Excursións
IV ANDAINA CAMIÑO DE INVERNO (2-10-2019)
O noso alumnado de Primaria formou parte dos máis de 1.000 escolares das comarcas de Lemos, Quiroga e Chantada que participaron na IV Andaina Escolar polo Camiño de Inverno organizada pola Asociación Camino de Invierno por Ribeira Sacra.
Nesta ocasión comezamos a andaina en Reigada e camiñando por zonas rurais, camiños asfaltados, camiños máis embarrados e polo centro de Monforte; chegamos ao Parque dos Condes.
No parque dos Condes atopábase tamén un estudio móbil de Onda Cero desde o que estaban facendo un programa especial coas testemuñas de todos os centros participantes e dos membros da asociación organizadora. Se queredes escoitar o que falaron os nosos representantes podedes facelo no seguinte enlace a partir do minuto 1:07:32.
MÁS DE UNO (PROGRAMA ESPECIAL ONDA CERO)
O evento foi publicado na prensa local onde tamén se puideron ver imaxes dos nosos alumnos. Se queredes acceder ao artigo de La Voz de Galicia podedes premer no seguinte enlace: LA VOZ DE GALICIA
Para rematar, desde o centro queremos FELICITAR A TODO O NOSO ALUMNADO:
ESTAMOS MOI ORGULLOSOS DE VÓS!!
PARABÉNS POLO VOSO ESFORZO E POLO VOSO EXEMPLAR COMPORTAMENTO!!
ACCEDE A TODAS AS IMAXES DESTA ANDAINA
VISITA A GANDERÍA CASA DA ESCOLA (19-09-2019)
Hoxe, grazas a invitación de Noelia e Diego, pais do noso alumno Darío e do noso ex-alumno Héctor; fomos de excursión á Gandería Casa da Escola en Gundivós. Unha gandería que pertence a OVICA (Asociación de Criadores de Ovino e Caprino de Galicia).
Na súa explotación gandeira teñen gando porcino e ovino nun réxime semiextensivo que consiste en que o gando está a maior parte do tempo en liberdade pero eles coidan de que non lles falte de nada.
Nesta visita puidemos coñecer parte do seu traballo dedicado ás ovellas: desde ceibalas ata prepararlles a corte para cando volven do prado.
Ademais tamén participamos na gravación do programa da TVG Cos pés na terra, onde recolleron a opinón da nosa directora e doutros alumnos do centro.
Unha experiencia moi enriquecedora na que o alumnado aprendeu moitos aspectos relacionados coa cría e mantemento dos animais pero tamén nos serviu para reflexionar sobre a importancia do medio ambiente, do respecto aos animais e a natureza, da posibilidade de vivir no rural e da importancia de esforzarse para acadar o que nos propoñemos.
Para rematar, os nosos anfitrións agasalláronnos cunhas pequenas ovellas de flocos de millo que fixeron as delicias do noso alumnado.
MOITAS GRAZAS POR ESTA INVITACIÓN!!
VER TODAS AS IMAXES DESTA EXCURSIÓN
COÑECENDO OS NOSOS CONCELLOS - CONVIVENCIA FINAL (14/7/2019)
Remata o curso e con el remata a primeira edición do proxecto radiofónico Coñecendo os nosos concellos.
Se recordades, na nosa última emisión, preguntámoslles que deberiamos visitar se íamos á Pobra. Pois ben, esta vez en vez de contestarnos cun novo programa, a resposta foi... unha invitación!
Por suposto, despois de levar moitos meses escoitando a través das ondas tantas cousas de A Pobra, xa tiñamos ganas de visitar o concello e de coñecer en persoa aos locutores que lle poñían voz aos seus programas; así que entre os dous centros organizamos unha xornada de convivencia
Para o alumnado de 3º a 6º tíñannos preparada unha visita ao Castro de San Lourenzo guiada polo arqueólogo Xosé Gago.
Nesta visita Xosé contounos a historia do Castro, datos sobre a vida neste poboado, lendas relacionadas... pero tamén na voz dalgúns alumnos de A Pobra coñecemos a historia de San Lourenzo.
A actividade continuou cunha parte máis práctica na que o alumnado tivo que escavar varias tumbas e recoller e analizar os obxectos atopados nelas para descubrir que personaxes históricos de A Pobra estaban alí soterrados.
Para rematar puidemos escoitar aos pequenos guímaros brindar unhas coplas improsivadas para nós.
E mentres os maiores facían todo isto, o alumnado de infantil, 1º e 2º de Primaria asisitía a unha sesión de Contacontos e desfrutaba dun tempo de xogos no parque.
Despois xa todos xuntos, compartimos a comida e un rato de lecer no colexio anfitrión.
MOITAS GRAZAS POLA VOSA ACOLLIDA!!
O PRÓXIMO ANO CONTINUAREMOS APRENDENDO
SOBRE OS NOSOS CONCELLOS!!
EXCURSIÓN A SANTA TEGRA E BAIONA (7/6/2019)
Este ano na excursión de fin de curso fomos a visitar o Castro de Santa Tegra xa que nos parece unha saída didáctica moi interesante que serviu para que o alumnado coñecese de primeira man o modo de vida dos nosos antepasados: os castrexos.
Nesta visita didáctica a guía contounos o motivo da ubicación deste poboado e moitas cousas sobre o seu modo de vivir, a súa organización, os tipos de construcións...
Ademais fixemos varios obradoiros para saber cómo facían as súas ferramentas, como elaboraban as súas pinturas e ata como facían para prender o lume. Tamén visitamos o museo do castro.
Despois repuxemos forzas cunha boa comida, disfrutamos das vistas da desembocadura do Río Miño que serve de fronteira natural entre Galiza e Portugal e fomos a pasar a tarde á praia.
PODEDES VER TODAS AS IMAXES DA EXCURSIÓN NA
CONVIVENCIA A GÁNDARA - MONSTRO ROSA (7/6/19)
Cando estiveron de visita dos nenos de Infantil do CEIP A Gándara de Monforte de Lemos, deixáronnos en préstamo o libro Monstro Rosa de Olga de Dios e a mascota da súa aula que é, precisamente, este monstro rosa.
Este libro conta a historia dun mostro rosa que vive nun mundo onde toooooodo é branco.
O noso monstro é diferente desde que era un ovo: é moi grande, redondo, rosa, positivo e alegre e, aínda que intenta adaptarse aos demais e ao mundo no que naceu, chega un momento no que decide emprender viaxe buscando un lugar no que sentirse mellor.
Por sorte, acaba encontrando un lugar cheo de cores, onde todos son de formas diferentes e fará novos amigos máis parecidos a el.
Hoxe fomos a devolverlles a visita, e quixemos facer un traballo con este libro que lles puideramos levar de agasallo. Comezamos facendo papel reciclado que, por suposto, tinguimos de rosa para o noso monstro.
Despois os alumnos pasaron polos estudos de Radiuvín para poñer voz a esta historia e polo croma para formar parte das páxinas do conto.
E ASÍ FIXERON ESTE MARABILLOSO VÍDEO
QUE PODEDES VER DÁNDOLLE AO PLAY!!
QUE PODEDES VER DÁNDOLLE AO PLAY!!
E con estos agasallos preparados, fómonos de excursión ao seu colexio para pasar unha xornada de convivencia na que eles nos tiñan preparado un obradoio de xabón.
Por suposto, tamén houbo tempo para xogar e como non, para compartir mesa e mantel!!
MOITAS GRAZAS POR ACOLLERNOS NO VOSO COLEXIO!!
COÑECENDO O NOSO PATRIMONIO (5/4/2019)
Na procura dos tesouros de Sober foi unha excursión organizada polo Concello de Sober para que o noso alumnado puidese coñecer algúns dos monumentos máis importantes da localidade.
Estivo organizada como unha busca do tesouro polo que os nenos e nenas tiñan que estar moi atentos ás explicacións da nosa guía e completar un caderno coa información máis relevante para atopar os tesouros agochados en cada igrexa.
Acompañados por Mari Fé, encargada da Oficina Municipal de turismo, e de Julia, a nosa bibliotecaria, achegámonos en primeiro lugar a Santa María de Proendos, unha igrexa do século XII situada na antiga Proentia.
Observamos a parte exterior fixándonos nas súas formas e no material co que está construída e entramos para coñecela tamén por dentro: buscamos prantas e flores nos capiteis, un debuxo axedrezado no arco principal e fixámonos nas súas pinturas e nas historias que nos contan: "A adoración dos Reis Magos", "A adoración dos pastores" e "A fuxida de Exipto" na que puidemos ver como o neno Xesús pide comida a unha palma e obtén unha castaña.
Unha vez resolta a parte do caderno relacionada con esta igrexa, atopamos o primeiro dos tesouros: unhas chapas de detectives!
A seguinte parada foi San Vicente de Pinol. De principios do século XII e cun estilo artístico similar, na fachada desta igrexa podemos ver un arco lixeiramente apuntado e un rosetón con forma de estrela.
Xa dentro observamos a planta de cruz de latina, restos das súas pinturas, uns capiteis curiosos (un deles parece que representa a Adán e Eva) e ata coñecemos a lenda da Mosteiro de Cadeiras.
Unha vez recollidos os datos desta igrexa no noso caderno de investigadores, atopamos un novo tesouro: uns marcapáxinas conmemorativos desta actividade.
A última parada desta excurisón foi en Lobios. Alí comezamos polo seu cruceiro no que podemos atopar elementos da paixón de Cristo: un látigo, tres clavos dentro dunha coroa de espiñas, un martelo, unha escada... e unha serpe que está relacionada cunha lenda que vimos despois. Na parte superior do cruceiro atopamos a Cristo crucificado e á Dolorosa.
A Capela da Raíña dos Anxos está preto do cruceiro. É unha capela de forma rectangular construída con pedra irregular sen labrar.
Conta a lenda que en tempos de mouros unha moza de Lobios lle roubou unha cadea de ouro a unha moura quen para recuperar a cadea, transformouse en serpe e comezou a perseguila.
A moza escapando pasou por diante desta capela e pediu axuda á Raíña dos Anxos, entón a serpe transformouse outra vez en muller pola intercesión da Virxe e a moza de Lobios puido escapar coa cadea.
Hoxe en día, na porta desta capela, atópanse dous buratos polos que podemos mirar para ver a Raíña dos Anxos toda vestida de branco.
A última visita foi a San Xulián de Lobios, unha igrexa do románico tardío con planta rectangular. na súa fachada atópanse debuxos de flores no seu arco e varios animais nos capiteis da entrada principal.
No interior destacan a bóveda de crucería, restos de pinturas e as catro figuras animais que representan aos catro evanxelistas: o boi de San Lucas, a aguia de San xoán, o león de San Marcos e o anxo de San Mateo.
Para rematar, os nenos e nenas conseguiron atopar o último tesouro, o máis doce: un montón de moedas de chocolate!!
MOITAS GRAZAS ao Concello e a Mari Fé por esta excursión
tan didáctica que nos permitiu coñecer e valorar o noso patrimonio!!
EXCURSIÓN A SANTIAGO E AO PAZO DE OCA (17/10/2018)
O alumnado de Primaria participou hoxe nunha excursión a Santiago de Compostela e ao Pazo de Oca.
Pola mañá asistimos ao Concerto Didáctico Son, música e acción! do Trío Casperkev no que nos ensinaron a relación entre a música, o son, a imaxe e a acción a través da música en directo e de escenas de películas coñecidas para o alumnado e outras non tanto:
Ten o mesmo sentido unha escena acompañada dunha música ou dotra?
Cal era a función da música no cine mudo? e hoxe en día?
Foi un concerto moi participativo no que os nosos alumnos puideron saír ao escenario a poñerlle música a unha escena da película Charlot boxeador (The Champion, 1915) e a imitar ao propio Chaplin coa música en directo do piano... ata saíu a profe Lorena ao escenario!
Despois comemos na Residencia Universitaria O Burgo das Nacións e puxemos camiño ao Pazo de Oca onde divididos en dous grupos coñecimos a súa historia, a súa capela e os seus maxestuosos xardíns inspirados nos xardíns do Palacio de Versalles.
Divertímonos nos labirintos e atopamos un montón de personaxes dos contos clásicos entre as figuras dos mesmos.
Ademais, con pequenas dramatizacións, coñecemos os foros ou contratos da época medieval nos que entre o señor feudal e os campesiños se chegaba a un acordo de pago anual (cereais, crías de animais...) e de duración do contrato (neste caso duraría a vida de tres reis de España) do que tomaba nota o señor Notario.
Para ver máis imaxes da excursión: GALERÍA DE IMAXES
EXCURSIÓN NO TREN ABA SACRA (15/6/2018)
Todo o alumnado do colexio participou nunha excursión no tren Aba Sacra de Doade. Esta viaxe estivo patrocinada polo Concello de Sober que invitou aos nosos nenos e nenas a disfrutar desta experiencia.
A finalidade da viaxe foi coñecer mellor o noso concello e darlle valor ás nosas paisaxes, ás nosas viñas e ao noso medio ambiente.
EXCURSIÓN A GUNDIVÓS E CEIP A GÁNDARA (25/5/2018)
Organizamos esta excursión grazas á colaboración de dúas familias do colexio: Noelia e Diego, pais de Héctor e Darío, convidáronnos á súa granxa e Elías, pai de Germán e Martín, invitounos ao seu centro oleiro.
A visita comezou na Pena de Gundivós onde Noelia e Diego faláronlle ao noso alumnado da súa gandería Casa da Escola na que teñen gando porcino e ovino. Unha gandería semiextensiva xa que o gando está en liberdade pero eles proporciónanlles o alimento necesario.
Faláronlle de moitos aspectos relacionados coa cría e mantemento dos animais, da importancia do medio ambiente, do respecto aos animais e a natureza, dos problemas aos que se enfrontan e da importancia de esforzarse para acadar o que nos propoñemos.
Tamén houbo tempo para achegarse a algúns dos animais; desde as cerdas máis grandes ata os máis tenros cordeiriños.
MOITAS GRAZAS POLAS VOSAS ENSINANZAS E POLO VOSO TEMPO!!
Desde a granxa dirixímonos ao Centro Oleiro de Gundivós onde nos esperaba Elías. Este centro encóntrase na Casa Rectoral desta parroquia, un edificio do século XVIII que él transformou nun centro de interpretación da cerámica.
A visita comezou no espazo destinado ao museo onde puidemos ver pezas pensadas para a cociña, a bodega, as matanzas... e outras de máis de 300 anos. Tamén visitamos unha cociña tradicional co seu pote, as alacenas, os bancos...
Despois pasamos á parte práctica no patio da casa. Alí, co barro típico da zona e nun torno baixo e manual, Elías fixo para nós un xarro de Gundivós coa súa barriga, as súas orellas, os seus bigotes e ata un par de ollos.
Co xarro feito, explicounos as seguintes fases: secado, cocido, cor e impermeabilizado con resina de pino que se aplica unha vez que a peza está cocida e afumada pero aínda quente para que a calor a poida derretir.
GRAZAS POR COMPARTIR CON NÓS ESTA RIQUEZA PATRIMONIAL!!
A excursión rematou cunha convivencia co alumnado do CEIP A Gándara de Monforte, onde houbo tempo para encontrarnos con ex-alumnos do noso colexio e para coñecer a súa biblioteca.
EXCURSIÓN A FERROL (22/5/2018)
Los alumnos/as de Infantil y Primaria, fuimos de excursión a Ferrol donde visitamos el Cuartel Nuestra Señora de los Dolores. En este cuartel se encuentra el Cuerpo de Infantería de la Marina del Tercio Norte (TERNOR) que permanece en funcionamiento desde 1771.
Pertenecientes a la Fuerza de Protección de la Armada, su función principal es "proporcionar seguridad de las personas o instalaciones de la Armada, mediante escoltas, vigilantes, patrullas o destacamentos".
Nada más llegar asistimos a un concerto didáctico de la banda militar. La Compañía de Música de este cuartel existe desde hace más de 150 años y su finalidad principal es dar solemnidad a los actos militares que se realicen; aunque también participan en actos civiles y religiosos.
A continuación pudimos asistir a una demostración de la Unidad Cinológica en la que vimos como los perros detectores de drogas las encontraban en maletas, personas o coches. También pudimos ver una rutina de obediencia básica, una prueba de detección de olores y un circuíto de obstáculos. Los perros y sus guías comienzan su formación realizando cursos de 6 meses cuando tienen aproximadamente un año.
La siguiente actividad fue conocer de primera mano el armamento y el material que utilizan (fusiles de asalto, lanzagranadas, escopetas, rifles, pistolas, ametralladoras, monoculares de visión nocturna, equipos de comunicación...) así como las tiendas de campaña para las misiones y los vehículos.
Para agradecer la hospitalidad con la que nos recibieron, entregamos a Carlos Prez-Urruti, Coronel del Tercio Norte, una pieza de alfarería de Gundivós sobre una peana diseñada e impresa con nuestra impresora 3D en la biblioteca del colegio combinando así tradición y modernidad.
Finalizamos la mañana comiendo en el comedor del cuartel donde conocimos a Judith Barbosa, militar que entre otros títulos, ha sido cuatro veces Campeona de España de boxeo. También hubo tiempo para que nuestros alumnos jugasen en el Patio de Armas.
Por la tarde subirmos a bordo de la Fragata Méndez Núñez (F-104). Una fragata de la Armada Española en activo desde 2002 que, entre otras características, cuenta con capacidad para detectar aeronaves en un radio de 600 km, detectar y seguir 90 blancos móviles, dirigir proyectiles antiaéreos y de superficie, un casco de protección balística de alta resistencia y un helicóptero.
También pudimos conocer su armamento (lanzadores de torpedos, un cañón con capacidad de disparo de 20 proyectiles por minuto y 23 km de alcance, cuatro lanzachaff para confundir a los misiles enemigos...), el material y todos los equipos que llevan a bordo, el puesto de mando...
La tarde continuó en Aquaciencia, un jardín didáctico dedicado al agua en el que se puede jugar y aprender con el principal elemento de este planeta. Lúdicamente nuestros alumnos pasearon entre pavos reales mientras con inventos, maquetas, juegos, norias, acueductos, bombas peristálticas y hasta una mini central hidroeléctica... descubrieron las características del agua, su energía y varios de sus principios dinámicos como la teoría de los vasos comunicantes.
Desde el centro queremos darle las gracias a Manuel, Suboficial Mayor del Tercio, quien nos facilitó las visitas de esta excursión tanto al cuartel como a la fragata además de acompañarnos en todas ellas, a Adela y a Elías, quien como padre y miembro del Consejo Escolar es la persona que organizó la excursión y nos puso en contacto con él.
Para ver, todas las fotos de este día accede a la GALERÍA DE IMAXES
