12 de maio: Encontro Escolar de Xogos Tradicionais en San Sadurniño

Organizado por Brinquedia Rede Galega do Xogo Tradicional e o Concello de San Sadurniño, o sábado 12 de maio celebrarase na Finca de A Cortiña o XII Encontro Escolar de Xogos Tradicionais.

A información de en que consiste a actividade pode atoparse na web de Brinquedia, concretamente no apartado "Encontro Escolar".

Se unha imaxe vale máis ca mil palabras, que dicir logo dun vídeo! Facendo clic na seguinte imaxe podedes acceder ao video resumo dun destes Encontros:

Quen teña asistido algunha vez á Parada Familiar de Xogos Tradicionais, atopará certas semellanzas. Pero o Encontro, por número e duración das actividades, é un evento de moita máis envergadura. Así mesmo, o Encontro considérase unha das mellores iniciativas relacionadas co xogo tradicional en Galicia.

Dado que o alumnado participante recibirá un agasallo pola súa participación, resulta preciso realizar unha inscrición, sendo o prazo límite o día 25 de abril.

Para elo, facendo clic na seguinte imaxe accederedes a un sinxelo formulario en liña que resulta preciso cubrir. O alumnado asistente ten que ir acompañado por unha persoa adulta responsable (non é preciso unha persoa por neno, é dicir, unha mesma persoa pode responsabilizarse de varios).

Animámosvos logo a tomar parte nunha actividade na que non só o alumnado pode participar, senón que tamén se fomenta a participación das familias nas diferentes actividades previstas.

LISTAS PROVISIONAIS DE ADMITIDOS CURSO 2018-19

Nos arquivos que se xuntan tedes a listaxe provisional de solicitudes admitidas segundo a petición feita para o curso 2018-19.

Imaxe de depmat

PROXECTO ERASMUS+: "ROBOT DANCE"

O noso centro participa nun proxecto europeo Erasmus+ na modalidade K201 relacionado coa robótica xunto cos centros CPI A Xunqueira de Fene e IES Sofía Casanova de Ferrol. O proxecto consiste en compartir experiencias sobre a integración da robótica e das competencias STEM nas aulas de primaria e secundaria con centros de Finlandia e Cardiff, Gales. Como producto final faremos bailar os nosos robots de Lego ao mesmo tempo en todos os centros dos tres países.

Gustaríanos coñecer a opinión dos pais sobre temas relacionados coa introdución de novas tecnoloxías e de robótica na aula. Prema no enlace para realizar o cuestionario:

Cuestionario para pais de primaria e eso

A primeira toma de contacto entre os participantes de todos os países tivo lugar en Finlandia en Novembro de 2017. A próxima será en Cardiff en xuño de 2018. O proxecto está previsto que dure tres cursos e no último curso hai a posibilidade de participación de alumnos.

Finlandia2017

Primeira toma de contacto en Finlandia, novembro de 2017.

 

 

 

http://www.diariodeferrol.com/articulo/ferrol/educacion-robot-dance-proyecto-europeo-robotica-intercambio-experiencias/20171225222753211615.html

 

CELEBRACIÓN DO DÍA DA MULLER

CELEBRACIÓN DO DÍA DA MULLER

Esta semana estamos asistindo a diversos actos para conmemorar o día da muller traballadora que culminan o día 8 de marzo. Entre outros, no edificio de secundaria Marta Díaz, Crisanto Poveda e Mar Gutiérrez aproveitando as súas clases de valores éticos e relixión, montaron unha exposición de mulleres que a historia merece lembrar e un curioso photocall onde boa parte do colexio pasou por el a deixar testemuña gráfica do seu apoio ao papel da muller na sociedade. Grazas a todos pola colaboración porque a ocasión o merece.

EXPOSICIÓN DE FONDOS NA SALA DE SECUNDARIA: DÍA INTERNACIONAL DA MULLER

Ao longo deste mes de marzo expoñeremos na sala de secundaria fondos relacionados co Día Internacional da Muller. Tamén elaboramos unha pequena presentación con fotografías e textos de escritoras para que esta exposición "viaxe" a todas partes a través da Internet.

UNHA ESCRITORA, UNHA PERSONAXE HISTÓRICA E UNHA NOVELA

Isabel Zendal é unha das figuras sobre as que se está a traballar no noso centro para conmemorar o Día Internacional da Muller; por isto, decidimos elaborar unha pequena presentación na que lembramos a esta muller (nada en Ordes en 1773 e considerada pola OMS a primeira enfermeira da historia en misión internacional) e tamén a María Solar, autora da novela Os nenos da varíola na que Isabel ten un importante papel.

 

VISITA AO MUSEO DO HUMOR

O pasado martes 27 de febreiro o alumnado de 1º de ESO visitou o Museo do Humor de Fene e percorreu un anaquiño do Camiño Inglés por terras de Neda. Esta actividade foi organizada polos departamentos de Xeografía e Historia e Lingua Galega e Literatura en colaboración co EDLG.

 

INFORMACIÓN SOBRE O PROCESO DE ADMISIÓN DE ALUMNADO PARA O CURSO 2018-2019

Nos arquivos que se xuntan podedes atopar toda a información relacionada sobre o proceso de admisión de alumnado que empeza mañá día 1 de marzo en todos os centros públicos e remata o 20 do mesmo mes.

No primeiro atoparedes información sobre lexislación que rexe o proceso, documentación a presentar, prazos a cumprir, vacantes, etc

Nos dous seguintes aparecen os nomes do alumnado admitido procedente dos centros adscritos.

A continuación tedes o impreso oficial de solicitude de praza.

Tamén xuntamos documentos relativos as letras que sairon no sorteo para desempates e as instrucións da dirección xeral de centros e da xefatura territorial respecto ao proceso.

Para que nos se vos pase ningún prazo poñemos a continuación o calendario do proceso:

CALENDARIO DO PROCESO DE ADMISIÓN DE ALUMNADO DE NOVA INCORPORACIÓN AO CENTRO

PARA O CURSO 2018-2019

Presentación solicitude admisión                                                                    anexo II da Orde de admisión

DO 1 AO 20 DE MARZO

Presentación de documentación xustificativa, (de solicitala o centro, ver punto 6) O 22 de marzo notificarase na web do centro  e no taboleiro si é necesario aportar documentación

       DO 3 DE ABRIL AO 12 DE ABRIL

(NO CASO DE SER NECESARIA A BAREMACIÓN)

Publicación das listaxes provisionais de admitidos e non admitidos.

Poderase formular reclamación, ante o Consello Escolar, no prazo de 5 días hábiles contados a partir do seguinte ao da súa publicación

      ANTES 25 ABRIL

Publicación das listaxes definitivas

       ANTES 15 de MAIO

Formalización da matrícula en EI e EP                                                          (anexo III-1 da Orde de admisión)

       DO 20 De XUÑO AO 2 DE XULLO

Formalización de matrícula en ESO                                                               (anexo III-2 da Orde de admisión)

        DO 25 DE XUÑO AO 10 DE XULLO

Prazo extraordinario de matrícula en ESO

       DO 1 AO 10 DE SETEMBRO

XORNADAS DE ORIENTACIÓN ACADÉMICA E PROFESIONAL

XORNADAS DE ORIENTACIÓN ACADÉMICA E PROFESIONAL

O alumnado de 4ºESO visitou hoxe o auditorio de Ferrol pola mañá coa idea de obter información arredor das diferentes saídas académicas e profesionais que pode ter na etapa post-obrigatoria. Universidades, institutos de bacharelato, módulos formativos...diferentes camiños para que o lles agarda a partires do curso que vén.

Día de Rosalía

Mañá mércores conmmeraremos o Día de Rosalía cun recital na sala de secundaria da biblioteca. Anímate e participa.

 

Distribuir contido