Proximamente realizaranse as probas de avaliación individualizada no curso de 3º de Educación Primaria (24 e 25 de maio), e as probas de avaliación final de Educación Primaria en 6º (11,12 e 13 de maio) segundo o establecido na Resolución do 18 de abril da Consellería de Educación.
A finalidade destas probas é:
Achegar información individualizada de cada alumno ou alumna avaliado sobre o seu progreso no grao de adquisición das competencias obxecto de avaliación e contribuír á detección de dificultades na aprendizaxe.
Achegar información e orientar os centros educativos para que, en función dos resultados obtidos polo seus alumnos e alumnas, cada centro adopte as medidas necesarias que redunden na mellora do proceso educativo.
Achegar información ás familias e á Administración educativa sobre o progreso da aprendizaxe do alumnado que contribúa a orientar a toma de decisións e o establecemento de medidas encamiñadas á mellora educativa.
TODA A INFORMACIÓN EN:
http://www.edu.xunta.es/portal/node/18816
