Hoxe, 27 de febreiro, volvemos conectarnos cos nosos socios americanos do proxecto "Dos Orillas". Desta volta, falamos das celebracións do mes de febreiro dun e doutro lado do Atlántico que estivemos recopilando nun padlet: o Groundhog Day ou Día da Marmota, San Valentín, o Entroido e o Día de Rosalía. Despois competimos nun Kahoot a ver quen sabía máis de todas as celebracións comentadas. E sabedes quen quedou no podio? Pois Rita conseguiu a primeira posición e Héctor quedou no segundo lugar. O terceiro posto foi para Domingo de Miami.

Tralo Entroido, retomamos as videoconferencias cos nosos socios americanos do colexio Royal Palm Elementary School de Miami. Nesta ocasión quixemos coñecer como son os nosos centros educativos así que visualizamos uns videos que prepararan as nosas mestras mostrando as instalacións e explicando como é o noso día a día no centro. Despois fixemos un concurso online de preguntas sobre os dous coles e sabedes quen quedou no podio? Pois Emma no 2º lugar e Elisa e Thiago na 4ª e 5ª posición. Parabéns a Flavio e Jason de Miami por acadar o 1º e 3º postos.

This week, Chloe is telling us about Christmas and New Year traditions in New York. Have you heard of the rockettes performance in Broadway? Or the Dior and Staks lights show in the 5th Avenue? And what about the Rockefeller Christmas tree?

Esta semana, Chloe está a contarnos cales son as tradicións de Nadal e Ano Novo en Nova York. Escoitastes falar da actuacións das "rockettes" en Broadway? Ou do espectáculo de luces da marca Dior e Staks na 5ª Avenida? E que me dicides da árbore de Nadal Rockefeller?

Despedimos o primeiro trimestre cunha nova conexión mediante videoconferencia cos nosos socios americanos do proxecto "Dos Orillas". Desta volta o alumnado de 5ºB foi o que se conectou dende cadanseu equipo cos alumnos/as do Royal Palm Elementary School de Miami. Como vedes, todos levabamos algún accesorio de Nadal nas nosas cabezas!

Primeiramente, compartimos algunhas tradicións típicas do Nadal en Galicia e Miami. Despois, cantamos panxoliñas. Nós eleximos a cantiga do Apalpador e ata a acompañamos con pandeiretas. E case sen darnos conta, o tempo esgotouse e tivemos que despedirnos. Ata a próxima amigos!

º

Chloe travelled to the U.S. last week and spent Thanksgiving Day at home with her family. When she came back, she told us about this important celebration in America, its origins, the activities they do, the food they eat, etc.

Do you want to see her presentation again? But we need to warn you, some pictures may be mouth watering!

Chloe viaxou aos Estados Unidos a semana pasada e pasou Acción de Gracias na casa coa súa familia. Cando volveu, contounos sobre esta celebración tan importante en América, as súas orixes, as actividades que adoitan facer, a comida que comen, etc.

Queredes volver ver a súa presentación? Pero temos que avisarvos, algunhas fotos poden facervos a boca auga!

Despois do cálido Miami, poñemos rumbo ao frío Nova York. Desta volta son os alumnos/as de 1º de Primaria os que se comunican a través da Internet co alumnado do profesor Andy Chichester no colexio Norwood Norfolk Central School en Potsdam, NY.

Por agora enviámoslles unha carta con debuxos, e compartimos fotos e videos do noso cole e das nosas actividades nun panel colaborativo. Eles contestáronnos con outra carta e con debuxos e fotos do seu cole. Tivemos que buscar no mapa onde quedaba Nova York e imaxinar como viaxarían as cartas (en barco ou en avión) para cruzar o Océano Atlántico e chegar ata aquí ou ata aló. Tamén falamos da diferencia horaria, cando nós estamos no cole, eles aínda están durmindo!

Este curso retomamos o proxecto de intercambio virtual "Dos Orillas" co colexio Royal Palm Elementary School de Miami, en Florida, ao sureste dos Estados Unidos. Comezamos gravando e intercambiando uns videos de presentación e, esta semana, o alumnado de 5ºA realizou a primeira videoconferencia. 

Ás 2 en punto hora española (ou, o que é o mesmo, ás 8 da mañá en Miami) conectámonos por Zoom e coñecemos a Miss Alicia Ulloa, mestra de español en Estados Unidos, e aos seus alumnos de 4º e 5º grado. Para eles era a primeira clase da mañá, mentres que para nós era a última antes de ir xantar e/ou marchar para a casa.

Despois do saúdo e benvida das directoras de ambos centros, reproducimos algúns dos videos de presentación. Chamounos a atención que moitos dos rapaces norteamericanos tiñan orixe hispana. 

A continuación, compartimos unha presentación con imaxes e videos das celebracións de outono nos dous centros (a Hispanidade e o Halloween en Miami e o Samaín e o Magosto en Galicia). 

Encantounos ver como é unha clase en Estados Unidos, ensinarlles a nosa clase e, sobre todo, falar con eles polo micrófono e polo chat.

WE LOVE SINGING! EVERY FRIDAY WE CAN SING DURING THE BREAK.

WE START singing 23-24! 

We are so excited!