Aliméntate ben

Cenorias, leitugas, cabaciño e fabas

plantados polo alumnado de 2º.

O alumnado de 2º, plantou hoxe venres día 10 de febreiro de 2023, un sementeiros en botes reutilizados. Coma na clase están catro equipos e cada un ten nome de froitas, acordaron plantar a semente co seu nome do equipo. Así o equipo cabaciño plantou cabaciño, o equipo cenorias plantou a semente laranxa, o equipo leituga plantou...

Agora a coidalos moi ben, para que medren as plantiñas e poder levalas a nosa horta. Gran traballo rapaces!.

O alumnado de Infantil coa axuda 

das familias plantan patacas, verdura e cebolas.

O pasado mércores 8 de febreiro de 2023 un equipo de familias, estiveron traballando arreo na horta da escola. Con aparellos de labranza, prepararon o terreo para que o alumnado de infantil plantaran patacas. Moitísimas grazas a todas as familias polo seu esforzo e o seu tempo.

Hoxe venres día 10 de febreiro, o alumnado de infantil coas súas profes plantaron as patacas. Traballaron arreo, tiveron unha pequena axuda do alumnado de 5ºA, que se preocupou de que as patacas quedaran ben sementadas.

Gran traballo equipo! Moitas grazas a todas as familias, que fixeron posible que o noso alumnado vivira este gran día. 

Semana da Educación en Tomiño.

6-9 febreiro.

Do 6 ao 9 de febreiro, levouse a cabo no Concello veciño de Tomiño a Semana da Educación é ciencia. Unha clara aposta de este concello pola formación de mestres e familias.

Mestres coordinadores do Plan Proxecta+ Aliméntate ben, estiveron nestas xornadas. Mostrando especial interese, na ponencia de José Manuel López Nicolás: Alimentos do século XXI: verdades e mentiras.

José Manuel abordou diversidad de temáticas alimentarias. Alimentos saudables, publicidade, aditivos, etc..

Sementando Leitugas.

O alumnado de 5º de Educación Infantil o mércores día 25 de xaneiro estiveron na horta, para transplantar as leitugas que sementaran no mes de novembro. Agora terán que regar para que medren boas leitugas, para facer ensaladas de todo tipo. Un gran traballo amiguiños.

Moitas grazas a Mara, Naiara e Sara pola súa axuda e experiencia. Tamén a Abril, Sara Ramos, Raquel e Telma. 

Xornadas de Formación Nutriescolas 1 para docentes.

Escola de Saúde Pública.

Santiago de Compostela

21 de xaneiro de 2023.

O pasado 21 de xaneiro de 2023, profesarado coordinador do Plan Proxecta+ Aliméntate máis, asistiu a unha xornada de formación para docentes, na Escola de Saúde Pública en Santiago de Compostela. Nesta formación os docentes recibiron directrices para levar a cabo os diferentes proxectos nos centros educativos, onde o obxectivo fundamental de unha vida saudable pasa por unha alimentación sa e equilibrada. Tomar conciencia que o período de crecemento do alumnado vai ser fundamental para adquirir o hábito alimenticio, descubrir os sabores...

Plantando Amorodos.

1ºEd. Primaria.

O pasado venres día 2 de decembro, o alumnado de 1º de Educación Primaria, saimos plantar ao bancal do noso nivel, amorodos.

Como xa tiñamos a terra preparada e con plástico, tivemos que facer os buratos, meter a planta e poñerlle terra, para que en breve, gomen ricos amorodos. Agora estaremos pendentes de regar e coidalas. 

4ºA plantou chícharos.

O alumnado de 4ºA este ano, vai investigar sobre as prantas con fabeca. O día 2 de decembro de 2022, saimos á horta para prantar chícharos, agora imos estar atentos a como medran.

Aquí vos deixamos as fotos do plantío. Grazas por actividades saudables coma esta.

MESA CON PRODUTOS DE OUTONO

As familias colaboraron traendo produtos típicos do outono para expoñer no recuncho de Voz Natura E Aliméntate ben e que todos puidesen tocar, cheirar e incluso probar: castañas, noces, piñóns, follas, espigas, cabazas…

Sementando Leitugas.

O alumnado de 5ºA de Educación Infantil o venres día 11 de novembro visitou a horta para sementar chícharos e leitugas. Fixeron unha sementeira, cando medren separarán as plantas para que medren boas leitugas, para facer ensaladas de todo tipo.

Plantando amorodos.

O venres 11 de novembro de  2022, o alumnado de 5ºA e de 3ºB estiveron plantando amorodos, na horta. Así, na zona que medran as framboesas, teremos unha zona de froitos vermellos, no que medrarán exquisitos amorodos tamén.

Así quedou a nosa plantación, agora a esperar os seus froitos.

Sementando Chícharos.

O alumnado de 5ºA de Educación Infantil o venres día 11 de novembro visitou a horta para sementar chícharos. Cada un plantou os seus, que esperan que medren axiña para vender no mercado " Cintas de Cores", ou para facer receitas saudables na cociña da escola.

Plantando gramón na horta.

Hoxe venres, 11 de novembro o alumnado voluntario da horta, estivo no recreo plantando gramón, para facer da nosa horta un espazo máis limpo, sen malas herbas.

Cando medre teremos unha horta xardín para gozar, plantándo alimentos saudables. Grazas equipo

Medran os grelos e as leitugas na horta

Curso 22-23

A mediados do mes de outubro, o alumnado de 6º de Educación Infantil, plantaron na horta, sementes de grelos e de leitugas.

O día 2 de novembro de 2022, tivemos unha sorpresa. As sementes xa empezan a amosar unhas pequenas plantas que medraran para dar grelos e leitugas saudables e riquísimas.

Inauguración do Mercado

"Cintas de cores" do 2.

Onte mércores día 2 de novembro de 2022, puxemos en marcha o mercado ecolóxico Cintas de Cores do 2, coa axuda das familias colaboradoras con Voz Natura na escola. Elas foron as encargadas de preparar o posto do mercado, preparar os productos ecolóxicos para a venta que procedían da horta da escola o do excedente de algunhas familias que colaboraron.

No posto o alumnado de Educación Infantil ofertaba  patacas, kiwis, noces, remolachas, cabazas, acelgas, plantas de fresa... que venderon a vontade para recaudar fondos para as súas excursións.

Agradecer a todas as persoas que se achegaron ata o posto e mercaron a vontade a súa colleita.

Unha primeira xornada na que case remataron coas existencias. Moitisimas grazas ás familias que están colaborando no mercado, na horta e en todas cantas propostas se fan dende a escola.

Receitas terroríficas de Samaín.

O día 28 de outubro celebramos a festa de Samaín. Gústanos moito vir vestidos con disfraces para esta época. Pero non podía ser menos importante ter enconta a alimentación típica desta data. Así, que na cociña da escola cada curso elaborou unha receita terrorífica. Todas moi saudables!. Bueno algunha foi unha lambetada, que aos nenos nos gustan moito.

Algúns fixemos Minipizzas de Momia.

Outros fixeron Froitas Terroríficas.

E os máis lambereteiros optaron por arañas perigosas.