favorecer o contacto das familias e o resto da comunidade educativa, cos alumnos participantes na actividade a levar a cabo nese momento.
Ao longo destes anos, pretendemos visitar diferentes paises, coñecer distintas culturas, non como meros turistas, senón como invitados. O vivir durante unha, duas ou tres semanas nos fogares de cada un dos nosos "partners", empaparannos, sen querer, dos seus costumes, tradición ou idioma. A visita dos nosos invitados, ao centro, provocará, sen dúbida, un efecto similar. Creemos que o mellor xeito de "facer do mundo a nosa casa" é coñecendo e respectando as súas culturas.

Na Candeloria, casan os paxariños

candeloria é unha palabra que ten a orixe no substantivo latino candela -ae, ‘luz alimentada con cera ou sebo’, termo co que se crea no latín tardío festa candelarum, ‘a festa das candeas’, que chega a nós acurtando a locución. Celébrase o día 2 de febreiro, época importante no ciclo astronómico, pois coincide coa metade do inverno, no intre xusto entre o solsticio da estación fría e o equinoccio de primavera, (pola candeloria, medio inverno vai fóra, di tamén a cultura popular), no momento en que  xa é evidente que medran os días e a natureza comeza a prepararse para  o estourido de vida que está a chegar.

Sendo un intervalo relevante do ciclo estacional non é de estrañar que todas as culturas tivesen celebracións ao redor da data, sempre festexando a volta da luz e do desexo de fertilidade. Así, na mitoloxía celta, chamábanlle Imbolg, celebración na honra da deusa Brigit, protectora das colleitas, o gando e a fecundidade. 

A voda dos paxariños

A partir da candeloria, ningunha ave voa soa,  di o refrán para lembrar que o mes de febreiro comeza, na cultura popular, cunha celebración ben especial, xa que casan os paxariños, ao que comeza o retorno das aves migratorias e os cortexos preludian o renacer primaveral. Da importancia que ten esta representación na imaxinaría tradicional europea dá conta a multitude de estampas nas que, desde tempos inmemoriais, o símbolo do amor e a unión sentimental son apaixonadas parellas de aves xuntando os peteiros. Tal é así que algunhas persoas defenden que, para nós, o 2 de febreiro debe ser a data do amor romántico, e non a que se celebra doce días máis tarde na honra dun crego romano do século III, chamado Valentín, representado cun rapazolo gordecho e voador que anda aseteando a xente… onde vai parar! Non hai comparación! (Tirado do Portal das Palabras)  

CHÍOS CON AMOR    

O Equipo de Dinamización da Lingua xunto do Departamento de Lingua Galega  e o Equipo de Convivencia convocan una concurso de mensaxes de amor curtas (menos de 280  caracteres)  que pode ter un destinatario-a folgado (namorado, namorada, pai, nai, amigos, lingua, ...)

BASES

Saca a túa personalidade  sentimental e participa!!

 

Análise do uso da lingua galega. 2019-2020

Para unha adecuada planificación lingüística é preciso coñecer os usos, as competencias e as actitudes sobre a lingua galega da comunidade educativa. 

Estes cuestonarios, cos que coñeceremos mellor a realidade lingüistica do centro, son completamente anónimos.

Preme no enlace correspondente, completa todas as preguntas do cuestionario e dálle a ENVIAR.

1º ESO

2º ESO

3º ESO

4º ESO

1º BT

2º BT

Grazas pola túa colaboración

CONCURSO. Felicitacións de nadal. 2019-20

Como todos os anos por estas datas, o EDLG e o Departemento de Plástica convocan un concurso deFelicitacións de nadal.

PARTICIPA

Podes consultar as bases aquí

Concurso. Nubes de palabras

 

Xa hai gañadores

 

ENTREGA DE PREMIOS LUNS, 2, 2º (Departamento de Lingua Galega)

Distribuir contido


by Dr. Radut