Skip to Content

Dúas alumnas do CPI de San Sadurniño, gañadoras do concurso de cómic "Demo pequeno"

Dom, 21/05/2023 - 18:09 — directora

Parabéns a Nerea e Candela!

Dúas alumnas do CPI de San Sadurniño, gañadoras do concurso de cómic "Demo pequeno"

Saída xeolóxica 4º da ESO

Dom, 21/05/2023 - 17:58 — directora

O pasado 18 de maio, o alumnado de Bioloxía e Xeoloxía de 4º da ESO realizou unha saída xeolóxica guiada por Francisco Canosa. A ruta tivo lugar pola zona de Meirás e Valdoviño e nela os alumnos e alumnas puideron aprender un montón de cousas sobre a xeoloxía do lugar: observaron in situ a falla de Valdoviño, así como rochas metamórficas e subvolcánicas, viron o sistema dunar da praia da Frouxeira, incluídas as dunas remontantes existentes nesta zona, e aprenderon sobre os problemas que implica a desaparición destes sitemas como consecuencia das actividades humanas. Tamén estiveron dentro dunha mina na que antaño se explotaba o mineral chamado arsenopirita e observaron estruturas xeolóxicas coma pregamentos e alvéolos de erosión.

Fai click aquí para ver todas as fotos!

Maios e Letras Galegas 2023

Mér, 17/05/2023 - 16:47 — directora

Este ano a celebración dos Maios e Letras Galegas apostou por unha nova proposta, a elaboración dunha fermosa alfombra con motivos florais na que destacaba no medio a letra G de Galiza. Todo sobre un fondo de dúas cores, o branco e o azul, as cores da nosa bandeira.

Grazas Manolo, polo debuxo e grazas ANPA e familias pola vosa colaboración. Preme na imaxe e poderás ver como foi.

               

 

FALADOIRO e Obradoiro con Siro

Lun, 15/05/2023 - 23:15 — admin

Venres 12 maio... xa poñendo o rumbo cara  ao día das letras...  na casa da cultura de San Sadurniño... xuntámonos para un FALADOIRO.

Un encontro interxeneracional no que se deron cita aventuras de onte, historias de hoxe, contos, palabras esquecidas...

Nel, maiores de distintas parroquias do Concello, alumnado da Eso   e de Primaria e usuarios do centro de día falaron, compartiron,  escoitaron.. e conseguiron que emoción e lingua camiñasen da man.

 

Sansa en Flor.

Sáb, 13/05/2023 - 17:09 — directora

 O alumnado do CPI fixo un gran traballo decorando o muro exterior do cole con ornamentación floral aportada polo Concello. Unha vez mais os nenos/as e mozos/as amosaron a súa creatividade, orixinalidade e capacidade de elaboracións fermosas e ecolóxicas. Creacións que embelecen a nosa contorna. Como sempre, clica na imaxe e desfruta de Sansa en flor.

 

Semana do Libro 2023

Dom, 07/05/2023 - 16:14 — directora

O pasado mes de Abril celebramos, un ano mais, a Semana do Libro. Semana que reflicte a importancia dos libros sempre, no día a día. Semana na que desfrutamos de actividades como “Os apadriñamentos”, onde padriños/madriñas e afillados/as pasaron un rato unidos pola lectura; espectáculo de contacontos a cargo de Carmen Domech “Libros contentos” para EI e EP; a poeta Dores Tembrás ofertou  cadanseu taller de poesía dirixidos a alumnado de 2º e 4º de ESO na Casa da Cultura “Elas, poesía de mulleres” e “Penélope”; e sen esquecernos do 80 aniversario de “El Principito” escoitando un paragrafo en versión orixinal grazas ao profe Serafín. Actividades que amosamos a través do seguinte video. Clica na imaxe para visionalo.

O alumnado da ESO tamén fixo a súa lectura silenciosa coa actividade "Roda da Lectura". Clica aquí para ver as fotos.

Desconvocada a folga de transporte

Sáb, 06/05/2023 - 20:18 — directora

Hoxe recibimos a comunicación de que queda descnvocada a folga de transporte que estaba prevista a partir do día 8 de maio, polo que o transporte escolar funcionará con normalidade.

Lego en Sansa

Mar, 18/04/2023 - 22:07 — directora

A semana pasada tivemos a sorte de convertir o noso Recuncho Creativo nun espazo LEGO. No que tanto alumnado de Infantil e Primaria como profesorado fomos unha vez mais os protagonistas do proceso ensino-aprendizaxe, poñendo en práctica todos os nosos coñecementos e competencias á hora de explorar e explicar as nosas creacións Lego. Agradecer as boas prácticas dos monitores de Espazo Vivo de Narón, que sin eles esta experiencia non sería o mesmo: Juan Carlos, Antía, Lois, Miriam e Cata. Grazas!!

 

Premede no link e desfrutade da maxia deses pequenos “ladrillos de cores”.  Obradoiros Lego.mp4

 

 

Información sobre a convocatoria de Bolsas para o vindeiro curso 2023/24

Sáb, 15/04/2023 - 10:32 — directora

    Abriuse o prazo para a solicitude de bolsas de estudo do curso 2023/24.

    Lembramos que para solicitar as devanditas bolsas os trámites serán todos on-line.

    Poderán ser beneficiarios das distintas contías os/as alumnos/as que no ano académico 23/24 cursen:

     Bacharelato

     Cursos de acceso e de preparación para probas de acceso á Formación Profesional e cursos de formación específicos para acceso a ciclos formativos de grao medio e superior, impartidos en centros públicos e privados concertados

    Formación Profesional de grao medio e de grao superior

    Ensinanzas artísticas: profesionais e superiores

    Ensinanzas de idiomas en Escolas Oficiais, incluída a modalidade a distancia

    Ensinanzas deportivas

    Estudos relixiosos superiores

    Formación Profesional de Grao Básico

PRAZOS: 27 de marzo ao 17 de maio de 2023                    Máis información

O Coelliño de Pascua chegou a Sansa

Dom, 02/04/2023 - 17:41 — directora

  O pasado venres 31 de Marzo o alumnado de Infantil, para despedir o 2º trimestre, realizou unha divertida búsqueda de ovos grazas ao Coelliño de Pascua que os foi deixando polo patio. Premede na imaxe e os veredes en acción.

 

Distribuir contido


by Dr. Radut