Skip to Content

ESCOLA DE FAMILIAS

Ven, 18/03/2022 - 13:38 — directora

 

O Concello de San Sadurniño, en colaboración coa asociación Asfedro, pon en marcha unha Escola de familias, co obxectivo de mellorar as habilidades educativas, de xestión e de comunicación familiar e reforzar as súas competencias relacionadas coa educación dos seus fillos e fillas.

 

As sesións realizaranse os xoves 31 de marzo, 7, 21 e 28 de abril en horario de 15:30 a 17:00 h na Casa da Xuventude.

 

Para inscribirse, poden enviar un correo electrónico a pilar.calvo@sansadurnino.gal

 

 

 

Admisión curso 2022-23

Xov, 03/03/2022 - 12:20 — directora

Prazo aberto: do 1 ao 21 de marzo

Para presentar unha solicitude deberá seguir algunha das opción descritas a continuación:

  1. Cubrir a solicitude informáticamente e presentala asinada de xeito manual no centro:
    Para presentar a solicitude presencialmente no centro deberá seleccionar a opción de menú “Solicitudes --> Admisión --> Crear”. Deseguido aparecerá unha pantalla na que deberá cubrir os datos necesarios, tales como datos persoais e de contacto, os datos académicos e os criterios alegados e autorizacións. Despois de cubrir a información descrita, deberá premer no botón “Crear e Confirmar”. Feito isto poderá descargala para asinar e presentar no centro.

     

  2. Cubrir a solicitude informáticamente e asinala en Sede Electrónica: 
    Para presentar a solicitude a través da Sede Electrónica deberá acceder a admisionalumnado con usuario de Chave 365 ou con certificado dixital, para iso deberá premer na icona verde que se atopa arriba á dereita. Posteriormente deberá seleccionar a opción de menú “Solicitudes --> Admisión --> Crear”. Deseguido aparecerá unha pantalla na que deberá cubrir os datos necesarios, tales como datos persoais e de contacto, os datos académicos e os criterios alegados e autorizacións. Despois de cubrir a información descrita, deberá premer no botón “Confirmar solicitude” e posteriormente premendo no botón "Firmar e presentar en Sede Electrónica", poderá asinar a solicitude dixitalmente, quedando como presentada no centro, sempre que o proceso de sinatura remate correctamente. Debe achegar escaneada toda a documentación pertinente á hora de presentar solicitude.

    IMPORTANTE: Debe achegar, na Sede Electrónica da Xunta de Galicia, o anexo II bis dixitalizado (COMPROBACIÓN DE DATOS DOS MEMBROS COMPUTABLES DA UNIDADE FAMILIAR, última páxina da solicitude que pode visualizar e descargar nesta aplicación).

  3. Cubrir a solicitude manualmente e presentala asinada presencialmente no centro: 

Se non desexa cubrir a solicitude dixitalmente pode facelo de xeito manual descargando dende os seguintes enlaces os documentos, cubrilos e presentalos firmados no centro.

Para presentar a documentación no centro, é imprescindible cita previa (teléfono do centro: 881930489)

 

Algunhas imaxes do entroido no noso centro

Mér, 02/03/2022 - 23:06 — admin

Premendo na imaxe podedes ver algunhas fotos do entroido en secundaria.

 

Mandados do Meco

Xov, 17/02/2022 - 21:17 — directora

Deixámosvos os mandados do Meco para a vindeira semana (hai dous arquivos adxuntos, un para infantil e primaria e outro para secundaria).

Feliz Entroido a todos!!!

 

RESERVA DE PRAZA EN CENTRO ADSCRITO (1º BACHARELATO)

Mar, 11/01/2022 - 13:19 — directora

Bo día:

Hoxe ábrese o prazo para a reserva de praza no centro adscrito (IES Fernando Esquío). Poden presentar as solicitudes de xeito manual (adxúntase o modelo en pdf), ou ben a través da aplicación (admisionalumnado) no menú:

Solicitudes>Reserva>Crear

Esta solicitude deberá presentarse no centro educativo de orixe ou en calquera dos lugares que establece a Lei 39/2015, do 1 de outubro, do Procedemento Administrativo, ou en Sede Electrónica, para o que se precisará de Chave365 ou certificado dixital, sendo esta a canle preferible de presentación.

Lembren que o prazo de presentación de solicitudes desde o 11 de xaneiro ata o 8 de febreiro.

 

 

Postais de Nadal 2021

Lun, 27/12/2021 - 02:57 — depef

 

Dende o EDLG (Equipo de dinamización da Lingua Galega) desexámosvos boas festas e un novo ano cheo de ánimo e saúde.

Debuxo realizado por Paula Carral de 4ºA de Primaria, seleccionada no concurso de postais de Nadal.

 

 

 Debuxo realizado por Zeltia Pedreira de 1ºB da ESO, mención especial do xurado no concurso de postais de Nadal.

 

 Debuxo realizado por Daniela Díaz de 5ºB de Primaria, mención especial do xurado no concurso de postais de Nadal.

 

Xuntamos ligazón para ver unha escolma das postais realizadas polo alumnado de Infantil, Primaria e Secundaria do centro:

https://drive.google.com/file/d/1eg4HvX9RYrwS12ZxR_niooNml-eTFWho/view?u...

 

 

 

 

 

 

 

 

Cortes de tráfico o vindeiro luns, 22 de novembro

Mér, 17/11/2021 - 19:20 — directora

Dende o concello infórmannos de que, co gallo da rodaxe da serie "A Rapa", o vindeiro luns, 22 de novembro haberá cortes de tráfico intermitentes ao longo de todo o día na Avenida Marqués de Figueroa. Ditos cortes só durarán uns minutos.

Reparto de máscaras ao alumnado

Mér, 17/11/2021 - 19:09 — directora

Segundo a Orde do 28 de outubro de 2021 pola que se regulan os criterios e o procedemento de distribución de máscaras entre o alumnado, o alumnado destinatario será o seguinte:

1. Que fose beneficiario da axuda para adquirir material escolar.

2. Que non fose beneficiario da axuda para adquirir material escolar por diferentes circunstancias, pero:

a) Pertenza a familias cunha renda per cápita igual ou inferior a 6.000 €.

b) Estea matriculado en educación especial, ou suxeito a tutela ou garda da Xunta de Galicia ou teña unha discapacidade igual ou superior ao 65 %, con independencia da renda da unidade familiar.

O prazo de solicitude remata o venres, 26 de novembro.

Ligazón á Orde: ver

Modelo de solicitude: ver

 

Convocatoria eleccións Consello Escolar

Lun, 08/11/2021 - 16:58 — directora

De acordo coa RESOLUCIÓN de 20 de setembro de 2021, da Secretaría Xeral de Educación e Formación Profesional, pola que se establece o calendario para a celebración das eleccións de membros dos consellos escolares de centros docentes sostidos con fondos públicos, co seguinte calendario:

 

8 de novembro: publicación de censo e  convocatoria.

9 ao 16 de novembro: presentación de candidaturas.

Ata o 15 de novembro reclamacións ao censo.

17 de novembro proclamacións de candidaturas presentadas.

23 de novembro: eleccións.

 

 

En secretaría poderedes anotar a vosa candidatura.

 

Este curso, somentes se renova un posto de pais/nais por unha vacante.

 

 

 

En San Sadurniño a 8 de novembro de 2021

Distribuir contido


by Dr. Radut