Hoxe, xoves 19 de maio, ábrese o prazo para a tramitación de solicitudes para o fondolibros e axudas para a adquisición de libros de texto e material escolar dirixidas ao alumnado matriculado en Ed. Primaria,ESO, EE e alumnado con necesidades específicas de apoio educativo.

O prazo para a presentación de solicitudes na secretaría do centro rematará o día 17 de xuño de 2022, (co fin de poder completar no centro o proceso de rexistro na aplicación antes do 22de xuño, tal como dipón a convocatoria).

Poden consultar máis a información premendo AQUÍ.

Poden descargar os ANEXOS para a presentación da solicitude presencial a continuación:

• Descargar ANEXO l
• Descargar ANEXO ll

Orde do 29 de abril de 2022 (convocatoria - DOG Nº 95)

* Nota: As rendas per cápitas superiores a 10.000 euros non serán beneficiarios da axuda para a adquisición de libros de texto (1º e 2º de Ed. Primaria) e/ou material escolar, agás naqueles casos onde se acredite unha discapacidade igual ou superior ao 33% ou a percepción dunha pensión da Seguridade Social por incapacidade permanente nos graos de total, absoluta ou grande invalidez ou equivalente de clases pasivas.

Este ano con motivo da conmemoración do DÍA DAS LETRAS GALEGAS 2022 preparamos unha coreografía para a canción "Terra de Tanxugueiras" con todo o alumnado do centro.

Ademais coa axuda de familias voluntarias elaboramos un mural da bandeira de Galicia recollendo as nosas "palabras preferidas en galego" que recopilamos con axuda de alumnado e profesorado.

Queremos agradecer ás familias colaboradoras a súa participación, así como ás alumnas voluntarias o seu esforzo por facer de coreógrafas e ensinarnos os pasos de baile a tódalas clases.

PREMA NA IMAXE PARA VER O VÍDEO DA COREOGRAFÍA

Preme no seguinte enlace para acceder á información sobre os CAMPAMENTOS DE VERÁN 2022 ofertados pola Xunta de Galicia para este ano:

• PROGRAMA CAMPAMENTOS DE VERÁN XUNTA DE GALICIA.

Publicado no BOE o Extracto da Resolución do 13 de maio de 2022, da Secretaría de Estado de Educación, pola que se convocan axudas para Alumnos con Necesidad Específica de Apoio Educativo para o curso académico 2022-2023.

• Prema aquí para acceder á resolución do 13 de maio de 2022.

Para calquera dúbida poden contactar co Departamento de Orientación no teléfono do centro: 881 866 532

Publicadas listaxes definitivas do alumnado admitido neste centro para o próximo curso 2022/23.

Poden consultar as listaxes no taboleiro de anuncios situado no interior do centro ou a través da aplicación admisionalumnado empregando a Chave365 ou certificado dixital.

Dende Save the Children agradecen a toda a Comunidade Educativa a solidaridade mostrada na  campaña programas contra a desnutrición infantil dos nenos e nenas do Corno de África. Este ano a donación foi de 1005 Euros, tal como se indica no certificado de agradecemento recibido dende Save the Children.

Gracias a todos pola súa colaboración!

Publicadas listaxes provisionais do alumnado admitido neste centro para o próximo curso 2022/23.

Poden consultar as listaxes no taboleiro de anuncios situado no interior do centro ou a través da aplicación admisionalumnado empregando a Chave365 ou certificado dixital.

O martes 19, por mor da Semana do Libro, os alumnos e alumnas do I.E.S Terra de Soneira agasalláronnos cunha escolma de contos clásicos. A representación tivo lugar na Biblioteca para o alumnado de 1º e 2º de primaria.

Por outra banda, dende o Departamento da  Biblioteca do centro propuxéronnos para todo o centro unha actividade solidaria para conmemorar o Día do Libro (23  de abril) en colaboración coa asociación "Save the Children". Esta consistíu na decoración dun marcapáxinas,  achegado dende a asociación,  que posteriormente “venderon” a amigos e familiares para lograr recadar unha pequena axuda,destinada nesta ocasión a programas contra a desnutrición infantil dos nenos e nenas do Corno de África. 

Para máis información sobre esta iniciativa poden acceder ao enderezo: https://www.savethechildren.es/marcapaginas-por-la-solidaridad-coles.

Estes son algúns dos nenos e nenas que participaron nas actividades de Biblioteca no mes de Marzo:

Mañán, 30 de marzo e ata o 12 de maio de 2022, estará aberto o prazo para solicitar axudas para o Alumnado con Necesidades Específicas de Apoio Educativo para o curso 2022/2023.

Poden consultar toda a información na seguinte ligazón:

https://www.becaseducacion.gob.es/portada.html