Hoxe xoves 5 de maio dedicámosllo en secundaria a difundir o traballo que os nosos alumnos e alumnas de ESO levan facendo durante todo o ano. Foi o noso particular DÍA DA CIENCIA, que leva camiño de instaurarse definitivamente no centro.

Os departamentos de Matemáticas, Tecnoloxía, Bioloxía e Xeoloxía e Física e Química presentaron as súas propostas.

Todos quedamos encantados co resultado. Son unha xornadas que esixen un esforzo extra por parte de alumnos e profesorado pero que ao final compensa, porque serve que ver o moito que se leva facendo durante o curso, a calidade dos proxectos e a posta en escea por parte dos rapaces, que o fixeron estupendamente.

Parabéns a todos os que fixeron posible esta bonita xornada.

O próximo xoves 5 de maio celebraremos no colexio unha xornada dedicada a amosar o que se leva facendo na ESO todo este curso relacionado coas ciencias. Os departamentos de Bioloxía e Xeoloxía, Física e química, Matemáticas e Tecnoloxía exporán unha serie de experiencias do máis variado. Serán os propios alumnos e alumnas os encargados de facelo. Ao longo da xornada todo o alumnado irá pasando polos diferentes estands para entender algo mellor cada investigación.

Recomendamos que esteades atentos porque haberá unha serie de preguntas de diferente dificultade coas que, se as respondedes ben, podedes gañar un vale de 30 euros para gastar nun importante comercio da zona.

Non o fagas só polo diñeiro. Recomendámosche que prestes atención porque os que cho van contar son os teus compañeiros, e o que che van contar é a labor que eles fixeron co seu esforzo e interese.

Esperamos que a xornada sexa un bonito broche de ouro a todo un ano de traballo.

Xa o anticipabamos onte...hoxe un grupo de alumnos e alumnas do colexio, optaban ao premio de robótica convocado pola fundación Barrié. E finalmente acadaron o 2º PREMIO, un LEGO WeDo, un software con boas aplicacións en educación.

Noraboa a todos eles así como aos profesores responsables.

Agradecer a Igaciencia a boa organización do evento.

Os nosos parabéns, porque vemos que o traballo en robótica segue a dar moi bos froitos.