As nenas e nenos de infantil convertémonos en pizzeros por un día.

Os maiores de 6º de infantil, fixeron a lista da compra con todo o necesario. Despois, foron a mercar á cooperativa, e cando volveron puxémonos mans á obra,

Cando chegaron, fixemos dous grupos con nenos e nenas e todas as idades e así axudarnos os uns aos outros. Amasamos a fariña e cortamos o xamón e o queixo. A continuación, montamos as pizzas: estendimos o tomate sobre a base e engadimos o queixo e o xamón. Cando xa estaban listas foron ao forno, e o cabo duns minutos puidemos comelas, estaban boísimas!

Pasamos unha mañá estupenda!

 Na aula de 4º de Infantil gozamos coa última visita das familias deste curso, dentro da actividade de xogos en familia.

Nesta ocasión contamos con Sofía, a nai de Thiago, e Carmen e Alfonso, os pais de Oliver.

Troxeron uns xogos moi divertidos e pasamos un tempo moi bo con eles.

Moitas grazas a todas as familias pola vosa disposición. O próximo curso máis e mellor!

Todo o centro, fixemos un tramo do camiño inglés dentro do Plan Proxecta Vexo Veo Xacobeo:" O CRA no camiño".

En concreto fomos ata o albergue de peregrinos, xa no Concello de Neda. Alí recibíronnos as concelleiras de Neda, Angeles Puentes e Marián Bello que fixeron de guías para os nosos nenos e nenas;  dende aquí queremos dar as grazas ao Concello de Neda pola súa amabilidade e trato dende que nos puxemos en contacto con eles para que nos abrisen as portas do Albergue Municipal.

Unha vez visitado o albergue merendamos todos xuntos e tivemos un tempo de xogo para que os nenos e nenas das diferentes escolas tivesen oportunidade de convivir e interactuar entre eles. A continuación van unhas fotos deste día. Bo Camiño!!!!

O noso amigo,o esquelete Samuel, visitounos de novo e  deunos unha sorpresa. Trouxonos unha carta e este agasallo que nun principio non sabíamos para que era. Despois de ler a carta que nos traía, xa o entendimos, explicounos como era a estructura dunha carta e deixounos este buzón da amizade para decoralo e facer uso del. 

Entre todos decidiron como decoralo, elixiron poñerlle corazóns e cada un fixo o seu e pegouno onde máis lle gustou. Unha vez feito xa estaban desexando estrenalo, así que, cada un escribiu unha carta ao seu amiguiño ou amiguiña e a meteron no buzón. Agora cada día o encargado ten unha nova tarefa que é repartir a correspondencia que chegou ao buzón ese día. 

Está sendo moi motivador, podedes ver a cantidade de cartas que ten o buzón!!

UNHA DAS ACTIVIDADES DO TERCEIRO TRIMESTRE FOI COA AXUDAS DAS FAMILIAS , FIXEMOS UN REXISTRO  DAQUELAS ACTIVIDADES QUE AS FAMILIAS DA NOSA ESCOLA REALIZAN NA CASA, CUBRIRON UN DÍPTICO QUE DESPOIS ANALIZAMOS EN CADA AULA.

                                                   Dada a gran colaboración do alumnado aportando flores para os maios, aproveitamos para facer varias actividades con elas. 

                               Algunhas xa as coñecíamos pero outras non, entón adicamos un ratiño a buscar que nome tiñan para ampliar o noso vocabulario da flora da contorna.

                                                                                              Tamén as ulimos, tocamos, apreciamos as súas bonitas cores.. 

                             Despois fxeron unhas fermosas composicións artísticas con elementos naturais,  cada un deixou voar a súa imaxinación e sairon cousas marabillosas. 

                                                                       Tamén houbo tempo para  experimentar, manipular e crear diferentes perfumes de flores naturais. 

                          As diferentes fragrancias ían etiquetadas cada unha co seu nome e como podedes ver tamén as ían probando a ver cal era a que máis lle gustaba a cada un.

A roda dos conflitos foi un recurso que nos axudou moito a mellorar a convivencia da nosa aula. 

Primeiro eflexionamos entre todos e todas cales eran as principais causas dos conflitos, fixemos dramatizacións de diferentes situacións , así como tamén falamos de como se podían evitar ou buscar unha solución da forma máis pacífica posible.  De forma conxunta decidimos que apartados tería a nosa roda e este foi o resultado. 

Os primeiros días  a figura do adulto  tiña que estar presente como guía para buscar solucións, pero en moi pouco tempo xa resolvían os conflitos de forma autónoma chegando eles mesmos a acordos e recurrindo a ela tantas veces como consideren que é necesario. 

Neste 2º Trimestre, como parte das propostas de Biblioteca, estivemos a traballar a poesía. Alén de ler moitos poemarios, reflexionamos que a poesía pode ser moi variada.

Despois comezamos a traballar os tipos de palabras, creando o noso propio banco de palabras. 

Elexindo palabras ao azar compuxemos as nosas frases poéticas e asociamos a estas unha emoción. E así nace o  poemario que aquí vos presentamos tamén en formato e-book. 

Agardamos que o pasedes tan ben lendo coma nós facendo.

Os nenos e nenas de 5 anos compartiron con nos unha sesión de ioga na que nos ensinaron moitas posturas e como conseguían concentrarse e calmarse. Nos copiamos deles e tamén o fixemos bastante ben, como nos gusta o ioga!!!!.Deixámosvos unhas fotos dalgunha das sesións que compartimos