Onte o alumnado de todo o centro realizou doazóns para enviar a Polonia para axudar aos refuxiados na crise humanitaria derivada do conflito entre Rusia e Ucraína.

Esta acción está pensada para apoiar os contidos das diferentes materias e para educar en valores sensibilizando e facendo fincapé en que unha guerra nunca é o camiño e que, no século XXI, a estas alturas da historia, xa deberiamos ter aprendido algo.

GRAZAS A TOD@S POLA XENEROSA COLABORACIÓN!.

Como complemento da actividade de poda realizada anteriormente, onte , 3 de marzo, fixemos unha plantación de especies frutais no patio do colexio na que participaron as dúas etapas. Esta actividade servirá para dar vida ao noso patio e para fornecer de froita aos usuarios do centro. As especies plantadas son variadas pero con ciclos de floración escalonados para asegurar que haxa froita case ao longo de todo o curso escolar e o alumnado poida desfrutarla.

Reiteramos as grazas a Afonso pola súa colaboración e magníficas explicacións.

GALERÍA DE FOTOS

O alumnado de 5º e 6º e da ESO recibiu unha interesantísima charla obradoiro sobre poda de árbores. Afonso foi o encargado de explicarnos a tod@s como recoñecer os diferentes brotes dunha rama , como cortar axeitadamente e cales delas debemos ou non podar.

O alumnado de 4º de ESO que cursa a materia de tecnoloxía, colocou catro estores na aula de desdobre de primaria para evitar as molestias causadas polo sol cando entra polas fiestras. A aula quedou moi colorida...e os estores moi ben colocados.

Tamén sacou tempo para arranxar a árbore de Nadal de hai un par de anos, que xa fora feita con material de refugallo e colocarlle unha bombilla na parte superior e adornos feitos con máscaras desbotables ....desbotadas pero pasadas pola lavadora a alta temperatura....son bos traballadores/as

Dentro do progama Eduexcelencia, o alumnado de ESO vai facer unha serie de proxectos de restauración nas aulas. Esto permite formar en valores sobre a  necesidade de coidar os servizos públicos que o estado nos aporta e tamén sensibilizar ao alumnado en canto ás vantaxes de reutilizar no canto de tirar e comprar...coidamos o medio ambiente cada vez que restauramos e reutilizamos e, neste caso , tocoulle aos corchos das aulas nos que, ano tras ano foran quedando as "pegadas" do alumnado que foi pasando polo centro.

2º ESO

E como o prometido é débeda, aí van as fotos do traballo feito onte polo alumnado de sexto. Entre todos arrancamos as malas herbas, sachamos e abonamos. Mirade que aspecto locen as nosas hortiñas, agardando a que baixemos tod@s a plantar.

 GALERíA DE FOTOS