Skip to Content

Educación Plástica

O símbolo da paz no satélite

Xa hai un tempo, cando comezou a guerra de Ucrania, o alumnado de Educación Plástica pintou no patio do centro o símbolo da paz. Porque as guerras son todas inxustas e os que máis sofren e morren son os que menos culpa teñen.


Foi feito pensando en enviar unha mensaxe ao mundo aproveitando os satélites que nos están a observar cada día. E por iso fixémolo ao grande, de seis metros de diámetro.

Algúns satélites levan un tempo tomando nota do debuxo e o noso obxectivo está, en parte acadado.

Co tempo a pintura foise gastando e, máis que nunca, faise necesario repoñela. Farémolo ao longo deste curso.

Outro programa de Radio Sansa

Xa temos un novo programa de Radio Sansa nas ondas ou nos díxitos.... Non sen certos atrancos polo tempo e as condicións meteotecnolóxicas. Pero estamos de novo no ar. Programa variado con entrevistas e unha escolma de boa música feita polo alumado. Robótica, excursións, celebración do día paz, viaxe de fin de curso... e algunhas cousas máis... Sempre emitindo temas baixo Creative Commons, dende a comunidade escolar para o mundo (mundial).

Esperamos que sexa do voso agrado e vos animedes a participar...

 

Inicia a súa andaina Radio Sansa

Hoxe iniciou a andaina un novo proxecto de radio escolar no CPI San Sadurniño coa realización do primeiro programa de proba. Podedes escoitalo na web de Radio Sansa

Radio Sansa é un proxecto de radio escolar do C.P.I. San Sadurniño que dende a materia de educación plástica, visual e audiovisual quere chegar a toda a comunidade educativa e implicar a todo o alumnado e profesorado do centro, dende infantil a secundaria.

No momento actual estamos na fase de probas tratando de axustar a parte técnica e implicando e axudando ao alumnado para que sexan quen de desenvolverse sen moitos atrancos cos medios dos que dispoñemos.

Inicialmente os programas serán gravados para colocalos nesta web de maneira que poidan ser escoitados en calquera momento. Estamos a facer probas tamén coa emisión en vivo por internet de maneira que as producións en directo poderán ser escoitadas cando superemos algúns atrancos técnicos. Poida que máis adiante, se somos quen de asentar o proxecto cun grupo activo e estable de colaboradores, miremos a posibilidade de emitir usando unha pequena emisora de FM

Na nosa radio empregamos programas libres para a creación dos nosos programas. Traballamos sobre un sistema GNU/Linux con aplicacións de son como IDJC, Jack, Audacity, Audacious, ou Puddletag entre outras.

A música que escoitaredes na nosa radio será sempre baixo unha licenza que permita a súa libre difusión para respectar os dereitos de autor. As atribucións de autoría e información sobre os temas musicais empregados aparecerán en vivo nas nosas emisións en directo.

Esperamos que os nosos esforzos sexan do voso agrado e contamos coa vosa participación para darlle vida a este proxecto radiofónico escolar e comunitario. Vémonos nas ondas... ou nos bytes.

Instantes na memoria...

Na da cámara cando menos. Unha escolma de fotografías feitas polo alumnado de 3º da ESO do CPI San Sadurniño. Algúns dos temas propostos foron paisaxe, macro, instantánea, urbana, velocidade de obturación, profundidade de campo...

 

Estamos animados...

Unha sinxela animación 2D clásica feita polo alumnado de 1º da ESO empregando o programa Tupi

 

Concurso de carteis do XXXIII Festival Irmandiño

Os alumnos de 4º de ESO do noso centro participaron no concurso de carteis do XXXIII Festival Irmandiño. Os responsables do concurso comunicaron no seu facebook o resultado do mesmo da seguinte maneira:

 

Xa temos gañador do Concurso de Carteis para o XXXIII FESTIVAL IRMANDIÑO: o traballo presentado por Iria Pena Carrodeguas, alumna do CPI San Sadurniño. Parabéns para Iria e para todos os participantes!!

Fotografía 3º ESO

Vai a presentación que podedes ver en liña para lembrar o explicado na clase.

Non necesitas máis que o navegador e o teclado para moverte por ela...

Para vela correctamente emprega o navegador Firefox

Tarda un retiño en cargar completamente.

Fotografía básica

Distribuir contido


by Dr. Radut