Outro ano máis o centro puxo o seu graniño de area para axudar aos máis necesitados e levamos a cabo a operación quilo, mediante a que fixemos acopio de bastantes produtos de primeira necesidade e que acabarán en Cáritas e na cociña económica de Ferrol. Grazas principalmente ás profesoras de relixión do centro, Mar e Manoli, que, coma sempre, levan o peso fundamental da operación. E grazas a todos por colaborar de xeito tan altruísta.
