Este ano o día de San Valentín coñeceremos a historia de amor de D. Pedro I rei de Portugal e Dona Inés de Castro, filla dos condes de Lemos e a única raíña da historia que reinou despois de morta.

    Esta historia aconteceu aproximadamente polo ano 1350.

A  HISTORIA  DE  DON  PEDRO  E  DONA  INÉS

Hai moitos anos, no pequeno reino de Portugal, vivía un príncipe chamado Pedro.

Pedro creceu ata que os seus pais, os reis de Portugal, mandárono  casar coa bela e doce Constanza. Pero cando Don Pedro coñeceu a Dona Constanza, tamén coñeceu a súa prima Dona Inés que a acompañaba para a voda.

Don Pedro e Dona Constanza casaron nunha fermosa voda; pero en realidade os príncipes non se amaban verdadeiramente como nos contos de fadas, pois a Pedro non lle gustaba Constanza. O príncipe Pedro amaba a Inés de Castro, a prima da súa esposa.

Os anos pasaron e Constanza estaba cada vez máis triste, ata que un día morreu ao dar á luz un bebé chamado Fernando.

Despois da morte de Constanza, Pedro e Inés puideron estar xuntos e dese amor naceron catro fillos.

Máis non acabaron aquí os problemas desta parella de namorados senón que aínda tiñan un problema moi grande: a Don  Alfonso IV, pai de Don Pedro e rei de Portugal non lle gustaba Dona Inés. Por iso, mandou a tres asasinos para que a mataran mentres Pedro estaba de caza.

Cando Pedro chegou a casa da súa cazaría, atopou o seu amor caído no chan, xa sen vida.

D. Pedro quedou destrozado, pero nin por iso cruzou os brazos. Mandou matar os asasinos e ordenou que fosen construídos dous túmulos magníficos, un para Inés e outro para cando el morrese, que foron colocados no fermoso Mosteiro de Alcobaça.

Cando Pedro chegou a ser rei de Portugal, mandou desenterrar a Dona Inés. Vestiu os seus esqueleto cun traxe de noiva e casou con ela facendo que aínda que estivese morta chegara a ser Raíña de Portugal.

Co paso do tempo, D. Pedro fíxose maior e morreu e os dous amados puideron finalmente durmir o sono eterno, fronte a fronte, nos brazos do belo e encantado Mosteiro de Alcobaça.

    E se vos gusta máis a poesía aquí tedes un poema escrito por uns nenos portugueses que conta esta historia en verso:

Dona Constanza chegou

e Dona Inés a acompañou

Pedro despois de que a mirou

perdidamente se namorou.

 Na Quinta das Bágoas

encontros secretos marcaban

xuntos paseaban

e ás escondidas se namoraban.

Dona Constanza morreu

cando Don Fernando naceu

Pedro e Inés xuntos continuaron

e a Don Alfonso enfadaron.

 Mentres  Don Pedro cazaba

Dona Inés en casa cos fillos estaba

Don Alfonso a oportunidade aproveitou

e matala a uns asasinos mandou.

D.Pedro, decidiu a Doña Inés vingar

e aos dous asasinos conseguiu matar

Tras morta a coroou Raíña de Portugal.

En Alcobaça, dous túmulos mandou construír,

Onde agora están a durmir!

    Aquí os deixamos unhas fotos de todos os nenos e nenas do colexio traballando sobre esta historia.

   Esperamos que esta historia vos parecese interesante sendo como era ela de Monforte onde existe unha rúa co seu nome.