CEIP Plurilingüe de Silleda

Neste centro estase levando a cabo o Plan Proxecta 'Aprendo Programando', que consiste en utilizar a ferramenta 'Scratch' para programar videoxogos, historias e vídeos, neste caso seguindo o tema de patrimonio cultural europeo. O alumnado de 6º de EP está seguindo diferentes pasos para aprender a manexar os usos básicos de esta ferramenta, e elaborando en grupos un videoxogo de preguntas e respostas sobre diferentes museos de Europa. Unha vez explicados os termos básicos, traballamos cunha plantilla base (adxunta nesta publicación) para non perderse e que cada grupo poida avanzar ao seu ritmo. A medida que se elabora o xogo, o alumnado vai aprendendo e introducindo outras variantes, como engadir son, movemento, e demais.