Idioma extranxeiro
THIE BEST MAGIC TRICK IN THE WORLD (19/6/2023)
A través do Programa Plurilingüe, hoxe tivemos no colexio un mago escocés ao que lle gusta moito viaxar. El veu a facer un espectáculo bilingüe en inglés e galego para o alumnado de infantil e outro totalmente en inglés para o alumnado de Primaria.
Contounos a súa viaxe por Exipto, Nova Iork, India, China... e ensinounos trucos que aprendera a facer en todos estes países: de Escocia mostrounos como facer maxia con panos, de China como facer voar mandarinas e duplicalas, da India trouxo unha cobra dentro dun cesto que se alimentaba de animais...
Un espectáculo moi divertido e entretido para mellorar o nivel de inglés do noso alumnado.
DESPEDIDA ALY (30 - 5 - 2023)
Hoxe despedimos a Alyssa Jane Cañete, a auxiliar de conversa que tivemos este ano no centro.
Ela estivo co noso alumnado durante as clases de inglés pero tamén noutras materias como Plástica para mellorar o nivel de inglés oral dos nosos nenos e nenas.
Para despedirnos dela e que levase un bo de recordo do seu paso por Sober, entregámoslle un libro con debuxos e textos que o alumnado lle fixo como mostra de agarimo e un pequeno agasallo.
Desexámoslle un bo regreso a Filipinas aínda que nós a botaremos moito de menos xa que, a parte de desenvolver perfectamente o seu traballo, foi moi colaboradora e estivo moi implicada nas actividades do centro!
WE HOPE YOU ARE VERY HAPPY!!
DESPEDIDA NAMAN (27-5-2022)
Hoxe despedimos a Naman Arora, o auxiliar de conversa que tivemos no centro desde xaneiro ata agora; xa que a primeira parte do curso estivo no IES A Pinguela, centro educativo co que compartimos esta praza.
El estivo co noso alumnado durante as clases de inglés pero tamén en psicomotricidade, Educación Física e Plástica para mellorar o seu nivel inglés oral; así tod@s puideron ter un par de clases á semana con el.
Para que leve de recordo do seu paso por Sober, entregámoslle un libro cos debuxos e textos que o alumnado lle fixo como mostra de agarimo.
Desexámoslle un bo regreso á India!
WE HOPE YOU ARE VERY HAPPY!!
DESPEDIDA DISHA (28-05-2021)
Hoxe despedimos á nosa auxiliar de conversa en inglés Disha que estivo con nós durante parte deste curso xa que a súa praza estivo compartida co IES A Pinguela.
Para que o alumnado puidese practicar o seu inglés ela participou nas clases de lingua extranxeira apoiando á teacher pero tamén noutras materias como plástica ou psicomotricidade.
Desexámoslle un bo regreso á India!
WE HOPE YOU ARE VERY HAPPY!!
DESPEDIDA TORI (31/5/2019)
Hoxe despedimos á nosa auxiliar de conversa Victoria Capuano (Tori) despois de levar dous cursos no noso centro compartindo moitas experiencias con nós.
Pero antes de marchar, Tori estivo en Radiuvín para adicarnos unhas verbas do que supuxo para ela o paso polo noso centro.
Podedes esoitar a entrevista a continuación e non vos preocupedes se non entendedes ben o inglés porque Uxía e Francesca foron traducindo simultáneamente o que ela dicía.
E para que se lembre sempre de todos os alumnos e alumnas do centro, cada un dedicoulle un debuxo ou un texto co que fixemos un libro de recordos.
THANK YOU VERY MUCH, TORI!!
WE HOPE YOU ARE VERY HAPPY!!
DESPEDIDA VICTORIA, A NOSA AUXILIAR DE CONVERSA (1/6/2018)
A nosa auxiliar de conversa durante este curso, Victoria Capuano, remata hoxe a súa estancia no centro despedíndose de todos nós. A través de Radiuvín ela fixo un resumo do seu paso polo centro e contoulle a Francesca moitas cousas que todos poderedes entender porque Uxía fixo de traductora.
Para que leve un recordo do centro, cada alumno/a fixo un debuxo e un pequeno texto en inglés. Con estas aportacións, encadernamos un fermoso libro cheo de moito cariño.
Nesto xesto de cariño, non podía faltar a nosa mascota Lectuvín que levará de recordo para USA nunha camiseta da biblioteca, xa que Tori pasou bastante tempo nela axudando ao alumnado e xogando cos escornabots.
THANK YOU VERY MUCH, TORI!!
WE HOPE TO SEE YOU SOON AND YOU COME BACK NEXT YEAR!!
INGLÉS COS ESCORNABOTS: AÍNDA MÁIS DIFÍCIL!! (5/04/2017)
Traballar o vocabulario de inglés cos escornabots é algo que os nenos lles resulta moi divertido, interesante e, polo tanto, máis educativo xa que poñen moita máis atención.
Por iso, podemos subir o nivel de dificultade das actividades propostas. Neste xaso, a nosa auxiliar de conversa mezclou tarxetas de diferentes campos semánticos: animais, asignaturas, profesións... aínda así; aos escornabots guiados polos nosos nenos non lles costou atopar as palabras correctas!!!
HALLOWEEN - SAMAÍN 2013
Como cada ano, convocamos un certame de cabazas e outros obxectos terroríficos entre @s nos@ alumn@s e como podedes ver, tivo moito éxito. Nestas imaxes veredes como se foi enchendo tanto o espacio que tiñamos adicado as cabazas que tivemos que amplialo.
Se queredes ver cada neno ca súa cabaza (e merece a pena porque algunhas son espectaculares) podedes facer click na seguinte imaxe e verédelas todas
Ademais este ano Halloween estivo adicado ás arañas. Para facer as nosas arañas necesitamos o seguinte material: bolas de porexpán, esponxas de baño, ollos, limpapipas vermello e unhas luvas usados.
Das esponxas fixemos as patiñas pintándoas de cor negra; e coa media bóla de porexpán tamén pintada de negro, as cabezas cos seus olliños e a súa boquiña. Despois pegámolo todo na luva e xa temos unha terrorífica araña de Halloween.
Pola tarde, fixemos unhas actuacións con estas arañas:
- @s nen@s de Infantil cantáronnos a canción de Wincy Wincy araña;
- Os de 1º ciclo dramatizaron unha adaptación de La araña Cucufata,
- Os de 2º ciclo fixeron a través da biblioteca un certame de historias terroríficas de arañas; e dramatizamos un par delas que realmente daban moito medo, La mansión encantada (Manuel, Aroa e Paula) e Imos de voda (Lisbeth e Laura R.)
- E os do 3º ciclo tamén a través da biblioteca fixeron un traballo de investigación sobre as arañas que logo nos expuxeron na biblioteca a través das marionetas e co que @s nen@s do cole aprenderon moito. Vos sabíades que as arañas se distinguen dos insectos por exemplo no número de patas? Pois podedes aprender isto e moito máis lendo a súa investigación no arquivo adxunto
HAPPY HALLOWEEN
E
FELIZ SAMAÍN
»
