Nesta fase do proceso de Solicitar a Xornada Única, procederase agora coas votacións por parte das familias. Para o cal teranse en conta as instrucións recollidas na “Orde do 29 de maio de 2008 pola que se establece o procedemento para a implantación da xornada lectiva en sesión única de mañá ou mixta nas escolas de educación infantil, colexios de educación infantil e primaria, colexios rurais agrupados, centros públicos integrados, centros de educación especial e centros privados concertados”.
-
Durante 10 días hábiles estará exposto o Censo Electoral no taboleiro do centro (no hall do edificio da ESO): do 9 de febreiro ata o 27 de febreiro.
-
A continuación, outros 5 días hábiles para presentar reclamacións ao censo: do 28 de febreiro ata 5 de marzo.
-
E finalmente o 8 de marzo será a xornada de votación en horario de 9:30 a 14:30 e de 15:30 a 18:30.
Constitución da mesa electoral.
Previa convocatoria pola dirección do centro, a mesa electoral estará formada por:
-
A dirección do centro (presidenta).
-
2 nais/pais ou titores/as legais (designados por sorteo público no hall da ESO o día 6 de marzo ás 9:30, unha vez rematado o prazo de reclamacións ao censo) e actuando como secretario/a a persoa de menor idade.
-
En previsión de posibles ausencias, no sorteo designaranse titulares e suplentes.
Proceso da votación: Requisitos
-
A efectos de establecer o total do censo, computarase a nai, ou o pai ou un dos titores/as legais do alumnado da etapa na que se pretende cambiar a xornada.
-
Precisarase o acordo favorable do 58% do total do censo das nais, pais ou titores/as legais do alumnado.
-
O voto será directo, secreto e non delegable, puidendo votar só a nai, o pai ou un dos titores/as legais.
Deixámosvos ademais nesta entrada o enlace do Plan de Actividades Extraescolares. xa publicado o 16 de novembro de 2023.
