ÚLTIMO MANDADO DO MECO

Xa temos aquí o Meco despedindo a semana...para mañá dinos isto

Con todo o anterior posto,
deberás pintar a cara.
Coma se foras un hippie,
comeza a festa rachada.

Pois xa sabedes mañá toca vir disfrazados de hippies ao colexio.

GAÑADORES DO CONCURSO CONTRA A VIOLENCIA DE XÉNERO

Xa temos premiados no concurso de organizado polo EDLG contra a violencia de xénero. Son os seguintes:

1º Hugo Bustabad Prieto
2º Carmen Míguez Castro
3º Daniel Soto Grandal

Noraboa aos premiados

4º MANDADO DO MECO

xa estamos a mércores e pouco lle queda por dicir ao Meco. Para mañá xoves...

Deberán de ser vaqueiros,
os pantalóns que traiades.
Mellor dos que sexan longos,
que senón arrefriades.

VISITA AO MUNCYT

VISITA AO MUNCYT

O pasado xoves 1 de febreiro os rapaces e rapazas de 2º e 3º ESO tiveron a oportunidade de visitar o MUSEO NACIONAL DE CIENCIA Y TECNOLOGÍA (MUNCYT), na cidade da Coruña. Una actividade organizada polo Dpto. de Tecnoloxía para aproximar ao alumnado ao mundo da ciencia e na que colaborou o Dpto. de CCSS facendo un percorrido en bus (a climatoloxía non permitiu facelo paseando) por unha parte da cidade baixo as explicacións dos profesores acompañantes.

Nos arquivos adxuntos podedes var varias imaxes do día.

3º MANDADO DO MECO

Xa queda menos...a ver o que nos dí o Meco para mañá mércores

Unha camiseta florida,
ou con motivos rechamantes.
Para animar estes días,
que aínda veñen por diante.

 

2º MANDADO DO MECO

Agora que xa temos a cinta na cabeza...a ver o que nos suxire o MECO

Unhas lentes ben feitiñas,
terás que facer na casa.
Para vir con elas postas,
que sexan de cores basta.

Xa sabedes...mañá con cinta na cabeza e gafas de cor...

FOTOGRAFÍA gañadora do VII Concurso "INVESTIGACIÓN E CIENCIA"

FOTOGRAFÍA gañadora do VII Concurso "INVESTIGACIÓN E CIENCIA"

Xa temos gañador no concurso de fotografía que o DPTO. de FeQ convoca xunto á Biblioteca do centro para plasmar nas instantáneas máis fermosas ou orixinais algún fenómeno natural relacionado coa ciencia.

Desta volta, Iago Lourido de 2ºESO, obtivo unha imaxe preciosa dun brócoli coñecido coma Romanescu, no que se observan as formas xeométricas tan curiosas que adopta; son os denominados fractais matemáticos, tan difíciles e tan doados ao mesmo tempo.

Parabéns Iago.

1º MANDADO DO MECO

Como cada Antroido aquí temos ao Meco que nos di como temos que vir ataviados cada día da próxima semana para acabar disfrazados o venres e gozar dun día de festa no colexio. Atentos ao que nos di:

 

Para desfrutar o entroido,
moi atento tes que estar.
As orellas escoitando,
o que o Meco vai mandar.
Unha cinta na cabeza,
é o primeiro mandado.
Para comezar a festa
e acabala disfrazado.

 

*No arquivo adxunto tedes o mandado máis chulo ;-)

 

 

CELEBRACIÓN DO DÍA DA PAZ

CELEBRACIÓN DO DÍA DA PAZ

Hoxe no colexio celebramos todos xuntos o día da Paz. Unha ocasión para formalizar algo que debería ser a tónica habitual no día a día...mais por desgracia non soe ser así.

Da man de John Lennon e o seu mítico "Imagine" os alumnos e alumnas do centro foron pegando as súas mensaxes arredor da paz na simbólica Pomba. Un par de discursos a cargo dos rapaces da ESO e unha lectura trilingüe do libro "Imagine" a cargo dos nenos e nenas de primaria deron paso ao momento final no que todos xuntos entonamos a canción de Carlos Baute "Intenta respetar". Agora só queda esperar que a letra se faga realidade...

 

 

 

DÍA DA PAZ: EXPOSICIÓN DE FONDOS PARA ESO

Estamos a expoñer unha selección de fondos da nosa biblioteca sobre a paz na sala de secundaria. Atoparedes anexa unha presentación con fotografías sobre esta.

Distribuir contido