Implantación da xornada lectiva en sesión única de mañá

• Regulada pola ORDE do 29 de maio de 2008 pola que se establece o procedemento para a implantación da xornada lectiva en sesión única de mañá ou mixta nas escolas de educación infantil e primaria, colexios rurais agrupados, centros públicos integrados, centros de educación especil e centros privados concertados.
• Para poder implantala, deben cumprirse os seguintes requisitos:

1. Acordo do consello escolar, por maioría dos 3/5 dos seus membros.
2. Acordo do claustro, por maioría dos 3/5 dos seus membros.
3. Informe favorable do Servizo de Transporte.
4. Acordo favorable do 58% do censo das familias. (Para os efectos de establecer o total do censo computarase a nai ou pai ou un dos titores legais do alumnado da etapa en que se pretende cambiar a xornada).
5. Plan específico de actividades extraescolares 

• Pasos a seguir para a súa implantación:

1. Información sobre o plan específico de actividades extraescolares cun mes de antelación ás votacións do sector das familias.
2. Posteriormente, votación do claustro e o consello, en sesións extraordinarias.
3. No caso de que as votacións de claustro e consello sexan favorables, solicitude de informe favorable ao Servizo de Transporte
4. No caso de que o informe sexa favorable, realizarase a votación das familias.
5. Informe favorable de Inspección Educativa.
6. Envío da solicitude á Consellería. 

• Unha vez realizadas as votacións do Claustro de Profesorado e do Consello Escolar do CPI de San Sadurniño, e sendo estas favorables, solicitamos a implantación da xornada lectiva en sesión única de mañá ao Servizo de Transporte. 
• No caso de que este informe sexa favorable, procederase á votación por parte das familias do alumnado.

Destacamos a importancia da asistencia das nais, pais ou titores e titoras legais á votación no caso de que esta poida levarse a cabo, e solicitamos a vosa colaboración. Moitas grazas de antemán.

Plan de actividades extraescolares

• Desde o 16 de xaneiro ata o 6 de febreiro do 2023, ambos os dous incluídos, estará aberto o prazo de solicitude de reserva de praza en centros de adscrición para alumnado que cambia de etapa.
• Tanto a presentación de solicitudes como a consulta das listaxes de admitidos, que se publicarán antes do 28 de febreiro, deberán realizarse no centro no que está matriculado o alumnado no presente curso ou a través da aplicación admisionalumnado (https://www.edu.xunta.gal/admisionalumnado/).
• Recordamos que no caso do CPI de San Sadurniño, os centros adscritos son os seguintes: CEIP de San Ramón (Moeche) e IES Fernando Esquío (Neda).

 Anexo de reserva de praza

Grazas á gran participación de alumnado e profesorado na operación Quilo, o CPI de San Sadurniño colaborou un ano máis coa Cociña Económica de Ferrol na campaña de Nadal de recollida de alimentos. 

  “Cun pequeno xesto de cada un, podemos cambiar a difícil realidade doutros”

No taboleiro da entrada do edificio de Secundaria atópanse publicadas as candidaturas ao Consello Escolar do profesorado, alumnado, persoal de administración e servizos e pais/nais e titores/as legais. Os días 21.11.22 e 22.11.22. estará aberto o prazo de reclamación á proclamación das candidaturas.