Actividades en familia

NADAL EN TUI

E aquí está a nosa localidade vista pola nosa rapazada nun conxunto de creacións de elementos simbólicos de Tui, feitos con material de refugallo, moita creatividade e un punto moi grande de corazón. Quedou espléndido!

Grazas ás familias polas vosas dedicación!! Sempre superades as nosas espectativas, é pura maxia.

Podedes visitalo na planta baixa do colexio.

https://youtu.be/jpGFsX7WPMU

PROPOSTAS DE ACTIVIDADES PARA O VERÁN

O  verán é a mellor época do ano para practicar deporte en familia e levar a cabo actividades lúdicas onde os nenos e as familias poidan pasar tempo xuntos. 

Consultade os horarios ou as actividades antes de desprazarvos ata estes fantásticos lugares. Recordade cumprir sempre coas medidas de seguridade.

Aquí vos deixamos varias propostas, por se son do voso interese, e entran dentro dos vosos plans para estas vacacións... 

En Galicia:  Aquapark Cerceda, Ecoparque Marín,Golfiños Park en Cangas,Marcelle Natureza Lugo

Norte de Portugal: Parque de Lazer de Vilanova de Cerveira, Magikland Penafiel, Parque Acuático de Fafe, Amarante Water Park,  Pena Aventura Park Vila Real, Azurara Parque Aventura Vila do Conde, Timeout Parque Aventura Ponte de Lima, Parque Aventura Diverlanhoso en Póvoa de Lanhoso,Rates Park en Póvoa de Varzim, Parque Biológico de Vinhais.

Para máis información sobre os diferentes parques, horarios, prezo, premede en cada foto.

Actividades na natureza.

Actividades en Familia.

Club Hípico Equigalia.

Aquí, as portas das vacacións de Semana Santa do ano 2023, queremos deixarvos unha recomendación para realizar deporte en familia e na natureza. En Tui contamos co Club ecuestre Equigalia, onde podemos gozar do contacto cos cabalos, os seus coidados, practicar a monta e deportes hípicos. Deixámosvos a continuación como contactar con club, e animámovos a visitalo. Moi, moi recomendable para actividades en familia e no entorno natural.

RESTAURANTE TAPERÍA “LA DE MANU”

Os cativos de 2º tiveron a sorte de ser convidados por Manu Garrido ao seu restaurante “La de Manu”, un exemplo a seguir na nosa zona, tanto no persoal coma no laboral. Manu aparte de ser o dono dun dos restaurantes máis visitados da zona de Tui, proclamouse o ano pasado campión do mundo de piragüismo na modalidade maratón en C1 en Ponte de Lima.

Ninguén mellor ca el, coma bo deportista de élite, para contarnos de primeira man os segredos dunha alimentación saudable, premisa que leva a cabo no seu restaurante cada día.

O alumnado de 2º, despois de montar o seu supermercado, no que investigaron e traballaron sobre todo o relacionado coa boa alimentación, culminaron o seu proxecto cunha clase maxistral impartida por Manu Garrido e cunha receita deliciosa que degustaron todos xuntos.

RECREOS RESIDUOS 0

Curso 22-23

Dentro do proxecto Naturalíza-T arrancamos no terceiro trimestre coa iniciativa " Recreos residuos 0", unha idea de @teachersforfuturespain que nos pareceu moi interesante e  decidimos unirnos a ela.

Os alumnos de 4º fixeron de ponentes por todas ás aulas explicando esta nova iniciativa e motivando aos alumnos a traer merendas saudables que non xeneren resíduos.

Comezamos facendo unha recollida de lixo no patio para comezar con éxito esta nova actividade, que busca reducir os resíduos, ademáis de fomentar hábitos de vida saudable nas nosas familias, en definitiva, coidar o planeta.

O alumnado de Infantil coa axuda 

das familias plantan patacas, verdura e cebolas.

O pasado mércores 8 de febreiro de 2023 un equipo de familias, estiveron traballando arreo na horta da escola. Con aparellos de labranza, prepararon o terreo para que o alumnado de infantil plantaran patacas. Moitísimas grazas a todas as familias polo seu esforzo e o seu tempo.

Hoxe venres día 10 de febreiro, o alumnado de infantil coas súas profes plantaron as patacas. Traballaron arreo, tiveron unha pequena axuda do alumnado de 5ºA, que se preocupou de que as patacas quedaran ben sementadas.

Gran traballo equipo! Moitas grazas a todas as familias, que fixeron posible que o noso alumnado vivira este gran día. 

Inauguración do Mercado

"Cintas de cores" do 2.

Onte mércores día 2 de novembro de 2022, puxemos en marcha o mercado ecolóxico Cintas de Cores do 2, coa axuda das familias colaboradoras con Voz Natura na escola. Elas foron as encargadas de preparar o posto do mercado, preparar os productos ecolóxicos para a venta que procedían da horta da escola o do excedente de algunhas familias que colaboraron.

No posto o alumnado de Educación Infantil ofertaba  patacas, kiwis, noces, remolachas, cabazas, acelgas, plantas de fresa... que venderon a vontade para recaudar fondos para as súas excursións.

Agradecer a todas as persoas que se achegaron ata o posto e mercaron a vontade a súa colleita.

Unha primeira xornada na que case remataron coas existencias. Moitisimas grazas ás familias que están colaborando no mercado, na horta e en todas cantas propostas se fan dende a escola.

SAÍMOS NO PERIÓDICO

Curso 21-22

O luns 28 de febreiro saímos no periódico " La Voz de Galicia" coa  exposición de cartetas e máscara naturais, unha actividade feita polas familias. Moitas gracias por colaborar con nós.

Foi todo un éxito!! 

Deixámosvos o enlace á noticia dixital.

https://www.lavozdegalicia.es/noticia/sociedad/2022/02/25/mascaras-recicladas-carnaval-colegios-voz-natura/00031645803347112600774.htm