Saltar navegación.
Inicio

PROCESO DE VOTACIÓN DA XORNADA ÚNICA

A proposta da ANPA, este curso realízase de novo o proceso para solicitar a xornada única.

Os días 16 e 17 de xaneiro leváronse a cabo as sesións informativas dirixidas ás familias.

O próximo día 4 de febreiro sortearanse os membros da mesa electoral, ás 13:00 horas no despacho de Dirección. Este sorteo é público e pódese asistir ó mesmo.

O día 22 de febreiro de 2019 será o día da votación, con horario de 10:00 h a 20:00 ininterrumpido. Pregamos que acudades a votar para que, sexa cal sexa o resultado, responda á elección da maioría de familias; esto non será posible se cada familia non expresa a súa preferencia. 

Adxúntase tríptico coa información resumida do proceso.

Felicitación navideña

O Claustro de profesoras do Ceip Plurilingüe San Vicenzo de Vimianzo deséxalles un Bo Nadal e Feliz ano 2019.

 

Chocolatada

O venres, 21 de decembro de 2018, o alumnado do noso centro disfrutará dunha chocolatada con churros, organizada pola ANPA.

Tamén recibirán a visita de Papá Noel que vén a preguntarlles os seus desexos de Nadal. O horario será reducido, de 10 a 13:00 horas, sin servicio de comedor, esperamos que disfruten dunhas felices vacacións.

ZERO ADICCIÓNS

O xoves 22 de novembro, os alumnos de 6º participaron nunha charla-obradoiro na que coñeceron os perigos das adiccións. Forma parte dun programa da Deputación, proposto ao centro polo Concello , trata de incidir no perigo que supoñen todo tipo de adiccións, xa non só alcohol, drogas ou outras substancias, senón tamén as novas adiccións aos xogos on line, ou ao uso abusivo do móbil, das redes sociais, da play ...que acaban converténdose en adicción.

Animamos ás familias a participar nas actividades propostas para elas a través do Concello.

LISTAXES DEFINITIVAS FONDOLIBROS

Publicamos as listaxes definitivas de fondolibros (3º, 4º, 5º e 6º de primaria).

 

LISTAXE PROVISIONAL DE FONDOLIBROS E VALES PARA LIBROS E MATERIAL

Publicamos as listaxes provisionais de admitidos no reparto do fondo solidario de libros de texto (3º, 4º, 5º e 6º de primaria).

Estas listaxes nada máis informan do número de libros concedidos no reparto. Hai dous días de prazo para reclamar.Transcurridos eses dous días se publicarán as listaxes definitivas, onde figurarán as referencias concretas dos libros que se conceden no reparto.

Tamén publicamos unha listaxe de admitidos para os vales para libros e material (1º e 2º de primaria) e dos vales para material (3º, 4º, 5º, 6º de primaria). O feito de non figurar nesa listaxe implica que quedaron excluídos por renda.

Eses vales poderán recollerse na secretaría do centro a partir de mañá ás 11:30 horas. O venres 29 de xuño a secretaría só estará disponible en horario de 10 a 11 horas. A semana próxima o horario será de 10 a 13 horas.

Os vales de libros e material so poden recollelos persoas maiores de idade, xa que deberán firmar a recepción dos mesmos.

Formalización de matrícula para o curso 2018 - 2019

O alumnado admitido no centro para o próximo curso 2018 - 2019, terá que formalizar a matrícula do 20 ao 30 de xuño, en horario de 11.20 a 12.15 horas en días lectivos e de 10.00 a 13.00 horas en horario non lectivo.

A documentación que deberá cubrir é a seguinte:

- Impreso de matrícula.

- Enquisa de relixión.

- Autorización de recollida do alumno/a en horario escolar.

- Impreso de transporte escolar (se é o caso).

- Impreso de lingua materna (nenos que entran en 4º de Ed. Infantil)

- Permiso de uso de imaxe.

A maiores hai que aportar o seguinte:

- Certificado médico do alumno/a (feito polo pediatra).

- Dúas fotos tamaño carné.

- Certificado de empadroamento onde figuren todos os membros da unidade familiar (pídese no Concello).

- Fotocopia da tarxeta sanitaria do neno/a feita polas dúas caras.

 

Para o alumnado que precise comedor terán cubrir e entregar a solicitude, seguindo as seguintes instruccións.

 

Relación de libros de texto para o curso 2018 - 2019

Publicada a listaxe de libros de texto para o curso 2018 - 2019.

HORARIO DE SECRETARÍA XUÑO

A partir do próximo venres 1 de xuño, o horario de secretaría será de 11.20 a 12.15 horas.

FONDO SOLIDARIO E AXUDAS PARA ADQUISICIÓN DE LIBROS DE TEXTO E MATERIAL ESCOLAR PARA O CURSO 2018/2019

 

Orde do 9 de maio de 2018 que regula a participación no fondo solidario e axudas para adquirir libros de texto e material escolar, destinado ao alumnado de educación primaria, educación secundaria obrigaroria e educación especial en centros docentes sostidos con fondos públicos para o curso 2018/2019, publicada no DOG núm. 95 de data 21 de maio de 2018

Prazo de presentación: ata o 22 de xuño de 2018.

Solicitude: Anexo I e II

Información completa: DOG núm. 95 de data 21 de maio de 2018

Información resumida aquí

 Data de publicación estimada de listaxes provisionais: 2 - 3 de xullo.

Distribuir contido