Skip to Content

VACACIÓNS DE VERÁN

Ven, 19/07/2024 - 14:22 — directora

Nestes últimas días de xullo e durante o mes de agosto só se atenderán situacións de urxencia, que poderán ser comunicadas a través:

Aproveitamos para recordar:

 

COMEDOR ESCOLAR

  • Todos os usuarios do comedor escolar teñen que ter entregada a autodeclaración. A maioría xa están entregadas, os que faltan deberán facelo o dia 2 de setembro
  • Continúa aberta ata o 8 de setembro a admisión de solicitudes dos membros da comunidade educativa para actuar como colaboradores voluntarios nas tarefas de atención e apoio ao alumnado usuario do comedor escolar durante o curso 2024-2025

 

FONDOLIBROS

  •   As persoas que teñan pendente recoller vales de libros e/ou material escolar poderán facelo a primeira semana de setembro
  •   O alumnado de 3º e 4º de primariaque resultou beneficiario do fondo de libros recibirá os mesmos ao comezo das clases

 

CALENDARIO ESCOLAR 24-25

  •  As clases comezan o mércores día 11 de setembro de 2024 ata o venres 20 de xuño de 2025, ambos incluídos.

 

HORARIO DAS CLASES NO CURSO 2024-2025

  • Educación infantil e Primaria de 9:30 a 14:30

  • Educación Secundaria de 9:30 a 15: 00 e os mércores de 16.:20 a 18:00

 

Desexamos que pasedes un Bo Verán!!

 

FONDOLIBROS DEFINITIVO

Xov, 11/07/2024 - 12:57 — directora

Infórmase de que na entrada do edificio de secundaria están dispoñibles as listaxes definitivas de Fondolibros relacionados coa ESO.

Tanto os vales de primaria como os de secundaria, pódense recoller de luns a venres en horario de 9:30 a 14:00 horas ata o 19 de xullo incluído.

 

 

FONDOLIBROS SECUNDARIA

Mar, 09/07/2024 - 10:21 — directora

Infórmase de que as listaxes provisionais de Fondolibros están expostas na entrada do edificio de secundaria.

As listaxes definitivas de Fondolibros de secundaria poderanse comprobar o xoves a partir das 12 da mañá.

 

LISTAXE DE FONDOLIBROS

Ven, 05/07/2024 - 14:34 — directora

PRIMARIA:

O luns día 8 de xullo publicaranse as listaxes definitivas de fondolibros de primaria. A partir do día seguinte poderanse recoller os vales correspondentes na secretaría do centro.

 

SECUNDARIA:

As listaxes provisionais de fondolibros estarán expostas na entrada do edificio de secundaria a última hora do luns día 8 de xullo.

 

MODIFICACIÓN DOS ITINERARIOS E INTRODUCIÓN DE NOVAS PARADAS

Xov, 04/07/2024 - 14:44 — directora

Segundo a instrución conxunta 1/2024 referida ao transporte escolar o centro informa que ata o día 15 de xullo aquelas familias usuarias con dereito, que o precisen, poden solicitar cambios de itinerario ou nova parada.

 No seguinte documento adxunto poderase descargar a solucitude necesaria.

ANUNCIO DE APERTURA DE PRAZO DE ADMISIÓN DE MEMBROS DA COMUNIDADE EDUCATIVA DO CPI de SAN SADURNIÑO COMO COLABORADORES VOLUNTARIOS NAS TAREFAS DE ATENCIÓN E APOIO AO ALUMNADO USUARIO DO COMEDOR ESCOLAR DURANTE O Curso 2024-2025

Mar, 25/06/2024 - 10:27 — directora

As nais, os pais, os/as titores/as legais e os/as acolledores/as familiares do alumnado deste centro de ensino, que desexen, ao longo do curso 2023-2024, colaborar de xeito altruísta nas tarefas de atención e apoio aos escolares usuarios do comedor escolar,poderán apuntarse nas listas de admisión, que , habilitadas para este fin, se atopan na Secretaría do centro.

O prazo para presentar solicitudes permanecerá inicialmente aberto ata o día 8 de Setembro de 2024, podéndose reabrir un novo prazo, de ser o caso, ata o 22 de decembro de 2024.

Durante o curso escolar 2024-2025 só se contará coa colaboración das persoas que figuren anotadas nestas listas. 

 

RELACIÓN LIBROS DE TEXTO CURSO 2024-2025

Xov, 13/06/2024 - 23:28 — directora

Nos seguintes adxuntos podedes consultar a Relación de Libros de Texto e outros materiais para o vindeiro curso escolar 2024-2025.

PROCESO ADMISIÓN PARA ALUMNADO DE NOVA INCORPORACIÓN OU PROCEDENTE DOUTRO CENTRO 2024/25

Lun, 08/04/2024 - 22:54 — directora

Tedes á vosa disposición no taboleiro do centro as listaxes DEFINITIVAS do alumnado admitido no noso centro para o curso 24/25. Puidemos colgalas antes da data prevista porque non foi necesario baremar ningunha instancia, xa que todo o alumnado que o solicitou foi admitido.

A continuación proporcionamos toda a información para a formalización de matrícula de todo o alumnado. 

*OS IMPRESOS DE MATRÍCULA  e AUTODECLARACIÓN DO COMEDOR XA ESTÁN DISPOÑIBLES:

IMPRESOS MATRÍCULA INFANTIL E PRIMARIA 24-25

IMPRESOS MATRÍCULA 1º ESO 24-25

IMPRESOS MATRÍCULA 2º ESO 24-25

IMPRESOS MATRÍCULA 3º ESO 24-25

IMPRESOS MATRÍCULA 4º ESO 24-25

AUTODECLARACIÓN COMEDOR 24-25

 

FIN DE CURSO 23-24

Dom, 21/07/2024 - 15:00 — directora

Chegou o fin de curso e con el as despedidas: profes que levan unha vida no CPI e se xubilan, profes que durante este curso nos acompañaron por primeira vez e pode que repitan o ano que vén, profes que levan anos e collen outro rumbo, profes que continúan...

As emocións afloraron con algunha que outra bágoa, apertas, aplausos, gritos e miradas entre profes e alumnado. Rapaces de 4° da ESO que tamén deixan lembrazas e marchan na procura dun camiño novo, rapaces de 6° que cambian de edificio e xa son maiores e por último os máis pequenos que deixan o patio de infantil para xogar no de primaria....
En fin, sentimentos encontrados, celebracións e xogos nos que disfrutamos neste fin de curso 2024.
 

 

Bo verán a tod@s e felices vacacións!!!
 
Premede na imaxe para ver algunha foto deste día. 

ESCALADA NA PENA DO REI MOURO

Dom, 07/07/2024 - 16:29 — EDLG

O alumnado de 3º da ESO puido iniciarse na escalada coas empresas Orixen action e Guías ceibe e recibir unha charla de xeoloxía con Fran Canosa grazas á colaboración do Concello de San Sadurniño.

Organizada de forma coordinada entre o Concello e os departamentos de Dinamización da lingua galega, Educación Física e Bioloxía, a actividade busca poñer en valor este espazo cercano do Carazo na parroquia de Igrexafeita ademais de ubicar a zona dentro do xeoparque.

Contidos das citadas materias acercáronnos á xeoloxía e ás actividades físicas no medio natrual. O coñecemento dos recursos da contorna e a importancia do coidado do medio estableceron unha relación directa cos obxectivos ODS.

Premendo na primeira imaxe podemos ver outras fotografías da xornada.

Ligazón á nova sobre a actividade recollida na web do Concello:

https://sansadurnino.gal/o-alumnado-do-cpi-iniciase-na-escalada-e-aprende-mais-cousas-sobre-o-xeoparque/

 

Distribuir contido


by Dr. Radut