Durante dúas xornadas os pais de dous alumnos de 1º que traballan no sector medioambiental acompañaron ao alumnado de 1º e 2º para explicarlles como é o seu traballo de loita contra algúns dos problemas aos que se enfrontan os nosos bosques, coma os incendios forestais, a deforestación ou a perda de biodiversidade. Grazas a eles e ao equipo que trouxeron consigo aprenderon de primeira man como se organiza este equipo humano e a importancia de que todos colaboremos na conservación das nosas árbores. Xunto a eles, as nenas e nenos de 1º plantaron no patio un freixo, un pradairo, unha sobreira e unha cerdeira e colgaron casiñas para os paxaros, facendo aínda máis inesquecible esta enriquecedora experiencia!

O mércores 3 de maio tivemos connosco unha visita moi especial para fomentar, no alumnado de 3º e 4º, a animación á lectura co título: 

 ¡Que asco de bichos! (SANTILLANA)

Aquí vos deixamos unha mostra das maquetas do proxecto  dos insectos que levaron a cabo alumnos e alumnas de 4º de primaria en inglés. Quedaron chulísimas!!

A hortiña do alumnado de 4º vai medrando con moita forza.

Que marabilla!

No día de hoxe,algunhas mamás de 4º B viñeron a clase a contarnos de que traballaban. Aprendemos moitísimo sobre a xestión de comedores, sobre o coidado de persoas e sobre os laboratorios nos que analizan as nosas analíticas. 

É un placer contar con familias tan implicadas!!

O día 28 de marzo, o alumnado de 4º de primaria, participou no obradoiro impartido pola nutricionista do centro de saúde de Vimianzo sobre a importancia de manter unha alimentación saudable.

O alumnado de 3º de primaria conmemorou o 8 de marzo con entrevistas baixo o lema "As mulleres da nosa vida".

Aquí unha pequena mostra do resultado:

Este curso o alumnado de 4º está en territorio Jumanji, e o pasado 21 de setembro saíron das súas cabanas para explorar a zona.

Se queredes ver a súa experiencia mira o vídeo con paciencia. 

E se che gusta o que ves, 

a Cambeda podes ir

e o paseo facer ti.

Recorda...

Se o planeta queres salvar

a natureza debes coidar.

(PREMA NA IMAXE PARA VER O VÍDEO)

O alumnado de 3º de primaria foi facer un tramo do Camiño dos Faros (de Camelle a Traba). Tamén aproveitou para deixar a praia aínda máis limpa do que a atopou.