Suxestións de lectura para o verán

Este ano decidimos seleccionar unha serie de enlaces nos que podedes atopar suxestións de lectura moi diversas. Premede aquí se desexades acceder a eles en Bibliosansa (o blogue da nosa biblioteca).

Felices lecturas de verán.

 

DESPEDIDA DE CURSO NA ESO

DESPEDIDA DE CURSO NA ESO

Hoxe dixemos adeus ao curso escolar na ESO cunha ruta de sendeirismo desde Redes á praia de Cabanas para despois gozar alí dunha preciosa mañá de praia. ¡¡¡Unha bonita despedida!!!

¡bó veran a todos!

 

DÍA DA CIENCIA NO COLEXIO..EN VÍDEO

DÍA DA CIENCIA NO COLEXIO..EN VÍDEO

Hoxe puxemos en marcha unha idea no colexio que vistos os resultados pode ser moi interesante. Tratábase de amosar en público parte dos traballos que se fan no centro relacionados coa ciencia. Outros anos organizamos un día de portas abertas, con estánds e experimentos en vivo e en directo. Este curso decidimos por varias circunstancias que podía resultar curioso que se gravaran esas experiencias previamente e se amosaran á xente en formato vídeo. Con esta iniciativa "matabamos dous paxaros dun tiro" porque nos daba pé a traballar co alumnado as ferramentas TIC porque non están moi acostumados a editar vídeos.

Esta mañá presentamos 8 vídeos e a verdade é que todos eles amosaron algun elemento moi salientable que é digno de mencionar. Non obstante había que elixir 3 gañadores e 1 accesit, que se repartiron os premios, que consistían en cheques-regalo para gastar en negocios do Concello: 60 euros para o gañador, 40 para o segundo e 30 para terceiro e accesit.

Os gañadores foron os rapaces que cursan en 4ºESO as CAAP que fixeron unha demostración de cómo se mide o osíxeno en augas de río. Podedes ver o vídeo en https://www.youtube.com/watch?v=FRBvqRYwuJo

O segundo premio foi para un grupo de alumnos e alumnas de 1ºESO sobre o seu traballo sobre uns seres moi curiosos: as planarias. Botádelle unha ollada en https://youtu.be/AZ_btbCvBuY

O terceiro foi para un grupo de 2ºESO que nos ensinaron cómo é posible desfacerse dunha enorme cantidade de porexpan simplemente con acetona. Aquí o tedes https://youtu.be/1-itqajksBI

E o accesit final para 4ºESO onde un grupo de alumnas amosou en imaxes cómo construír unha man hidráulica https://youtu.be/TgkVhaEpc-E

Noraboa a todos eles porque fixeron un traballo moi bo, poñendo o seu grao de area para difundir eso tan lonxano e estraño que algúns chaman CIENCIA ;-)

 

DÍA DA FESTA DA RECICLAXE

DÍA DA FESTA DA RECICLAXE

Parabéns aos gañadores en ensinanza secundaria, este curso 2016-17, da campaña de recollida de tapóns, aceite, pilas e cartuchos que ben coñecedes. As clases de 2ºA, 2ºB e 3ºB foron as verdadeiras protagonistas desta iniciativa que desde hai 4 anos estamos levando a cabo baixo o lema "e ti sustentas?".

Como premio gozaron hoxe dunha mañá na espectacular piscina municipal de San Sadurniño, onde se bañaron, xogaron e como colofón déron boa conta dun suculento manxar a base de empanada, tortilla, churrasco, chourizos e unha sobremesa de hojaldre, crema e chocolate...

Parabéns a todos eles e a ver se entre todos logramos manter viva esta iniciativa no colexio. 

APERTURA DE PRAZO PARA SOLICITAR PRAZA COMO COLABORADOR DE COMEDOR

Ábrese prazo para todos aqueles membros da comunidade educativa que queiran colaborar na atención ao alumnado no comedor escolar. Tedes ata o 11 de setembro. A información, máis polo miudo, no arquivo que se xunta.

ÉXITO NA REPRESENTACIÓN DA OBRA "DE CAMIÑO Á REALIDADE"

ÉXITO NA REPRESENTACIÓN DA OBRA "DE CAMIÑO Á REALIDADE"

Un ano máis o proxecto LOVA en primaria séguenos a traer múltiples satisfaccións. Sobre todo a de ver como, partindo da nada, acaban construíndo unha obra musical elaborando guión, construíndo decorados, creando pezas musicais, establecendo relacións públicas...como un taller de aprendizaxe rápido para saber o que costan as cousas. E se o final é tan bo como esta obra "De camiño á realidade" mellor que mellor. 40 minutos nos que nos rimos un rato con eles e reflexionamos un anaco sobre o importante que é saber onde se esconde o verdadeiro valor das cousas. Hoxe martes 20 de xuño, o teatro Jofre de Ferrol foi, de novo, o marco incomparable no que se levou a cabo a representación.

Parabéns a todos aqueles que fan posible que cada ano teña lugar un pequeno milagre no colexio ;-)

 

Vídeo resumo do Programa "Aliméntate ben"

Facendo clic na seguinte imaxe podedes acceder ao vídeo que resume as actividades desenvolvidas durante este curso nas etapas de Educación Infantil e Educación Primaria ao abeiro do programa "Aliméntate ben". Bo proveito!

Vídeo da IV carreira popular

 Toda a información no seguinte enlace:

IV Carreira popular de San Sadurniño

ESTREA DA ÓPERA "DE CAMIÑO Á REALIDADE" POLA COMPAÑÍA DE ÓPERA BOMBIGLOBO

O alumnado de quinto de primaria que forma a Compañía de Ópera Bombiglobo e que participa no proxecto LÓVA estreou a ópera creada por eles mesmos durante este curso.

A estrea tivo lugar o venres 2 de xuño na Casa da Cultura coa asistencia dos seus compañeiros e profesorado de infantil e primaria. O sábado 3 e xuño repetiron a actuación para os pais e público en xeral.

Así presentaban o director de escena e o director de produción a súa ópera:

"A nosa viaxe comezou en setembro cando formamos a nosa compañía. Dende o principio estabamos moi ilusionados con está viaxe que está chegando ao seu destino: representar a nosa Ópera: "De camiño á realidade".

O camiño foi moi duro, pero á vez moi divertido e emocionante. Tamén houbo moitos lastres que soltar para que o noso globo se elevase"

 

E así foi: parabéns a toda a compañía por ter conseguido que o voso globo se elevase e por poder disfrutar dunha representación extraordinaria. 

E como eles dín no seu discurso:

       "Próxima parada o 11 de xuño no Teatro Real de Madrid e última parada o 20 de xuño no Teatro Jofre de Ferrol"

Premendo na seguinte imaxe podedes ver algunhas fotos da súa actuación:

 

 

 

Nas seguintes ligazóns tedes acceso á información sobre a estrea:

Nota de prensa da Consellería de Cultura

 

 

 

Páxina web do Concello de San Sadurniño

Diario de Ferrol

 

CONCURSO COCA COLA DE RELATO CURTO

CONCURSO COCA COLA DE RELATO CURTO

Como nalgunha ocasión anterior volvemos a colleitar éxitos no concurso de relato curto organizado por Coca Cola para "jovenes talentos". Na súa 57 edición participaron, o pasado 24 de marzo, cos seus textos en castelán, 4 alumnos de 2ºESO deste centro: Alejandro Castrillón, Elena Beceiro, Noreia Hermida e Paula Rebollar. O relato ideado por Paula gustou moito e obtivo o 3º premio entre os finalistas provinciais.

Recolleu o premio xunto coa súa profesora Diana Galdo o pasado venres 26 de maio no Pazo de Mariñán. Parabéns ás dúas.

No arquivo que se xunta podedes ver un para de fotos do certame.

Distribuir contido