ADMISIÓN DE ALUMNADO PARA O CURSO 2013/2014

O proceso de admisión de alumnado para o curso 2013/2014 en espera de aprobación da Orde que o regule.

Dende o centro recomendamos estar pendentes do prazo de reserva de praza entre o 5 e o 17 de abril.

Imaxe de biblioip

VISITAMOS SANTIAGO DE COMPOSTELA

O mércores 20 de febreiro os alumnnos de 5º de infantil e de 1º e 2º de primaria fomos a Santiago de Compostela.

Primeiramente asistimos a un concerto da Banda Municipal con pezas musicais das películas de Disney. Despois de xantar na Alameda realizamos un pequeno percorrido pola cidade.

Premendo na imaxe podedes ver algunhas imaxes deste día.

 

Imaxe de biblioip

CANTARES PARA ROSALÍA

CANTARES PARA ROSALÍA:

O venres, día 22 de febreiro conmemoramos o Día de Rosalía cun recital de poesías do seu libro Cantares Gallegos na Casa da Cultura do Concello.

Os versos de Rosalía foron acompañados dun vídeo con imaxes da vida, as xentes e as paisaxes da escritora.

Imaxe de biblioip

DÍA DA PAZ 2013

O día 30 de xaneiro de 2013 os alumnos de infantil e primaria celebramos o Día da Paz, que este ano dedicámola a Picasso e ao seu cadro "Guernica".

Todos os alumnos interpretamos unha versón da canción de Horacio Guaraní "Recital pola paz".

Os alumnos de cuarto, quinto e sexto de primaria formaron unha "Orquestra pola paz".

Imaxe de biblioip

VISITA DE ANTONIO RODRÍGUEZ MENÉNDEZ

O 14 ds decembro tivemos a sorte de contar coa presenza de Antonio Rodríguez Menéndez, creador e impulsor do proxecto Farenheit 451 "As persoas libro".

Tivo unha xuntanza cos alumnos de quinto e sexto de primaria aos que lles propuxo recitar en voz alta algúns fragmentos de libros, ensinándolles a dicir os textos mirando aos demais, valorando os silencios, facendo unha "lectura vinculada" con quen nos escoita e co libro que lemos.

150 anos de Cantares gallegos

O Equipo de Dinamización Lingüística e a Biblioteca realizamos un documento co gallo do 150 aniversario da publicación de Cantares gallegos. Con el queremos conmemorar o Día de Rosalía de Castro que se celebraŕá o vindeiro 24 de febreiro. Agardamos que vos guste.

 

Crias de Cebra

Alevin de Peixe cebra

Eiquí temos os primeiros resultados do proxecto "Una cebra en el agua". Hoxe rexistramos a existencia de 11 alevíns de peixe cebra, despois de 3 semanas. A fotografía está tomada con cámara dixital sobre ocular de lupa a 20 aumentos. O tamaño real é apenas de 1 mm. ¿cántos días terá este alevín?

Imaxe de biblioip

OS MAIORES CONTAN MOITO NA BIBLIOTECA DE SANSIÑO

Iniciamos a segunda etapa da actividade "Os maiores tamén contan" e igual que o curso pasado continuamos coa colaboración das familias que comparten as súas lecturas favoritas na hora de ler.

Cada mes faremos un resumo das visitas recibidas na biblioteca. Grazas por participar e por compartir a hora de ler.

 

CIRCULAR Nº 9 - ENTROIDO

Imaxe de depmat

O CLUB DE CIENCIAS DO CPI SAN SADURNIÑO

Este curso estamos comezando a poñer en marcha un club de ciencias no noso CPI con dúas seccións: primaria e secundaria.

Podedes visitar a nosa aula virtual para ver os proxectos que se están a levar a cabo.

Pode formar parte calquera alumno movido pola curiosidade cara temas científicos: astronomía, bioloxía, informática, meteoroloxía,...e outros moitos que podan xurdir.

 

Distribuir contido