Skip to Content

FIN DE CURSO

O venres 21 demos por finalizado o curso escolar para o alumnado facendo unha festa lúdico-deportiva durante a mañá, na que Infantil, Primaria e Secundaria compartiron xogos e risas.

Noraboa aos profesores de Educación Física pola organización, ao profesorado pola colaboración e sobre todo aos rapaces e rapazas que amosaron un comportamento modélico logrando que a xornada de despedida fose unha festa.

Ata o curso que ven!

 

CERIMONIA DE GRADUACIÓN NA ESO

Hoxe, toda a comunidade educativa do colexio tivemos a oportunidade de despedir como se merecen ao noso alumnado de 4ºESO do curso 2018-19. Foi unha cerimonia moi emotiva, con música, palabras, bágoas e unha mestura de sentimentos contraditorios.

Para todos eles os nosos parabéns e o desexo da mellor das sortes.

ENTREGA DE NOTAS NA ESO

O próximo mércores 26 de xuño procederase á entrega do boletín de cualificacións ao alumnado de ESO. Será ás 10 e media da mañá na aula correspondente, excepto en 4ºESO xa que estes alumnos e alumnas recibirano no acto de graduación que celebraremos ás 12:45h no salón de actos da casa da Cultura do Concello.

 

Lecturas para o verán

Deixámosvos un documento anexo no que podedes atopar enlaces (webs, blogues, biblitecas virtuais...) relacionados coa lectura e coas suxestións de libros.

Felices lecturas de verán!

VISITA AO ACUAPARK DE CERCEDA

Como premio pola súa intensa labor de reciclaxe, hoxe luns 17 de xuño, as clases de 1ºA e 3ºA de ESO, gozaron dun divertido día no acuapark de Cerceda. Non acompañou moito o tempo pero iso non nos impediu repetir varias veces en cada unha das atraccións. Noraboa a todos polo voso comportamento e ás titoras de cada curso pola súa labor de concienciación ecolóxica durante todo o curso.

LISTAXE LIBROS DE TEXTO CURSO 2019 – 2020

Enquisas Robotdance

Nesta entrada están dispoñibles as ligazóns para realizar as enquisas ao alumnado e ás súas familias que contempla a participación no Programa Europeo "Robotdance".

Importante! So deben ser cubertas polo alumnado de 4º e 6º de Educación Primaria e de 3º e 4º da ESO, así coma por un dos seus proxenitores.

Tede en conta que hai preguntas de resposta única e outras que admiten resposta múltiple.

As preguntas marcadas cun asterisco vermello son de obrigada resposta.

Non esquecer facer clic no botón "Enviar", e a enquisa só debe ser cuberta unha vez por cada persoa.

 

          

VISITA DE 3ºESO AOS LABORATORIOS DA FACULTADE DE QUÍMICA DA UDC

Este luns 3 de xuño tivemos a oportunidade de novo de desfrutar coa clase maxistral impartida pola catedrática de química Maria Teresa Rodríguez Blas. Como ven sendo habitual nos últimos cursos, o alumnado de 3ºESO puido ver, facer, tocar, experimentar, sorprenderse, preguntar, reflexionar...en definitiva, facer e vivir ciencia, en 3horas que pasaron coma nun suspiro.

Grazas unha vez máis a Mayte pola súa paciencia e a súa forma entusiasta de comunicar todo o que sabe. 

Aquí vos deixo unha escolma de fotos que dan fe do ben que o pasaron os rapaces e rapazas. Grazas a todos polo voso comportamento exemplar e as preguntas e dúbidas que fixestes, facendo máis dinámica a sesión.

 

SEMANAS DA FROITA

 

Estimadas familias

As vindeiras semanas ( 27-31/5 e 3-7/6), o centro participará no programa FOGGA . No horario de lecer repartirase froita ao alumnado.

 

AXUDAS LIBROS DE TEXTO E MATERIAL ESCOLAR

Convocatoria do fondo solidario de libros de texto e axudas de libros de texto e material escolar para o alumnado de primaria, ESO e educación especial para o curso escolar 2019/2020

No curso 2019/2020 o Fondo solidario de libros de texto estará accesible para o alumnado matriculado en 3º, 4º de Primaria e 3º e 4º de ESO. En 1º e 2º de educación primaria haberá as axudas para a adquisición de libros de texto. No caso do material escolar, convócanse axudas para a súa compra destinadas ao alumnado matriculado en toda a Educación Primaria e ESO.

 O alumnado matriculado nos cursos de 5º e 6º de E.Primaria e 1º e 2º de ESO incluídos no Proxecto deEducación dixital (EDIXGAL) están excluídos da participación no fondo solidario de libros de texto. No obstante poderán solicitar a axuda para adquirir material escolar.

O prazo para a presentación das solicitudes dende o 21 de maio ata o 21 de xuño de 2019, inclusive.

As solicitudes presentaranse preferiblemente por vía electrónica nos formularios normalizados dispoñibles na aplicación informática «fondolibros» (https://www.edu.xunta.es/fondolibros) a través da sede electrónica da Xunta de Galicia,https://sede.xunta.gal .

Opcionalmente, poderanse presentar as solicitudes presencialmente nos centros docentes ou en calquera dos lugares e rexistros establecidos na normativa reguladora do procedemento administrativo común. Neste caso a solicitude será única para todos os fillos admitidos no mesmo centro.

PUBLICACIÓN DE LISTAXES:

Listaxes provisionais de admitidos :2 7 de xuño.

Reclamacións ás listaxes provisionais :28 de xuño e 1 de xullo.

Listaxes definitivos: Educación primaria : 3 de xullo Educación secundaria : 13 de setembro

Os libros das listaxes definitivas serán entregados os primeiros días do curso

ENTREGA DE VALES DE LIBROS E MATERIAL ESCOLAR

Primaria e Secundaria con matrícula ordinaria (aprobados en xuño): do 4 ao 10 de xullo

Secundaria con matrícula Extraordinaria(pendentes para setembro): do 16 ao 18 de setembro

ANEXOS I – II. Solicitude

Distribuir contido


by Dr. Radut