Como outros anos, pretendemos que o último día de clase, antes das vacacións de nadal, sexa un día divertido, diferente e sorprendente. Como somos un cole moi moderno incluso falamos con Papá Noel a través dunha videoconferencia. Os máis pequechos puideron disfrutar dunha conversa con Papá Noel empregando o material informático preciso que nos proporcionaron dende o telecentro do noso concello... Aquí vos deixamos fotos da festa de infantil e de algún curso máis! nadal on PhotoPeach 

NO FESTIVAL DE NADAL BAILAMOS UNHA PEZA DE LEILÍA, "A MEDIA VOLTA"

SE QUEREDES VER O VIDEO PINCHADE SOBRE A FOTO.

MENUDOS BAILADORES E BAILADORAS!!

O 21 de decembro despedimos dende o cole o ano 2011 cun espectacular Festival de Nadal, celebrado na Casa da Cultura de Vimianzo.

Nel participamos tódolos alumnos e mestres do noso cole e acompañáronnos coa súa presenza e calorosos aplausos, pais, nais, familiares e amigos.

Lembremos pois este animado día, gozando das seguintes fotos.

Comezaron o festival @s cativ@s do cole, facendo unha viaxe polo mundo moi especial:

@s nen@s de 3 anos "A" leváronnos ata a afastada China cunha canción titulada “Ni wawa”.

@s nen@s de 3 anos “B” seguiron viaxando polo mundo para chegar ao Brasil e interpretarnos o “Samba lelé”.

@s nen@s de 4  anos, volveron a Galicia ( a morriña, xa se sabe), e bailaron con moito xeito a “Media Volta”.

Ata a outra cara da Terra foron @s cativ@s de 5 anos A, sorprendéndonos cunha danza aborixe australiana

@s raparig@s de 5 anos B, leváronnos a terra de orixe do homo sapiens, a África, co famoso  Waka-waka

Despois desta viaxe polo mundo, chegaron os maiores do cole, o  grupo de 6º A cun musical que nada lle envexaba aos de broadway, titulado “ A Pulga e o Piollo”.

Volvemos de novo aos pequenos do cole, pero desta vez, aos pequenos da Educación Primaria, aos nen@s do 1º curso A e B que se xuntaron para interpretarnos unha bonita canción de Papá Noel buscando a súa árbore de Nadal.  

Continuando no mesmo ciclo, @s rapac@s  de 2º A, representaron unha obra de teatro con música e poesía titulada “O nacemento de Xesús”, na que nos lembraron o porque da celebración do nadal.

Apareceron de novo os maiores do cole, pero nesta ocasión, os de 6º A co seu particular “CLUBE DO CHISTE”, facéndonos rir un anaquiño.

De novo apareceu o 1º ciclo, neste caso cos nen@s de 2º B convertidos en encantos travesos que andan as trasnadas, roubando os calzóns de Papá Noel.

E chegou o 2º ciclo cos nen@s de 3º A e 3º B que xuntaron as súas voces para interpretar unha canción moi propia do nadal,  “Jingle Bells internacional”.

Continúa o ciclo co dúas espectaculares actuacións de baile dos 4º cursos. @s nen@s de 4º A co “Zumba zumba” e os de 4º B cunha danza escocesa.

Chegan por fin os case maiores do cole, @s rapazot@s de 5º A, cunha actuación de baile de creación propia e moi actual: “GOL”

Volven de novo os humoristas de 6º A co seu “Clube do chiste”

E cerran e despiden este  festival, @s nen@s de 5º B cun baile moi marchoso sobre unha versión roqueira de Jingle Bells Rock

Coma todos os anos xa temos aquí as postais que confeccionaron os alumnos para felicitar a todos este Nadal. Hai moitas, así que puxemos unha representación de cada ciclo. Agardamos que vos gusgten e BO NADAL PARATODOS!

Os nenos e nenas da clase de 3 anos coas nosas mestras; Lucía, Raquel e Begoña, representamos o conto "RATO MOI ALTO E RATO MOI BAIXO".

  Antía, Andrea e Kevin foron os Ratos Baixos.

  Manu, Laura, Blas e Juan foron os Ratos Altos.

  Xesús e Iago foron 2 paxariños e María, unha formiga.

  Borja e Mario fixeron de flores e herbiñas.

  Anxo foi a chuvia e Aroa unha poza.

  Mateo foi o sol. Coa chuvia e o sol apareceu o arco da vella, que eran Ana e Sara.

Tania e Sheila ensaiaron con nós, pero ese día non puideron vir ao cole.

Esperamos que vos gustara o noso conto 

BIQUIÑOS DE RATO!!