Na aula de 4º de educación primaria contamos coa visita de Eva, a nai de Irene, para contarnos sobre o seu traballo como profesora de química e todas as cousas que fai un/unha químico/a. Con ela os/as nenos e nenas fixeron varios experimentos: facer mesturas, crear unha tinta invisible mesturado varios produtos e escribir mensaxes secretos, etc.

Para favorecer a iniciación, o progreso e afianzamento da lectoescritura os/as nenos/as traballan a través de distintas actividades e con materiais moi diversos para que dunha forma lúdica aprendan e disfruten.

Aquí podedes ver distinas actividades dos tres niveis de educación infantil.

Rematamos o 2º trimestre iniciándonos nas instalacións.

Javier Abad e Ángeles Ruiz de Velasco defínenas como "unha proposta educativa concebida dende a presentación estética duns obxectos específicos nun espazo transformable. Disponse para favorecer o vínculo afectivo e as relacións entre un grupo de nenas e nenos acompañados dun adulto referente que da sentido aos procesos simbólicos da infancia nun "lugar de símbolo" como metáfora da vida de relación".

Nelas, empregaremos sempre unha tríada de obxectos como panos, coxíns, flotadores, esponxas, vasos etc.

Non hai normas de xogo e de uso do material e a persoa adulta non intervén no proceso, só observa.

Neste mes aproveitando a Semana da Prensa, na Escola de Sedes traballamos as características do Texto Informativo centrándonos na noticia, como parte da adquisición do proceso da lecto-escritura. Para que serven, en que partes se dividen, como nos explican o sucedido, como é a linguaxe ou que elementos ten que ter para que a comprendamos mellor. 

Como paso inicial exploramos o xornal cos sentidos

Ademais reflexionamos onde podemos ler, ver, escoitar noticias alén do xornal e que tipos de xornal hai en función do formato ou das noticias que conteñen. 

Por outra banda dentro do propio xornal diferenciamos as seccións e que significan todos os nomes, letras e números que atopamos.

 E con toda esta aprendizaxe xa fomos quen de facer a nosa propia portada de xornal.

O alumnado de 2º EP recibiu unha sesión formativa sobre distintas mulleres científicas e os seus logros en cada un dos ámbitos onde traballaron. Fixeron un memori, un puzzle e unha sopa de letras. Descubriron a Alice Ball , Maria Sibylla, Marie Curie, Jane Goodall, Patricia Bath, Ada Lovelace, Ángela Ruíz Robles e Mary Anning.

Neste trimestre comezamos cun novo espazo na aula. Aproveitando a temática do mar introducimos unha nova metodoloxía como son as Instalacións de Xogo. Espazos que contan con vida propia, nos que, cada día, aínda cos mesmos elementos, transfórmanse en vivencias diferentes, sempre dependentes de quen as explora. 

Estes espazos nacen co propósito de ser vividos desde múltiples experiencias e esta primeira semana estanos a ensinar que así vai ser.

Continuando co noso PROXECTO DA AUGA, as mestras prepararon tres experimentos diferentes:

Experimento 1. Que obxectos flotan e cales non?

Experimento 2. Probamos que pasaba se metíamos un ovo en agua doce e salgada. En cal flotará?

Experimento 3. Auga, un bote de cristal, colonia e unha vela. Que pasará?

As nenas e nenos da escola, foron rotando por todos eles e pasárono xenial!

Comezou o noso proxecto!

Grazas á colaboración das familias, puidemos observar a través do microscopio diferentes mostras de agua: de mar, de río, de charcos, da choiva etc.

Foi unha experiencia moi enriquecedora!

A imaxinación e creatividade d@s nen@s de 3º EP deixanos abraiados