Aquí tedes as vosas magníficas creacións. Seres incribles e super orixinais que tomaron vida nas vosas casas.
Sen mercar ningún material creastes criaturas marabillosas. Moitas felicidades!
Como podedes ver, nesta publicación, presentámosvos ó monstruito de Noa R., se clicades sobre el accederedes a todos os traballos. Animámosvos a velos, son xeniais!
Ademais, se vos apetece ler algunha descrición, simplemente, tedes que ampliar o collage.
Dende a biblioteca queremos despedirnos ata o vindeiro curso. Pero antes queriámonosvos agradecer a todos, alumnos, familias e profes, a vosa implicación e participación en todas as actividades.
Debido a estas circunstancias excepcionais quedaron moitas actividades no tinteiro, pero prometémosvos que as retomaremos, con máis ganas que nunca, en Setembro.
Para poñer o broche de ouro a este particular curso, deixámosvos un magnífico vídeo realizado por Carla de sexto xunta a súa irmá María, de segundo, a proposta da profe de música. Trátase dunha versión dun preguntoiro musical adaptado por elas mesmas, a través do cal, coñeceredes, un pouco máis a figura de Ricardo Carvalho Calero, escritor homenaxeado no Día das Letras Galegas.
Este é só un exemplo das marabillosas actividades que realizastes, dende os vosos fogares, durante este período.
E xa por último, propoñervos de cara ó verán, que vos sumerxades na lectura dun bo libro, a través deles faredes viaxes incribles.
Bos días a todas e todos! Como cada luns aquí vos traemos un novo programa de Radio Uncas na casa. Neste caso o alumnado de 4ºB presenta un programa cargadiño de cousas co que despediremos a radio ata o curso que ven. Moitísimas grazas a todos os participantes e locutores/as e tamén a todas e todos os oíntes, agardamos que disfrutárades destes fantásticos programas. Bo verán!
