Educación Infantil

PLÁSTICOS NON, GRAZAS!

 

CADA PEGADA QUE DEIXAMOS NO PLANETA ACABA NO MAR.

 

É imposible saber a cantidade de lixo que hai nos océanos.

O que si sabemos é que ano tras ano seguimos tirando millóns de toneladas de lixo ao mar.

É como se cada minuto (CADA MINUTO!) baleirásemos un novo camión de resíduos no mar.

Non aparecen no mapa pero nos nosos océanos hai 5 grandes illas de plástico.

A do Pacífico norte é tan grande como España, Francia e Alemania xuntas.

A maior parte destas illas están formadas por MICROPLÁSTICOS.

O plástico flotante supón só o 15% do total. O resto está baixo a auga.

A nivel mundial recíclase unha parte moi pequena de todo o plástico que se produce e consume.

A maior parte, arredor do 80%, acaba en vertedoiros ou no medio ambiente.

 

Por iso....

REDUZAMOS O CONSUMO DE PLÁSTICOS

 

“CANTIGUIÑAS DO ARAÑO”

Na escola de Capela estivemos traballando as cantigas populares. Recopilamos grazas ás familias coplas propias do Araño, e tras traballalas cos nen@s, puxémoslle música tradicional, co profe Pablo e o seu pequeno acordeón. Grabamos a música cas nosas voces como se fose para un disco! E finalmente vestímonos de xeito tradicional e grabamos o noso videoclip de "Cantiguiñas do Araño".

Deixámolo por aquí e agardamos que vos guste tanto como a nós nos gustou facelo.

E por suposto, moitas grazas a toda a xente que nos axudou neste proxecto!

Disfrutádeo!

Que viva a nosa música! E que viva o Araño!❤️❤️❤️

 

Chegou o entroido!!

A pesar de que este ano non nos puidemos xuntar co resto de escolas, nin convidar as familias da maneira que nos gustaría, non perdimos a ilusión! Cancións, pasarrúas, merendola para repoñer forzas e xogos!
Unha xornada estupenda chea de diversión! Está claro que este ano é diferente, pero unha das razóns é porque celebramos as festas con máis ganas que nunca!
Feliz entroido a todos/as!!
 
 
 
 
 
 

Bo Nadal!!!

BO NADAL!!!!

Como este ano non podemos xuntarnos para facer o festival, en Outeiro decidimos facer unha actuación para despedir o trimestre e desexaros felices festas!

O tema central son as emocións e está feita en lingua de signos para traballar tamén a inclusión, porque non importa os impedimentos que atopemos, o importante é seguir adiante e conseguir o que nos propoñamos aínda que sexa doutra maneira... Xa sexan obstáculos polo Covid, por unha discapacidade... Polo que sexa!

Esperamos que vos guste e que pasedes un bo nadal, aínda que sexa diferente!

 

25-N: DÍA INTERNACIONAL CONTRA A VIOLENCIA DE XÉNERO

 

TÓDOLOS DÍAS DO ANO TEMOS O DEBER DE COMBATER CALQUERA TIPO DE VIOLENCIA, PERO CADA 25 DE NOVEMBRO SENTIMOS A OBRIGA DE BERRAR, CON MAIOR INTENSIDADE SE É POSIBLE, CONTRA A VIOLENCIA EXERCIDA CARA AS MULLERES.

ESTE TIPO DE VIOLENCIA EXPRESA RELACIÓNS DE DESIGUALDADE ENTRE HOMES E MULLERES ATENTANDO, POLO TANTO, CONTRA OS DEREITOS HUMANOS.

 

 

 NA ESCOLA DE CRUCEIRO CONMEMORAMOS ESTA DATA CUNHA INSTALACIÓN DE ARTE COMUNITARIA ELABORADA COA PARTICIPACIÓN DA COMUNIDADE EDUCATIVA.

TECEMOS UNHA GRAN ARAÑEIRA NO PATIO E DELA PENDURAMOS O NOSO NON Á VIOLENCIA DE XÉNERO A TRAVÉS DAS PEGADAS DAS NOSAS MANS.

 

ADEMAIS ESTA INSTALACIÓN TAMÉN PROVOCA DIVERTIDOS MOMENTOS DE XOGO... EN PAZ E CALMA.

VOCES BAIXAS

https://picasion.com/

SEMPRE SOUBEMOS DO AGRADABLE QUE É FALAR BAIXIÑO. AS PALABRAS SAEN DOCES DA NOSA BOCA E DOCES CHEGAN TAMÉN AOS NOSOS OUVIDOS.
AGORA SABEMOS TAMÉN DO SAUDABLE QUE PODE CHEGAR A SER:
XUNTO COA VOZ, DA BOCA SAEN AEROSOIS, UNHAS PEQUERRECHAS PINGAS QUE QUEDAN A FLOTAR NO AIRE UNHA CHEA DE TEMPO. ATRAPADAS NESAS PINGUIÑAS, PODEN SAÍR TAMÉN VIRUS QUE TEÑAMOS DENTRO DO NOSO CORPO E ALGUÉN PODE ENFERMAR AO RESPIRALOS.
SE FALAMOS BAIXIÑO SAEN POUCOS AEROSOIS, PERO SE BERRAMOS SAEN UNHA CHEA.
AH, QUE BOAS SON AS VOCES BAIXAS !
SUAVES, LENES, DOCES... E SAUDABEIS.

Magosto e aniversario!

Todos os anos o magosto era unha festa moi especial porque era a primeira xuntanza do curso de todas as escolas do CRA e das familias. Este ano tivo que ser un pouco diferente pero aínda así, intentamos desfrutar como se nada cambiara!

Xogos tradicionais, cancións, bailes, agasallos, merendola... Que ben o pasamos!!

 

LANDRAINA

O PASADO VENRES 9 DE OUTUBRO VEU Á ESCOLA A VISITARNOS EMILIO PARA CONTARNOS EN QUE CONSISTE A LANDRAINA.

CONSISTE NA RECOLLIDA DE LANDRAS DE CARBALLO E SOBREIRA, E TAMÉN CASTAÑAS, PARA REFORESTAR ALGÚNS MONTES DE TARAGOÑA.

NO CASO DE QUE SE RECOLLAN MOITAS FARÁN UNHA DOAZÓN PARA OS MONTES DO XURÉS, ESTRAGADOS POLOS INCENDIOS DO PASADO VERÁN.

APROVEITAMOS PARA IR CON EMILIO AO PRADO A OBSERVAR UN EXEMPLAR DE CARBALLO E OUTRO DE EUCALIPTO.

OS CARBALLOS SON ÁRBORES AUTÓCTONAS DE GALICIA. OS EUCALIPTOS NON.

OS ANIMAIS NON OS RECOÑECEN. NON ANIÑAN NAS SÚAS PÓLAS E TAMPOUCO COMEN AS SÚAS FOLLAS OU FROITOS.

TAMÉN OBSERVAMOS UNS BUGALLOS OU COCAS DO CARBALLO.

TRÁTASE DUNHA REACCIÓN DEFENSIVA DA ÁRBORE ANTE A POSTA DE OVOS DUNHA AVESPA.

APRENDEMOS TANTAS COUSAS GRAZAS A EMILIO QUE XA ESTAMOS DESEXANDO QUE VOLVA DE NOVO POLA ESCOLA.

Distribuir contido