Skip to main content

DOCUMENTACIÓN

ARCE - PAXARIÑOS #PDI #ALFIN #AMI #ciencia #bibliotecacreativa #bibliotecainclusiva #LIA #bescolaresgal #bescolaresgalabertas #arce

Arce, a Asociación Amiga dos Ríos, de Cedeira achéganos un traballo

fermoso realizado cos paxariños da nosa vila. Un caderno que será unha

guía magnífica nas vindeiras saída e rutas que hai planexadas.

Cantos anduriñas veremos? E o carrizo? Estade atentos con este libro

seremos quen de identificar a moitas aves, ás nosas, ás que forman

parte da nosa fauna. Gracias Arce por tan inmenso traballo!

 


 
 
 
 
 
 
 
 
 
 
 
 
 
 
 
 
 
 
 
 
 

CROMOS, PDI E SORPRESAS #PDI #ALFIN #AMI #ciencia #FamiliasnaBE #bibliotecacreativa #bibliotecainclusiva #LIA #bescolaresgal

O alumando de 3º continúa gozando do álbum de cromos.

Namentres, recibimos a sorpresa da familia de Xiana

(unha nena curiosa e namorada da flora e da fauna).

A súa nai crea un canal de youtube chamado Caderno de campo.

Entre as dúas crean uns vídeos que teñen un valor documental que

dende logo aproveitaremos con toda a rapazada.

 

Moitas gracias a estas dúas naturalistas!

 

 

 

 

 

 

 

 

 

CARTAS QUE VENCEN CANCELAS - PREMIO PODCAST LETRAS GALEGAS @RadioGalega #Radionabiblio #LetrasGalegas23 #bescolaresgal #bescolaresgalabertas

A comunidade educativa do Nicolás estamos de parabéns!

O programa, Cartas que vencen cancelas, presentado ao

V Concurso de Podcast de Radio na bilblio, da Asesoría de

Bibliotecas Escolares en colaboración coa CRTVG (Radio Galega),

resultou gañador na convocatoria.

A proposta está vinculada á celebración do Día das Letras Galegas,

dedicado este ano  ao intelectual, escritor, activista político e cultural,

articulista, editor e ensaísta Francisco Fernández del Riego.

          

En breves poderemos escoitar o podcast na Radio Galega a través

da  páxina do Diario Cultural; así mesmo, serán difundidos a través

dos medios web da Consellería de Cultura, Educación, Formación

Profesional e Universidades; e por suposto,

no blog da biblioteca escolar e nas súas redes.

 

 

 

 

VISITA RAFAEL LÓPEZ LOUREIRO #PDI #ALFIN #AMI #ciencia #FamiliasnaBE #bibliotecacreativa #bibliotecainclusiva #LIA #bescolaresgal

O alumnado de 4º tivo a honra de entrevistarse de primeira man

co naturalista Rafael López Loureiro, máis coñecido como Calel.

Un naturalista que emana coidado, respecto e re/coñecemento

pola natureza. El é o autor das fotografías que leva o Álbum de Flora e

Fauna da nosa contorna. Esta rapazada tivo o pracer de saciar tódalas

curiosidades que tiñan de cada unha das fotografías, animais, plantas...

forma de traballo do naturalista...  Pero antes tiveron que pasar unha proba.

Estamos moi orgullosos da rapazada pois a superaron sen dificultade

e conseguiron saber todo o que era do seu interese.

Se queredes profundizar no estudo da natureza, Calel, ten un blog chamado

"Ao noroeste, do Noroeste", onde fai publicacións de gran interese naturalista.

Pequenas e pequenos naturalistas, vos tamén podedes ser como Rafael López Loureiro,

só hai que desexalo, esforzarse, estudar e seguir amando e coidando de tódolos seres vivos.

Este álbum é un enredo, para seguir aprendendo. Aquí temos as nenas e nenos de 1ºA.

 Agradecer a colaboración do Concello de Cedeira e das persoas que fixeron posible este soño!

 

 

 

 

 

 

 

OBSERVACIÓN DA FAUNA E DA FLORA #PDI #ALFIN #AMI #ciencia #FamiliasnaBE #bibliotecacreativa #bibliotecainclusiva #LIA #bescolaresgal

O alumnado de primeiro observa a fauna da contorna

e inicia a creación dun caderno de campo.

CADERNO DESPREGABLE INTERACTIVO - NATURALMENTE, APRENDENDO! #PDI #ALFIN #AMI #ciencia #bibliotecacreativa #bibliotecainclusiva #LIA #bescolaresgal #bescolaresgalabertas

O alumnado de 4º de primaria leva investigando nos fondos da biblioteca

e recollendo información oral das familias e xentes do pobo para elaborar

un caderno sobre os animais da nosa contorna.

Aquí podemos velos realizando a montaxe.

A mestra tivo a sorte de ver un niño con ovos de Píllara,

que fotografiou e levou á escola para compartir e concienciar ao alumnado

da necesidade de protexer esta especie, en perigo de extinción, que xusto

agora está na posta. Hai que ter moito coidado que os cans non se acheguen,

pois van ulir os ovos e incluso poden comelos. Como bos naturalistas, 

esta rapazada concienciada difundirá a mensaxe.

 

 

 

LETRAS GALEGAS #bescolaresgal #letrasgalegas2023 #franciscofernándezdelriego #aBEtenapalabra #oralidade #bescolaresgalabertas

Letras Galegas en comunidade!

Este ano o homenaxeado é Francisco Fernández de Riego.

Compartimos varios enlaces para obter documentación,

na biblioteca tamén atoparedes unha exposición con diversos fondos de interese.

Primavera das Letras 2023

Real Academia Galega

Consello da Cultura Galega

Seminario Galán

Cantiga preferida

 

 

 

 

 

 

ÉTIMOS DE AVES E PAXAROS - RADIO EXPERIMENTAL - RADIO VOZ #Radionabiblio #PDI #ALFIN #AMI #ciencia #FamiliasnaBE #bibliotecacreativa #bibliotecainclusiva #LIA #bescolaresgal #bescolaresgalabertas

A nosa biblioteca foi seleccionada para recibir a visita de Radio Voz.

O alumnado de sexto recibe unha pequena charla formativa e posteriormente,

gravamos un programa de Étimos de aves e paxaros.

Programa enmarcado no proxecto "Aprendendo, naturalmente!" e emitido o

9 de marzo, Día do Naturalismo Galego, Día de Martín Sarmiento!

Quixemos alzar a nosa voz para facer valer a nosa lingua, a que falamos

a diario, a das nosas avoas e avós e por suposto aprender moito das aves

e paxariños, moitos deles que viven moitas aventuras nas súas migracións.

Agora ides escoitar o producto final, pero este tipo de actividades conlevan

un traballo laborioso.

 

Primeiro deseñouse en enviouse ás familias e coñecidos

unha pequena folla de recollida de información, dos étimos de nove aves e

da cultura popular referida a elas. O alumnado de sexto de primaria recolleu

as entrevistas e fixo un cadro centralizando as aportacións que se fixeron de

cada paxariño.

Posteriormente, buscaron información sobre a apariencia, canto, costumes de

cada un deles e a rexistraron. Con todos eses datos elabórase unha escaleta ao

que se adobía con poesías, recitados, ditos, refráns sobre estas aves e tendo moi

presente que estamos próximos á data de Rosalía de Castro e queremos adicarlle

a súa Alborada. Todos os niveis do centro saen representados neste adobío, que xunto

coas gravacións sobre étimos e características destes paxariños fan o programa

de radio que agora ides escoitar.  Será emitido por Radio Voz Ferrol, na frecuencia 105.4


 

Orgullo de cativada! Feliz Día do Naturalismo Galego! Parabéns Martín Sarmiento!


 

 Engadimos a escaleta e a bibliografía, por se é de interese.


E TI COMO LLE CHAMAS? PROXECTO "Aprendendo, naturalmente!" #FamiliasnaBE #PDI #ALFIN #AMI #ciencia #bibliotecacreativa #bibliotecainclusiva #LIA #bescolaresgal #bescolaresgalabertas

Buscamos das vosas aportacións! Avoas, avós, tíos, madriñas,

tías, padriños, veciña, veciño, papá, mamá, curmá...

Se sabes outro nome polo que corran estas aves e paxaros,

algún dito sobre elas, algún refrán... colle un papel, apunta e

traeno á BIBLIOTECA ESCOLAR "CARLOS LABRAÑA",

no CEIP NICOLÁS DEL RÍO. Se non podes vir nas redes tamén

podes escribir, contesta no Facebook ou no Twitter da

biblioteca e recolleremos a túa aportación.

 

 

 

 

INFORMACIÓN FIABLE E DE CALIDADE #PDI #ALFIN #AMI #ciencia #LIA #bescolaresgal #bescolaresgalabertas

Sabedores de que moitas aulas xa están inmersas na busca de

información do proxecto "Naturalmente, aprendendo!" sobre a flora e fauna

da nosa contorna, a biblioteca quere ofrecer ademáis dos fondos bibliográficos,

o blog dun naturalista, mestre xubilado da nosa escola que pode aportar información

fiable sobre os bichiños e plantas da nosa vila. O blog é: Ao noroeste do Noroeste

e o seu autor Rafael López Loureiro, ao que este venres poderemos escoitar

tamén no Museo Mares de Cedeira.

Asi mesmo, temos no pobo un estudante de bioloxía, Álvaro Pérez Pérez,

que ten Instagram e Twitter con ampla información sobre a nosa natureza.

Convidámosvos a visitar as súas páxinas se queredes investigar.

 

 

DOCUMENTACIÓN PROXECTO #Axenda2030 #colección #bescolaresgal #bescolaresgalabertas

Novas adquisición para documentarnos no proxecto "Aprendendo, naturalmente!".

 

 

 

PROXECTO INTERXENERACIONAL "Naturalmente aprendendo!" #ABP #ALFIN #AMI #bibliotecacreativa #Axenda2030 #ODS #FamiliasnaBE #bibliotecainclusiva #bescolaresgal #bescolaresgalabertas

A nosa escola atópase mergullada nunha contorna natural chea de cousiñas por descubrir.

Son moitas as especies de animais e plantas que podemos ver nun simple paseo e que

ás veces non somos quen de ollar ou de percibir sexa por descoñecemento,

por non darlle importancia ao ser cousa habitual ou polo simple ir e vir da vida de

hoxe que cada día se fai máis rápida e non nos deixa pararnos a pensar, observar ou apampar.

Temos multitude de fauna miúda, paxariños que cantan ao noso paso, flores únicas, unha reserva

mariña ou simples felgos, que por non ser tan simples sobreviven dende a Era Terciaria.

 Co obxectivo de reconectar e de tecer redes interxeracionais queremos fomentar o encontro e o

intercambio de coñecementos e valores cun proxecto de traballo que vén da man da nosa biblioteca.

Trataremos de tomar tempo e observar a natureza: ulila, escoitala, explorala, prestarlle

atención e descubrir un mundo cheo de vida.


 

 

https://www.facebook.com/bibliotecacarloslabranha/
@beCarlosLabrana
biblio.nicolas.del.rio@gmail.com

 

 

 

 

COIDAMOS OS DENTES! #MesdaCienciaenGalego #Ciencia #FamiliasnaBE #bescolaresgal #bescolaresgalabertas

O alumnado de cinco anos está inmerso nun proxecto sobre

"Os dentes e o seu coidado. Este ano iníciase o proceso de caída

dos dentes de leite e a aparición dos novos. Así que estes días o

Ratiño Pérez visitou moitas casas.

Para documentarse debidamente buscaron a unha dentista profesional:

Mey Lin Apac, que ofreceu moita información e resolveu unha manchea de 

dúbidas que transitaban polas súas cabeciñas.

Estes peques xa están montando unha pequena clínica dental na aula

e traballando con  numerosos recursos para coñecer o fascinante mundo dos dentes.

Sendo o proxecto o eixo motivador para numerosos conceptos

básicos da etapa infantil na que se atopan.

 

 

 

 

 

IV CONCURSO DE PODCASTS: POEMAS CRIOULOS! #Radionabiblio #ALFIN #AMI #LetrasGalegas22 #florenciodelgadogurriarán #bescolaresgal #bescolaresgalabertas @RadioGalega

 

Chegou o día! Xa podemos escoitar e difundir o podcast "Poemas Crioulos".

Queremos celebrar con toda a comunidade educativa este premio

e agradecer a súa colaboración. Todas/os e cada un/unha somos

importante e todos temos algo que aportar.

Gozade do podcast!

Moitos parabéns!!
 
 
 
 
 
 
 
 

VERBAS NAS AMÉRICAS #ABEtenapalabra #Radionabiblio #bescolaresgal #bescolaresgalabertas

Viaxando polo mundo sen moverse da biblioteca o alumnado realizou

unha investigación para recoller unha pequena mostra de palabras

dos diferentes países onde emigraron os galegos na dictadura franquista.

Unha vez máis solicitamos a colaboración da comunidade

educativa para facer medrar as palabras.

 

Podedes enviar a vosa aportación ao correo: biblio.nicolas.del.rio@gmail.com

 

 

 

 

DÍA MUNDIAL DA AUGA - FALADOIRO "O dereito á auga" #DíaMudialdaAuga #bescolaresgal #bescolaresgalabertas

Polo Día Mundial da auga tivemos a visita de Miño Guerreiro,

voluntario da ONGD Enxeñería sen Fronteiras.

Realizou un faladoiro sobre o dereito do acceso á auga.

Quedamos con moitas ganas de saber da súa experiencia en Honduras,

así que volveremos a velo.

PROXECTO: ROTEIROS EN FAMILIA! #ABP #ALFIN #AMI #bescolaresgal #bescolaresgalabertas

O alumnado de 2º de primaria continúa poñendo en valor o noso patrimonio.

O proxecto "Roteiros en Familia" iniciado o curso pasado,

pretende coñecer en profundidade a nosa vila, da man das familias e do profesorado.

É unha actividade compartida onde teñen que atopar á mascota da nosa

biblioteca, o noso famoso percebe Percebiño!

Comezaron enviando unha carta ás familias.

Posteriormente, realizaron na aula virtual un xogo de fuga,

onde conseguiron pistas para a localización de Percebiño.

No transcorrer do xogo tiñan que documentarse na biblioteca,

preguntando a algún avó ou avoa... investigando.

Aquí temos a algúns deles na localización. Chegamos a Castro Sarridal!!




En breves as súas obras... Parabéns rapazada e familias!


 

 

PROXECTO: CEDEIRA É UNHA VILA! #ABP #ALFIN #AMI #Axenda2030 #aBEtenapalabra #bescolaresgal #bescolaresgalabertas

O alumnado de 2º de primaria investiga sobre o noso concello,

o Estatuto de Autonomía de Galicia e a Constitución Española. 

A biblioteca Carlos Labraña é un lugar de pesquizas e creacións.

O producto final é a creación dun lapbook para recoller toda a información.

Posteriormente, aproveitan a celebración da Constitución para visitar o

Concello de Cedeira. Alí ven as instalacións, coñecen a persoas que 

traballan no Concello, preguntan polas súas funcións, sentan na sala de

pleno e realizan unha serie de preguntas preparadas na biblioteca.

Deste xeito, relacionan contidos aprendidos dun xeito práctico e vivenciado.

Materias creados pola mestra Dulce e o blog de amestraCris.

 

 

 

Distribuir contido